تحـــيـــا العزوبـــيه

[سكر الأرض]

اقتباس:  المشاركة الأصلية كتبت بواسطة فديكا بريده     العرس شــــرر لابد منه الرجال عندنا مثل الحريم فيهم الزين وفيهم الشين لاتحكمين عليهم كلهم,, والعرس معرسين معرسين الله لايعوق وكلن بيجيه نصيبهم عاد زين شين الشكوى لله بس عاد لاصار مالغ بزياده ومافيه اي احترام وتقدير لمشاعر الزوجه وكل يوم طالع بهالكلمه ماتعرفين تربين وغيره قوليله ياخي اقعد عند عيالك وربهم موب بس تسدح بهالاستراحات ماتشوف عيالك الا وقت النوم وتجي تفلسف علينا,,وفيه الف رجل بداله,,<<<ماوقفت عليه مو ملزومين فيه,,

الله يرزقك واحد مثلك بالتمام والكمال عشان لاظالم ولامظلوم ..

[سكر الأرض]

اقتباس:  المشاركة الأصلية كتبت بواسطة تيفا     عندنا وعندكم خير وانتي على بالك اننا متشققين نبي العرس واحنا بعد نردد معك وبقووه((تحيييييييييييييا العزوبيه )) طيب سوال صوغنن؟؟ الحين ليه دايم الرجل السعودي الودود دايم متهم بالقسوه لايعرف أبجديات الرومانسية ومتهم بعد انه يفتقر إلى كلمات المجاملة وعبارات الاعتذار الرقيقه صامت غير ناطق ولا معبر عن مشاعره في اللحظات الحميميه طيب ليه مايكون كل الي فوق نفس المراءه السعوديه لاتجيديها او ماتحب مثل هالشغلات من باب الخجل((وحنا ضاع قشيشنا من هالحياء)) الرجل السعودي ملك الرومنسيه<<اتسذب حسيتها قويه اتمنى التوفيق لجمعيتكم والنجاح واصلي ناضالك

شكلك فرحت بهالنضال تبي الفكه ..
يابنات تحيا العزوبيه ولا للزواج المبكر الا على على تيفا

[لجه]

نصيحه لك ...
بما انك سكر الأرض ..انتبهي اذا انطرت لا تطلعين برا البيت يمكن تذوبين همن ما نلقاك بالمنتدى..((شكله وده تذبحن))

[سكر الأرض]

اقتباس:  المشاركة الأصلية كتبت بواسطة ابراهيم الدخيل     أزواج للبيع في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر : أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل. : : دخلت إحدى النساء (لمتجر الأزواج) لاختيار زوج لها في مدخل الطابق الأول علامة : الرجال هنا لديهم عمل ومؤمنون بالله وفي مدخل الطابق الثاني علامة : الرجال هنا لديهم عمل ومؤمنون بالله ويحبون أطفالهم وفي مدخل الطابق الثالث علامة : الرجال هنا لديهم عمل ومؤمنون بالله ويحبون أطفالهم وشكلهم جذاب !!! وكانت المرأة تـفكـر 'واو ولكن سأستمر بالصعود' وقد وصلت إلى الطابق الرابع لتجد علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل !! فتعجبت في خلجات نفسها ' يا إلهي إني لا أستطيع التحمل سأوافق ' ولكنها استمرت بالصعود وفي مدخل الطابق الخامس وجدت علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً وكادت أن تطأ قدمها ذلك الطابق إلا أنها استمرت بالصعود وفي مدخل الطابق السادس وجدت علامة : أنـت الـزائـرة رقـم 4.363.012 ليس هناك أي رجال في هذا الطابق لأن هذا الطابق وجد خصيصا كبرهان أن النساء لا يمكن إرضاؤهم ,شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً منقول من الاميل

ياخزززززززززززززززززززياه الله يفشل العدوو ..
اغديه تسذب يابن الحلال ياربيه ... انشالله انه تسذب ...

[سكر الأرض]

اقتباس:  المشاركة الأصلية كتبت بواسطة لجه     نصيحه لك ... بما انك سكر الأرض ..انتبهي اذا انطرت لا تطلعين برا البيت يمكن تذوبين همن ما نلقاك بالمنتدى..((شكله وده تذبحن))

خايف عليا ياله ..
طيب ياله سوولي قطيه وغطوا المنتدى بشراع ازرق قبل المطر عشان مايذوب سكركم

[لجه]

اقتباس:  المشاركة الأصلية كتبت بواسطة سكر الأرض     خايف عليا ياله .. طيب ياله سوولي قطيه وغطوا المنتدى بشراع ازرق قبل المطر عشان مايذوب سكركم

ابشري وعلي قيمة الشراع هماه 40 اريال..

الله يوفقك ويستر عليك ويرزقك افضل مما تتمنين وبنات المسلمين.

[سكر الأرض]

اقتباس:  المشاركة الأصلية كتبت بواسطة شواطئ الأنتظار     الجواد محتاج مهره تروضه ! مانبي رومانسيه مانبي حب كافي اذا فيه احترام .. ونبي ان شاءالله نعرس تقعدين بيتكم وش تسوي تبطحين وهي ضربت حظ انا صابت ولا الشكوى لله هذا الموجود بعد وش تسوين ان شاء الله فارس الأحلام الي نبي بالجنه .. سي يآآ

وين الجواد عساه سآآأودي آآريبيا ..
سي تآآ..

[سكر الأرض]

اقتباس:  المشاركة الأصلية كتبت بواسطة لجه     ابشري وعلي قيمة الشراع هماه 40 اريال.. الله يوفقك ويستر عليك ويرزقك افضل مما تتمنين وبنات المسلمين.

ولك بالمثل .. شرفتني والله انت ولجتك ..

[سكر الأرض]

اقتباس:  المشاركة الأصلية كتبت بواسطة زنجبيل الارض     يالله اني داخلتن عليك انشهد ياسكرياعسل انك جبتيها فصلتي واقعنا بحذافيره بس وش انسوي وعلى قوله جندوانارضينا والا انرضينا ماورانا الاالعرس والغثى

اللي قردتس وخلاتس تعرسين بدري .. وشو .. ..؟؟ سقى الله ذيك الايام كنتي سمبل والحين ماتلحقين تكحلين ..
ياختي لاشفتكن حرمت اعرس

[سكر الأرض]

اقتباس:  المشاركة الأصلية كتبت بواسطة عجوز سمنسي     [align=center]ونفس الفكرة بالمقلوبة استعينوا على القضاء على شهوتكم ياشباب بالصوم فوالله انه ابرك لكم من زوجة تعيسة لعينة يحلم الرجل بزوجة رومنسية تبتسم له اذا دخل وترسل له رسالة حب اذا خرج وتلبس له اللبس المثير اذا اوى الى فراشة ويجلس في صالته ليتابع الافلام الرومنسية وينادي على زوجته لتتعلم فتأتي وهي تمط الحنك يمينا ويسارا وهو يتوقع ان تأتي راكضة فيفاجأ بانها تقول : وشو وب بووووووه وش تبي ياثقل دمك بعد وهـ بس اشغلتن يتوقع ان تتفرغ له بعد ان يأتي من عناء يوم شديد الضجر من عمله لتستقبلة بفرحة وضحكة واذا برسالة على جوالة تقول : لاتنسى تجيب على دربك من السوق رز وطحين ومر على دربك الصيديلية جب لي اوليز وعندما يصل للبيت يجد براميل الزبايل عند الباب وهات تنزيل وبعدها يدخل بيته فيجدها لابسة قميص متشقق وريحة مخيسة وشعرها منكوش تقل ليفة حديد وتشاخر وهو في داخلة يقول : عساها نومة عنقاء والا عساك لنومة جدتي وماتقومين ابد فيذهب للمجلس لينام على الكرسي لاتتزوجون ياشباب وتحــــــــيــــــــــا العــزوبــــــــــيـــــــــــــــــــــــة[/align]

طيب ورى مافتحت موضوع لك لحالك وفضفضت فيه على كيفك مسوي زحمه هنا ليه ...

[سكر الأرض]

اقتباس:  المشاركة الأصلية كتبت بواسطة ملح الأرض     هع هع والله إنتس جبتيها وأنا ومن هذا المنبر أدعو جميع الفطايات الجميلات اللي مثلي ومن أشكالي لوضع جمعيه العنوسه قال عرس قال مااشوف اللي اعرسن الا كل وحده اردى من الثانيه حال يوم في بيتها وشهر عند اهلها زعلانه هع هع اللهم لاشماته سكر موضوع مثل السكر عوافي

اصبري ملوحه شوفي رد الورده النديه تقل العرس زين خلينا نقرر بعد اجتماع الليله خخخخخخخخخخخخخخ

[سكر الأرض]

اقتباس:  المشاركة الأصلية كتبت بواسطة الأسيــ بنت ـاد     ضحكنـــي موضــوعك وضحكتنـــي بعض الردود ,.,, لاكــن لو جينـــا للواقــــع ,,, الرجــــــــال على كيفكـ,,, شويــه دلـــــع وحركــات نص كــوم ,, وتلاقينــــه عند رجولـــك ,,,,, مثـــل ماتعاملينـــه ... هو راح يعامــــلك,,, أومــا أنك ماغير تهاوشين وماغير تطلبيـــــن ونفسك شينــه وشكلك ياربي لك الحمـد .. والله بعذررره أن هج من البيــت ,,, ومثــل ماقلت لكـ,,,, راح يسوي مثــل ما أنتــي تسوييين .,, وكلامـــك موجـــود منــه ,,, لاكــن مو الكـــل ,, يعطيــكـ العافيـه,,

عند رجولي .. وع تخيلي رجال عند رجول زوجته ..
توف توف استغفرالله .. << فيس يفنث بجلبابه .. يارب لاتبلانا .. يعني مافي وسط يايانذل ولا يكرف مافي طيب حبوب ورااقل بحق وحقيقي ..

[مشقاص]

اقتباس:  المشاركة الأصلية كتبت بواسطة سكر الأرض     اهلين عمو مشقاص والله اني احترمك لله .. يعني الكرف تربيه ولازم نكرف والا نكون مش متربين ؟؟ ماهقيتها منك والله ... الله يسامحك ..

الله يسامح الجميع لا تفهمين غلط خانني التعبير
في التربية ..

أقصد الأهل مدلعين بناتهم ولا يأمرونهم بأعمال المنزل ويعلمونهم هذا ما قصدته ..
هذا ما قصدته ولم يكن الكلام موجه لك بعينك بل
لكل البنات ..

على العموم أنا اسف ليس من طبعي أجرح أحد
أكرر أسفي وأعتذاري .....

[سكر الأرض]

اقتباس:  المشاركة الأصلية كتبت بواسطة هـاري     والله ماقول الا انتم الخاسرون.. والعزوبيه افضل للشباب..مو للبنات.. لانه البنت بعد سن الثلاثين راح تكون عله على لاهلها..

ايه هي لاتعدينا الثلاثين وصرنا عله على اهالينا نجي عاد نبي نخفف عليهم نقضب حلوقكم .. هو كذا المخطط بس لاتعلم احد
ياخي ونا اقرى ردك شميت ريحة بيت طين اول البنت عله الحين سند واحسن من الف ولد ...

[سكر الأرض]

اقتباس:  المشاركة الأصلية كتبت بواسطة مشقاص     الله يسامح الجميع لا تفهمين غلط خانني التعبير في التربية .. أقصد الأهل مدلعين بناتهم ولا يأمرونهم بأعمال المنزل ويعلمونهم هذا ما قصدته .. هذا ما قصدته ولم يكن الكلام موجه لك بعينك بل لكل البنات .. على العموم أنا اسف ليس من طبعي أجرح أحد أكرر أسفي وأعتذاري .....

على راسي حضورك وردك واعتذر وطيب اخلاقك ..واعتذر جدا لسوء الفهم ولولا قدرك ماعتبت عليك .. هناك اقلام تتفوه بالسوء ولانلقي لها بالاً لقل قدرها ولكن قلم مشقاص له حضوره وقدره .. اكرر اعتذاري مع خالص ودي اخي ..ولاتحرمنا تواجدك فلقلمك نكهه خاصه .. الف شكر لهذا الرقي ..