أمعقول.. حتى في الإنتكاس فنون،،؟؟

[رحّــال]

كل الشكر لك


على الشرح الوافي


وما جعلني اسأل هو رؤيتي وبكثرة البنات عند قصور الأفراح

( تعرفين بنت جايه لعرس لازم تحط مكياج وتسريحه والتسريحة تبين ورا العباة ........ يعني هذول البنات يدخلن بالحكم أو لا ؟؟؟؟ )

[كفاني عذاب]

اقتباس:  المشاركة الأصلية كتبت بواسطة مياسة     مرحبا رحال .. حسناً اشرح لك : تجيك البنت يا (جاهلة اوعاصية) وقبل لا تلبس عبايتها بتطلع يكون شعرها مرفوع فوق راسها... بشباصه كبيرة.. او نحوها.. فيكون كأن فيه صعرور .. هه بهالعمل هي تحس شكلها رزة.. ثم تحس بأحساس ملكي اميري وهمي..! هه طبعاً هذا فيه فتنة للرجال.. وجذب انتباه !! الله يرحم حريم الأنصار بس قال بعض أهل العلم : إنهن يعظمن الرءوس بما يجعلن عليها من شعر ولفائف وغير ذلك ، حتى تكون مثل أسنمة البخت المائلة ، والبخت نوع من الإبل لها سنامان ، بينهما شيء من الانخفاض والميلان ، هذا مائل إلى جهة وهذا مائل إلى جهة ، فهؤلاء النسوة لما عظمن رءوسهن وكبرن رءوسهن بما جعلن عليها أشبهن هذه الأسنمة * شوف جبتلك صور من قوقل توضح الشرح اكثر <- وسيلة تعليمية تخخخ ^^^^^^^^ هنا تشوف قبل لا تلبس العباية مسوية هالطريقة بشعرها..<- المشكلة بعضهن شعرها حبتين .. بس حجم الشباصة إغراء.. يعني تقدر تقول (احساس بالنقص) ^^^^ عاد هاذي اللهم يا كافي ... كاشتة ! * السؤال الأن هل غطاء الرأس هذا أغلى من رضا الله والجنة ؟؟ * إلا شريكم يا منتدى بريدة تجيبون سبورة قلم<<- بهالمراجعات الشرح طالع مع اذانها .. هه أتمنى يا رحال افدتك.. لتكون مربياً ناجحاً ,’, وكل الشكر لك على سؤالك... جعلتنا نستفيد نحن ايضاً ,,

كل الشكر لك مياسه
لكي تحياتي على موضوع مثل هيك والتوضح الممتاز

تشكرات
[/center]

[شموع تحت المطر]

اقتباس:  المشاركة الأصلية كتبت بواسطة مياسة     أجل هذه رؤياي تحققت.. هه <<- محلمتن بك الاسبوع اللي راح لكني لاأعتقد يا اخي يوسف أن سبب استغراب شموع المطرهو الغيرة.. إطلاقاً,,على ايش الغيرة طيب؟ <- مهنا زود ,,,, إنما هو حزنها على عدم وجود المقصودات في الموضوع.. كون المتصفح موجه للنساء اولاً,, ثم لرجال, كونهم مسؤلون عن رعيتهم.. وإلا ليه القوامة ع الرجل ..؟ ما يقوم بتربيتها وتعليمها دينها..؟ * تصدقين يا شموع وانتي ما حلّفتين..لاكتبت موضوع استانس لاشفت رد بنت.. يضيق صدري لاصار أكثرهم(وهي قلما تحدث ولله الحمد) اعضاء.. اخاف يقولون تتميلح!,, حتى تلاحظي انبساطي في طريقة الرد عليها عاد احنا بالظنون.. ماخذين جائز نوبل عام 2000 وخشبة !

ياحبي للي يفهمونها وهي طايـــرهـ .. ولا هذولاء على طول يجلعدون بتس بالتهم..!

انا شفت الشباصات الكبيرة اللي يحطونها تحت الغطـــاء عند مرايا وبديت اهوجس اقول ابعلم الهيئــه لانه حرام<<وهم مايقصرون الله يعافيهم..

اشوف العالم روسهم يوحشن كبار ولاادري شسالفه واشوف وحدة بحمامات مول كبير قاعدتن ساعتين تصف صف هالعامود فوق راســه.. بس نفسي اعرف ماتوجع وتصير ثقيــله..؟؟!!

وترا يهون اللبس بالملاهي عند قاعة الرصافـــــــة وقت ماحطوا ذاك
اللســتيج الاحمر صارت القاعة عرض ازياء مشفــــــــر

[مياسة]

اقتباس:  المشاركة الأصلية كتبت بواسطة رحّــال     كل الشكر لك على الشرح الوافي وما جعلني اسأل هو رؤيتي وبكثرة البنات عند قصور الأفراح ( تعرفين بنت جايه لعرس لازم تحط مكياج وتسريحه والتسريحة تبين ورا العباة ........ يعني هذول البنات يدخلن بالحكم أو لا ؟؟؟؟ )

أكيد تدخل بهالحكم.. والا شرايك ؟ .. لأن الحديث ما فيه أداة استثناء ..!
حرااااام في اي مكان يروها الرجـــــــال ,, مو نافعها العرس يوم العرض

* تأمل يا رعاك الله في قوله تعالى: [,, إن الذين قالوا ربنا الله ثم استقاموا تتنزل عليهم الملائكة ألا تخافوا ولا تحزنوا وأبشروا بالجنة التي كنتم توعدون,,],,, تلا عمر بن الخطاب رضي الله عنه هذه الآية ثم قال: استقاموا والله لله بطاعته ولم يروغوا روغان الثعلب ,, (قاله الزهري.. تجده في تفسير ابن كثير)
^^^^^^
والحين للأسف... يلهثون خلف المشائخ.. لمن يرخص اكثر في بعض المسائل ! هذا اعتبره مو من الاستقامة

* حياك ربي كفاك عذاب .. والله يريح كل من فيه عذاب ..

[رحّــال]

لحظه لحظه

أنا صراحة اختلطت عندي الأمور


يعني الحين البنت لو شالت شعرها فوق طبعا بدون ما تلبس عباة
حرام هذا والا ايش ؟؟؟

[مياسة]

اقتباس:  المشاركة الأصلية كتبت بواسطة شموع تحت المطر     ياحبي للي يفهمونها وهي طايـــرهـ .. ولا هذولاء على طول يجلعدون بتس بالتهم..! انا شفت الشباصات الكبيرة اللي يحطونها تحت الغطـــاء عند مرايا وبديت اهوجس اقول ابعلم الهيئــه لانه حرام<<وهم مايقصرون الله يعافيهم.. اشوف العالم روسهم يوحشن كبار ولاادري شسالفه واشوف وحدة بحمامات مول كبير قاعدتن ساعتين تصف صف هالعامود فوق راســه.. بس نفسي اعرف ماتوجع وتصير ثقيــله..؟؟!! وترا يهون اللبس بالملاهي عند قاعة الرصافـــــــة وقت ماحطوا ذاك اللســتيج الاحمر صارت القاعة عرض ازياء مشفــــــــر

* شموع يا حلوتي قبل لاتعلمين الهيئة جربي تقولي لمرايا هالملاحظة.. انصحيهم هم أحسن,, .. وإلا شرايك ؟

بالنسبة للرصافة والعزيزية.. فمدري عنها <- مطلقة القاعات بالثلاث .. هه.. اروح فنادق بس.. هه

[شموع تحت المطر]

[align=center]

اقتباس: بالنسبة للرصافة والعزيزية.. فمدري عنها <- مطلقة القاعات بالثلاث .. هه.. اروح فنادق بس.. هه

وراه مطلقتهن..!!
عاد فنادق ياحليلتس ىخر عرس حضرته بفندق دخلوا عشرين رجل اقالتس زفـــة..<<ياحبي لعروسنا

العالم منطلزيـــــــــــن خليها على ربك..[/align]

[مياسة]

اقتباس:  المشاركة الأصلية كتبت بواسطة رحّــال     لحظه لحظه أنا صراحة اختلطت عندي الأمور يعني الحين البنت لو شالت شعرها فوق طبعا بدون ما تلبس عباة حرام هذا والا ايش ؟؟؟

ايه حرام .. حتى عند النساء
معليش الغلط مني لما خصصت عند الرجال فقط ,, <- لان البنات طايحات بهالحركة عند الخروج فقط..! <- غاثاتن



* (نساء كاسيات عاريات مائلات مميلات رؤوسهن كأسنمة البخت المائلة)-> عند النساء والرجال.. دون تحديد ,’,
وإلا كان عري النساء جائز عند النساء ..


فيه ناس ترفع شعرها بس مو بصورة مبالغ فيها .. يعني مايصير مثل اسنمة البخت.. هنا اتوقع تجوز.. لكن ما اقدر افتيك,, لعل احد من اهل العلم يفيدنا



وإليك هذا الرابط للافادة العامة :
http://www.islam-qa.com/ar/ref/14627

[مياسة]

اقتباس:  المشاركة الأصلية كتبت بواسطة شموع تحت المطر     [align=center] وراه مطلقتهن..!! عاد فنادق ياحليلتس ىخر عرس حضرته بفندق دخلوا عشرين رجل اقالتس زفـــة..<<ياحبي لعروسنا العالم منطلزيـــــــــــن خليها على ربك..[/align]

الله يهدينا ويهديهم.. وش نكون بلا رحمة رب العالمين !
*منطلزين.. ذكرتيني بولد خالي.. يقولها.. هه

[ابو سفيان الطحان]

ماشاء الله

شيء جميل فعلا والله وشرح اكثر من رائع
الله يجعلكم من اهل الجنه الداخلين بغير حساب
ويغفر لنا ولامه محمد

[غَسَقْ,]

وَكَمَآ قَآلت التَيمُوريِّة :

بَيدِ العَفَآفِ أَصَونُ عِزَّ حِجَآبَي ... وَبِهمتي أَسْمُـو عَلَى أَتْرَآبِي
مَآضَرَّني أَدَبي وَ حُسنُ تَعَلَّمْـي ... إِلآبِكَونِي زَهرةٌ الأَلْبَــآبي
مَآعَآقَني خَجلِّي عَنْ العَلَّيآ ولا ... سَدل الخِمَآربِلمتي وَنِقَآبِي


نَحنُ نَفْتَقِد النُصح ,
نَحنُ نَجهل كَثير مِنْ الأُمُور ,
نَحنُ نَجهل مَعنآ التَطور ,
نَحنُ لآنَفهم بِ الجَمآل شيءً ,

وآقِع مَرِير , وهُم غآفِلُون في سُبآتً عَمِيق
سَأَبقى هُنآ حتى يَفِيق النَآئِمُون مِنْ سُبَآتُهم


مَيآسة ../
حَتى في الإِنْتِكَآس فَنُون ,
نَعم وإِبدآع بِ جُنُون ,
ولكِن لَيتَهم يَفقُهون

التوقيع

[,, وأنذرهم يوم الحسرة ,,]

[,, ربي توفني مسلمة والحقني بالصالحين ,,]
آآآمين

وفقكِ الله ورعآكِ ,

[نواره]

مياسه
تدرين وش الي يقهر
زياده على الناحيه الشرعيه
انه عري قبيح
مناظر اعتبرها بشعه
ساقها مثل البالون ولابسه قصير
بطنها مترين ولابسه تي شيرت مطلع نصف بطنها
ذراعها يغمت البعير
ولابسه كت
لو شفتي لبسها كله ميد ان فرنس
ماتدري انه بين العربيات والفرنسيات فرق
تلحق الموضه وبس
قبل ايام كنا في زواج في الرياض
لامرت من عندي وحده منهن اصد لانها مناظر بشعه
لاتمت للكاجول والمدورن ولاحتى الذوق بصله

ودام ضياء قلمك
لك التحيه

[مياسة]

اقتباس:  المشاركة الأصلية كتبت بواسطة ..twix..     [align=right]ميــس هذولي البنات اللي شفتيهن ما عندهن استعداد يتحملن حر وسموم بريدة لكن عندهن استعداد تحمل سموم ولهيب سقر ..!! أنا سمعت أن الصدور والفخوذ هناك معروضة تقول قريبة لي كأنك فاتح ثلاجة دجاج الوطنية كل جزء من من اجزاء الدجاج اللي في الملاهي مكشوف ومعروض للفرجة...!![/align]

اللهم إنا نعوذ بك من سقر ..! وكل ما يقرب لسقر
صدقت قريبتك .. العرض هناك مجاناً.. وهذا دليل رخص ما يعرضون !!

[مياسة]

اقتباس:  المشاركة الأصلية كتبت بواسطة العبرى     حين تكون هناك مجموعة تلبي الذوق والحشمة في وقت واحد..لن ترغب واحدة بالشذوذ عنها..! تحيتي,,,

انقلبت الآية الآن.. واصبحت المحتشمة هي الشاذة ..
كما قالت البسمة الوردية .. معقدين .. هه ! ناس متخلفة عن جد !!

[مياسة]

اقتباس:  المشاركة الأصلية كتبت بواسطة طاسة لبن     الله يهديهن بس البلاء الي تلبس متستر واول ماتطب الملاهي تفصخ الي كانت متستره به .. بتماشي البنات الي معه مره ريحين للملاهي وعند الطلعه شفت بنتين ومعهم امهن الله يخلف على الام جالسات يلبسن التنانير الساتره قبل لا يطلعن...يخافن من الي جاي يشيلهن وا يخافن من الي فوقهن شي يقهر

لا ما كبيتي العشاء ولا شي بالعكس كتبتي واقع مرير,,
ما العمل عندما تنقطع أحبال استشعار وجود الخالق ,, وكأننا نعيش في كوكب لا رب له !