الحياة ليست رجل ياعزيزتي

[أشغلتموهــا]

مرحبا ،،
بقول لكم اللي عندي وكل وحدهـ تقول اللي عندها بس رجاء لاتتهاوشون مع بعض وتضحكون الرجال علينا
بتكلم هنا عن المراه بعد الزواج بعيدآ عن الواجبات اللي اوجبها الله عليها لزوج
بتكلم عن الحريه

حبيباتي ماتلاحظون معي ان المراه لما تتزوج تقطع الصله بصديقاتها القديمات وشخصيتها تتغير ويصير كل تفكيرها رجلي ورجلي
مثال/انا ودي اسوى كذا لكنه هو مايبي واللي تبي تسويه ماهو عيب ولاحرام

ok
ماختلفنا طاعة الزوج واجبه لكن مو معناتها يتحكم بي مثل اللعبه اللي يفرها ويتركها ع الارض تمشي ويحوسني حوس ويخرب علاقاتي باللي حولي

ليش الرجل لما يتزوج نلاحظ عليه ماتغير فيه شيء سوا انه صار ينام ع سرير نفرين
ليش الرجل ماقد غير من نفسه وقال مرتي تبي كذا ؟
الرجل مو هو اللي فرض رايه عليها من نفسه هي اللي عطته مجال لهذا الشيء
يعني اللبس وتغير الشكل لعبت الحرمه تروح تشاوره وتأخذ رايه وشو له ؟

واللي استغربه لو زعل طاحت هي بفراشه تقل الحياة تبي تتوقف بعدهـ
عنه مارضى ،،
ويصير هو الغلطان المشكله

فعلا انا ملاحظه ان الحرمه رجله هو اللي يدبر به ويعبر به
اجل حاط بالبيت قناة المجد ومانعها من النت وهو يدخل النت 24 ساعه وعندهـ بالاستراحه كل القنوات وماخذ راحته ع الاخر وهي لا
ليش انت حلال عليك وحرام عليها
والمشكله هي مبسوطه تقول هو يغار على ياحرام ,,
وفيه اشياء كثيرة اشوفها ع الرجل تقهرررر وبنفس الوقت يمنع زوجته عنه
ابي افهم الحرمه كيف ترضى كذا
اخر شيء سمعته عن الرجل يشتري لها ايفون او بلاك لكن بدون تشغيل الخدمه
واذا شاف له صديقه مقربه جن جنونه واي خلاف يقول صديقتك السبب حتى الاخت مايبيها تصير مقربه لاخته يقول انا كل شيء بالنسبه لك
يلعب عليها
وهو عنده مليووون صديق
ومتواصل مع كل اخوانه
اقسم لكم فيه رجل مايبي زوجته تقرا كتب يقول احسن لي كذا جاهله اي شيء اجيبه له تفرح فيه بدون تكلفه ماتدري وين الله حاطه
كيف كذا..؟
شغل البيت يبي له ساعه بس
باقي الساعات وش تسوى؟
طفشششششششششششش
لاصديقات
لانت
لا نادي رياضي
لا دراسه
لادورة
لا بلاك
لا ايفون
لا قراهـ

يعني حياتها بس رجلي ورجلي
لابوها من حياة
اخرتها سبع عيال ويطقها بحرمه ويشتري لولدها الكبير سيارة ويشيل يدهـ منها
وتروح الغيرهـ المزعومه

ارجوكم يابنات ارجوكم والله كلامي من قلبي وربي
عيشو حياتكم كما تريدون بحدود العقل طبعآ ,,الرجل قومي بواجبه احترميه لكن مع حفظ حقوقك وواجباتك ونفقتك وحطي ع النفقه مليووون خط تراها واجبه عليه واللي ماينفق على زوجته يعتبر دين يحاسب عليه يوم القيامه
وكذلك ارجوكم عدم التهاون في الدخول بخصوصياتك

ايوه تحبيه تموت فيه عطيه مشاعر ومعامله بس مو فلوسك اذا كنتى موظفه ولا تنازل عن حقوق وسماح له بالدخول بخصوصيات



اقول قولي هذا واستغفر الله لي ولكن
وترانى اقصد البعض مو الكل
بعض الحريم مافي اقدع منهم اخذهـ حقه كامل مكمل وماقصرت معه بشيء
والبعض الله يصلح الحال







مع السلامه

[الفتى السمنسي]

ذالحين أنت متوكد إنك بنت

مسألة طاعة الزوج فهي واجبة ومن حقه أن يمنعك من شيء يضرك حتى لو كان يمارسه هو شخصيا . ألسنا قوامون على القوارير

[ليلـ]

مرحبا‏أشغلتموهــا
لاتعميمي الله يخليك نواد ر وقلة اللي تقولي عني كذا
صحيح فيه رجآل تفكيرهم دوني ومتسلط بس مو الكل
مثل مآفي زوجات مكرهات ازواجهم العيشه لاتلومي الجنس الآخر فقط

[أشغلتموهــا]

اقتباس:  المشاركة الأصلية كتبت بواسطة ليل التجافي     مرحبا‏أشغلتموهــا لاتعميمي الله يخليك نواد ر وقلة اللي تقولي عني كذا صحيح فيه رجآل تفكيرهم دوني ومتسلط بس مو الكل مثل مآفي زوجات مكرهات ازواجهم العيشه لاتلومي الجنس الآخر فقط

اهلين فيك ليل
صحيح مو كلهم وانا ماعممت لكن المفروض البنت اول ماتدخل بحياتها الزوجيه يكون لها شخصيه وحفظ لخصوصياتها ولاتعطيه اي مجال عشان يتعود ع هالشيء واذا عنده نية هبال يتراجع من الاول
لان اول الحياة يكون فيه هيبه للحرمه
تصير رسميه معه عشان مايدري وش وراها
يعطيك العافيه

[رمز الحياة]

يمكن اللي يمنع زوجته من النت أو التفلزيون يخاف أنها تسمع توصيات ونصائح تدعوا الى عصيان الزوج مثل ما ذكرتيه

[فتاة المستقبل]

اقتباس:  المشاركة الأصلية كتبت بواسطة الفتى السمنسي     ذالحين أنت متوكد إنك بنت مسألة طاعة الزوج فهي واجبة ومن حقه أن يمنعك من شيء يضرك حتى لو كان يمارسه هو شخصيا . ألسنا قوامون على القوارير

لا مو من حقه يمنعها من شئ وهو بالاساس يمارسه ..

هاللحين الحرمه لو ترفض من زوجها شئ جا طاري الدين عندكم وحرام معصية الزوج ..

طيب معصية الزوج مثله مثل الذنوب الثانيه الغيبه والنميمة والكذب ,,خصوصا الكذب عند غالب الرجال زي السلام عليكم ..

[sozo]

فيه اختراع يسمونه العنوسه يفكك من التبعل الشرعي للزوج احسبيها وقرري هل تريدين ان تكوني اميره في بيتك معززه مكرمه وعندك موظف خاص اسمه الزوج يوديك ويجيبك ويشوف طلباتك مقابل اشياء المراءة الصالحة تعتبرها امور عاديه ونعمة من الله بها عليها او تكوني في بيت اهلك لا مكدر ولامندر ولااحد يحرمك من القائمة الي سرديها

[أشغلتموهــا]

اقتباس:  المشاركة الأصلية كتبت بواسطة رمز الحياة     يمكن اللي يمنع زوجته من النت أو التفلزيون يخاف أنها تسمع توصيات ونصائح تدعوا الى عصيان الزوج مثل ما ذكرتيه

والله اني قايله مافيكن فايدة واقصد اللي مثل نمونتك
ايه خلاص روحي خلي طاعتك له تنفعك اللي قلته مافيه عصيان لزوج فيه حفظ لحقوقك

[أشغلتموهــا]

اقتباس:  المشاركة الأصلية كتبت بواسطة فتاة المستقبل     لا مو من حقه يمنعها من شئ وهو بالاساس يمارسه .. هاللحين الحرمه لو ترفض من زوجها شئ جا طاري الدين عندكم وحرام معصية الزوج .. طيب معصية الزوج مثله مثل الذنوب الثانيه الغيبه والنميمة والكذب ,,خصوصا الكذب عند غالب الرجال زي السلام عليكم ..

كفو والله انت المستقبل كله بس وين اللي يقتنع
حياك الله

[أشغلتموهــا]

اقتباس:  المشاركة الأصلية كتبت بواسطة sozo     فيه اختراع يسمونه العنوسه يفكك من التبعل الشرعي للزوج احسبيها وقرري هل تريدين ان تكوني اميره في بيتك معززه مكرمه وعندك موظف خاص اسمه الزوج يوديك ويجيبك ويشوف طلباتك مقابل اشياء المراءة الصالحة تعتبرها امور عاديه ونعمة من الله بها عليها او تكوني في بيت اهلك لا مكدر ولامندر ولااحد يحرمك من القائمة الي سرديها

العنوسه مو اختراع ياروح ماما
العنوسه حاله مثل الزواج والطلاق
ومثل ماقلت بالعنوان الحياة ليست رجل
الكرامه مش بالاذلال لرجل
يعني مافيه حل وسط يابيت اهلى على كيفي او اتزوج وانحرم من القائمه اللي سردتها
تصدق شكلي بغير راي خاصه انك قلت رجل يودين ويجيبن
وصار سبب الزواج رجل يوديني ويجيبني

التبعل الشرعي
مش اني اقدم واجباتي وانسى حقوقي

[رمز الحياة]

اقتباس:  المشاركة الأصلية كتبت بواسطة أشغلتموهــا     والله اني قايله مافيكن فايدة واقصد اللي مثل نمونتك ايه خلاص روحي خلي طاعتك له تنفعك اللي قلته مافيه عصيان لزوج فيه حفظ لحقوقك

الله لاتعمينا
ناضري المعرف زين

[أشغلتموهــا]

اقتباس:  المشاركة الأصلية كتبت بواسطة رمز الحياة     الله لاتعمينا ناضري المعرف زين

اها رجل انت
ايه الله يكون بعون زوجتك

[فسقــان]

المشاركة الأصلية كتبت بواسطة أشغلتموهــا




سلآمن من الله وقولاً رحيم

مرحبا ،،
بقول لكم اللي عندي وكل وحدهـ تقول اللي عندها بس رجاء لاتتهاوشون مع بعض وتضحكون الرجال علينا

دخلت لموضعكَ برجلي اليمنى ... يستحق ذالك
لكن شد انتبـآهي بالسطر الاول بانك تحاورين بني فصيلتك وهن نون النسوه هل لنا الحق بالمداخله يامعشر الذكور ..؟ ..؟
لان قضيتك سلمتس الله تقشعر منها الابدان وتتعض لهـآ القلوب ...

[أشغلتموهــا]

اقتباس:  المشاركة الأصلية كتبت بواسطة مشغول و شاغلني     المشاركة الأصلية كتبت بواسطة أشغلتموهــا سلآمن من الله وقولاً رحيم مرحبا ،، بقول لكم اللي عندي وكل وحدهـ تقول اللي عندها بس رجاء لاتتهاوشون مع بعض وتضحكون الرجال علينا دخلت لموضعكَ برجلي اليمنى ... يستحق ذالك لكن شد انتبـآهي بالسطر الاول بانك تحاورين بني فصيلتك وهن نون النسوه هل لنا الحق بالمداخله يامعشر الذكور ..؟ ..؟ لان قضيتك سلمتس الله تقشعر منها الابدان وتتعض لهـآ القلوب ...

اهلا فيك
تفضل خذ راحتك بس ياليت تكون ردودك في محور الموضوع بعيد عن شخصي
ترى الدنيا اخذ وعطا
وممكن بأسلوبك اللطيف تقنعني واغير رايي

[طقاقة بدون مايك]

وشو خير ... للحين به نآس هكآ ..

عندهم كلشن ممنوع ...



أساسا اساسا اساسا ... الاشيآ الي ذكرتيه حضرتس هآذي أشيا مفروض ) حرية شخصية (... وين كيآني و ين عقلي .. وكل من جا قآلي ممنوع و حرآم و عيب و مايصير وما يصلح ومو هيك... خخير يبو !


آشغلتموهآ دومتي ي بعدي :$

بس م أتوقع بوه نآس هكآ للحين:$


‏