عبر عن حالتك النفسيه ببيت شعر

[»•° عطر الليل °•«]

من عرفتـك و انت يتزايـد x غـلاك x
و صار: قلـبي : بـ المشاعـر يحتويـك
ما حسبت العمـر من دونـك هـلاك
لين بان x الشـوق x في عيني إليـك
انت : آمـر: بس و قل لي وش منـاك
و من عيوني غصب عن عيني x يجيـك

[حكاية إحساس]

[align=center]
يارب ياللي تسعد العبد لاضاق
وتدمح خطاه وزلته وانكساره

انا رجيتك ضاق دربي والافاق
افرج لمن تاه الطريق بنهاره [/align]

[(*§ حـــــور §*)]

تبغاني أتعب وأنت ماتتعب شلـون.!؟
هذا الهـوى مافيـه يمّـه ارحمينـي
لاتقول ميت فيك .. واااجـد يقولـون
انا وين أبصرف كلمة ..تموت فيني..!؟
الحب ماهو لعـب ,, الحـب ملعـون
ماهو بيديك الحـب ولا فـي يدينـي
بكّى كثير عيون .. وسهّر له عيـون
وأول عيون ٍ شافت الظلـم ..عينـي
ياتحـبْ زيّـك زي ماهـم يحبـون.!
وعينـاك لحظـه ماتفـارق عيونـي
ولا تجيني كلك حب وتحـب بجنـون.!
يايفـتـح الله لاتفـكـر تجيـنـي ..

[رهينة الاحساس]

من يشتـري قلـبٍ همومـه ملاييـن
....................... ويبيعنـي قلـبٍ مـن الهـمّ خـالـي
عجَـزت أعـدّل مايـلات الموازيـن
....................... أليّا اعتـدل ميـزان ميـزان مالـي
دنياك يا الجاهـل تراهـا أمّ وجهيـن
....................... أيـام تشـرب مُـرّ وأيـام حـالـي
ويظهر صديق ٍ لك من الناس الأقصين
....................... يكفيك عـن رفقـة رفيـق ٍ موالـي
ورفيقـك اللّـي بالقفـا حَـدّ سكيـن
....................... بع رفقته بأرخـص ثمـن لا تبالـي

[ツ • بسْـطـَويِـسـْي]

[align=right]قالت قصيمي قلت فخر ومعزة
أهل الكرم والعلم والحلم والباس

قالت قصيمي قصدها بي تهزة
ماتدري اني بفتخر وارفع الراس

الحمـدلله روسنا دوم رزة
اللي خلقنا بس نحني له الراس

صافي نسبنا والحسب فية عزة
أصل أصيل وفصل والعرق دساس

أهل الوفاء والدين صافي منزه
عن كل ماشاب العقيده من أدلاس

حنا العقيلات انشدي رجال غزه
حنا هل الدنيا وللدين حـــراس

حنا سنايد نجد في كل حــــزه
لا خانت حلوق الرجاجيل الأنفاس

حنا اجبال يعجز الريـــح هـــــزه
حنا لنجد حزام وعصابة الــــــراس

نارد حياض المرجـــلات ونلـزه
مانمشي دروب الرذيله والأدناس

من يغلط لسانه علينــا نجـــزه
واللي يحقر قدر الرجاجيل ينداس

منا العدو تكفيه بالعين خـــــزه
يقضي عليه الخوف مع كل هوجاس

من ذكرنا في قلبه تثور نــــزه
من طاري القصمان يبلاه وسواس

نومه كوابيس وروعه وفـــزه
دقت نواقيس الخطر له والأجراس

وان هو لقي له من علينا يــوزه
هون له الصعبات وابليس خنــاس

مايدري انه للمهالـــك يــدزه
عجل علي مبناه يمحي من الساس

يابنت حنا من نخانا نعــــــزه
يأمن بنا الملهوف وتهابنـا الناس

مرسولنا للخير دايــم نكــزه
ولصرخة المحتاج نرخي الأكياس

تاريخنا مجـد لبسناه بــــــزه
نمشي بوسط السوق ماندحم الساس

لك ماتركنا بكاس الأمجاد مـزه
واجد عليك ومثلك حثالة الكاس

وش جاب حر الطير لفريـخ وزه
منهو يساوي جوهر الماس بنحاس

لاتحسبين انك لنا مــسـتفـــزه
وش ياخذ الباعوض من ريش قرناس [/align]

[الياسمينه]

ترى آصعب آلموت .. موت ً يذبحك كل يوم

وآصعب حيآتك .. تعيش وإنت جوآآآك ميت....

[رهينة الاحساس]

لآ تحطني برآسكـ ولآ آحطكـ برآسي

رح قبل لآ تشعل بـ صدري لوآهيبهـ

يآ شآطر آصحى ولآ تزود لي عمآسي
آلرآس يآبس .. ولآ دآرت دوآليبهـ

لو تنكسر شوكتكـ مآ ينكسر بآسي
جنب ترى آبليس يروي لي ملآ عيبهـ

مشكلتكـ آنكـ على ( شعب الهوى ) قآسي
ومشكلتي آني عنيد وكآرهـ آلطيبهـ

ترآني حسآس وآنتآ تجرح آحسآسي
وجرح آلآحآسيس عندي آكبر مصيبهـ

آن كآن قصدكـ تعلق قلبي آلرآسي
كآن غيركـ آشطر وبدري شخص يوميبهـ

رح بلغ اللي مسوي حضرتهـ نآسي
آن رآح ( مآ يشوف شر ) وآن جآ ( بهلي به )

[آبرآهيموڤيتش]

على طاريك كل لحظة .. ولا أحتاج للتذكير

حريص القلب ما ينسى عيونك لا توصيني


محد يِقدر يعوضني لأنك .. في عيوني غير

و مهما شفت أنا الفرحة .. بدونك ما تسليني


و كيف الحال وشلوني .. جواب ٍ ما يبي تفسير

بدونك إنت / ما تضحك حياتي و ترمش سنيني

[(*§ حـــــور §*)]

تعلمت ان العطا لوزاد عن حده خطا

تعلمت ان الجميل مايملا كفوف البخيل

تعلمت ان العيون اذاعشقت تصير ستر وغطا

وان أصدق دروب المحبه ماتبغى دليل

بس إنت

<<أغلى من مشى على الأرض ووطا>>

وصدقني

"غلاك مومحتاج لدليل"

[(*§ حـــــور §*)]

والله ما أنسى صاحب مانساني ....
لو طالت الغيبة وضاعت نواحيه ...
يبقى معي مابين قلبي وعيني ....
والنفس من بد المخاليق تغليه ....
وانشد عن احواله بعاصف سنيني ....
وارتاح لا زانت وطابت لياليه .....

[(*§ حـــــور §*)]

الحب ./ له عند المحبين .. قانـون
... ( اما عمار القلب ./ ولاّ دماره ) .!

[(*§ حـــــور §*)]

نسى أسمي و باسم غيري ناداني
جرحني جرح ما عمــري تألمته

وتأسف لي و تعـــذر لي وترجـــــــاني
يقول غلطه وسكــت عنه ما كلمته

شسامح فيك تناديني باســــم ثاني
حســافه بس غلاك بالروح سكنته

[آبرآهيموڤيتش]

أذكـر إنـكــ قـلـت لـي :


............. أرخـي جـفـونـكــ ..!


و يـوم أنـا " غـمـضـت "


مـن وجـهـي إقـتـربـت ..


و قـلـت لـي :


........... كـذا الـدنـيـا بـدونـكــ ..!!

[الياسمينه]

بتركك وآغيب .. ياللي مابعد خيّبت ظني
وانتظرني / بنتلاقى .. حتى لو طوّل فراقي !

ياحبيبي لاتعذبّني ولاتبكي .. لأني ..
اكره دموع المفارق / واعشق دموع التلاقي !

[(*§ حـــــور §*)]

اناجنـوني وأفكــاري جنونيه
....تخطي بي الناس واستعذب خطاياها
احساسي اني اسامحهم طواعيه
....يطير بي فوق هام السحب وأعلاها
حفظني ابوي معلومه اساسيه
....أكارم القوم تعفو عن دناياها
وعلمني انسى الردا وازيّن النيه
....ولا اشوف الأوادم من زواياها
الـوجه بالـوجه والنيه إلهيه
....واللي بيدور على الزله بيلقاها!