سمكرة خشوم وترقيع براطم ...!!

[" TWIX "]

قرف ما بعده قرف ..
أسمه عمليات تجميل أبتلي بها الكثير من مخفات هذا الزمن
نتيجة لهذا التطور والغنى والدلال الزرائد خرج علينا جيل
" جراحة التجميل"
و أصبح بالإمكان إجراء عمليات دقيقة هدفها التجميل كا تصغير الأنف
وشد الوجه وشفط الشحوم الجلدية وتصغير الثدي وإزالة التجاعيد
بالليزر وإزالة الشعر كل هذا بحثا عن الجمال ...!!

التنافس المحموم في هذا المجال جعل التجميل سلعة تجارية رابحة
سوقها فاق مطاعم الرز البخاري..
أيادي الجراحين في هذا الزمن أصبحن مثل أقدام نجوم كرة القدم كـ " كاكا وأبراهيمو فتش "
بالساعات تدر دولارات بالكوم ...!!
من جيوب كشابير هذا الزمن ..
دخلت شركات الليزر والتجميل في سباق محموم في الابتكارات الجراحية التجميلية
لأصلاح الأعوجاج في وجوه بعض مخفات حريمنا بمقابل يفوق الخيال..
ليس في هذا البلد المخفات فقط بل إن الاحصاءات في بريطانيا
تقول أن هناك 1700 مخفة يجرين عملية تكبير الثدي سنوياً...
و الآن السؤال..
ما رأيكم في جراحة التجميل ...؟؟!!

[علشانك بس]

حجز مقعد <-- حشى طيارة مو متصفح ,,
ودي اقرا الموضوع وارد بس لابسة عبايتي الآن بطلع مشوار ضروري بهالفجر هه ,,
لما ارجع بعد شوي بفصفصه فصفصة ,,
بالإذن ..,

[" TWIX "]

اقتباس:  المشاركة الأصلية كتبت بواسطة علشانك بس     حجز مقعد <-- حشى طيارة مو متصفح ,, ودي اقرا الموضوع وارد بس لابسة عبايتي الآن بطلع مشوار ضروري بهالفجر هه ,, لما ارجع بعد شوي بفصفصه فصفصة ,, بالإذن ..,

ذكرتيني بالشيبان اللي يحجزون مكان بروضة المسجد ويروح لأم العيال يطقها قهوة ..!!
مو مشكلة ..
اليوم سماح لكن بكرا بتشوفين سجادك عند اللي يبيع مساويك ...
أنا بالانتظار ..

[دِيم]

جراحة التجميل جعلت النساء طقم صيني

.

الكل يشبه الكل
.

أراها محمودة حتى يميز الله الخبيث من الطيب أي:
يظهر الجمال الحقيقي عند النفخ والشد والضرب


.

من معها المال وقلة العقل لن تُعدَم (الخبال)

[≈ Śķőőŋ »]

للضروره فقط اذا كان فيه تشويه

اما غيره لا ارى فيه داعي الله محسن خلقنا
وشوله نروح نشوه انفسنا

يابنات الي تبي تصغر خشمه يمدحون الزنجبيل <<


الله يهدي الجميع
يمآآل العافيه خيوو

[رواسي]

مسآء الخيرآت
والسلآم عليكم

أستآذنآ الفآضل
وللهـ الحمد في مجتمعنآ السعودي لآ يوجد كمآ يوجد بدول الخليج والدول الأخرى العربيهـ والأوروبيهـ

وإن وجد فشفط للدهون وكل هذآ لصحتهآ وليس للتجميل فقط


يقولك ألحين تروح لبنآن تحسبهم كلهم هيفآء وهبي
وهيفآء وهبي طبعآً نفس مآيكل جوكسن لآفرق بينهم
لأن عملية تجميل الخشم هي وحدهـ عشآن كذآ صآر الكل يتشآبهـ

اقتباس:  المشاركة الأصلية كتبت بواسطة شواطئ الأنتظار     يابنات الي تبي تصغر خشمه يمدحون الزنجبيل <<

بس لآزم تغسلين بعدهـ بصآبون وتحطين ثلج ولآ بتطلع لك بثووووووووووووور



شكرآًُ لك يآ شوكليت

[" TWIX "]

شواطئ الأنتظار

اقتباس: للضروره فقط اذا كان فيه تشويه

إذا كان فيه تشويه أتفق معك لا بأس في عمليات التجميل .. لكن المشكلة
باللي تروح ولا فيها إلا كل عافية ملت من وجهها كل يوم مقابلته بالمرايه
وودها تغير البرستيج ..
الشباب لا صاروا فاضين بدوا يعدلون ويزبرقون بالسيارات وحريم الوقت حاطات دوبهن
دوب وجيههن ما غير طقطقه بهاالوجيه ..

اقتباس: اما غيره لا ارى فيه داعي الله محسن خلقنا وشوله نروح نشوه انفسنا

أنا اللي أشوفه مو عمليات تجميل بل تشويه لأن كل من خشت مراكز عمليات التجميل

فسق .. سبحان الله تطلع تحوم التسبد ..

اقتباس: يابنات الي تبي تصغر خشمه يمدحون الزنجبيل <<

لا تلعبين على هالمخفات تراهن كل شيء يصدقنّه أهم شيء تطلع
طلتها حلوة والعيون عليها ما يهم لو تشرب أسيد على الريق ..

اقتباس: يمآآل العافيه خيوو

يعافيك ربي ..

[دانة الروح]

الحمدلله على العافيه
مافيه احلى من خلقــة الخاااالق
واي بنت اتسوي تجميل أين كان هاذا دليل عدم قناعه بشكله
وبلعكس الي يسون تجميل قسم اتخوف اشكالهن كانهن بهن أورام يكفي البراطم تكل لساتك

[" TWIX "]

اقتباس:  المشاركة الأصلية كتبت بواسطة دانة الروح     وبلعكس الي يسون تجميل قسم اتخوف اشكالهن كانهن بهن أورام يكفي البراطم تكل لساتك

اللهم لك الحمد .. واللهم لا شماته
أنا سامع إن في عمليات التجميل يستخدمون "السيلكون"
وااااااااااو ..
حشا .. مو حرمة هذي إلا سخانة أو ماسورة 3 بوصة ..
بصراحة ..
ألحين أصبح كل شيء يخوف تدخل محلات لبيع أي أجهزة تبحث عن
الصناعة الصينية للهرب منها .. والآن أصبح كل من يخطب أن يبحث عن جمال
الخلقة مو الصنعة ..
يا زين أول تجيك الحرمة فيها غبار الميناء من الشهابة ..

[حصيصة العراميش]

ماتعجبني ابد عمليات التجميل الا للضروره

والله اعلم

[" TWIX "]

اقتباس:  المشاركة الأصلية كتبت بواسطة حصيصة العراميش     ماتعجبني ابد عمليات التجميل الا للضروره والله اعلم

كلام جميل ..
لكن ما تلاحظين يا حصوووووووووص إن اسمك كل على بعضه
يحتاج إلى إعادة تصنيع وتجميل وخاصة اللي يقاله "العراميش"..

شكرا لمرورك ..

[علشانك بس]

عمليات التجميل اشوفها منتشرة بلبنان وسورياااا وتركياااا ,,
لأن بناتهم شيفّ ,,
اما السعوديات مستحيل يسوون عمليات تجميل ,, لأن ربي مجملهن خلقة بسم الله عليهن ,,
ليت الشباب السعودي يطيحون بعمليات التجميل ..
من شان نكحل عيوننا بشوفتهم حلوين لو مرة بالعمر ,,
** الله يعين الدكتور اللي يبي يصلح عمليات تجميل للشباب السعودي ,,
يبي بدل الليزر واجهزة النفخ دركترات ودينّات وحفارات وونشات ورافعات ويالله يالله يظهرون بشكل مستساااغ ,,
تويكس ,, كان تبي واسطة عند الدكتور لايردك الا لسانك ,, تراه ماابطى مسوي لي نفخ حواجب لأني شامية الأصل ,,

[" TWIX "]

علشانك بس

اقتباس: عمليات التجميل اشوفها منتشرة بلبنان وسورياااا وتركياااا ,, لأن بناتهم شيفّ ,,

إن كانن السوريات والتركيات وبنات لبنان شيف .. وش تصيرن بالله ...؟!!
أنت ما آخذات بأنفسكن مقلب من الاستفتاء ما أدري الدراسة اللي قال إنكن أجمل بنات
العالم .. يخرب بيته اللي مجري الدراسة كان شارب قارورة كبر قارورة التوت وبعدها غيمت معه
وقلب الجدول وشافكن فوق وصرح وهو ما يدري وين الله حاطه وقال الكلام وأنتِ أبخص بالإعلام يطيرون بالعجة ما صدقوا خبر يرفعون من معنوياتكن اللي مو بالحظيظ إلا بالوحل
من الإحباط ..الله يجزانا خير إننا قابلين بكن .. والمؤمن مبتلى .. اللهم أجرنا في مصيبتنا..

اقتباس: اما السعوديات مستحيل يسوون عمليات تجميل ,, لأن ربي مجملهن خلقة بسم الله عليهن ,,

واضح ..
تقول الدراسة اللي أجراها د/ أسعد كنداسة الماحضر بجامعة مقهى أبو هيثم
أن 78% من الأزواج يعاونون من أرق دائم وفزفزة وهم في غرقة النوم
وأرجع الدارس أن من أهم الأسباب هالكشابير اللي يقابلونهن ..!!

اقتباس: ليت الشباب السعودي يطيحون بعمليات التجميل .. من شان نكحل عيوننا بشوفتهم حلوين لو مرة بالعمر ,,

إحنا ماقلنا أننا نهبل ونطيح الطير من السماء .. معي علم إن الواحد ما تسطين تآكلين قدامه ..
لكن الشكوى لله .. تحملن المفروض أي امرأة يبي يدخل عليها زوجها يتصل عليها قبل بربع ساعة مشان تشرب أي شيء يخلي جميع حواسها الشعورية خارج التغطية ...

اقتباس: ** الله يعين الدكتور اللي يبي يصلح عمليات تجميل للشباب السعودي ,, يبي بدل الليزر واجهزة النفخ دركترات ودينّات وحفارات وونشات ورافعات ويالله يالله يظهرون بشكل مستساااغ ,,

وتدرين وين تكون فيه العمليات في تشليح العجلان وإلا الرقيبة والمفرروض الواحد يآخذ اجازة
شهر لأن الدركترات والشيولات يبن لهن 10 أيام يواسن بوجيههم ..

اقتباس: تويكس ,, كان تبي واسطة عند الدكتور لايردك الا لسانك ,,

لا أنا ألحين جالس اكاسر هندي يعطين وجهه وأعطيه الرجيع ..

اقتباس: تراه ماابطى مسوي لي نفخ حواجب لأني شامية الأصل ,,

والحواجب تنفخ بعد .. ما بقى شيء إلا نفخ ..
وش فيهم العالم .. أجل يمدين أجيب لي يماني وأمسكه بنشر بس يعبي هواء وأعلمه شي بسيط
عن نفخ الأوادم ..
لكن بدل المغثة .. هذي تنفخ براطمها وهذي حاوجبها وهذي أردافها ..
ليه ما تمر الوحدة على أقرب بنشري وينفخها ضغط 80 كل شي قابل للنفخ يبي ينخ لا تختفن ..

[أحساس فتاهـ]

ما رأيكم في جراحة التجميل ...؟؟!!

اذا كان فيه شي مشوه الشكل اكيد لازم جراحه

ام اذا كان لعب نفس هالعجز الي ماتدري وين تودي فلوسه

مايحتاج لان خلقت الله احسن وبعض عمليات التجميل تشوه زياده


موضوع رائع عوافي

[" TWIX "]

رشوديه والفخر لي

اقتباس: ام اذا كان لعب نفس هالعجز الي ماتدري وين تودي فلوسه

هالعجز اللي ما غير طقطة بوجيههن .. والله لو تمسك الوحدة سجادتها وتبدا
تروكع لربها والله أنه أصرف لها من شيء راح لايمكن يعود
لا يصلح العطار ما أفسده الدهر .. خلاص الجمال دوار أمس لك
واليوم لغيرك ..
أما الفنانة صباح اللي ودها تآكل أمسها ويوم الغير كل يوم شادة من وجهها شوي حتى قالوا لها لو نزود 1سم كان أنشق
بصراحة ..
ذيك العجوز أنموذج للي آخذ في نفسه مقلب واللي يغثني أنها كل يوم والثاني
هي خاطبة لنفسها شاب ومتزوجته وتصرف عليه ولا ملت منه أو هو مل منها طلقته ..!!

اقتباس: موضوع رائع عوافي

من ذوقك الرفيع ..
وتشرفت بمرورك ..