[align=center]
ياليت ان الزمن يرجع ورى والليالي تدور
ويرجع وقتنا الاول وننعم في بساطتنا
زمان اول أحس انه زمان صدق فيه اشعور
نحب ونخلص النيه وتجمعنا محبتنـــــــــــا
زمان مافيه لاغيبه ولاحتى نفاق وزور
ياليت بس لو يرجع ونسترجع طفولتنا
صغار وقلوبنا بيضاء ونعيش بعالم محضور
ولا تعرف ابد اغراب ماغير عيال حارتنا
صحيح صغار بالتفكير لكن ماعلينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم بروحتنا وجيتنــــــــــــا
وعشان نأخر الحصه نخبي علبة الطبشور
نشاغب بس بالاخر تميزنا براءتنـــــــــــــا
نحب الضحك والهيصه نحب انط فوق السور
نفرفش ليه مانفرفش مادام الضحك عادتنا
ولكن دارت الايام وبان الخافي المستور
وصار الهم متعلي على قمة سعادتنا
كـــــــبرنا وصارت الدنيا تصف احزننا بالدور
وتهدينا الالم والهم غصب عن عين رغبتنا
تعبنا من بلاوينا احد ضيق واحد مقهور
وكلن غارق بهمه وفي الاخر تشتتنـــا
وانا ما اقول غير الاياليت الزمان يــدور
ويرجع للورى فتره نعدل وضع عيشتنا
فـــــــــــ أهداء للجميع ــــــــــــــارس[/align]
العرض العادي
