أبي سلف ...؟!!!

[" TWIX "]

الصمت الخجول...

اقتباس: تشعبت الأنانيّة حتى طالت كل شيء يا أخي الكريم ، ( نفسي نفسي ) هي اللغة السائدة بلا منازع .. !

نعم أنها الأنانية والنرجسية المقيتة ...!!!
لو فكر من جاء ليطرق بابك ويطلب دينا يفك زنقته وضيقته
أين مالك الآن ..؟!!
إنه في مكان آمن في حسابه الخاص ولكن الذي أخرجه حبه لعمل المعروف وتقديرا لك
فلم لا تقابل المعروف بالمعروف ..؟!!

اقتباس: تقديم الخدمة للآخرين مع ما ترتب عليه من أجر وحفظ للأخلاق والأعراف الحميدة أصبح ضعفًا ، غباء ، سمه ما شئت .. !

بعض الناس يسمي هذه فرص سانحة لا تضيّع وأن من أمامه ليس إلا غنيمة
حتى أصبح الناس يتوارون عن فعل الخير تخوفا من هذه الألقاب والصفات ممن دنئت أخلاقهم

اقتباس: آه لو ترى كيف نستجدي من طالبات الانتظام بضعة وريقات يتمنى المرء لو اشتراها بروحه حفظًا لكرامته .. ؟!! حتى العلم أصبح يبخل به .. !

جيل يريد أن يقدم له كل شي بطبق من ذهب .. لا يريد الحراك حتى أصيبوا بالتخمة ..!!

اقتباس: أنا لا أنكر أبدًا أن هناك من هوَ ليس أهلًا لحفظ الأمانة ، وحدث لي أن عادت ملازمي مبلولة بمرق غداء العافية ، وكتاب مزقت واجهته بوحشية ، وثالثة أعادت لي حقوقي المادية على مرأى من الصديقات وكأنّها تتفضل بها علي ( أروع رد على هذه النوعية يكون بهدوء وعفوية : أوه حبيبتي أنا مو محتاجة فلوسي الحين عادي تقعد عندك ) !

معروف ( السلف ) يحتاج للوصل إليه إلى الصبر وتحمل الكلام البذيء ويحتاج أن تتنازل
عن أشياء وأشياء مقابل أن يصلك مالك .. وأحيانا يطلب منك أن تسقط جزءا منه ...!!
أنا أنتهج طريقة جميله ..
أن أقدم دينا ليس بذلك الكثير من أجل ألا أندم على فواته وذهابه .. لأنني لدي قناعات
أن رجوع الدين نسبة لا تتجاوز 10% رجوعه ..!!

اقتباس: باختصار : يوجد والله من أخذوا كل معاني رقة الدين وقلة الأدب وانعدام الحياء ، ومع ذلك لن نتخلى عن فضيلة ( خدمة الآخرين ) من أجلهم ، ولا بدّ من تغليب حسن الظنّ في المدين لعلّ الله يفرّج عنّا كرب الآخرة .. والله والله والله النوايا والاحتساب تصنع الكثير ، ولئن ضاع حقك الدنيوي فالله خيرٌ حافظًا وهو أرحم الراحمين ..

رغم كتابتي للموضوع وقسوتي في الردود إلا أن كما قلت أكثر من 32 ألف ريال في جيوب الناس
ونسبة رجوعها ضئلة كما ذكرت ..!!

اقتباس: *في موضوع نكبتك كنت فاهم ردي غلط ، الآن -ولاعليك أمر- ممكن تركّز شويات ؟! وشكرًا لطرحك الماتع للمواضيع الاجتماعية ..

رجعت لردي عليك ووجدت ردي بوادي وأنت بوادي .. آسف ..

شكرا لمرورك .

[" TWIX "]

ليه يادنيا المحبه...

اقتباس: انا صارت علي سالفه مره واقسم لكم بالله انها حقيقيـه والمشكله انه من عوائل بريده واسمـه معروف قابلته عند صراف بنك طبعا انا مااعرفـه لكن الرجال سلم علي وعرفني بنفسـه وكان معه مبلغ بيده ماادري كم المهم قال لي ياولد فزعتك ونخوتك انا ابي اودع هالمبلغ بالحساب لكن الايداع النقدي متوقف فزعتك الله يعافيك ومعروفك والله مانساه طول العمر وانا فلان الفلاني ومكان عملي بالمكان الفلاني ولاتخاف ابي اعطيك الفلوس وتحول لحسابي المبلغ طبعا انا من زود طيبتي ونخوتي والتفريج له قلت له ابشر والامر سهل وعطاني رقم حسابه وحولت له المبلغ 2000 ريال المهم يوم انتهيت الرجال عطاني 700 ريال اللي بيده وقلت له وين باقي المبلغ قال هاه وبدا يتلفت ويقول عامل المحل معطين 2000 غريبه وينهن !! قال باقي المبلغ اظنه بالسياره ورحت وراه الحيوان والنذل على طول ركب سيارته وهـج ولحقته لكن ماقدرت اجيبـه وقدمت شكوى عليه وبعد روحه وجيـه والحمد لله رجعن الفلوس من زود القهر والغبن قسم بالله اني قعدت ادوره والله لو واجهته كان حضر ابليس وصارت سفك دم والحمد لله اللي انهاه الله على خير

الحمد لله إنك ما لقيته وحقنت الدماء ..
الطرق تتغير وتتشكل وتآخذ أكثر من وجه وقناع يعني خلك على هبة الاستعداد
فانظر إلى المجرمين الذين يسطون على البنوك والمخازن يخططون ويرسمون
فلا تغتر بشكله والتضاريس اللي على وجهه التي خلفته الحياة .. فالمجرمون منهم
من يأتي فقيرا وثيابه رثة ومنهم من يأتي على BMW ومنهم من يأتي بهيئة مطوع ومنهم من يأتي بهئة دلخ .. يعني لا تصير دلخ وفتح شوي ..

اقتباس: ومن بعد سالفة هالحقير والله تغيرت نضرتي للجميـع حتى اقربائي الخاصين واللي اعرفهم انهم ثقه طلبوا مني سلف لكن تعذرتهم بسبب هالموقف من هالنذل الله لايوفقه ولايسامحه دنيا ولااخره

مضبوووووط

خل الشك مقدم على كل شيء

[" TWIX "]

نبض قلب...

اقتباس: ياكثر ماخذت مقالب من هالبشر اللي ماتستحي,, ومع ذلك ماأتّعظ !

العاقل من اتعظ بأمسه .. يعني أفهم ..

نبض قلب .. أمزح لك ودي واحترامي ..

[" TWIX "]

eivl girl...

اقتباس: شفت العنوان قلت امنووه ماسافر للحين(:

جلست كم يوم بفك شفرة الكلمة اللي باللون الأحمر عجزت ما فكاها إلا واحد شايب في طرف العريمضي يشب ضو بعد الظهر ويجلس يتقهوى .. !!
وعطيناه الكلمة ورفض أنه يلعمنا
إلا بعد ما نشرب فنجال .. جلسنا وشب النار وبدت تعصد من الدخان علينا ودموعي تنهمر وقام شب على دلته وبعد ما خلص وطق له ثلاث أرباع الدلة ألتفت علينا وقال :
يقصد بالكلمة : يوم إنه .. وبعدها طلعت وصديقي يعضد لي والعرق يسورب مني وألتفت
للشايب وأشوفه بعد ما رحنا قام يتشلهب على النار .. مسكين به نزلة برد ..
المهم .. مانبي كلمات نضطر نروح لقاموس العريمضي ..
مفهوم ..

[شهــــــــــــــــــد]

اقتباس:  المشاركة الأصلية كتبت بواسطة " TWIX "     شهــد ... * الله يكثر أمثالك .. تفكين زنقات خلق الله شهد أتوقع أول وحدة تسحب عليك تآخذين منامك وتفرشينه على عتبة المحكمة على شان لاجاء الشيخ تخطرف بك ويصحيك وتمسكينه وتقولين داخله على الله ثم عليك : باقون سرقون اللي ما ياخافون الله .. عندك إياهم ..!!

لا أبخليك انت تروح بدآلي خبرك بنت مآقدر
على مطآوعه ومعهم خشب يطقونهن بالطآوله < متآثره بالمصريين

[البـــBADERـــدر B.D.Q]

قايله ابو بدر قبل .. اذا بغيت تخسر الرجال سلفه

يانه يبطي مايردهن لك او يجحدك خير شر ويطيح من عينك

وحط ببالك اذا سلفت احد اعتبرهن من المصروفات لان رجوعهم شبه مستحيل

[Netizen]

موقف حدث لي
في أحد الأيام طلب مني شخص ما مبلغ وقدره 25 ألف
المبلغ كبير .. وهو تحويشة العمر.. لكن من جاء لي محتاج لا أستطيع أن أرده أبد أبد أبد.
وبالرغم من أن حالته المادية جيدة لكنه كان مقبل على زواج وتعرفون تكاليف مثل هذه الأمور.
‫.‬
‫.‬
طلب أن لا أخبر أحد بهذا المبلغ .. والآن مضت سنتان .. لمحت له مرة بالموضوع يقول مالك محفوظ.
‫.‬
‫.‬
صعب أن أخبر أي شخص بهذا الموضوع .. لأنه قد يأخذ أكبر من حجمه .. وتحدث مشاكل عائلية.. وقد يرجع أو لا يرجع المال.
‫.‬
‫.‬
أخذت درس قوي.. وهو أن لا أعطي أحد من مالي .. لأنه ليست المشكلة في الشخص بقدر ما هي فيني.. ممكن أن أطالب بكل شيء إلا ما قدمته للآخرين خصوصا المال .. تأبي نفسي ذلك حتى لو كانت أموري المادية متواضعة جدا الله لا يقوله.
والله يعوضنا من عنده،،

[شاها]

إلكم ..

تراي أأبتسلف الورد أابعطيه هدية لصديقتي ناجحه
وعاد ابرجعه لك سنة السبله بسطل خيار اسحن من هالقطعتين ابصير ازين منك
والله اذا عندي اأسلف بص موأاي واحد
ووشخص عليه القيمه وعنده خيرر واتري أنه ابيرجعهن
وعنده ذمه بعد والا غيرة صك بابك عنه
بص مستغربه على البدو وشلون يجيهم النوم
وهو عليهم مبالغ لاتحصى
وش هالقلب لهم يارب لاتبلانا ..

[بدرالوابلي]

السلف تلف ؟

بس وش بك شابن على اهل الباديه بمواضيعك ياتويكس الغالي ؟ ترى العنصريه مهيب زينه وكلنا عيال 9 اشهر واكرم الناس عند الله هو التقي ايا كان ؟

وكلنا ابناء وطن واحد وان كنت تعرضت لموقف غير جيد مع احدهم فلاتعمم ؟ كل مجتمع فيهم الطيب والردي !
و
معظم اصدقائي من اهل الباديه وماشفت منهم الا كل خير ووالله العظيم ان واحد منهم اسمه (محمد معيبد) يسوى الف حضري واجمل ذكريات الدراسه كانت معه الله يذكره بالخير واللي يعرفه يسلم لي عليه ؟ كان ساكن بالصفراء غرب مبنى المباحث
وبرضه واحد مثلك وشرواك يحط على الجرح ويبرى اسمه بداح السهلي من اهل البطين .....ياشيخ لو يخطب بنتي وافقت وانا مغمض من طيبته وحبابته ورجولته وشهامته .

[" TWIX "]

حــلـم وأنتــهى...

اقتباس: الا اعرفه ! طيب تبي سلف انت ؟ بس تتثاوب لي اذا رحت لضفاف الشواطي لانه شكله محلوفن علي ماطبه ههه

سم وأبشر .. بس أنت توهق وسلفني ..
لا أخلي طريق بيتنا كأنه المسعى بالنسبة لك .. وأخلي ما فيه كاتب عدل إلا يعرف تقاسيم وجهك
ـ وش أثاوب لك بشاطيء .. ؟!!
ما كد شفت شاطيء أنت .. ماء وتراب .. بس

[" TWIX "]

عزف الحقيقة...

اقتباس: تويكس صحيح ابن الحرام ما خلا لبن الحلال حاجة بس ونا اخوك الناس للناس والكل بالله وكثيرا ما تاخذك العاطفة أو النخوة لتقديم العون مره جون اثنين بأحد الدول العربية يقولون مقطعين ونبي قروش تذكرة الرجوع وفزعت رغم معارضة الاصدقاء وللأسف لقيتهم بنفس ليلة ذلك اليوم ينقطون بقروشي

خير ما سويت .. مقابلة اساءة الآخرين لك معروفا لآخرين
لكن ينقطون ...!!
هذا اللي ما طار طيره ..!!
آه يالقهر هم خاشين جوهم بفلوسك وأنت تندب حظك لا أنت اللي عملت لي فيها مطخطخ
وبديت ترش تقل دفاع ماء .. ولا اللي أنت مسكت فلوسك .. !!

اقتباس: عندي قاعده سلف وتسلف ونت مغمض واللي ابي منه سلف ونا اعرف انه عنده ويصرفن هذا يطيح من حساباتي نفس الشي عندما يبي أحد من سلف لازم أعطيه لأنني لو صرفته احسن اني مو رجال ورغم ان الانسان يتعرض لمواقف لكن تبقى للمرجله دواعي حتى لو توديك لبو زعبل حتى انت ياتويكس قد تخالف ماتقول وابصم على ذلك

انا مثلك لكن حطيت سقف لديني لا اتجاوزه من أجل ألا أندم .. وكذلك استثنيت المساطيل
عقب كلامك هذا ..

[يركدون]

انت ياسيد تويكس تدعو لقطع المعروف بين الناس

وتدعو لقطع تفريج الكربات

واذا صار واحد او عشره ماسددو ففيه الاف يسددون

عاد الله اكبر كم تبي تسلفه ميه الف

اطلق واحد يسلف احد هالحين مايتعدى الف الى خمسة الاف كحد اقصى

مع اني اظن انك قعيطي مافيه امل تسلف احد

[" TWIX "]

Јùsť mể...

اقتباس: والله من وجهة نظري لاصار واحد محتاج والله يعلم بحاله وغالبا المحتاج صدق مايتسلف مستعده انا افني رصيدي له <<< هو لاصار بووه شي اصلا بس اقول يعني اذا الله ارزقن بس لاصار واحد بس كماليات وليس متطلبات هذا اللي يبي يسلفه يستاهل الا ذا مارجع حقه زاد وشوله تبزع وتعطيه

ليس كل من يطلب سلف محتاج .. بعضهم أدمن على كذا لو ما يتسلف من أحد يحس
فيه شيء ناقص .. يعني لازم يلعق بذمته شيء لأحد وإلا ما ينام مرتاح البال ...!!!
طيب ..
أنا لا جيت أسلف أحد كيف أعرف أنه محتاج ومو شاري قطوة أمريطية مثل صديقي ..
وحطي في بالك .. إن أي واحد يجي يبي " سلفة " يبي يظهر حاجته وأنه في أمس الحاجة لمالك .. يعني مو جاي أحد يقول والله أبي سلفه .. بسافر مع الشلة فزعك ..
وإلا جوالي دقة قديمة وبغيره .. أبدا ...!!!

اقتباس: وبالنهايه اخلاق الشخص هي اللي تحكمه وتحكم افعاله فرد الدين هو رد الجميل ومن لايفعل ذلك لامروءة له

المشكلة أن الاخلاق لا تكون على المحك إلا بعد وقوع الفأس بالرأس ..
يعني يكون أو لا يكون .. المال بين يديك ..!!

اقتباس: وتشكر اخ تويكس

[" TWIX "]

محارهـ...

اقتباس: * مرحباً

اقتباس: _ معك سلف يـا فلان .. ! _ ايه .. معي سلف ..بس ! _ بس وشو _ تعال حب أيدي قبل وأسلفك _ وشدعوة .. ماحد الله على هــ المذله .. ترى المبلغ بسيط _ ولو .. بكرى انا بحب رجولك وانا أترجاك ترد الدين " وقد ذكر الراوي بإن تلك الجلسة كانت هي الأخيرة "

شر البلية ما يضحك .. !!
يعني هو كسبان .. كسبان .. بيحب رأس ويآخذ فلوس يفك زنقته
وذاك يبي يبوس .. رجوله .. مع مذلة .. ولا باس إلا بعد توتر العلاقة ..
وبالأخير يسترد ماله بس ..
يعني النتيجة .. طالع منها خسران

اقتباس: شكراً *

وأنت كذلك ..

[" TWIX "]

اقتباس:  المشاركة الأصلية كتبت بواسطة شهــــــــــــــــــد     لا أبخليك انت تروح بدآلي خبرك بنت مآقدر على مطآوعه ومعهم خشب يطقونهن بالطآوله < متآثره بالمصريين

مو مشكلة .. بس ففتي .. ففتي ..
ما سلمتي طلعتي مديونة ..