مـآرأيكم بمآ يحدث في ستـي مآكس

[عاشق المكس]

والله هذا شي راجع لكم لاتعاملوهم اتركوهم

[بيارق]

والله وانا واخوك يقولون من حكم في ماله فما ظلم

[مقصود]

حماية المستهلك الا أنها مثل بيض الصعو يحكونبه ولايشفونه

[باقه ورد]

[glow1=cc0033]لا حياة لمن تنادي[/glow1]

[الايام]

ياناس افهمو اي شرطة واي اخوان يجون هذي سياسة وقوانين المحل لو تجيبين وزارة التجارة بكبرها ما بتاخذين فلوسك لان نظام المحل استبدال فقط وهو مكتوب عند الكاشير هذا النظام، بجد شعب غريب مايقرا ولا يتبع انظمة ويبي الحق معاه في كل غلطاته.

[الايام]

واللي تبي تشتري عشان ترجع فلوسها لها اشتري من ماركات عالمية ريحي راسك وارتاحي بس حتى في الماركات فيه سياسات ترجيع واستبدال اقروها قبل لاتشترون .

[كحيلان التخصصي]

الشكوى لله يارب هي ع فاتورة خليه ع ربك بس الدجاج هو الدجاج ارتفاع والطماطم واشياء اخرى اين حماية المستهلك من هذا التلاعب ,,,,,,,,,,,,,,,,,,,,,,,,,,,الحمدلله ع كل حال يارب....الحمد لله

[الـــــرآآحـلهـَ]

{..الشكوى لله

[فـــارس]

اقتباس:  المشاركة الأصلية كتبت بواسطة ابن المجمعه     الخطأ منك ليه تشتري وانت تعلم انه مايرجع الفلوس . ما ادخل على محل حتى اشترط عليه اذا ماصلح ارجعه واخذ فلوسي وان رفض اوقال بس تبديل خليته له

هذا الكلام
آآآآي المحل حر اذا اشتريت منه باسترجاع المبلغ او حتى التبديل
يعني لازم تشوف ايش شرطه قبل الشراء,,,

[الإجتماعي]

أنا أقول بالنسبة للي يسبون حماية المستهلك وأنا واحد منهم ياليت نذهب لهم في مكاتبهم ونصحيهم من النوم ولو زعلوا علينا ليش ننكد عليهم ونطرح مشكلتنا أمامهم وإذا لم يتجاوبوا نطرح القصة كاملة وموثقة أمام الرأي العام لأنك إذا لم تفعل كذا قالو لك هل جيت يمنا ولم نساعدك؟ نحن لا نعلم الغيب لأنهم لايريدون أن يتعبوا أنفسهم فياويلهم يوم الحساب!!

[اسير الذكرى]

يقولون يبون يفتحون وزراة الطماط !!!!!!

[جـاردينيا]

بصراحه انا مع المحلات ضدك لان الناس مو واحد وغير كذا بالعكس سياسه ستي ماكس رهيبه الترجيع اي وقت واحيان يعدي 7 ايام ولا يقولون شي ومعاملتهم احسن معامله واسعارهم احسن اسعار وحتى بضاعتهم احسن بضاعه ..
انا اشوف ناس بعيوني تاخذ نص المحل وترجعهم ليش تقول محد داري البس وارجعهم واخذ فلوسي وعلى هالحاله وغير كذا تاخذ بالف وترجعهم كلهم بعد فتره اولا اخذت البضاعه عن الناس واعاقتهم وغير كذا تاخذهم احيان تبيع واذا ماحصلت احد يشتري قالت ارجع فلوسي حراام والله ..
واذا انتي من النوع اللي تقشين الدنيا وتبينهم يرجعون وهم طاقين لك لوحه عند كل كاشير وتسبينهم هذا شي راجع لك مو لهم .. والغلط عليك مو عليهم !!

[سليمان الصقعبي]

طيب هذي سياسة المحل .!

و لكن على ما اعتقد انهم حاطين مهلة 3 ايام لترجيع المبلغ و اسبوع للاستبدال

[عذبـــــة]

شي طبيعي بيقول التبديل خلال فترة محدودة ولا بتطير فلوسك
وغالب المحلات الكبيرة والماركات العالمية سنت هذا القانون
والزبون يعرف هذا الشرط قبل شراءه لأي قطعة
انا أرى ان من حق أي محل ان يضمن حقه
ومن حق الزبون ان يترك هذا المحل ويبدله بمحل ماعنده أي شروط ويرضى بإسترجاع الفلوس .

انا طحت بمحل العام يوم جيت برجع القطعه من عنده قالي ترجيع مايمكن .
فقط يمكنك تستبدلين والآن بس .. وبمجرد ماتطلعين من المحل يلتغي كرتك !!!
هذا الظلم بعينه .. تضطرين تاخذين شي ماعجبك وتتصدقين فيه ولا تخلينهم يتهنون بالفلوس .
اما انه يعطيك فرصة ست شهور اجده وقت كافي جدا للتبديل .

[مقصود]

مابه حيله ياختي
قراراتهم ومن يوم ندخل عليهم علينــــا نسلم

والشكوى لله