[ALIGN=CENTER][TABLETEXT="width:90%;background-image:url('http://upload.up3.cc/uploads/images/up313040484001.jpg');"][CELL="filter:;"][ALIGN=center]
[/ALIGN][ALIGN=center]
مدخل /
قال صلى الله عليه وسلم : " إن الله ليرضى عن العبد أن يأكل الأكلة فيحمده عليها
أو يشرب الشربة فيحمده عليها" أخرجه مسلم في صحيحه .
السلام عليكم ورحمة الله
إن شاء الجميع بأحسن حال 
أكلات متواضعه لعيونكم الحلوة .. وأعتذر إن كان منها متكرر لأن دخولي هنا قليل , و إن شاء الله تعجبكم مطاريسي 
..~
● حلى الماركة < ختير أوي >:
تذوبين كاكاو خام , أو جالكسي بحمام مائي بعدين تحطينه بكاسات بلاستيك تقريبا سمكها ثلث سم .. وتدخلينها الفريز لين تجمد , بعدين تطلعينها ,, وتكونين مكسرة كيس شعيرية تكسير صغير مرة وحامسته ع النار إذا صار أشقر تبعدينه عن النار وتخلطينه بنستله وترجعينه شوي بس .. بعدين تحطينها بالكاسات فوق الكاكاو وتدخلينها الفريز .. إذا جمدت تطلعينها وتحطين طبقة ثالثة وهي بسكويت أوريو مغموس بحليب غمسة وحدة لا يذوب .. أو تطحنين الأوريو وتحطينه ع النار مع نص كاس حيب سايل لين يختلط زين وتكون هذي الطبقة الثالثة ..
أما الصور /
هذا شكل أول طبقة " الكاكاو" بالكاسات الورق أو البلاستيك ..
.
.
وهذا شكلها بعد ما تخلص :
صورة أقرب /
وبالعافية ع قلوبكم 
● حلى الأناناس الكذاب :
هذي المقادير :
2 بكيت بسكويت السمسم / كاس جوز الهند / كاس حليب
1/2بيالة ماء / 1/2 بيالة زيت / ملعقة بكنج / فانيلا / 3 بيض
تخلطينها بالخلاط ثم تحطينها في صينية من تحت وفوق ..
بعدين تخلطين نستلة مع جبن كيري أو مثلث ثم تحطينه فوقه وتدخلينه الفرن شوي بس لين يجف لا يتحمر ..
بعدين تصفين عليه بسكويت السمسم ..
بعد كذا تجيبين نصف علبة سفن وتغلينها ع النار مع ظرفين كريمه ..
لين تغلي ثم تحطينها ع الصينية وتدخلينها الثلاجة ..
إذا تماسكت طلعيها وقصصيها بغطاء البكنج ..
هذي الصورة وهو في الصينية /
وهنا بعد ما قصصته وحطيته ف أوراق بيليسيه /
وبعافيتين
● حلى العلب /
عاد هذا حلى العجازين ..حلاي إذا صرت عجله هه
تطحنين أورويو و بسكويت جوزاء ... ثم تخلطينهم مع ظرفين كريمة وظرفين دريم ويب و سكر مطحون وقشطة وحليب جاف و شوي نستلة .. تجملينهم بالهيرشي أو فستق أو غيره وبث ..
والمقادير حسب اللي بدك تسوينه ..
هذي صورته /
وبصحة وعافية
●حلى المثلثات < يمي يمي 
تحمسين كوب وربع حليب لين يشقر ..كل ما تحمسين أكثر أفضل ..
بعدين تخلطين بالخلاط /
ثلاث بيض / فانيلا / علبة زبدة بدرجة حرارة الغرفة / ملعقة ونص بكنج
وقشطة / فنجان سكر ..
بعد ما تخلطينها تخلطينها بالحليب المحموس يصير لونه بني ..
تاخذين نصف المقدار وتحطينه بصينية وبالفرن من فوق وتحت ..ترى بسرعة ..فوق لين يجف تقريبآ لا تطولين عليه ..
بعدين تطلعينه من الفرن وتكونين خالطة بالخلاط /
نص كاس سكر / نص كاس حليب جاف / قشطة / 4 جبن
وتحطينه ع الطبقة الأولى تدخلينها الفرن لين تجف من فوق بس ..
تطلعينها من الفرن وتحطين باقي الطبقة البنية وتدخلينها من فوق لين تجف .. ثم تدخلينها الثلاجة .. عند التقطيع تقطع مربع ثم مثلث ..
هذا صورته /
وبالهناء
● حلى البطاطس ..
تسوين عجينه عادية بعد ما تخمر .. تكورينها .. وتكون مقاسات مو نفس التكوير .. وتحشينها بالكاكاو ..
بعدين ترشينها من كل الجوانب قرفة وتدخلينها الفرن ..
عاد أنا خليتها شكل واحد ولا بين مرة إن شكله بطاطس , وغير ذلك رشيته نستله لأننا نحب الحلا هه :
عاد هو شبيه تقريبآ ب : خلية القرفة .. واللي هي تعجنين عجينه عادية بعد ما تختمر .. تحشينها جبن و ترشين عليها قرفة ناعمة وسكر ناعم وتدخلينها الفرن .. بعد ما تطلعينها تصبين عليها نستله ..
هذي صورة الخلية ..بس لا تدققون بالنستله خبركم راعين حلا ههه :
وبـ صحتين
● حلى الزبادي :
بسكويت مطحون مع زبدة ترصينه بالصينية .. تحطين بالخلاط :
فنجان سكر / زبادي / ثلاث فناجين سكر أو أربع .. بعد ما تخلطينها تحطينها ع الصينية وتدخلينها الفرن مع فوق لين يجف بس ..
.. نص كاس ماء مع ظرف كريمة تحطينهم ع النار لين يغلي .. ثم تحطينه بشويش ع الطبقة البيضاء .. ثم تدخلينها الثلاجة .. شكلها /
● أقماع التورتيلا < 
نجهز حشوة الأقماع :
تحمسين بصل + ثوم ..ثم تحطين عليه دجاج فيليه + فلفل بارد + فلفل حار + بهارات + ملح + جزر مبشور لين تنضج بعدين تسكرين عليها وتحطين بقدونس + شبت + ثلاث ملاعق جبن كاس :
.. التورتيلا طبعا إذا كان عندك بالفريز .. تطلعينه قبل بوقت ولا تحطينه بالميكرويف .. حرارة الجو تكفيه ..
تقطعين التورتيلا الدائري شكل + بيطلع لك أربع مثلثات ..
تسوين كل مثلثة ع شكل قمع وتسكرينها بالجبن المثلث ..
إذا خلصت الكمية .. عاد حشيها بالحشوة السابقة وصفيها ف صينية ..
وادهنيها بحليب أو بيض وحمريها شوي من فوق .. شكلها :
.. إذا كنت مستعجلة ولا مو رايقة .. لفيها لفائف , لأن القمع يمكن يآخذ عليك وقت .. مثل كذا /
● السبرنج رول ( يمي يمي بعد هه ):
حشوته أنا سويتها نفس حشوة التورتيلا , بإمكانك تسوين أي حشوة تفضلينها .. وإذا بتحشينها جبن ممكن وأفضل جبن مالح :
.. لف السبرنج له طريقتين / بس للأسف نسيت أصورهم ) :
~ إن شاء الله تفهمون شرحي لأن طريقتي باللف أسهل من الطرق المتداولة .. تخلين شريحة السبرنج شكل معين , بعدين تلفين أطرافه اليسار واليمين ع الداخل وتحطين الحشوة وتلفينها ..تسكرينها بعجين ..
الطريقة هذي أفضل من أنك تخلينها مربعة أمامك وتلفين جهة اليسار واليمين ع الداخل .. بعد ما تخلصين من الحشوة تقلينهم بزيت حار ...
وبالإمكان تسوين كثير وتدخلينه الفريز .. متى ما أردت تطلعينهم وتقلينهم .. هذي السبرنج /
.. دلعتهم بالفيونكة الحمراء 
وبـ العافية
● شاورمتي المفضلة /
بصل وثوم يشوح ع النار لين يصفر ثم تضيفين دجاج مقطع شرايح طوليه + فلفل أحمر + أخضر + أصفر + فلفل حار بعدين صويا صوص + ملح + بهارات + صلصة + طماطم .. بعد النضج تبعديها عن النار وتضيفين : أصابع بطاطس مقلية + ملعقتين ما يونيز وملعقتين جبن كاس وملعقة طحينه وملعقة شطه وملعقة زبادي أو حسب الرغبة .. و بقدونس ..صورة المقادير :
بعدين لفيها .. >> الخبز الرهيف :
الخبز الصامولي < رغبة العائلة
● كفتة السمك :
سمك هامور فيليه يقطع بعدين تتبلينه > بصل + ثوم + كزبرة + ليمون + ملح + بهار سمك ( هذا إذا بتقلينها ع طول بدون ما تسوي كفته :
أما الكفته ما يحتاج تتبيل السمك لكن أفضل تبليه شوي .. ثم تسلقينه
مع السلق تضعين عليه ليمون + 2حبة هيل + بصل )
..تسلقين 2 بطاطس ,, بعدين تحطين السمك بعد النضج بطاحونة البصل .. بعدين تطحنين السمك مع البطاطس مع بقدونس وشوي كزبرة مع بيضة مع ملح وفلفل وبهار وفص ثوم ..
بعد ما تطحنينها تكورينها ثم تقلينها .. صورة أثناء القلي /
يالله النجاة من النار 
.
هـنـآآ بالنهاية /
هذي بتاع جيراننا بدنا نذوقهم إياها .. نصها كفته ونصها سمك عادي والجزر الحد الفاصل بينهما
● التوست ( 
) :
الحشوة اللي تفضلين /
تونة / حشوة دجاج / جبن وزعتر / جبن وخيار وطماطم ...الخ
هنا .. تقطعين التوست 2 مثلث تحطين الحشوة وتغطينها بالمثلث الثاني .. تدهنينها بالمايونيز وترشين عليها زعتر .. وتسوين عليها شكل الشبكة أو أي شكل بالجبن الشرايح < مضيقن علينا بالثلاجة قلت لازم أدور له وظيفة 
ولاّ بدك تفردينه بعدين تقطعينها بالقوالب أي شكل :
أو تفردينه وتحشينها ثم تلفينها وتمسكين الأطراف بالمايونيز وتحطين من جهة بقدونس مفروم والجهة الثانية جزر ... أو جهه سماق وجهه زعتر ../
● السلطة المشكلة | رهيبة |
يقطع مكعبات صغيرة كل من :
الباذنجان / البطاطس / الزهرة / الجزر .. ثم تقلى ~
تسلقين معكرونه الأشكال اللي عندك ..طبعآ معكرونة صغيرة مرة ~
يقطع خيار وبقدونس .. ثم تخلطينهم مع بعض ..
وتخلطين بالخلاط / 3 ليمون + ملح + شوية أوراق نعناع ومايونيز + ملعقة ونصف طحينه + ملعقة صغيرة زيت زيتون ..بعدين تخلطينها بالسلطة ..:
.. أنا حطيت جزر مبشور وطماطم .. لا تحطين أفضل يمكن :/
● معكرونة البيتزا × البشامل ..
تسلقين معكرونة .. بعدين تخلطين بالخلاط :
3 أو أربع بيض وهم بالخلاط تقطعين عليهم جبن كيري أو مثلث
تقريبآ 6 أو 7 حبات .. بعد الخلط ..تحطينهم ع المعكرنة بالصينيةطبعآ بعد ما تخلص .. بعدين تحطين عليها ملعقتين جبن كاس مع نصف قشطة مع بيالة كريمة خفق .. وتجملينه بالطماطم والفلفل والزيتون :/
خارج النص /
*~*~*~*~*
عاد هينآ الله يسلمكم أختي الصغنونة .. تعبت ودخلت المستشفى
رقدوها أربع أيام .. اسم الله عليها :
^^ القعدة المصونة
~ بعد ما طلعت سويت لها حفلة إقالي بفرحها .. لعلها ما دَرَت عن
بس أشوى عزمت عيال جيراننا عشان تتشجع ..
هذي من صور حفلتها /
>>>
>>>
>> هذاها ~ هداها الله وجلست
في إحدى الصباحات الجميلة ض1 :/
^^ هذي من الرواقة قاعدة أحتري الباص ما بغى يجي 
,, أكرهـ هاللحظة ) :
< من قدك يا خالد المنيف سويت لك دعاية مجانية
أعذب تحية لكل من نورني 
مخرج /
قال صلى الله عليه وسلم: إذا أنفقت المرأة من طعام بيتها ، غير مفسدة
فلها أجرها ، وللزوج بما اكتسب ، وللخازن مثل ذلك".أخرجه البخاري في صحيحه
رغـيد ~
[/ALIGN][/CELL][/TABLETEXT][/ALIGN]
إن كان للسناعة عنوان ..ف رغيد عنوان السناعة << ذذ
.. 
>>الله يــخليها لكم 
.gif)
الله يحرم ايدينك عن النار
العرض العادي
