السلام عليكم ورحمه الله وبركاته
اخواني واخواتي
اهلا وسهلا بكم في متصفحي وموضوعي
الي هو عباره عن طبخه بسيطه جدا وهي مندي قصدير
طبعا ممكن نسويها بالفرن او على الجمر وهو الافضل .
اول شي المقادير
ملح
وبهارات
دجاج اولحم ولا حمام حسب الرغبه طبعا انا حطيت دجاج
خضروات الي هي بصل وطماط وكوسه وبطاطس وباذنجان وبطاطس وقرع
طبعا تقدر تلغي اي نوع من الخضروات الي مهب مرغوب لديكم
لاكن اهم شي هو البصل والطماط لايمكن الاستغناء عنهم .
طبعا نحتاج قصدير
الطريقه :
اول حاجه نقطع الدجاج والخضار قطع صغيره بالشكل هذا
وطبعا نضيف الملح والبهاراات ونقلبهم مع بعض ونضعهم بالقصدير
وطبعا نلف عليهم القصدير بشكل مربع ارع مرات بحيث ماتنشق او يدخل عليها جمر
ونحسب لها مقدار خمس واربعين دقيقه
وبعد ذلك اطلع القصدير من الجمر وتصير بالشكل هذا شوفو كيف منتفخه القصدير بحيث اني محكم لفه ولا يدخل عليها الرماد من النار
وطبعا الحين القصدير بعد الفتح وهو طبقنا الرئيسي
طبعا طريقه سهله لاتحتاج مجهود ووقت
واتمنى انه تحوز اعجابكم ورضاكم واني وضحت الطريقه بالصوره الصحيحه
وبالهنــــــــــاء والعـــــــــافيه عليكم