[align=center]
:
.
والله ما تنام زعلان يابو ضاري وشرهتك وصلت ..[/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/45.gif" border="double,4,darkblue" type=2 line=1 align=center use=ex num="0,black"]
خلـّها / والدور عندي .. طرق من طرق الدخيل=الدخيل اللي بناها .. وأن ضوت بك / خلـّها
من لـّها / لا صرت ابوها .. وأمّها راس الفتيل=الفتيل أزرى باخوها .. وأن غدى أخته / من لـّها
جلـّها / من دقـّها .. والمعاني ميل / ميل=كل ميل اليا مشيت .. وجاك دقه / جلـّها
تلـّها / ما عاد تسوى .. والله أن قلبي عليل=العليل اضحت عروقه .. في يمينك / تلـّها
ظلـّها / سود العيون .. ورمشها عز المقيل=المقيل اليا كواني .. ما حماني / ظلـّها
فلـّها / لا جيت اسولف .. لا تحط / ولا تشيل=لا تشيل إلا ثيابك .. والجدايل / فلـّها
زلـّها / بيض الرهايف .. وابرد الجوف الغليل=الغليل أن فاح ريقك .. وسط ريقه / زلـّها
دلـّها / حُمر النواهد .. بس تكفى لا تميل=لا تميل وهاك صدري .. لا تواست / دلـّها
علـّها / والكبد ضميا .. وأنت ترعد ما تخيل=لو تخيل الفين غيمة .. ما بَرَتْ من / علـّها
كلـّها / ما عاد بذخر .. عنك يا راع الجميل=الجميل وما نسيته .. هاك روحي / كلـّها
شلـّها / لا جيت أغنّي .. لال وا لالي يا ليل=كم ليل وكم ليل .. من العذاب / اشلـّها
ذلـّها / ما هو بعزي .. لا عزيز ولا ذليل=الذليل اللي تعزه .. ما يعزه / ذلـّها
غلـّها / والغيره اللي .. ذوّقتني ألف ويل=ألف ويل ولا روت .. من حر مابي / غلـّها
حلـّها / لامن عقدها .. يا تحيل / أو ما تحيل=ما تحيل الا بكيفي .. كان تقدر / حلـّها
بلـّها / لا ضاق صدرك .. واشطب الحرف بمزيل=المزيل وما حواه .. بكاس مويه / بلـّها[/poem]