[read]مرة من المراريت كنا طالعين برحلة صيد أنا وأثنين من الشباب وهم اخوان
المهم خلصنا صيد وجلسنا في ظل عشان نسوي الغداء وكان الجو حااار جداا مثل الجو ها الأيام هذي مايطاق
قال واحد منهم وكان بيننا أنواع التحديات
قال لي شف ابيك تخلع نعالك ( أجلكم الله ) وتروح مسافة 500 متر بس بها الرمضااء
قلت بكم ؟
قال بألف ريال !!
وأنا أخبر روحي يوم كنت بزر ما البس نعال أصلا ههه وكنت اروح بكل الأجواء وبكل التضاريس خخ
المهم ماصدقت خبر خلعت النعال
وركضت مئة متر وعلقت رجليني وشبّ راسي ضو من حرارة الوطي وعجزت اتقدم وحاولت ارجع ماقدرت وصرت بس أصيح ههه من الألم
قلت له وانا جاي راجع ولا قدرت أكمل حط لي ماء بالسطل ههه هو واخوه طاحوا من الضحك
أنا حطيت رجليني بماء وهم بس يضحكوووون
قلت عطنا مئتين قال أي مئتين الله يخليك
قلت طيب حق علاج الالم هههههه
بعدها تورمت رجليني وجلست اسبوعين ما اقدر أمشي عليهن
ولا عادت من تحدي [/read]
العرض العادي
