هذا الله يسلمكم كان عشانا في يوم من الأيام عباره عن سلطه بس سلطه غير شكل وتنفع تكون الوجبه الرئيسيه لانه متكامله واذا حابه تحطينها طبق جانبي
بس ماتذكرت اصورها الا بعد ماخلصت من اعداده يعني ماصورت الخطوات
بسم الله نبداء
نحضر صينية البايركس او اي صينية تقديم نكون مجهزين حبتين بطاطس مقطع مكعبات صغيره و كم حبه باذنجان مقطع مكعبات صغيره ومقليه بزيت غزير ونفرشهم بالصينيه
نكون مجهزين قطعة فاليه دجاج ومقطع صغير ونحمس بصل صغير وثلاث فصوص ثوم بشوية زيت زيتون وبعد مايتحمر البصل والثوم نضع الدجاج ونقلبه ونرشه بشوية كمون وفلفل اسود وملح بعد مايستوي نرفعه ونضع علبة زبادي وملعقه ملآنه مايونيز ونخلطه مع الدجاج ومن ثم نفرشه فوق الطبقه السابقه (البطاطس والباذنجان)
نقطع خمس حبات خيار حجم الكبير الى مكعبات صغيره ونفرشه فوق الدجاج
نص حزمة بقدونس مفروم فرم متوسط ونضعه كطبقة اخيره
ومن ثم نجهز الصوص
عباره عن زبادي وملعقة جبن سايل وعصير نص ليمونه واشوي زيت زيتون وملح نخلطهم ونصبهم فوق الصينيه ونجمله بالسمااااااااااق ويقدم مع الخبز وتمتعوا بأحلا مذاق
العرض الشجري