ضحكتي غابت وهدّتني .. وبانـت شيبتـي
والطفولـة ودّعتنـي وأبتـديـت أفقـدهـا
مابقى لي رغبـة الا رغبتـي فـي غيبتـي
بشّـروا عنـي قلـوبٍ غيبتـي تسعـدهـا
هاجسي,طيشي,شبابي,حلـم عمري,ريبتـي
كنتي أكثر شـي يبهـج روحـي ويسندهـا
وين أشوفك بعـد ماحلّـت علـي تغريبتـي
وأجبرتني أترك ايدينـك .. ومـدّت يدهـا
عاد أنا سمّي , وداي , وعلتي , ومصيبتي ..
لاكبرت بدون مدري بالزمن .. والأدهـى ..
لادريت إني كبرت .. وصارت أكثر هيبتي
وصرت طفلٍ شوفة الأطفال لي .. تبعدهـا
ماأحس إنـي صغيـر الا إذا (حبيبتـي) ..
أرفعـت لله يديهـا .. جعلنـي ماأفقـدهـا
أمي اللي لو تحس شوي طالـت غيبتـي ..
تنتظرني .. ليـن أجيهـا ثـم أقبّـل يدهـا
جنّتي أنها تشوف أني طفل .. ومصيبتـي ..
حزني اللي في عيونـي لابغيـت أسعدهـا
فهد آلمسآعد } ~
العرض العادي
