هل تأكل من طبخ الخادمة

[ابو ريما الخالدي]

اقتباس:المشاركة الأصلية كتبت بواسطة مدرعمهـ لا وآآآآآآآآآلف لا


أيه هذي البنت السنعه
اللي ماتاكل من مطاريس الخدامه
مهب مثل السابقات الله يصلحهن بس
ياأكلن من الفنساء أم الأندومي والدجاج بالكاري

[ابو ريما الخالدي]

اقتباس:المشاركة الأصلية كتبت بواسطة القلم الصريح هههههههههههههه اقول لا يكثر هياطكم ذكرتوني باللي رافع خشمه ويقول لو اموت جوع
ماكلت من مطعم وهم يصيدون متربع على كبسة ولحيمه وسط المطعم افغانية شيعة
الواحد زعابيله تقول صمغ ورق قص ولصق
الخدامه فيها ومافيها النظافة والسنع موزع عليهن وعلى البدو والحضر واللي بالقرى ساكنين .



اقوول ياخلفهم
والله شكلك أنت اللي تتربع بالمطاعم
وتضرب من الرز الى أنه يطلع مع اذانك
جاي تقيس نظريتك علينا
ترانا نتكلم من جد بالموضوع مهب هياط مثل ماتقول

[ابو ريما الخالدي]

اقتباس:المشاركة الأصلية كتبت بواسطة أبو ξـبدالرحمن
لآ ابدا
مالي نفس ماتدري وش تسوي الطبخ



هلا بك
نتفق معك في ماقلت
النفس ماتتقبل الأكل ومستحيل تقدر تأكل

[ابو ريما الخالدي]

اقتباس:المشاركة الأصلية كتبت بواسطة الأرجوانه
ههههههههه ايه موب شرط فيه اكثارين ماعندهم شغالات ولايعرفون يطبخون ~> بس هي وقالت اكثارين (:
هههههههههههههههههههههه يآويلك من الله بعد مااعرف اقطعه زين بس اقطعه دوائر >إيقاله مقطعه
يعني لازم اتعلم اطبخ بيض ~> برآآ
ههه مآلي إلا اخت وحده ومعرسه ( : هههه ماعندي بالبيت احد


عاد هذولاء وين نصرفهم ماعندهم شغالات ولايعرفن يطبخن
أجل من يطبخ لهم هذولاء
أول حياتهم على الجبن والطحنية مثل ابو يمن
ويحليلك تقطعين الطماط دوائر عسى بس ماتتعبين يوم تقطعينها
وتقطعين الطماط بالشوكة والسكين
وتراه البيض لازم تقرين كتاب أبلئ نظيرة علشان تعرفين أتسوينه
وأختك المعرسه خليها تعلمك وشلو ن تقطعين الطماط وتطبخين البيض

[احمد النجم]

اكثر ما (اشمئز) منه في ( اعداد)الخادمات للأكل
هو السلطه!! تحديداً!!

فربما أقبل على مضض (الطهي) حال انه لابديل الا طبخ الخادمه
كأن أكون خارج البيت !
0000000000000000000000000000

تعظيم سلاااام لك اخوي/ابوريما..

[أبو الريش]

الله لايحيجنا لهن

لكن أكل الخادمه أنظف بكثير من أكل المطاعم لأنه غالبية اللي ينتقدون أكل الخادمات يغترون بالمنظر والديكور بالمطاعم ولا لوتدخل خلف الكواليس لقيت بلاوي

لكن يقولون الجوع كافر والواحد لادخل مطعم مايفكر بأي شيئ الا يسد جوعه

نرجع للخادمات: كل خادمه وعلى حسب راعية البيت بنظافته ومراقبته وممكن تاكل من اكلها تحت المراقبه من صاحبة البيت

وفيه بيوت اهم شيئ تاكل ويااكثرهم متعودين على المطرسه

[ابو ريما الخالدي]

اقتباس:المشاركة الأصلية كتبت بواسطة نجد1وي

وعععععععععععععععععععععععع

يابو ريما زميلك اللي يقول المطاعم ماعنده سالفه

انا اتقبل طبخ الرجل ولاطبخ المراءه

مشكله طبخ الشغالات الاكل فيييييييييييييه شششششششششعر

وكذا مره تصدف معي

ياستاذي عندهم قذراه مو طبيعبه

الله لايحيجنا لهم بوقت من الاوقات

تشكرات بو ريما

أهلاً بمشرفنا الراااقي

والله بعذرك تقوول وععععععععع الف مره
وربي ان طبخ الرجل ومطرسته عن الف طبخ شغالة
وهذا اللي ياكل من الشغالة كلناشرهنا عليه
والا ماكثرالله الا المطاعم والا جب كتاب طبخ وخل زوجك تتعلم
تبي تبتل تطبخ لك الشغاله وياليتهم يعرفون وشهي هالقذارة أن يحرمون الشغالات كلها

[ابو ريما الخالدي]

اقتباس:المشاركة الأصلية كتبت بواسطة قـتـالـه

ترا اللي يكره شي يزوله

انا اكره التراب و بتله اقرض كسرة حصاه بلقمتي
ومره برحله طيران وجبة فطور مغلفه .. وقرضت حصاة بالكراوسان

والله يالسفاحه
هذا مهب كره هذي طباله ورفاله
والا به احد ياكل حصيان وتراب
ماأذكر الا فيه شي هو اللي ياكل ولاهمه وبالخصوص العظامه يقرضها تقريض
وأما عاد حصاة بالكراوسان وراااااه اللي مزين الكروسان بالبر
اخاف أنه ضرسك طاح من كثر قرض الحصياان

[ابو ريما الخالدي]

اقتباس:المشاركة الأصلية كتبت بواسطة تميم اللهيب بحكم شغل الوالدة

غصب علي اكل طبخه

بعض الايام اطلب من مطعم الروشن خيال


والله يزين مطعم الروشن
والا الشغالة أسمع نصيحتي لاتأكل منها
هذاك تقول الوالدة الله يطول عمرها ويخليها لكم مهب حولها
يعين اسرح وأمرح بالمطبخ
خلك على الروشن ولاتغيره تراه كلاً ياأخذ منه

[ابو ريما الخالدي]

اقتباس:المشاركة الأصلية كتبت بواسطة سارة عبدالعزيز

السلام عليكم
عزيزي كل شخص له اراى من ناحية الخادمه
انا عندي وحده في البيت ومالي غناة عنها ابد
وزوجي مايحب الا من اكلها لانها نظيفه مره


صحيح كل شخص له أراى فيها
وهي ماجاء الا للكنس والنظافة مهب تطبخ وتنفخ
اجل وشوله يتزوج الواحد علشان يجيب عيااال بس
وهاللي عندك مالك غناة عنها لانها طبخ وتنفخ وتعجن وتطهو << صارت خلاط براون
وزوجك الله لايغيره عليك لابكره يشيلها بكراعينها ويسفرها

[ابو ريما الخالدي]

اقتباس:المشاركة الأصلية كتبت بواسطة كااااجو

اكل طبخ الشغالة اعتقد انها مسألة نفسية ...والمطاعم الحين مهب بس للزنقات اغلبهاترفيه وتغيير

اذا واثقة من نظافتها االشخصية يعني ريحتا نظيفة واصافرها مش طويلة وشكلة مقبول
وكنت مضطرة ليش لا؟؟؟
يبقى عمل الشغالة تنظيف وكنس وغسيل ملابس ومواعين اما طبخ فهذي مشكلة
دمت بود ابو ريما

كلامك سليم هي مسألة نفسية أنا وغيري وغيري
مانتقبل ناكل منها لكن نتقبل أننا ناكل من المطعم وهذا شي نفسي
والمطاعم صارت زنقات ومرقات وكل شي
والشغالة حتى لو كانت قمة في النظافة ماااش النفس ماتقبل تاكل منها
والشغالة عملها كما أشرتي اليه تنظيف وكنس وغسيل أما طبخ لا

[ابو ريما الخالدي]

اقتباس:المشاركة الأصلية كتبت بواسطة المميزهـ هل تأكل من طبخ الخادمة؟؟ وانت هل تأكل من مطاعم ؟؟

الخادمه لو اكلت منها تكون تحت اشرافك ومطبخك اما تأكل من هنود وتقول مأكل من خادمه


أنا ماأكل من الخدامه وأكل من المطعم

والله لو اللي مشرفين عليها وزارة الصحة النفس ماتقبل تاكل منها
وياحبيل ابو هنود هو قذيلته

[ابو ريما الخالدي]

اقتباس:المشاركة الأصلية كتبت بواسطة نملهـ فوشيهـ >>التنين الصيني آيش إذ1 كآن البيت فيه بنآت مآيحتآج الشغآله
مو شرط الشغآله تطبخ بس الغسل والتنظيف يحتآج مسآعده خآصه آوقآت العزآيم
والأختبآرت

>>وإذ1 آضطريت تآكل من مطعم ع قولته آبو ريمآ اللي مآيحب آكل الخدآمه وهي موآعينه نظآف
من البيت ورآعيته مشرفه عليه
آحسن من المطعم اللي لا رقآبه ولا نظآفه>ع قوله هلا وين



شوفي مهب الكل يبي يشرف عليها ان أشرفت عليها اسبوع أو شهر
ماراح تشرف عليها كل وقت
فاالاشراف عليها مهب مستمر معها

[شعاع الكون]

لاوالله مااكل من طبخ الخدامه
الاهل مايبونه تطبخ لان الخدم مهما كان وسخيين
وهذا شي نشوفه

مشكور ابو ريما عالموضوع الرائع

[ابو ريما الخالدي]

اقتباس:المشاركة الأصلية كتبت بواسطة زفرات سنين :

بسبب عملي أعتمد عليها إعتماد كُلي

ويااازين طبااخها فديتها

.


عملك
عاد وش عملك اللي يمنعك من الطبخ
طيب لو نقول الظهر والغداء بسبب عملك
طيب العشاء أيام العطل
تفسرين ذرعانك وتطبخين وتنفخين
والله ماالظاهر توكلكم محمر ومصفر ياأندومي أو كاري
وان طالت سمك سردين