هيه يا تعاون .. عطونا أعماركم و جيبوا نقاط الهلال ..!
مداحم الفكر الكروي بالعامية أبلغ بعض المرات ... 
ترى مهب صعبة أن التعاون ينتف من الهلال ثلاث نقاط بظل تواجد جيريتس بالمدرجات مع الرابطة الهلالية و رادوي يقلب الريموت بالشقة .. لأنهم أخذوا كروت في اللقاء الأخير بالدوري في الموسم الماضي ... و مع هذي الدنفسة الحاصلة بالدوري من واقع رأي شخصي .. فالتعاون قريب لتحقيق ثلاث نقاط ، لأنه راح يعصر أبو أبو مخه من أجل الإنضباط التكتيكي في اللقاء الأول و لكونه أول لقاء في الدوري مع أول فريق يتواجد بعد غياب خمسطعش سنة ... حنا ما نقلل من إمكانيات الهلال المحلية و أنه قادر على جلب أي بطولة محلية لو هي رفع الأثقال إلا أن تحقيق العالمية يبي .. و لكن الهلال تبي أتلخبط أوراقوه و يضيع بالطوشة لأنه يجاري فريق حوسه من أوله لآخره الي هو التعاون و التعاون برضو راح يلعب بالحضيض لأنه يواجه نادي باله سرحان بالاسيوية و غير كذا رادوي مهب لاعب يعني أكواع ما فيه ، بالإضافة إلى أن المدرب صفقا مع الرابطة ... الكورة يا أعيال عجايب و الي جاب التعاون لدوري زين مهب عجزن يجيب له ثلاث نقاط من الهلال بالرياض ..
بما أننا في العطلة الصيفية و كلن مرخين حبال أفكاره الرياضية و سرحان بالنوم و الفلة .. تسني قريت أن التعاون تعاقد مع لاعب أردني .. إذا هذا الخبر صحيح ، فهذا رد على كل تعاوني أشغلنا بالهرج بالفكر الكروي و الي يطمح بلاعب بمميزات كاكا بس مهب حاصل ... حنا كرياضيين نتمنى للتعاون مارادونا بعزه بس الثمرة وشلون يجاب مارادونا للنادي .. هنا مربط النعامة ..
ما تلاحظون يا أعياااااال أن السراح يأخذ بحق المطوع من جمهور التعاون .. قولوا لي كيف - طيب قولوا ههه - قالوا جمهورهم هنا و بالمجالس أن الحربي كذبة إدارية من السراح و أن التعاون أرفع بطموحه من الحربي .. و ما أمداهم يسكتون إلا و السراح يغمتوه بالرياض و يتعاقد معه ... همّن جاء مره ثانية و غمتهم غمتت العمر يوم بدوا يسبون الفكر بحاتم عقل و راح يدبتس و يجيب لهم مصري و أردني تحلفون أن المسألة ترميم جدران .. لذلك ما أدري ليه التعاونيين ما يحاجون السراح بفكره الرياضي الي هو فكر إداري يقود به ناديه ... شفتوا وشلون أن السراح محارب من التعاون بطريقة فكرك يا المطوع . و يقلقون راحتنا .. و ألي يشوفهم يقول ما ينفسون من البطولات ..!
يا تعاونيون : مهب صعبة تجيبون الفوز من الهلال و لاهيب صعبة الهلال يفوز عليكم ..
بس الصعبة وش يقنعكم ..!
سلااام ..
هيه يا تعاون .. عطونا أعماركم و جيبوا نقاط الهلال ..!
العرض الشجري