طريقة طبخ الجراد وكيفية أكله ؟؟؟؟!!!!!

[بدرالوابلي]

في زمن الجوع كان للجراد قيمته فكان الناس يحتفلون بقدومه رغم أنه يقضي على كل شيء مخضر من النباتات عدا المضره وهذا سر طعمه الفريد والمقرمش . وورد ذكره في الحديث الشريف بقول الرسول صلى الله عليه وسلم ...(( أحلت لكم ميتتان السمك والجراد )) معنى الحديث .والنوع المرغوب للأكل هو (المكن ) وهو المائل لونه للأحمر الممتلىء بالبيض في وسطه ..... بينما الزعيري وهو الأصفر يكون في مرحلة النمو ولم ينضج بعد ويكثر في السواحل الغربيه للمملكه قادما من افريقيا .
ورغم أن الجهات المختصه تكافحه بالرش بالمبيدات لخطورته على المحاصيل الزراعيه الى أنه يباع بسعر غالي ويصل سعر النصف كيلو الى خمسين ريال وأكثر في الوقت الحالي
وينبغي الحذر فا المبيدات لها تأثير على صحة الأنسان على المدى البعيد .... ويتساءل البعض عن طريقة طبخه والبعض يشعر بالقشعريره لمجرد التخيل كيف يؤكل ؟؟؟؟؟

طريقة طبخه :-
يحضر قدرين حجمهما على حسب الكميه المراد طبخها ويضع فيهما الماء حتى الثلثين تقريبا .ومشخال لرفع الجراد بعد طبخه ونقله من قدر الماء المغلي الى قدر الماء العادي .
يحضر قدر واحد على النار حتى يغلي الماء ويضاف الملح على حسب الكميه ...
بعد الغليان يحضر الجراد (بخيشته ) وهو حي ثم تفتح الخيشه من الأسفل حتى لايطير بعضه ثم يوضع بسرعه داخل القدر حتى ينضج (من دقيقتين الى خمس دقائق) ويغطى القدر بالغطاء مع أطفاء النار .
ثم يفتح الغطاء ويرفع الجراد بالمشخال الى القدر الثاني حيث يكون هناك شوائب وربما حشرات ضاره ومؤذيه كالعقارب ؟؟!! أي يتم تنظيفه بالفرز ....

كيفية أكله :- ينزع الرأس ثم همممممممممم وبالهناء والعافيه ....خشخشخشخشخشخشش أنها تقرمششش ؟!!!!!!!!

[Queen of buraydh]

ييييع

اانا مدري كيف الناس ياكلون حشررااااات ؟؟؟

[نور الانوار]

وع وع وع وع .......الخ

انا مادري شلون تاكلونه
قبل كم يوم اسمع ابوي يقول ابشري جرااااد .. الله يعيننا
اختي الصغيره تسمي الجراااد جـــنـــدب ههههههههههههه

[متغربه]

اكرم الله النعمه



لا وياكلون البيض اللي جوا




الله على الشرح ههههههههه



ياربيه حااااااااامت كبدي

[كرباج]

وش هالبطون اللي تبلع كل شي

تشاااااااو

[بدرالوابلي]

كوين بريده ...مهوب معناة أني أكتب طريقة طبخه أني آكله ؟؟؟ بس لو حصل لي نظيف مهوب مرشوش أكلته..!!.... بعدين الجراد مهوب حشرات ؟؟؟ شي مثل الروبيان والقمبري !!
تحياتي لك .

[بدرالوابلي]

نور الأنوار ....
... أجل أختك الصغيره تسميه جندب هههههههه ياحبي لها متأثره بزينه ونحول (( هوبلا ))؟؟.. تحياتي لك .

[جلوي العتيبي]

قبل ايام كنت في مشوار

حول البجاديه

كان هناك شعيب اعتقد اسمه أم الصلوم

يذكرون فيه سوق ومزاد للجراد كان يشهد تواجد رائع

لكنه انتهى بإنتهاء الجراد ورحيله

والله ماتقبله النفس ولا له طعم ولانكهه ولارائحه

على فكره اذكر أني جربته علشان إذا سؤلت اقول ايه اكلته

ماتسمع إلا طقطقه وخشخشه بس الطعم مافيش

شكراً بدر

ولاتلزم تعزمنا لأن الغالبيه مثل ماتشوف مايبونه

[العبرى]

لاتكرهونا بالجمبري

خشخشه واصوات

ويأكلونه..!


ياربيه عليكم مزاج غريب

ياللي تأكلونه نظيف ومش نظيف



تحيتي,,,

[بدرالوابلي]

متغربه ... أجل حامت كبدك ؟؟؟؟ أشربي سفن !!
والبيض اللي تقولين مثل حبات الرز العنبر بس أطعم !!!

سعدت بتعليقك وداري أنك تطنزين بشرحي بس عاد الشكوى لله ...أهم شي توصل المعلومه ؟!
تحياتي لك وعلى الود نلتقي أن شاءلله .

[بدرالوابلي]

كرباج ... أذكر الله ..

[جورينا]

بدر الوابلي

تحية لك اخي الكريم ،،

مشاء الله عليك مواكب الموضة عاد الحين الجراد منتشر ،،

واشوف اهلي مستانسين علية ،،

اللهم لك الحمد على النعمه ماادري وشلون يؤكل صراحة قسم اني اكره القدر اللي يطبخ به على طول مصيرة الزبالة وانتم بكرامه

دمت بود

[رعد الشمال]

للمعلومية ثبت علميا بأن
الجراد الذي يعبر من دولة الكويت هو الافضل
لانة يعبر عن طريق الخليج العربي
اما الذي يعبر من جهة العراق فمعظمة
فية فوسفات ومواد سامة منذ حرب الخليج

[عبدالله القيعاني]

عزيزي / بدر الواابلي


تسلم والله يعطيك العافيه على المعلوماااااااااااات ..........
يكفي انه الجراد يأكل من جميع انواع الأشجار .. تجده فيه من الفوائد ...

واكثر شي اشووف الناس تستخدمه الذين يعانون من مرض السكر ..عفانا الله وأياكم منهم ..


بانتظار منك الجديد والمزيد ..


دمت بكل الود والاحترام ،،

[بدرالوابلي]

الأخ العزيز = الزعيم

تقول نفسك ماتقبله ؟؟؟ أجل أنا ناوي أعزمك على كبسة صقنقورات <<يسميه العرب سمك الرمل (سحليه تغوص في الرمال ...مفردها صقنقور ) ... تحياتي لك .