حمله بقيادة(( بنت الشرقيه))

[بنت الشرقيه]

مساء الخيرات

والحمدلله على سلامه الواصلين من السفر
والله يعين الي جالسين في الحر والله مع المسافرين
والله يكون في عون الي بيسافرون
نجي لموضوعنا

يقولون لازم تقول الصدق ولو على قطع رقبتك
وانا ابي اقولكم الصدق
بصراحه احنا نساء طيبات وعلى نياتنا

وما ادري ليش دائما ما يصفوننا بالدهاء وبأننا كثيرات الكلام بغير المفيد
واننا مسرفات وبعيدين عن الحكمه
فقلت يابنت ياشرقاويه ليش ماتسوين لك حمله في باص كبير مثل باصات حملات الحج والعمره

وتجمعين كل حوريات المنتدى وغزلانه
بشعا ر ((لا افتراء بعد الأن))

وننهي تاريخ اتهمنا فيه بالغباء وكثر الكلام وبالضعف وبدموع التماسيح
((مع ان دموعنا ارق من ان توصف بهذا الوصف ))
يعني مخلوقات رقيقات مثلنا يوصفن بابشع الوصف

يعني الخلاصه
خلاصه مبسطه
ان المرأه خلقت(( ناعمه وبريئه وحنونه))

ويمكن ظروف محيطه تغيرها بس لابد ان تعود الى اصلها

واكيد اننا نعني الرجال

وهنا نتهمهم بنشر الاقاويل الا معقوله عن نساء اليوم ونبحث عن
سبب هذه المقائل والافترأت

اخيرا وليس اخرا

لازم تتغير نظرتهم للنساء في هذا الوقت لان الحقائق انكشفت

وياريت غزلان المنتدى يتواصلون معي


وهذا لايمنع ان نسمع من
افكار بعض من الرجال



تحياتي

[السكب روح الشفق]

تبون سواق للباص


ترى حاظر وبعد والله ماسرع واجيب المدام معي محرم

[أخت الرجال]

فيه توصيل خارج القصيم والا لا؟؟؟؟؟

[خزامى نجـد]

يااااااااااا سلام

من صدقك انتي

تبينا نجتمع في باص واحد

والسكب السواق بعد

طيب وش يضمن لك ما يرمون علينا (( قمبله ))

ونروح كلنا فيها

ولا السكب مسوي نفسه معنا وهو معهم

يلقط مدامته ويرمي القمبله و

((يهج ))
(( يفرك ))
((ينحاش))

لا الموضوع يحتاج دراسه أكثر وخلينا بعيدين عن بعض أحسن ... بس اصواتنا مع بعض ولبعض


لا للتجمعات يا بنات

تفرقوووووووووووووا
تفرقوووووووووووووا
تفرقوووووووووووووا




تحياتي لعودتك بنت الشرقيه
خزامى

[بدر بريده]

السلام عليكم

بنت الشرقيه تعرفين تصلحين البنجر ؟

وسلامتكم

[أشرقت]

حنا معك يابنت الشرقيه باللي تامرين فيه
انتي فصلي وحنا نلبس
تحياتي

[الاخـصائي]

السلام عليكم
والله فكره زينه
تجمعو يا فتيات منتدى بريده
والسكب يسوق بكم ونواعده في مكان في محطه همن ينزل كنه يبي يجيب لكم ببسي وينزل مرته ( عاد توه متزوج كان نحطها معكم) همن ناخذ السكب ونشيله بسياره ونكز حدا الشباب الشقرديه ونخليه ايتلطم ونلبس هندي من المحطه عباة كنه مرت السكب وانتم عاد من زود المخ تحسبون هالهندي هو السكب ومرته لان اللي يسوق امتلطم , همن يسووق بكم ويوديكم لمنطقه مقطوووووعه بعيده عن عيون الناس همن انخليكم بالبر ترخكم الشمس ( ترخكم يعني تصك روسكم) همن نجي حنا انتندح قدامكم معنا عسكريم باغات ونقعد نشفط بهالعسكريم ونشرب ببسي ثاااااالج وانتم اتقاطر اشيااء كثيرهمن خششكم كككككككككككككك انواع التقاطر اللي احمر واللي بني واللي نحاسي والللي بنفسجي ؟؟؟؟ ترا ذولي الوان رووج يا عيال نبي نخلي روجاتهم تصبخ رمال النفد<<<<< انواع التعذيب
وه بس وه
همن نفتك منكم ومن تعليقاتكم بالمنتدى
ويصير منتدى بريدة التمساحي فقط
وتحيتي
8
8
8
8
قمت الوفااء للرجال

[الاخـصائي]

انا قاهرتني اللي تحط رووج بنفسجي
والله من زين الذوووق
تلقا خشتها تقل شاشة تلفزيون من لون الروج

[أشرقت]

ياالله ظهر حقدهم التماسيح
ياشين النغر
حطوا لكم حمله وريحونا

[كرباج]

بما ان السكب صار سواق الباص

اجل انا ابجيب معي ترمس تانج برتقال واحط فيه ثلج بعد وبدور عليكم كلكم تعرفون صيف

تشااااااو

[فيافي نجد]

يعني يعني لازم تجبروننا نتعلم سواقة السيارات ..

بسيطه يومين وراجعه لكم !

>>> بس عاد باص ماظن ولا بعد سنتين !!

[هاوي لاغاوي]

الكريمة بنت الشرقية موضوع بحق يستحق الحوار


وهو يثري المنتدى وأعضاءه إذا



وفقتي لقيادته

لك تحياتي وسلامي
هاوي لا غاوي

[الرمادي]

أختي العزيزة بنت الشرقيه


من ناحية الضعف فهي ميزة تحسد عليها النساء لذا فلن نتهمهن بها يوما حتى لايحصلن عليها !

أما بالنسبة لكثرة الكلام فالدراسات تؤكد بأن حصيلة المرأة في اليوم مايقارب ثمانية عشر الف كلمة .. لكن كم كلمة مفيده منها فالله أعلم !!

والغباء أقف ضد من يتهم النساء فيه لأنه ليس صفة مسـتأصله في الكثير منهن ولكنه قد يكون حيلة مستخدمه في بعض الأحيان ..

وأعتذر عن تسمية دموع النساء بدموع التماسيح تجنبا لخدش نعومتهن ولنسميها دموع الكناري !!


وأسأل لكن السلامة في حملتكن الميمونة


ولك تحياتي وتقديري ,,,

[الوحيـد]

أنا ما أشوف إننا تهجمنا على النساء


هم بطريق وحنا بطريق اللي يودينا لبعيد


تحياتي

الوحيـد

[بنت الشرقيه]

هلا بالسكب

حياك الله

المدام على العين والراس خصوصا انها عروس جديده فمانبي نصدمها
بواقعها وانك ايها السكب تبي تصير سواق الباص
نبي ندللها ونخليها هي تسوق فينا
وطبعا من بعد توجيهاتي اكيد هي الحين مستحيه فيك وماتبي تدخل معنا الحمله
بهذه السرعه فنبي نعطيها وقتها بالكامل

تحياتي