ღ فيني ضجيج ودآخلي جو ساكن ღ وفي نظرتي رحله لعـآلم برآءهـ ღ

[بسومة بريده]

امس صارت لي سالفه ...

رحت للنخيل وعلى طول للصرافه وطلع رصيدي سالب وادق على البنك قالوا بكرى الرواتب والقرض يخصم من اليوم ..<<والله ورطه

قلت طيب بحول من حسابي الثاني عشان اقدر اسحب..<<ايقاله بتوفر حاطه حساب ببطاقه وحساب بدون وكلهن ماصتهن..خخخخخ

قال اي شي ينزل بالحساب بيروح عشان يسد القرض...

واقعد ادور واتفرج بس ماش مليت دوران بدون شراء...

قلت وش يقعدني هنا واتوهق وامط رجليني واروح مشي ...

واقعد ساعه الا ربع وانا بقطع الشارع وعجزت من زحمة السيارات...

قلت شكلي بصير خبزه الحين بهالشارع عالم طايره والله ان يقشونن ولا حلموا بي...

والحمدلله عديت بسلام ورجعت للبيت بخفي حنين...

[بسومة بريده]

فاقد الشئ لايعطيه...

[بسومة بريده]

http://www.buraydh.com/forum/showthr...85#post4003385

تسعدني رؤيتكم هنا...

[بسومة بريده]

[بسومة بريده]

اليوم الظهر صارلي موقف خلاني اكتشف اني رياضيه..هع

فضى الخزان ووقفت المويه عن المكيف الصحراوي<<ياهو بلشه ماتخلص دباعينه

المهم فتحنا الخزان ومن الحراره وقل الصبربديت انقل مويه ...

واعبي المكيف <<المكيف بسطح والمويه بسطح ثاني<<ايقالهم فهموا

الزبده وانا متحمسه انقل مويه بالشموس واعبي ...

ويجي هاك الهواء ويسكر باب السطح واقعد به...

الدنيا ظهر والناس نوما...

والله حجرة بس ...قلت مابه الا الي به..

واجي واتعنقط واتشعمط بجدار السطح واقمز على السطح الثاني..

تمخشت يديني ورجليني صرت كأني جذاعين الاولين...خخخ

والحمدلله طلعت...

[بسومة بريده]

تغييرات جديده بالمنتدى...

حاطين شريط اهداءات والله من المتخرمات عاد...

[بسومة بريده]

اشوا شالوه...<<مضيق عليه

[بسومة بريده]

ليش الرجال مايحبون السوق ولا يواطنون طاريه....

لاتقولون بخل حتى لوماراح يدفعون ولاريال ولا حتى يودوننا بس نكاده وتسلط ياحبهم لكلمة لا...

لوا بلا يلوي لسان العدو ...

نعنبوداركم جاء العيد وحنا نتدحوس...

[بسومة بريده]

حققونا بققونا لاجاء ابونا حققناكم...<<استخفت

[بسومة بريده]

يازين عيد زمان كان له شمه..<<يعني ريحه يعني معنى

المهم...

اذكر اول مايقولون بكرى عيد ويرمي المدفع نروح نسبح <<شكلهم مايسبحون الابالعيد

ونلف شعورنا قبل نعرف الاستشوارات ...طبعا قبل مااتغطى ايام الطفوله ...

واذكر خالاتي يكوون شعورهن بالمكواة حقت الملابس ...

المهم ننام وحنا متحمسين ...

ياترى متحمسين لايش..

متحمسين للملابس الجديده كل شي جديد من الجلده للجلده كل شي يفك من قراطيسه...ياسلاااام

كان له طعم مو مثل الحين كل يوم لهم جديد وضاعت حلاة العيد وطعمه..

بس الي مو داخل مخي من هاك السنه الى الحين ورانا ناكل رزولحم الصبح تسيف نشتهيه خخخ..

ولا عاد طرطعاننا من اول بواجي فوقهن ريشه بس نسيت وش كنا ندحاهن اعتقد كبريت..




بروح للسوق يمكن اكمل اذا رجعت..ولا المرية الغفله..

[بسومة بريده]

ابشركم جيت...

تذكرت الليف السلك حق المواعين كنا نولعهن وندوربهن ويطير منهن شرار وناسه...

عاد الحريم يقولون اعقلوا لاتوحشون الموتى...خخخخخ

مره طاحت الليفه على راس بنت عمي وعجت النيران بشعره ...ههههههه نكته

عاد يوم طحنا بالصواريخ وناسه نتنيذخ ونمسك الصاروخ بيديننا ونطيره ...

ولا نكسره عشان يسوي خمسات...

[بسومة بريده]

الي يطلع للسوق يشوف عجب...

ناس يتهاوشون وحريم يدعن وعيالين يركضون ...

وحده جالسه بعتبة محل وتهاوش ولده تقريبا طولها طعر يعني..

المهم تقول له وشوله تكلم عمك فطيمه وتعلمه اننا بالسوق..خخخ شكله جاحده وفضحه

والموقف الثاني ولد معه عربيه يبيع خضارجاءعنده سكيورتي او مادري وشو يبي يبعده عن مكانه

قال الولد ايه لاتفتن لو بك خير ماحلقت لحيتك ماتدري حلق اللحية حرام..مادري وش دخل اللحيه

ودي احط لي فرشه برصيف الصناعة واتفرج..<<تسوينها

[بسومة بريده]

وراه الواحد اذا تثاوب غمض عيونه...

واذا عطس غمض عيونه...

شكل اسلاك العين مرتبطه بالفم واذا فتحنا الفم تقلصات الاسلاك وتسكرت العين...<<لاعمرك تفكرين

[بسومة بريده]

جاء العيد وانا ماخلصت...

وش السوات...

[بسومة بريده]