تكلم حتى أراك ...!!

[" TWIX "]

الله يذكرك بالخير يا موضوعي ( خياس X خياس ) منه وأنا ساحب عليكم يا أهل "زوايا أنثى "
ولاني معبركم .. مشكلة عاد ..
بصراحة لكم وحشة .. وخاصة بعد الطاقم الإشرافي الجديد ..
المهم .. في أحد المرات ..:
لاحظ سقراط أن كل تلاميذه قد سألوه فأجابهم إلا واحدا ..
فالتفت إليه سقراط قائلا له : تكلم حتى أراك ...!!
وهذا كناية أن الإنسان مخبوء تحت لسانه وأن الناس لا تراه بقدر ما تسمعه
فنحن معشر الشباب ما إن يحل علينا ضيفا في استراحتنا العامرة بأهلها نجلس
أمامه بكل أحترام وتقدير ولا تكاد تسمع إلا همسا وتتبدل الأخلاق مع بعضنا البعض
إلى : سم .. أبشر .. آمر .. وترى الإستراحة في حالة استنفار ورسمية لا مثيل لها
وبعدما يتكلم ولو بنصف كلمة ويجيب العيد ونعرف حينها إن اللي قدامنا هدوم ما بها أحد
تنقلب الصورة رأسا على عقب ...!!
الأصدقاء ...
محمد أخرج بكت المالبورو وبدأ ينفث في وجهه .. وعبدالعزيز حط قناة غنوة وبدا يهز برأسه طربانا ..
وفهد ذهب يضبط له رأس معسل ع السريع .. والرابع قال للضيف قم صلح شاهي ...!!
إحنا لما يجي الواحد ويتكلم عن :
الكورة .. الفنانين .. والممثلين .. آخر موديل سيارة .. البالوت .. إلخ
خلاص تذوب هيبته ويصير هو وأسطوانة الغاز واحد .. وإن كانت الإسطوانة
لها وجودها وأهميتها ..
أنتن يا بنات متى المرأة تكسرون الرسمية معها وتصير كأنها من حمام الدار وتصير تشبه دبة غازنا ...؟!!


خاتمة ..
وكائن ترى من صامتٍ لـك معجـبٍ . . . زيادتـهُ أو نقصـه فـي التكـلّـمِ

[اوكسجين بريده]

اقتباس: أنتن يا بنات متى المرأة تكسرون الرسمية معها وتصير كأنها من حمام الدار وتصير تشبه دبة غازنا ...؟!!

ههههههههه
حنا يالبنات أول شي كلن بالعن ألسانه , بس خل تطلع سالفه سالفتين تطلع ولا من حمام الدار خخخخخخخخخ

موضوعك توحفه صراحه , يعطيك العافيه

[كل القلوب تغيرت]

هههههههههههههههههههههه
حنا يالبنات مهما حاولنا نكسر الرسميه مانقدر
لان مواضيعنا موب مثلكم رسميه بالعكس عشان كذا الواحد يخاف تطلع منه كلمه يندم عليها
عآآآآآآآآد الحريم ماينقلون الكلام ابد هع
تقبل مرورري

[الأرجوانه]

عن نفسي اسكت اول مااجي > مستحيه
همن بعد سالفه سالفتين ابداء اكب العشاء هههه
,
بس طبعا اذا عند الحريم اسسكت ومستحييل اتكلم اخاف اكب عشاااي همن ابلش بالعجز
اما عند البنآت لا عآدي الدعوى فري استانس على كيفي
,
بس حنآ ترآ عشانا مووب مثل عشاكم
حنا عشانا مؤدب
امآ أنتم خذ وخل
,
تقبل مروري ..

[شعاع الكون]

ايوووووووه انا نفسك يالارجوانه اول ماادخل استحي واصير رسميه وحالتي حاله وبعد السواليف خلاص انفل واضحك ولاببالي بس مومع الحريم طبعا
مع البنات اللي بعمري

[اميرة الابتسامه]

انا ببدايت الجلسه استحي واخجل بقوووه
واتشعمط بأمي من الفشيله ولااناظر الناس من الحياء بس منزاتن راسي والعب بشوشتي ههههههه
همن لاقربت الروحه انفل واضحك وكل ابوشي

[فتاة المستقبل]

خخخخخخخخخ << تذكرت الخياس

انت ما تدري اللحين الحريم هابات بالرسميه ,, مع كل الجهات ..يخافن يروح البرستيج تبعهن...

بعدين انتم الصراحه ما بكم ملح لا بدت الميانه بينكم ,, تطلعون كل اللي بروسكم مافي احم ولا دستور ..

[" TWIX "]

اقتباس:  المشاركة الأصلية كتبت بواسطة ٱۆگسجين بريدھ     ههههههههه حنا يالبنات أول شي كلن بالعن ألسانه , بس خل تطلع سالفه سالفتين تطلع ولا من حمام الدار خخخخخخخخخ موضوعك توحفه صراحه , يعطيك العافيه

الله لا يغير علينا ..
اتجه الموضوع 56 درجة شمالا والسبة أنتِ
دائما المواضيع تدرعم ورا أول رد وعلى حسب مفهومية صاحب الرد الأول
وهذا دليل أن نعاني من كسل تشغيل المخ .. أو تأجير عقول الآخرين للتفكر عنا .
ما علينا .. عاد من زين الموضوع ..
ملاحظ إنكن ما عندكن رسمية أبدا .. ولا تدرين كان الرسمية توكل وإلا تشرب ..
المرأة من يوم تجلس بجنب مرأة إلا كل وحدة تأخذ برنت عن الثانية
ما عندكن لا خطوط حمراء ولا خطوط طول ولا عرض ..
أحسدكن .. إحنا الواحد لا جلس كأنه شيلدون اللي لو يعطس طاح بنك بكبره
يشوف الناس حشرات لو تسلم عليه يجلس ساعة يشاور نفسه يرد وإلا مايرد ...!!

[" TWIX "]

اقتباس:  المشاركة الأصلية كتبت بواسطة كل القلوب تغيرت     هههههههههههههههههههههه حنا يالبنات مهما حاولنا نكسر الرسميه مانقدر لان مواضيعنا موب مثلكم رسميه بالعكس عشان كذا الواحد يخاف تطلع منه كلمه يندم عليها عآآآآآآآآد الحريم ماينقلون الكلام ابد هع تقبل مرورري

بسألك الرسمية من أي أنواع الفواكهة ...
لو الرسمية واقفة عليكن كان تهش الذبان ما عليها سوق ..
بالعكس يا عزيزتــي ..
أنا اللي أشاهده إنكن تميلن للتلقائية في شتى مجالات حياتكن .
لا تعرفن للرسمية طريق .

شكرا لمرورك وتنوير المتصفح ..

[أحب نفسي]

[size="4"]أصلآ ماعندنآ موآضيع رسميه ,,
صدق والله ,,
البسآط أحمدي من أول لقاء [/size]

[هلاوين]

توكس دخلت موضوعك عرض لانه مايخصن


الحريم مايفلن وتكثر الميانه الابعد بسط البساط ووضع المالوف الاخضر والمشروب الاصفر هههه

[Miss Tala]

موب لازم احد يرى احد ...الموهم انه موجود ..........((ابعدت عن الموضوع ماودي اشغل مخي

[تَـرفْ ♪]

أنا اشوف العكس !
الرجال متواضعين وبسيطين ويتكلمون بكل أريحية , وهذا الغالب مثل ما أشوف
أما الحريم ابووو الجحـــــــــــادة , لو وشو ماقالت[أ]
تتكلم بالناس صح , بس عنها لا


اكثر مايتكلم من الحريم
بالمستشفيات , تكب العشششاء على سسسسسنع
تعرف اسمها واسم زوجها ووين يشتغل وكيف شكله
وهل هو طويل او قصير , سمين معصقل .. وش يحب يأكل وش يكره
وشوي شوي تقولك بعد اسبوع زواج اختي واني بلشة مدري وش ألبس
تحرين وش يناسبني , الفستان الأحمر ولا الأخضر !!

هالعينات ما أشوفها بمجتمعي الا قليييييييل


مجرد وجهة نظر
تشكرات أخ تويكس

[متى يطيب الجرح]

اعتقد الرسميه للمراه..لاتقارن بالرجل..

واذا عرف السبب بطل العجب..^_^

المراه بطبعها تحب القرقر التسثير..فلذلك اعتقد هالكلمه بقاموسها..ماله اثر ..

ولكن..فيه حريم تحب تكون رسميه ..او بمعنى اخر..تنشد عن كل شئ يخصك..واذا سئلتها عن نفسها صارت تلف وتدور..ماتبي احد يدري عنها بشئ وبنفس الوقت تحب تتشرف على الخلق..

عن نفسي..اعرف لي حريم تجمعن بهن صلة قرابه قويه والى الان ماامون عليهن..!!

يسلمو على هيك طرح ..

[" TWIX "]

الأرجوانة..

اقتباس: عن نفسي اسكت اول مااجي > مستحيه همن بعد سالفه سالفتين ابداء اكب العشاء هههه

يعني مكينة ديزل ..

اقتباس: بس طبعا اذا عند الحريم اسسكت ومستحييل اتكلم اخاف اكب عشاااي همن ابلش بالعجز اما عند البنآت لا عآدي الدعوى فري استانس على كيفي

بالله الحريم الكبار إيش ثقافتهن ..؟!!
أحسن كراث .. وزوجة فلان حامل .. وذيك طلقها زوجها .. وما غيرها فلانه
عرفتيها فيها شد عضلي بالرحم ..

اقتباس: بس حنآ ترآ عشانا مووب مثل عشاكم حنا عشانا مؤدب امآ أنتم خذ وخل

بكون صريح معك .. أحيانا عشانا يكون في قمة الأدب
والأغلب عشانا يكون لابس من غير هدوم ..
يعني ربك يستر ..