عباية .. ( البانوراما ) والموضة الجديدة ..؟؟

[طايرتن بوهته]

اللهم استرنا فوق الارض وتحت الارض ويوم العرض عليك

[oldman]

ياحلالات الخيزرانه المربصه بزيت عرض أصبعين هي لشطتن وحده وماعاد تتعودلها تطلع بمثل هالعبايات
بعض العادات وقلّة الحياء ماتنقطع بالمسايس ماتنقطع إللا بلاسوب حمر يفسد الدم وحرّته ماتروح إللا بعد شهر وصوته يبقى يطننن براسها مابقيت على قيد الحياة
والله ان تزوّلها الكروللا مهوب البانوراما وتبدا تلبس خيشه من الروعه .

[(( ** stop ** ))]

وعليكم السلام ورحمة الله وبركاته

هلا والله وغلا بتركي هلا والله بالتشليح هلا والله براعي البلاكونه هههههههههههه

شف ياقلبي : والله ان اللي يلبسن هالعبايات مستاثمات وعلى منكر لانهن فتنه وقلة حياء ومايستحن >> رايح فيها الرجال من الصوره ههههههههههههههه

لاكن الشرهه ياتركي على ولي البنت سواء زوج او ابو او اخ هو اللي عليه الشرهه والا البنت ماعليه شرهه ،، والدعوى مدحدره ياتركي ومن جفره لدحديرا ،، والبنات كل مالهن بزود وبقلة حياء (( البعض من البنات وليس الكل >> تقعد تجي قتاله همن تستلمن هههههههههههه ))

لاكن كل واحد عليه باهله واللي بذمته ،، يقول الرسول صلى الله عليه وسلم (( عليك بخاصة نفسك )) الواحد عليه باهله والباقين ندعو لهم بالصلاح والعافيه


وبالاخير حبيت اشكرك ياتروكي على الصوره هههههههههههههههههههاي >> اللهم لاشماته ياررب نقعد نبلاء ،



(( ذهبت الغيــره فذهب الحيــــــــــــاء ))

[t u l i p | n]

^


ستوب طمبس قطعت حتسيي ذذذ




الله يقويك يا سلمان هههههههه

خلنا نعرف نتسوق مثل المسلمين

[حـــكآآيـة رجــل]

الله يعافيهن ولا يبلا غيرهن .. ويستر على بنات المسلمين
نرجع في المقام الاول لولي الامر عنهن وتربيتهن .
الحرمه من اول ركزه تتعود .. لكن اذا خليت تمادت
وعبايات الراس مو كله فتنه .. اعتقد
يمكن اللي فيها زخرفه وضيقه هي المصيبه وغير لايقه
لكن اعتقد بالمقام الاول الفتنه تظهر من جسم البنت
بعضهن ماشاءالله احسن شي تلبسها خيشه عن الفتنه
مهما لبست تبي تفتن والزين زين مهما لبس
وبعضهن تلبس وتحب تتزين لكن مو قصده الفتنه
والله اعلم بالنوايا .. وبالعكس تحصله احسن دين واخلاق من بعض اللي متسترات
اللي اذا شفته تقول الدين يذرف منه ماشاءالله ..
وهذولي ينطبق عليهم موضوع البراويز .. للاخ رحال
تبقى براويز جميله لكن ماندري عن مضمونه

[t u l i p | n]

حكاية رجل

كلامك سليم يا اخيي

لكن يظل حجاب المرأه الكامل هو فرض شرعي يجب عليه الالتزام به
مسألة ان أخلاقه زينه و عباته و الله انه أخلاقه ما تشفع له
الحجاب فرض و الاخلاق اقل منه مرتبه بالدين

اللي حبيت اوضحه

الأهم ثم المهم

[(( ** stop ** ))]

اقتباس: وبعضهن تلبس وتحب تتزين لكن مو قصده الفتنه والله اعلم بالنوايا .. وبالعكس تحصله احسن دين واخلاق من بعض اللي متسترات اللي اذا شفته تقول الدين يذرف منه ماشاءالله .. وهذولي ينطبق عليهم موضوع البراويز .. للاخ رحال

الحين وشلون يالاخو تقول : بعض اللي تلبس عبايه على الكتف انه على النيه والله اعلم بالنوايا ،، وبعض المتسترات تتهمه وتقول ((برواز )) ليش ماتقول ان اللي اتستر الله اعلم بالنوايا مثل ماقلت عن اللي تلبس على الكتف ،، ليش اتهمت البعض انه برواز ؟؟،،

واتوقع الموضوع يتكلم عن الحجاب وليس عن الاخلاق يالغالي

الله يعافيك ولا يبلانا

[t u l i p | n]

اقتباس: ** يضيقون الصدر و الله ... و الله أني ارحمهن و الله اكثر من أني اعصب عليهن و لو أنهن يتمخطرن قدام اخيي الله يعصمه لكن ما نقول الا اللهم عافِ المبتلى و لا تبلانا شكله شخصية ورزه أخوتس ياعنتره هههههههههههه وترا موب لازم ينزل للسوق،، او لازم محرم معكم >> وش دخلك يالملقوف كل ذا نغر عشانه شخصية ههههههههههع الله يحفظه ويعصمه يارب من الفتن وجميع شباب المسلمين واولهم انا

صبحك الله بالخير ابو خالد

معلوم رزه قاضين منه ههههه

و الله مهب لازم ينزل بس احيانا شغله صغيره و راجعين مهب مسوات
ينزلنا و يروح فـ يدخل السوق معنا

امين الله يعصمنا و إياكم يارب

[رفيــع الشــان]

كان اول التزين باللبس الداخلي في السوق
الحين اهم شي العباية
في الاول ما نعرف الا شكل واحد
الحين كل يوم شكل واسم جديد وكشخة جديدة
العباية هي الفتنة وهي اللى تلفت الانتباه
اغلب العبايات الجديدة توصف الجسم بشكل دقيق
الله لا يبلانا ولا يفتنا قمنا نخاف نطلع للسوق :d

[حـــكآآيـة رجــل]

لو نبي نتكلم بالامور الدينيه
كان انفتح كذا باب .. وتسكر عليهن كذا باب
لكن وين اللي تبي تقتنع وتسمع تسكر وتفتح الباب .. كان نتكلم بالدين
لكن الواقع والحقيقه تختلف .. كل سنه تتغير الاشياء لاكثر تفتح
ومعروف ان المراءه تحب تتدحرج ورى الموضه .. مهما كان دينه
وهذا الواقع لهن .. نبي الستر باس على قولت رفيقتك

[ŋŌuƒ]

أنا ماعرف ليش واقف الى عالكتف ,,
بعضها استر من الى عالراااس مليون مرة
الحسبة في طريقة اللبس مو النوع ياتركي..!

[شـــــادن]

اقتباس:  المشاركة الأصلية كتبت بواسطة ŋŌuƒ     أنا ماعرف ليش واقف الى عالكتف ,, بعضها استر من الى عالراااس مليون مرة

nouf
وزياده ع كذا بعض البنات عندها عباية الكتف من الكبائر حتى لو هي عريضة ومافيها أي شي يدعي للفتنة
وهي عبايتها ع الراس وعيونها مستحيل تغطيهم عند الرجال
خير إن شاءالله غطي عيونك والبسي اللي تبين
والحمدلله لاصارت عباية الكتف عرض بشت ابوي ماشوف فيها فتنة

[ŋŌuƒ]

اقتباس:  المشاركة الأصلية كتبت بواسطة شـــــادن     nouf وزياده ع كذا بعض البنات عندها عباية الكتف من الكبائر حتى لو هي عريضة ومافيها أي شي يدعي للفتنة وهي عبايتها ع الراس وعيونها مستحيل تغطيهم عند الرجال خير إن شاءالله غطي عيونك والبسي اللي تبين والحمدلله لاصارت عباية الكتف عرض بشت ابوي ماشوف فيها فتنة [/center]

متنا ,,شنقول للشعب "الهولة"!

[مهندس الكلمات]

أشوف 95% من العضوات هنا ضد النوعية المذكوره من العباءات
والمشكله الواحد اذا راح للسوق بيشوف 40% من البنات يالبسن نفس العباءة
ودي اعرف وين عايشات
والا وش سالفة هالتناقض ؟

[محمد عبده]

كلن مسؤول عن عمله . الحلال بين والحرام بين .