يا الشمري ركب المواتر خســـــارة
لا صــــــار لك خلٍ بعيدٍ وشفقـان
وش لك على الشاصي وأم الغمارة
يضيع وقتك والجهد فيك تعبــــان
اركب على اللي تسبق الصوت تارة
اللي لها وسط السماء كوم دخان
واللي بها السيفين ونخلة شعـــارة
صنع المريكي ما يعد صار جابان
اللي سكنها بالسماء أو مطــــــاره
ما هي على البيدا تمشيك بآمان
يــــــــا ما حلى فوق الغمايم قراره
كنك على صدر المها صرت طربان
ســــــــــــــواقها بالفن يملك مهارة
من قادها يا عبود بالحق فنــــــان
وحـــــــــدد مع الساعة لزومٍ مسارة
مـــاهي سوالف قالها فلان وفلان
تــــــــــأخذ مع المدرج لزوم استدارة
مـــــــــدرج طويلٍ آخرة ما بعد بان
كـــــــــــــن الرحا دارت بذيك المغارة
صوت المحرك يسمعه كل من كان
دار المحرك وأشتعل فيه نــــــــــــاره
نارٍ يجيها القاز من وسط خــــــزان
يــــــــــــــــــــــزمها زم الصقر للحبارة
لامن نزل من فوق الأطباق ضميان
بويينج ما تعرف لهيب الحـــــــــــــرارة
طــــــــــارت وفيها ولّع القلب نيران
تقضي غرض لأهل السفر والتجــــارة
واللي لهم بالغرب علمٍ وســـــكان
واللـــــــــــــي نوى للبيت حج وزيارة
يمسي وسط مكة ويصبح بعمّــان
وفيها الخدم تحت الطلب والإِشــــارة
وايضا المضايف من حلى زين لبنان
الخـــــــــــــــــد بيّن من بعيدٍ حَمَارَه
مـن شافها يشفى ولو كان مرضان
لاسلّمك الزاد بلطف وحضـــــــــارة
وقالت تفضل زادنا صار مجــــــــان
وسلامتكم انتظر ردودكم
العرض العادي
