حـوآر بين لاب توبين !!

[الخيآلي]

السلام عليكم

أنقل لكم هذا الحوار
............
حوار بين لاب توبين

حوار بين لاب توبين يقربون لبعض بس من بعيد وتقابلوا صدفه في كوفي شوب

وصار كل واحد يسآل الثاني عن أخباره :

لاب توب 1: مساء الورد

لاب توب 2: مساء الإكسل
لاب توب 1: طمني عليك .. وش أخبارك..؟
لاب توب 2: والله توني مسوي فورمات من يومين .!
لاب توب 1: أفا يذا العلم.. عسى ماشر.؟؟
لاب توب 2: ابد والله كالعادة رفيقي إستقبل ملف على الماسنجر وضاعت علومي.!
لاب توب 1: وين الحماية عنك.؟
لاب توب 2: والله معي رفيقي المهبول هذا لا حماية تنفع ولا مكافحة تجسس.!
لاب توب 1: كم عمرك انت..؟ يؤ يؤ يؤ آقصد رفيقك كم عمره.؟
لاب توب 2: عمره 18 وماكملها بعد.
لاب توب 1: الله يعينك عليه .. شكله مخفة أجل .!
لاب توب 2: يابن الحلال كل ماجته إضافة على الماسنجر قبلها .. وهذا غير الغرف بالشات اللي مسنتر فيها 24 ساعه.!
لاب توب 1: تصدق آنا رفيقي اللي إشتراني ماعمره دخل غرف شات من عرفته .!
لاب توب 2: يابختك والله .. وش يسوي أجل.؟
لاب توب 1: والله مريحني آخر راحة .. يدخل على تداول ويبيع له كم سهم ويشتري كم سهم وعقبها يطلع بدون ولا كلمة.!
لاب توب 2: أجل شكله هامور من هالهوامير اللي نسمع فيهم .؟
لاب توب 1: أي هامور بس !! ماتشوف الضربة اللي في الشاشة.؟
لاب توب 2: إلا لاحظتها بس إستحيت اسألك عنها .
لاب توب 1: هذا طال عمرك مره خسف السوق وحط حرتة فيني ..! وضربني على وجهي خلتني ثلاث أيام في الصيانه لين تشآفيت ولله الحمد .!
لاب توب 2: طيب والحل.؟
لاب توب 1: آنا بالنسبة لي بينحل موضوعي قريب.!
لاب توب 2: كيف.؟

لاب توب 1: شكلة ناوي يشتري لاب توب جديد وبيقدمني هدية لأخته أو أخوه
.!
لاب توب 2: يابختك وبس.. حتى بهذي آنا منحوس فيها .!
لاب توب 1: ليش.؟
لاب توب 2: لأن رفيقي ماعنده إخوان.!

.
.
.

طبعا منقول

[شميساوي]

هـهـهـهـهـهـهـهـهـهـ

تخيل عاد كل شئ يهرج .... والله من الهبال

[shahd2007]

ماآشاء الله الخيالي منزل موضوع بالاستراحه ...

ههههههههههههههه حلو الحوار بين الاب توبيين

اقتباس: لاب توب 2: والله توني مسوي فورمات من يومين

يآحرآآآم يكسر الخاطر هالرد احس انه تعبان ..

اقتباس: 1: هذا طال عمرك مره خسف السوق وحط حرتة فيني ..! وضربني على وجهي خلتني ثلاث أيام في الصيانه لين تشآفيت ولله الحمد .!

احسسسسن هذا اللي يصير مع هامور خلك معنا حدنا منتديات وماسنجر .

منور الخيالي ومشكوورعلى الحوار الظريف جدآ

[»•° عطر الليل °•«]

[align=center]<-- ايو الله الخيآلي

منووووووووووور يابعدهم انت

ههههههههههههههه والله يآهو حوآآآر بعد

اقتباس: لاب توب 1: أي هامور بس !! ماتشوف الضربة اللي في الشاشة.؟ لاب توب 2: إلا لاحظتها بس إستحيت اسألك عنها . لاب توب 1: هذا طال عمرك مره خسف السوق وحط حرتة فيني ..! وضربني على وجهي خلتني ثلاث أيام في الصيانه لين تشآفيت ولله الحمد .!

ههههههههههههههه تخيلت الشاشه طلعنبوهـ صعرور

والله رحمتوهـ المسكين ههه

//

مشكووووور الخيآلي على الحوار المضحك

منوور يالغالي .,~[/align]

[حسام الغانم]

اقتباس: لاب توب 1: تصدق آنا رفيقي اللي إشتراني ماعمره دخل غرف شات من عرفته .!

شكله لابي القديم هههههههههههههههههههههههههههههههههه

بس حلو الحوار والله فله ههههههههههههههه

[برق الوسم]

الخيالي ..

اين انت ؟!
عاش من شافك >>ماني مصدق !!


الخيالي الله يسلمك ابيك تعفط اصابعك . وتصننننننننننن على راسي >>>يعني ابي قنعه عشان اصدق انك مازلت هونا ..



ههههههههههههههههههههه طلع براصي شي يقرقع

يسلموووو يالخيالي على السالفة

لك عابق وباسق وعامق تحياتي وكل ابو شي ..

[عبود زمان]

اقتباس: لاب توب 2: أجل شكله هامور من هالهوامير اللي نسمع فيهم .؟ لاب توب 1: أي هامور بس !! ماتشوف الضربة اللي في الشاشة.؟

ههههههه منين طلعت يالخيالي ماشاءالله
خلاص لا عمرك تهج

اما هالجملتين قسم إنه أنواع التنسيم بهاللي مألفه [/align]

[موسى العناز]

هوع روعه

يسلمو خيالي

[لجه]

اشونهن ما يهرجن كان يطلعن الفضايح الله يستر على الجميع ويهديهم ...

[X 7oor S3od X]

أتشووو .. أتشووو .. وش هالغبار اللي بالإستراحه هههههههههههههه
الخيالي والله ياأنت ترااااااااث ..
يبي من يحنطك ويحطك بالجنادريه خخخخخخخخ

أوما الحوار ههههههههه
يكسرن الخاطر يابعدي ..

يامل الثانكيوو يالخيالي ..

[نــف نــف]

اقتباس: لاب توب 2: والله توني مسوي فورمات من يومين .!

هههههههههههه لآيصيــر لابتــوبــي

تشنكـ{آأإأآت

[بسومة بريده]

يابعدي يالاب توبي الي مقلعينن اسنانه....

[الخيآلي]

اقتباس:  المشاركة الأصلية كتبت بواسطة شميساوي     هـهـهـهـهـهـهـهـهـهـ تخيل عاد كل شئ يهرج .... والله من الهبال

تخيلت معي هههههه
أسعدني مروركـ

[نعومه ودلع]

[align=center]لابتووبي يحمد الله ويشكره انه معي بس لو الله يفكه من إصبع اخوووي الصغير
الخيااالي يسلموووو ع الحوااار التوووحفه كسبت اجر الابتوباااات بنصير نعتني بهم عقب هالحوار....[/align]

[قلب الأسد]

الخيالي وين الناس ,, اوووما هالحوار هههههههه تنسيم ,,,