لميس , آآآآه على تلك السنوات الضائعة .. .. !!

[كـامـو]

[align=center]

اقتباس:  المشاركة الأصلية كتبت بواسطة ســـــــراب     عجبي والله,,,, والله من النغر بالرجال ! يوم مسلسل (باب الحاره) وانتم طايره بوهتكم الحمدالله والشكر والحريم كانن منهبلات ومنغثات لتعلقكم بالمسلسل..!! الحين جاء دور الحريم تعلقن بمسلسل (سنوات الضياع)و(نور) وانهبلتوا انتم ..!! وأنتم احكموا بينهن راح تعرفون السبب؟؟؟؟؟؟؟؟؟؟؟!!! وتحياتي ,,

أهلا بالسراب

أنا معك أن الرجال طايرة بوهتهم على باب الحارة ككل و ليس على الممثلات فقط , و كذا متقطرات سعابيلهم على مسلسل سنوات الضياع و بالأخص لميس.

لكن قليل من الرجال من تؤثر فيه هذه الشخصيات التمثيلية , و ليس مثل بعض البنات التي قد تغيب أيام من أجل ممثل أو مغني ما. إيقاله داري عنهن. هه

و بعضهن قد تدمر حياته من أجل لا شي , و الرجل تأثيره مؤقتا و يمكن خلال دقائق يزول.

شكرا لك[/align]

[عجوز سمنسي]

سيبوية

شلونك؟

وش اخبار لميس؟

ياحبي لميس هذي سلبت قلوب شبابنا

وان جيت للصدق ياكثرهم اللي متسدحين على طيف لميس

واعذرهم

ترى اللي عندنا فحمات كرولا مهب حريم

مغير يفتنن من ورا العباية لكن لو تشيلها كان اصرف قسم

اقل شي نتوب من المغازل

لميس على طبيعتها مزيونة ولاتلوم المتسدحين

لاتصدق من تقول انها تناظر المسلسل ومعجبتها لرومنسية بس

كلاكات وربي هذولي الفحمات

نصهن بعد متسدحات على الطبيعة مع الشنبات وعايشات بخيالات

الشباب يناظرون لميس والحريم تناظر قريح وبزنة اللي مايتسماش

يعني كلهم ضايعين بالحب يحسبون اللي يشوفونه يبي يصير مع الصحاري اللي عندنا وعروق الطرفية ماتنتج احلام وردية

دمت بحب ياقلبي

[كـامـو]

[align=center]

اقتباس:  المشاركة الأصلية كتبت بواسطة بنت البدائع     مراحب سيبوية ... بالنسبة لي لاأعرف لا لميس ولا رفيف .. مجرد سمع ممن هم حولي .. ولايهون قوقل <<< هذا ملاحظ .. ولايوجد سبب له إلا الفراغ الطويل الذي يعيشه الأغلب منا في الوقت الحاضر.. أما ع قولتك تأثر البنات والنساء بأبطال المسلسل .. سنوات الضياع ليس ببعيد عن ستار آكاديمي وغيرة ... والله يستر من الآتي .. ولاأعتقد فيه أحد يجهل تعلقهن بأبو الهش وماأدراك ... أزيدك من الشعر بيت .. الحين موضة عند الناس يسمّون بناتهم المواليد " لمــيـــس " <<< وش دعوة ياإسمي الله يصلح الأحول للجميع .. دمت بخير ..

أهلا و سهلا ببنت البدائع

نعم من أكبر الأسباب هو الفراغ , و لكن يوجد الكثير من المتابعين يتركون أشغالهم من أجل هذا المسلسل أو غيره من البرامج.

قبل كم يوم خرجت من الدوام بدري , و ذهبت لأستراحة أصحابي , فوجدت خمس موظفين فالين الفطور و فاتحين كشرتهم و يطالعون لميس ,
و جت لقطة لـ لميس و هي تبكي و يجي واحد من الشباب يقوم و يخلي الفطور. هه

طبعا خلص أكل و مو من شان لميس, المقصود أنهم متواجدين و تاركين الدوام من أجل مسلسل.>>> أولاه يالعجرا.


شكرا لك[/align]

[كـامـو]

[align=center]أهلا و شهلا بالحايق الرايق

اقتباس:  المشاركة الأصلية كتبت بواسطة صاحي ورايق     [align=center]وغير كذا لو تروح تتابع حلقاته بالمواقع التركيه راح تكرها لإن صوتها الطبيعي ناقصه سداده وتصير مرهم بصراحه صوتها ذكرني بإيام بلوغي لإني أنا بالغ وأنا أتمغط في رحم أمي طلعت من بطنه وأنا طاق لطمه وحاط رجل على رجل والحريم على طول تغطن والشنب كأنه شنب الهريه << تعرفه ذا ياسيبو هههههه بالميه ! [/align]

الله يأخذ شكلك , يا أخي مهبول أنت و إلا مهبول.

أجل صوت لميس كأنه صوت هرهير >>> تلقاه فوق العامة بألف و دائما يشفر و أسأل بندر الحمر عنه. هه

و بعدين مش مشكلة الصوت , نوديها لمستشفى المركزي و نسوي لها عملية لحمية و تطلع كأنه صوتك العذب !! أيه هين.



و بالنسبة لكلامك عن الأسباب فهو منطقي لحد بعيد , لكن يجوبه العشوائية و العربجة العطيشانية , يعني كلامك مثل اللي ينصح و بيده زقارة. هه

اقتباس:  المشاركة الأصلية كتبت بواسطة صاحي ورايق     [align=center]إهداء مني لك أغنيه سعد جمعه ( بسمك صرخت وصابني نشوة الزار ) و ( كرت أحمر ) تتذكر ذولي يا سيبو أيام زمان << جن على بالي بهالوقت لإني وأنا جالس أكتب كنت أتذكر الماضي لعل أن يكون فيه شويه معلومات أكتبهم لك هنا يالله بايوووووووووووووووو غلاتي[/align]

مين سعد جمعه هذا , يا أخي تحسبني شايب مثلك , أنا ما أسمع إلا لأبو نورة و إن خربتها سمعت سمير البشري.

أقول يا زين خاف الله , و دق المجوز يا عبود.

سلملم[/align]

[كـامـو]

[align=center]

اقتباس:  المشاركة الأصلية كتبت بواسطة بيرل قيرل     أنا بالنسبه لي ماأتابع مثل هالمسلسلات ومشكورين

الله لا يغير عليك أخووي بيرل.

شكرا لوجودك[/align]

[سـمـا]

هههههههههههههه

من كثرة هذرتكم عن لميس فتحت التلفزيوون تو وشفته يع تقل صينيه ياعالم دققو بالملامح زيين صينيه خالصه اللهم انه خشمه شوي مرتز عن الصينيااات

سنوات الضياع مادخل مزاجي عاد هي ماهي واقفه علي احس نور احلى منه كثيير طبعا مو دليل اني دايخه على مهند يع بس بصراحه تعجبني تقديرهم واحترامهم للمراءه حتى لو مسلسل اكيد انه يحكي واقعهم ماراح يجيبوون سيناريوو من الشارع

عاد تذكرت امي ياحبيله هي اللي متاثره بهالمسلسلات التركيه قول ياحسافة عمري اللي ضااع مع ابووك قلت واحد قالتس خوذي شايب تسان اخذتن وحدن قريب لعمرك كان اللحين يمديك ترجعيين شوي من عمرك لكن اللحين مالتس تصيرين رومانسيه الا بالمطازيز والجريش

[كـامـو]

[align=center]أهلا بالكبري و الجسر و النفق

اقتباس:  المشاركة الأصلية كتبت بواسطة الكبري     سيبويه .. مرحباَ بك .. ما خطته أناملك هنا أنه لايوصل لطريق الطرفية ..

تصدق إلى ألحين تطق لهاتي , ودي أنزله بس واجهة معارضة من عبو و بقية الشباب.

اقتباس:  المشاركة الأصلية كتبت بواسطة الكبري     على كل حال هذا المسلسل فريد من نوعه بعد باب الحارة من حيث أنه حديث للناس .. زميل لي يسميه مسلسل الحلاقين .. وجدت أحدهم ثيم جواله لميس ونغمة جواله مأخوذة من هذا المسلسل .. على أنه في حبكته الدرامية شبيه بالمسلسلات المكسيكية مسلسلات إلخاندروا وايزبيلا ... لكن نجح المسلسل بتقديم أوجه جميلة وأمكان للتصوير أجمل .. برأيك كم واحد سيكون الرسوب في الإمتحانات بسبب لميس ؟ لكم أطيب المنى

فعلا هذا المسلسل نقلة نوعية في المسلسلات المدبلجية و الطويلة , أعاد هيبتها بعد أن سقطت على يد المسلسلات المكسيكية. إلا ليش كل أساميهم أقناسيو

و بالنسبة للرسوب فما أعتقد فيه رسوب , لأن الأكثرية موعودون بعد الأختبارات بسفرة لديار لميس و يحيى. هه

شكرا لك[/align]

[كـامـو]

[align=center]أهلا بالفيصل

اقتباس:  المشاركة الأصلية كتبت بواسطة فيصل...........     نعم اسخر ....

توقعت ذلك , و عذرا على هذا الخلل الفهمي.

.[/align]

[كـامـو]

[align=center]

اقتباس:  المشاركة الأصلية كتبت بواسطة مياسة     ظاهرة من ضمن الظواهر الطفافية,, لا تلبث ان تزول العقول السطحية من شباب الرياض كتبوا على كلية البنات : ( بعد لميس ورفيف آن لنا أن نقول أنكن رجال فبلاشِ من الغطا تكفوون) !!! اتوقع ناس فاضية ما عندهم امتحانات

أهلا و سهلا بالمياسة

فعلا أحيانا كثيرة تكون طفة , و لكن قد تطول هذه الطفة و تتراكم حتى تقضي على صاحبها.

و بالنسبة لشباب الرياض فقد يقد يكونوا محقين بما كتبوا , مع تحفظي على كلمة بلاش من الغطاء لأنه لو أزيل الغطاء لما تزوجنا. طبعا كلامي عن البعض ألحين يجي أحد ينط بي. >>> و خرا سريعا

شكرا لوجودك[/align]

[كـامـو]

[align=center]أهلا و سهلا عايشة لوحدي

اقتباس:  المشاركة الأصلية كتبت بواسطة عايشة لوحدي     واحد يسولف مع أمه يقول تراني ما أبي أي وحده أبي ملكة جمال و و و و أخته الصغير "رابع ابتدائي : والله لو أنت مهند "

وحده تسولف مع أمه و تقول ما راح أعرس إلا على رجل جميل و منصب عالي و و و

أخوها الصغير " رابع ب : و الله لو أنتِ لميس


هذا المثال يوجد كثير كما هو نفس الحال مع مثالك.

شكرا لك[/align]

[كـامـو]

[align=center]

اقتباس:  المشاركة الأصلية كتبت بواسطة شموووخ     [align=center]مسلسل من نوع جديد وكعادة مجتمعنا الانبهار بكل ماهو جديد ومسايرة الركب اياً كان (ايجابي-سلبي) ومثل هذا الانبهار عادة ما يكون وقتي وسرعان مايزول فالفراغ سبب لمتابعة كل ماتطرحه وسائل الاعلام لمجرد التسليه وتمضية الوقت لا اكثر لا لتعليق الآمال والغوص في بحر الاحلام وتشويه الافكار فكل وسيله من وسائل التكنولوجيا تطرح الصالح والطالح وصاحب العقل ينهل منه مايتناسب مع واقعه وحدوده ومايثري افكاره لا للهبوط بالفكر وتضييق حدوده باشياء تافهه يظل الاعلام له دوره الفعّال في التأثير على المجتمع ويظل المجتمع متابع لكل ماهو جديد فالعيب يكون باختيار المواد المطروحه التي لاتمت للفائده بصله وهذا يرجع لاصحاب القنوات التي لاتهتم الا بزيادة دخلها وآخر اهتماماتها عقل الجمهور اشكرك على الطرح[/align]

أهلا بالشمووووووووووخ

تشخيص كامل و جميل , و يحاكي واقعنا المش و لابد.

و طبعا كل جديد دائما يكون مثير و مبهر و نقابلة بكل شغف , و ليس خطأ أن نعايش الجديد , و لكن الخطأ عندما نقبل بالجديد الغير المفيد.

أشكرك على هذه المداخلة الجميلة و الهادفة.[/align]

[النغم الحــزين]

اللي يدعوا للتساؤل و الإستغراب هو لماذا تأثير الأعلام علينا قوي و مؤثر , و سلبي جدا ؟؟

لاننا كمخ الله يخلف........ههههههههههههههه

وبعديييييييييييييين بلا مهند بلا يحيى بلا بطيخ....

هذولا ماشافوا مصطفى العزاوي كان يقولون لمهند بيباي ههههههههههههههههههههههههه

[كـامـو]

[align=center]

اقتباس:  المشاركة الأصلية كتبت بواسطة الفارسة(30)     السلام عليكم شيء طبعي ها التإثير القوي للمسلسلات الرومنسية لأن مجتماعتنا تفتقد الرومنسية وتبادل المشاعر وتعظيمها انت جرب أنك تقول لآحد احبك وتقوله مشاعرك عادة ينظر لك نظره غير سويه هههههههه يعني مهوب صاحي دمت بخير

و عليكم السلام و اهلا فيك أيتها الفارسة.

أختي أعتقد أن فقدان الرومنسية ليس سببا قويا لهذا الشغف الذي أصاب الجميع.

و يوجد أسباب أقوى من ذلك , كضعف الوازع الديني , التقنية الألكترونية و أنتشارها بالبيوت و تأخر دخولها بالبيوت , التقليد الأعمى , أصدقاء السوء و و و إلخ

شكرا لك[/align]

[عجوز سمنسي]

[align=center]

اقتباس:  المشاركة الأصلية كتبت بواسطة النغم الحــزين     اللي يدعوا للتساؤل و الإستغراب هو لماذا تأثير الأعلام علينا قوي و مؤثر , و سلبي جدا ؟؟ لاننا كمخ الله يخلف........ههههههههههههههه وبعديييييييييييييين بلا مهند بلا يحيى بلا بطيخ.... هذولا ماشافوا مصطفى العزاوي كان يقولون لمهند بيباي ههههههههههههههههههههههههه

لا لميس بلا بطيخ

<<< متعصب عائشة الكيلاني

اجل لو تشوفونها وش تقولون ؟ تتسدحون من الزين

والله ياعليها صفة سنون تقل صفة فناجيل

الله يرحم الحال يانغم ياحزين التغزل عيني عينك[/align]

[شموووخ]

[align=center]

اقتباس: أهلا بالشجون

عفوا هل اثرت شجونك بردي..![/align]