|| . . مـَواقـِف مـُحـرجـَة . . ادخـُل وأضـِف مـَوقـِفـَاً . . ||

[هامة حاسوبية]

[align=center]




مرحبا بالجميع

في لحظة من اللحظات ، فكرت أن أعود حيث الصبا ، وأيام الشباب ، وزهرة الماضي وأدخل الاستراحة ، وبعد مضي أسابيع من العصر والخلط خرجت بموضوع عفوي بين ليلة وضحاها ، وهاقد أتيت لأسدحه لكم فوسعوا المجلس بارك الله فيكم

فكرة الموضوع يا إخوان >> تراي دائما أتكلم مع الجماعة بصيغة المذكر فلذلك لحد يفهم غلط

المهم نرجع لقطر حديثنا ، فكرة الموضوع إن كل واحد يدخل هنا يمسط لنا موقف محرج مرّ عليه - بس طبعاً ما يتعدى حدود الأدب !! -


موقفي اليوم مدري هو محرج مدري هو محزن مدري مضحك >> أجل شلون منزله بسببه موضوع ؟!


المهم الموقف ياجماعة الخير بينما أنا قاعدة مع أختي اللي بتحج >> يعني ترا أختي حاجة مير ادعوله ترجع بالسلامة

المهم كانت تتكلم لي عن شريط لابن عثيمين الله يرحمه كان عبارة عن فتاوى ، سمعته هي عشان تتثقف وما تقع بأخطاء أثناء الحج ، المهم كانت تقص لي قصة واحد متصل من مصر ، وقال إن مرتي سوت كذا وكذا بالعمره فوشرايك ياشيخ ؟

قاله الشيخ : زوجتك لا تزال محرمه !!! لازم ترجع لمكة مرة ثانية وتتم عمرته وتحلل

قال : ياشيخ أنا بمصر الحين ؟!!

الشيخ : بمصر وإلا السعودية ! زوجتك للحين محرمة ولازم ترجع به وتسوي اللي قلتلك عليه



>> هذي أنا

أخت هامة : وشبك ؟؟

هامة : أنا مسويه مثل ماسوت هالمره

أخت هامة : احلفي ؟؟

هامة : والله العظيم !! يعني لو سنواااااااات وأنا محرمة وللحين ماتحلل إحرامي ؟!!

أخت هامة : يا الخبلة أنت ! زين إنك عرفتي الحين بعد بغلطتك ! طيب ولو خطبك واحد الحين وقال أبي العرس بالعطلة الطويلة نقوله لا اصبر البنت للحين محرمه ماتحللت ؟؟

هامة : والحل ؟؟

أخت هامة : اتصلي على شيخ وقوليله كل شي

قمت أنا مثل الصاروووخ مع إنه ماكان لي حيل ، وسحبت التلفون وطلعته من الغرفة عن الإزعاج ، عشان أكلم شيخ وأسأله

ورجعت بسرعة مرة ثانية

هامة : طيب مستحية أقول للشيخ أنا !

أخت هامة : عادي ، قولي أختي !

هامة : صح

وأطييييييير للتلفون نوبتن ثانية وأدق على شيخ >> تراه ما اندبلت تسبده من أبد

وبعد السلام >> السلام تحية الإسلام مب شي ثاني لحد يفهم غلط

سألته ، وأول ماخلصت سؤالي

الشيخ : وتزوجت أختك ذي ؟

هامة : لا ياشيخ ماتزوجت >> إحراااج

الشيخ : خلال هالسنوات ذي ماتزوجت ؟؟

هامة : لا لا >> أنواااااااااع الروعات

الشيخ : طيب ! هذي المسألة فيها قولين دقي علي بعدين وأعلمك إن شاء الله

هامة : يعني متى أدق ؟ بكرى ؟

الشيخ : لا بكرى بنمشي للحج !

هامة : أها ! الله يحفظكم ياشيخ ويسهل عليكم >> عادي لا تدققون ، تراه من القواعد من النساء



مير ادعوا إن الله يسهل أمري


ما يستفاد من القصة :

الله يخلف علينا ! نظل جاهلين بالدين ! حتى بأهم وأبسط الأمور


انتهى غفر الله لي ، وبانتظاركم





[/align]

[بنت البدائع]

وش أنتي مزينه يامال القطع


الله من المواقف المحرجه ياهامه ... من كثرهن عجزت أصيد شي <<< صارن أرانب

أبشري باللي يجيبلك كل المواقف إذا تذكرتهن




وأثرتتس تحوسين معنا كل هالأيام بالمنتدى وأنتي محرمه عاد وش يبي يفكتس من أبعلق عليك إلين ماتحللين من حرامك

هامه ياحقه

[بنت البدائع]

جيت طايره تذكرت


هذا الموقف صار لي بالإجازه الصيفيه الماضيه ...


الله يسلمك وحده من خوياتي المقربات لي حيل حيل تبي تتزوج

ولما جاء يوم الزواج طلبت مني أروح معها للمشغل >>> على قولة الوالد أنا الربعيه حقته


المهم.

رحت معه
ياعمري ياأنا طالعه من البيت من بعد صلاة الظهر وأذكر أني كنت جوووووعانه

رحنا للمشغل وجلست هي تشوف شغله مع الكوفيرات ولما أذن العصر رحت أنا
أسوي شغلي بمشغل
قريب عند هالمشغل <<< متاعمله معهم


ويوم خلصت شغلي جيت أبرجع لمشغل خويتي

طبعاً السوق كان مليان عالم من هب ودب يخترشون

وأنا العمه طالعه كاشخه من المشغل وأمشي على رجولي

ومادريت إلا وأبزخ على وجهي قدام العالم <<< كله من الكعب

تشوفين الرجال هالمهابيل قاموا ضحككككك علي

والحريم يسّمن علي <<< مقيوله يابعدي رحوووومات

ولحسن حظي طحت قريبه لشلة فلبينين قسم بغيت أطب على واحد من قربهم لي

ولو تشوفين العبايه كيف صارت

شهباء لهباء

أنا قلت وش أبقول لخويتي لادخلت عليه بالمشغل
تبي تنهبل من عبايتي

رحت لدورة المياة اللي بالسوق <<< أكرمك الله

وأجلس نفض بهالعبايه لين غدت خرقه من كثر النفض

والرجلين كلهن زلووووط
والركب بخبر كان

قسماً تبهذلت بهذله ذاك اليوم
وجاني شي ماتتوقعينه من هالطيحه
سرررررررررررر

تخيلي إلى الآن ماعلمت خويتي بالموقف

[جمان البحر]

هههههههههههههههههههههههههههههههههههههههههههههههااا ااااااااااااي ..

مواقفك تموت من الضحك خاصة مسطة بنوتتنا ..
بس الحين مخي مسكر أغديهم يثبتون الموضوع لين أرجع من الحج ان شاء الله ..<<كل التفكير بالحج ..

[أمــ الحب ــير]

[align=center]
مرحباً خيتو هامه ..

تصدقي الأستراحه أحلى من الجلسه في العام مافيها غير العناد من الأعضاء ..

نرجع لمحور موقفك ..

تسمحي لي أظحك بقوه ....

يعني كل ذالوقت جالسه معانا وانتي محرمه ..

الله يرجك ياهومه لا يسمعونك أذاعة البي بي سي و ربي راح يفضحون موقفك فضيحه بقلاقل ..

مثل ماصار لبنت القطيف وصلت قضيتها لموسكو وعرفت فيها جريده نيويورك تايم ..

بصراحه موقفك مو طبيعي هههههههه .. بس ماراح أعلق عليك لآن لي مواقف ألعن من موقفك هذا ..

بس حبيت أسجل حضوري بصفحتك الأولى ولي عوده بأذن الله ..

تحيتي أيتها المرأه المحرمه طوال تلك السنين ..

[/align]

[هامة حاسوبية]

[align=center]

اقتباس:  المشاركة الأصلية كتبت بواسطة بنت البدائع     وش أنتي مزينه يامال القطع

منب معلمتس >> تراه شي عادي وأهلي حتى كانوا معي ولا أحد أنكر علي أو حس إنه غلط

اقتباس:  المشاركة الأصلية كتبت بواسطة بنت البدائع     أبشري باللي يجيبلك كل المواقف إذا تذكرتهن

هع هع

ننتظر كل المواقف يالغلا

اقتباس:  المشاركة الأصلية كتبت بواسطة بنت البدائع     وأثرتتس تحوسين معنا كل هالأيام بالمنتدى وأنتي محرمه عاد وش يبي يفكتس من أبعلق عليك إلين ماتحللين من حرامك هامه ياحقه

ههههههههههههههه

تراه ذيك عمره مب حج ، يعني قولي يا عمره مب يا حجه





[/align]

[& جمال الطفوله &]

ههههههههههه مواااقفكم رووووعه



لي عوده ان شاء الله ,,,

[شاطئ الراحة]

[align=center]


هامة حاسوبية ..

إطلالة رائعة .. و موقف ظريف بقدر أنه يحمل شيء من التفكير لحين عودة شيخنا الفاضل ..

هامه .. قد يكون الصمت من الشيخ هروب من السؤال فقد تكوني محرمة حتى الآن .. .. لذلك

عليكِ أن تخبرينا ماذا عن إجابة شيخنا الفاضل .. ننتظركِ ..

موقفي ..


أظن البعض يذكر قصتي مع والدتي .. في جوالها الأول .. هذه القصة أو هذا الموقف قريب له و لكن بتطور عن الآخر ..


قبل عدت أيام طلبت ممتشي- أمي طبعاً - جوال كاميرا .. و الحمد لله بعد صراع من الإقناع و البحث عن حلول - لم تكن حلول و لكن من يقوى على الحريم - وصلنا أنا و هي على أن أشتري لها جوّال يناسب إحتياجاتها الخاصة - مو سهلة الماما - ..

و بعد ما إشتريت لها جوّال على رغبتها و على ذوقها و أجبرتني على أن أحضر لها محفظة للجوال - جراب - يناسب ميولها النسائي و يسير وفق ما تتطلبة الموضة .. كان بين يديها جوال n73 ..

لا يخفى علينا ما تملك المرأة من مكر و خداع .. و هذا المكر واقع لا محاله .. ولكن مع الأسف الشديد أن أرى - أمي - تلعب عليّ كذا .......

بعد ما شغلت لها الجوّال و كان على أحسن حال .. طلبت مني طريقة تكوين الرقم السري للجوّال و سويتها لها بناء على رغبتها .. و حفاظاً على خصوصيتها .. و - خزنت - رقم سري خاص و لا يعلم بهذا الرقم في قارة آسيا سواء أنا و أمي .. و هذا بحد ذاته إنجاز كبير يسجل في سجلات الماما ..

ولكن بعد ساعة تقريباً .. كان مالم يكن في الحسبان .. الماما .. غيرت الرقم السري لجوالها و أصبح شاطئ الراحة في محل يأس لما في جوّال ماماه ..

سألت الماما .. و قلت لها !! ليه غيرتي الرقم السري ..

قال لي باللفظ .. و أنا أعرف رقم جوّالك السري ..


ما يستفاد من الموقف .. أن المرأة مالها أمان !!


تحيتي لكم[/align]

[بنت البدائع]

هههه بصراحه موقف أخونا شاطئ الراحه خيالي ..


عبقريه الماما الله يمتعكم فيها.

تذكرت موقف للماما بتاعتي بخصوص الجوال..

بس مامتي عليميه بالتقنيه مو زي ماما شاطى مبرمجه هه

أمي مره أرسلتلها بنت خالتي رساله
قالت لي تعالي علميني ودي أرد لها الرساله
أناجلست أتصفح معها الرسايل اللي بالجوال قلت أيهم تبين أرسل
جلسنا نبحث وطاحت عيني على وحده
قالت الوالده لا لاترسلين ذي
قلت ليه؟
قالت زينه ذي أبيه ..

آثر الوالده تحسب الرساله إذا أرسلناها لأحد تروح من الجوال للمرسل
وخلاص تفقده هي
خخخخخخخخخخخخخخخخخخخخخخخخ

بصراحه نكته تجنن ..

[هادي الطبع]

هامه موقف رائع والاروع حضوري لموضوعك >>>>> واثق خخخخخخ


لي عوده بعد عصر المخيخ حتى يخرج لنا ماكان قديما

[& جمال الطفوله &]

هههههههههههههههههه

موقف شاطى وبنوته ررررررررررررروعه ...

الله يخلي امهاتكم لكم ..... ,,

[ŋŌuƒ]

ياحبيلك هامة ليتك اقبالى احبك( مووووووووووووووووووووووووة)
كل السنين هاذي محرمة مشاء الله عليك
قولى امين


ثم امين




ثم امين



ربي يكتبلك انشاء الله انو الشيخ مايقولك لا زم ترجعى مكة
انتظر لما الشيخ يرجع ويخبرك

[ŋŌuƒ]

موقف طازج بس امس حصل ولما دخلت النت تذكرت موضوعك هامة وقلت لازم اروح واكتبة فية
الموقف بينى وبين بابا
ملكة الاحساس جالسة على النت ومنسجمة اخر انسجام با الدنيا
************************************************** ******************************
بابا بغرفتة طلع جااء على غرفتي دق الباب ملكة الاحساس انتى فية يا بابا
انا انطلقت فتحت الباب ايوة بابا بغيت شيء
بابا = ايوة الله لا يهنك ابغا كاسة موية
انا =من عيونى
الموقف المضحك وين اختكم من الانسجام الزايد عن حدة الكيبورد حقى لا سلكي وطول ما اكلم باب وهو بيدى وكمان
اختك انزلت المطبخ طبعا الكيبورد بيدى دخلت جبت الكاس صبيت فية موية (طبعا للحين البورد بيدى)
ابوى يصوت من فوق ملكة الاحساس جيبى معاك مناديل من المخزن
انا= خلاص
اختكم العبقرية راحت تجيب المناديل وهى تجيبها ياربى ويش اسوى اشلون اشيلهم (للحين مو حاسة )
وبعد عدة محاولات حطيت الكبورد بالطول وفوقة المناديل والموية با اليد الثانية ورقيت
انا=دقيت الباب بابا ادخل
بابا = تفضلى
وبعدها دخلت البابا باندهاش متكامل المزيا والايحاء التام علامات ؟؟؟ مرسومة علية
بابا = الله يعطيك العافية بس ممكن سؤال مع وجود علامات الضحك علية طلبت موية ومناديل بس ما طلبت الكيبورد
اختكم الذكية وقفتتتتتت وبعدها انفجار هائل وانا قاعدة احل واربط كيف اشيلهم هههههههههه اما ابوي راح فيها ضحك ولى الحين يعلق
الدرس المستفاد** وانت منسجم قد تفعل اى شيء

[حزام الأمان]

خخخخخخخخخخخخخخخخخ اخس ياهامة اجل محرمة!!!!!لووووووووووووووووول

بصراحة عندي موقف بس قمة الاحراج ماراح اقوله >>>>>>> غباء ليش اكتبه

الا على موقف الاحرام ,,,,,,,,امي راحت مع اخوي لما كان صغير لمكة من كم سنه
المهم اخوي كان عمره 15 مايعرف العمرة كويس طاف وصلى ركعتين وسعى قالتله امي رح حلق وتعال للغرفه قال طيب

امي لما دخلت الغرفه لقته واصل قبلها ونايم بعد !!!!!! الحلو ماحلق وفك حرامه ونام لوووووووووووول >>>ياشين المبزرة

[متغربه]

اقتباس:  المشاركة الأصلية كتبت بواسطة بنت البدائع     هههه بصراحه موقف أخونا شاطئ الراحه خيالي .. عبقريه الماما الله يمتعكم فيها. تذكرت موقف للماما بتاعتي بخصوص الجوال.. بس مامتي عليميه بالتقنيه مو زي ماما شاطى مبرمجه هه أمي مره أرسلتلها بنت خالتي رساله قالت لي تعالي علميني ودي أرد لها الرساله أناجلست أتصفح معها الرسايل اللي بالجوال قلت أيهم تبين أرسل جلسنا نبحث وطاحت عيني على وحده قالت الوالده لا لاترسلين ذي قلت ليه؟ قالت زينه ذي أبيه .. آثر الوالده تحسب الرساله إذا أرسلناها لأحد تروح من الجوال للمرسل وخلاص تفقده هي خخخخخخخخخخخخخخخخخخخخخخخخ بصراحه نكته تجنن ..

ياااااااااحبيييييييييله اميمتك وه بس



اجل تحسب الرساله تروح متحسفتن به


والله اني مت من الضحك بنتي تناظرن تقول وش فيها امي انهبلت




هههههههههههههههههههههههههههههههه





قولي امين الله يسعدك ويخليك لاميمك


ومشكوره ياهامه موضوع يجنن بصراحه