المهرجانات في بريدة ... بين المخصرات وبين بناطيل طيحني

[عجوز سمنسي]

اقتباس:  المشاركة الأصلية كتبت بواسطة ثامر الناصر     [align=center]السمنسي تكفى علمنا منهو اللي من أعضاء الفريق الاعلامي عندنا له شدوق ؟ ماأذكر أحدن به شدوق خويانا كلهم شهبان إلا اثنين مماليح أنا وواحد :: بعدين عن موضوعك .. انا تراي مااتهمك بس اتكلم بالعموم وممكن تدخل من ضمن العموم أنت .. وأسير على ماقالت فديكا .. البعض لاقضى مقزقز وشبع جاك طاير للكيبورد ويقوم جلد بالبنيات ياحول !! ابسألك يابعدي هل لما شفت هالبنيات اللي تقول طلعت من الموقع وبسرعة لكي لاتنفتن .. أوكملت الدورة وفليتها ويوم جيت للمنتدى علكت هالبنيات ! وشكرا لك [/align]

والله ياثامر يالزين متعديك

وبعدين ابو شدوق هذا بكيفه مهب لازم نقول اسمه

ليت لك شدوق مثله يمكن نلمح لك بس ماش ياقلبي الحنك طالع عندك يبي وزنية

عادي ياقلبي دخلني مع اللي تبي

من ضمن اللي يقزقزون والا اللي ينصحون

كلها واحد عندي وربي

الاهم اني اخذت لفة وشفت شي ضيق صدري وقيل لي ايضا من ثقات مايضيق الصدر ايضا

وخرجت مهزوما نفسيا لتدني حال بناتنا وابنائنا

اشكرك ياقلبي

[صالح العـيدي]

عزيزي اصابعك ليست وحده موجود منهم التي لاتحتشم وفيه منهم المحتشمه بلبسها واخلاقها وعفافها ..


مانقول غير الله يستر على بنات المسلمين ..

[عجوز سمنسي]

اقتباس:  المشاركة الأصلية كتبت بواسطة صالح العـيدي     عزيزي اصابعك ليست وحده موجود منهم التي لاتحتشم وفيه منهم المحتشمه بلبسها واخلاقها وعفافها .. مانقول غير الله يستر على بنات المسلمين ..

اهلا بك ياصالح

انا ماعممت ومن يفهم التعميم يكون مخطئا

انا اتحدث عن فئة معينة اعتقد انك تكلمت عنهم انت بموضوعك المحذوف

فئة المستهترين والمستهترات

شكرا لك ياقلبي

[X 7oor S3od X]

[align=center]


بكل مكان فيه الخير والشر ..
وبكل مناسبه أو مهرجان تنزل مثل هالمواضيع .. ولا شفنا جديد ..
ولا حركتوا ساكن ماغير فتح صفحات وبسسس ..

بس قسم بالله مدري وش شايفن به الناس هالطرفيه يوم هم يدبتسون له ..
صبختن شهبا يالله لك الحمد ..
حتى المخميات بجنب بعـض الله لا يضيق علينا ..
مدري وشلون يستانسون ويمتدون وهم كــذا ..
الله والعـالم إننا لنا ثلاث سنين ماشفناه ,, وإن رحنا نروح نلقي نظره وحنا بالسياره لا أكثر ..
من يقدر ينزل ويستانس والناس تقل ينهبون نهابه ههههههه

اقتباس: والقمل يسرح ويمرح براسه

يالله إن الشكوى لك !!
ماأبلشه بالحـتسـه ؟

[عجوز سمنسي]

اقتباس:  المشاركة الأصلية كتبت بواسطة & حــور سعود &     [align=center] بكل مكان فيه الخير والشر .. وبكل مناسبه أو مهرجان تنزل مثل هالمواضيع .. ولا شفنا جديد .. ولا حركتوا ساكن ماغير فتح صفحات وبسسس .. بس قسم بالله مدري وش شايفن به الناس هالطرفيه يوم هم يدبتسون له .. صبختن شهبا يالله لك الحمد .. حتى المخميات بجنب بعـض الله لا يضيق علينا .. مدري وشلون يستانسون ويمتدون وهم كــذا .. الله والعـالم إننا لنا ثلاث سنين ماشفناه ,, وإن رحنا نروح نلقي نظره وحنا بالسياره لا أكثر .. من يقدر ينزل ويستانس والناس تقل ينهبون نهابه ههههههه يالله إن الشكوى لك !! ماأبلشه بالحـتسـه ؟

يامال الباحط مير على الرد

الحين تعبانين نكتب وهذي اخرتها وجع

وبعدين وش تبينهم يسوون ؟

شعب صحراوي تبينه يحط مهرجانه بقصر الاليزيه ؟

من الطرفية وجاي

الله يستر على الجميع

تحيتي

[ذات]

المهرجانات عموماً بدون تحديد خلقت لتكون متنفساً للعائله ...وكل عائله لها ثقافه مختلفه بتفكير وبطريقة التعامل وحتى السلوكيات ...
أعجب حينما يوصم الرجل بأنه قليل المروءه والمرأه بأنها شر مستطير ...!!
نحن نعيش موجة التطور والتغير السريع ..والغالبيه العظمى لا تتقبل ذلك التغير وترى انه موجة من الإفساد في المهرجانات ...
للأسف .خرجت المهرجانات عن هدفها المنشود بسلوك الأكثرية سلوكاً شاذاً ..يعبر عن شعب مكبوت تظهر سلوكياته في التجمعات العامه ...
ماقرأته عن تجمع هذا المهرجان عندكم ...يحدث يومياً برياض بدون مهرجانات ..وبشكل مخيف ...بمعنى ان ماكتبته يا سمسنس ..يصير عندنا بأعفن سوق برياض ونسميه بعد قراوه ...
الهيئه تسير لدينا بافواه مكممه ...لا يجرؤون الاقتراب وحدودهم معروفه ...
أحمدوا ربكم على ماانتم فيه ببريده ...من أراد أن يعرف الفرق فليأتي للرياض ..
والله علوم وسوالف حتى بجده ما تصير ...!!!
اجل طيحني ...عندنا طيحني بدون سروال داخلي عورته امام الناس ..وسلاسل وكلبشات واشياء مرعبه ...والحين البنات هم اللي يلحقون ...يعني لسى انتم على القز والكحل والمخصر .....
استعدوا التغير قادم لكم ...مثلنا ...(:


بيني وبينكم رغم اني من عائله منفتحه بكل شيء...
الا اني اكره هذا السلوك سواء بلبس العبائه او بلبس الشباب ...
(تخلف حضاري مشين )


تحياتي ..

[عجوز سمنسي]

اقتباس:  المشاركة الأصلية كتبت بواسطة ذات     المهرجانات عموماً بدون تحديد خلقت لتكون متنفساً للعائله ...وكل عائله لها ثقافه مختلفه بتفكير وبطريقة التعامل وحتى السلوكيات ... أعجب حينما يوصم الرجل بأنه قليل المروءه والمرأه بأنها شر مستطير ...!! نحن نعيش موجة التطور والتغير السريع ..والغالبيه العظمى لا تتقبل ذلك التغير وترى انه موجة من الإفساد في المهرجانات ... للأسف .خرجت المهرجانات عن هدفها المنشود بسلوك الأكثرية سلوكاً شاذاً ..يعبر عن شعب مكبوت تظهر سلوكياته في التجمعات العامه ... ماقرأته عن تجمع هذا المهرجان عندكم ...يحدث يومياً برياض بدون مهرجانات ..وبشكل مخيف ...بمعنى ان ماكتبته يا سمسنس ..يصير عندنا بأعفن سوق برياض ونسميه بعد قراوه ... الهيئه تسير لدينا بافواه مكممه ...لا يجرؤون الاقتراب وحدودهم معروفه ... أحمدوا ربكم على ماانتم فيه ببريده ...من أراد أن يعرف الفرق فليأتي للرياض .. والله علوم وسوالف حتى بجده ما تصير ...!!! اجل طيحني ...عندنا طيحني بدون سروال داخلي عورته امام الناس ..وسلاسل وكلبشات واشياء مرعبه ...والحين البنات هم اللي يلحقون ...يعني لسى انتم على القز والكحل والمخصر ..... استعدوا التغير قادم لكم ...مثلنا ...(: بيني وبينكم رغم اني من عائله منفتحه بكل شيء... الا اني اكره هذا السلوك سواء بلبس العبائه او بلبس الشباب ... (تخلف حضاري مشين ) تحياتي ..

سيدتي ذات

التغيرات التي تحدث تجعل لكل ثقافته ولكن يجب ان تؤطر هذه الثقافة وفق معطيات المجتمع بعيدا عن الخروج عن المألوف

مايحدث بالرياض شاهدته ومع ذلك لايوجد ولايحصل مثل مايحصل في بريدة من تفسخ وقلة حياء

غزل ممجوج

ليته على الاقل غزل حضاري

من النوع القديم ملاحق وتلميحات

عالم فاضية

والاعجب من هذا ان البنات اصبحت هي من تعبث وهي من تلاحق الشباب

عالم غريب لدينا

الشباب يلبسون طيحني ومايدورن وش يطلع

يطلع العصعص اللي يحوم التسبد تقل بوجي سيارة

ربي لك الحمد والشكر

شرفتيني سيدتي ذات

[دفاش]

وانت رايح تكشخ ببو اشدووووق حمررررر

ولامخليه واجهه لك وقاعدن تنتقد خلق الله وتلقاك جادعن اهلك هناك وانت اتمشى وتفرج

والقرعى ترعى

[عجوز سمنسي]

اقتباس:  المشاركة الأصلية كتبت بواسطة دفاش     وانت رايح تكشخ ببو اشدووووق حمررررر ولامخليه واجهه لك وقاعدن تنتقد خلق الله وتلقاك جادعن اهلك هناك وانت اتمشى وتفرج والقرعى ترعى

لا ياقلبي ابو شدوق واسطتي بالدخول للمهرجان والا انا حي الله حافي ومنتف

وبعدين تراها الدرعا مهب القرعى قرعك البلاء

شرفتني وانت دفاش

[دفاش]

اقتباس:  المشاركة الأصلية كتبت بواسطة عجوز سمنسي     لا ياقلبي ابو شدوق واسطتي بالدخول للمهرجان والا انا حي الله حافي ومنتف وبعدين تراها الدرعا مهب القرعى قرعك البلاء شرفتني وانت دفاش

اجل انت ابخص ياراعي الدرعا

[فديكا التميمي]

عجوز تراي مشيت للمهرجااااااااااااان...
عساااكم شبعتووووو قزقزه رحمتن من ربي انهن شينات
اجل لو هن مزايين وش تسوون؟؟؟؟؟

[عجوز سمنسي]

اقتباس:  المشاركة الأصلية كتبت بواسطة فديكا بريده     عجوز تراي مشيت للمهرجااااااااااااان... عساااكم شبعتووووو قزقزه رحمتن من ربي انهن شينات اجل لو هن مزايين وش تسوون؟؟؟؟؟

ليتهن زينات كان الواحد يلاقي عذر وينثبر

لكنهن شينات ويتميلحن

بغيت اذب

[فديكا التميمي]

اقتباس:  المشاركة الأصلية كتبت بواسطة عجوز سمنسي     ليتهن زينات كان الواحد يلاقي عذر وينثبر لكنهن شينات ويتميلحن بغيت اذب

السمنسي بهرجك تقل مابوه غيرك رااايح خخخخخخ
كلن رايحين ومقطعينه ولاشفنا اللي شفت
تاكد الله يصلحك..
وهين الزين ماكتبت هالموضوع الا من شي بك والا لو شينااات
نسيت السالفه قبل تطلع من المهرجااان خخخخخخخ....
عساااك لحقت التطريش بماااء ههه

[تربوي28]

المهرجانات وضعت بعد دراسة محكمة
فمن البديهي أن المهرجانات تدعو للاختلاط
ومن المؤكد أنها تدعو للحضور الملفت باللباس وغيره
هذه الأمور وفي ظل التسامح الاجتماعي
أوجد لنا مشاكل في طريقة التواصل الاجتماعي في المهرجانات
فظهر ما رأيت لاختلاف الثقافات والقناعات
فليس كل شيء محرم
هذه القاعدة فتحت الباب على مصراعيه لكل ناعق ومجرب
ليري غيره كيف يتعامل مع الجديد بكل جرأة
فظهر طيحني وسامحني يا بابا والقائمة تطول
وفي المقابل ظهرت المخصراتية والعيون ذات الرموش الطويلة
فالجميع في مهرجان
وكلٍ يطب ويتخير

[عجوز سمنسي]

اقتباس:  المشاركة الأصلية كتبت بواسطة تربوي28     المهرجانات وضعت بعد دراسة محكمة فمن البديهي أن المهرجانات تدعو للاختلاط ومن المؤكد أنها تدعو للحضور الملفت باللباس وغيره هذه الأمور وفي ظل التسامح الاجتماعي أوجد لنا مشاكل في طريقة التواصل الاجتماعي في المهرجانات فظهر ما رأيت لاختلاف الثقافات والقناعات فليس كل شيء محرم هذه القاعدة فتحت الباب على مصراعيه لكل ناعق ومجرب ليري غيره كيف يتعامل مع الجديد بكل جرأة فظهر طيحني وسامحني يا بابا والقائمة تطول وفي المقابل ظهرت المخصراتية والعيون ذات الرموش الطويلة فالجميع في مهرجان وكلٍ يطب ويتخير

اهلا بك استاذي التربوي

لم توضع هذه المهرجانات عبثا بل كما تفضلت بعد دراسة تعتمد على خطة طويلة المدى لمحاول استخراج المرأة من بيتها بصورة شرعية ومنها تختلط المرأة بالرجال وتستسيغ ذلك

ومن هذا المنطلق يجب ان يقوم المربون والمصلحون بالتنبية لمثل تلك المهرجانات والفعاليات لما تشكله من خطر اجتماعي قادم

كان لحضورك تميز بتميز رؤيتك فلك كل الشكر والتقدير

تحيتي