لعانة حريم !!!!

[علندا]

اقتباس:  المشاركة الأصلية كتبت بواسطة قـتـالـه     بمجتمع الدوام اهج عن ذات الدين هجيجي عن جحر الداب :| مالحرمه دين ولامذهب تتنازل عن قناعاتها بمجرد اعجابها بشخصك وفكرك :/ دين الحرمه ينحصر بسجادتها وصلاتها وماتقرب لحواجبها وتنصح عن النقاب والاغاني اما مايخص المعامله اسمحيلي . . يوحشن وعندهن استعداد يوصلن لك سوء ظنهن ولو من خلال نظراتهن فقط ! ^^ بمجتمع العمل انا اتكلم اليوم وانا استهل بداية الدوام واشوف قدامي من كل العينات بالمعايده الصباحيه اقول بنفسي ربي عطني خيرهن واكفيني شرهن آه بس من طق شماغوه وثوبوه وراح مع طوال الاشناب اقلها ناس واضحه وماعندهم هرمونات طالعه نازله

- تقصدين اسمح لي وليس اسمحي لي علند رجل وليس امرأه

- لديك اتجاه خاطي نحو المتدينات والهرب منهن ربما لموقف او موقفين فعممت النظره السوداويه عليهن

- لديك اتجاه خاطي نحو النساء بان دينها دين تعبد وليس دين معامله وهو ايضا مبني على تجربه شخصيه عممتيها على سائر حياتك

- لديك حساسيه زائد حتى انك تفهمين من النظرات انها توصل سؤ الظن

- لديك نظره ورديه تجاه مجتمع الرجال حتى تمنيت شماغ وعقال


انت تعيشين حاله من سؤ الظن والقلق الزائد من المجتمع النسوي وهذا الصندوق الاسود المحشو في دماغك سببه مواقف مؤلمه عممتيها على سائر حياتك

لعلك تعيدين برمجه افكارك وقناعاتك من جديد واياك والوقوع في اسر الخبرات المؤلمه والنظره الحديه التي تشيطن طرف وترفع طرف الى مستوي الملائكه وهي نظره طفوليه اشبه ما تكون بالتلفزيون الابيض والاسود

ختاما تذكري قوله سبحانه ( ولا تتمنو ما فضل الله به بعضكم على بعض ) نزلت هذه الايه حين تمني بعض النسوه دور الرجال

ورسولنا يقول ( ارض بما قسم الله لك تكن اعبد الناس )

وقد قسم الله لك الانوثه

[مُلهمه]

صدق من قال لعانه حريم

بجد فعلا

وكل ماكبر سنها كل ماكانت أكثر كيداً والعياذ بالله من هالخصله

كنا بتطبيق عملي ببعض المدراس أنا وصديقاتي أعمارنا كبر بعض
لكن فيه ناس دخيله علينا من زميلات أكبر منا
يعني فيه عشره حموله وأولاد وأزواج وهيك من وراها
تصرفهن مع بعض ومعنا يبدو أنهن مجربات الكثير من المعارك
ولو بحثت عن المشكلة والسالفة اللي هن يحومن حولها
وأثاريها تافه ماتوصل للحقد والكيد
وبعد مارحت قلت لأمي هالسالفة وقلت لها ماعمري شاهدت حريم مثل ذولي
أنا وصديقتي عسل مصفى قالت لي أمي: كبار ، قلت: أيه قالت: لاتلومينهن جربا من الحياة أكثر وكل ماكبر عمر الوحدة كل ماكبرت شياطينه
قلت: معقوله ، قالت: أكيد

وفعلا بعد ماجربت أفعالهن بالتطبيق العملي قلت سبحان الله صدق من قال (إن كيدكن عظيم)

[ضمير بريدة]

حسب ما ورد لنا من اخبار عن لعانة الجنس الناعم !!! ما ادري كيف تجتمع لعانة مع نعومة !!!
يقال أن بعضهن عندما تزور الحمولة أو تخرج معهن في استراحة تأتي بالخادمة وتجلعلها الحارس الشخصي لطفلها طوال الوقت حتى ما تشتغل !!!

وبعضهن تتعذر بالمرض والتعب من أجل عدم الحضور لمناسبة معينة بسبب وجود فلانة أو علانة !!!! هذا ما وصلنا من بعض المصادر والتعب على الراوي

[عازفة ألحان الليل]

وأقسم بالله ان مو كلهن كذا والله حرام عليكم تظلمونهن
ماتحسون انكم تظلمون المرأة عامة أو عادي عندكم تظلمونهن بإسلوب الجمع !

[Miss Tala]

اقتباس:  المشاركة الأصلية كتبت بواسطة قـتـالـه     خاصه بمجال العمل المختلط قليلآ

انا اشهد والصراحه لو ابحط فيها مجلدااات كان امداني ..وتنعدم الصداقات وكل شي يهون ...

بس عادي تعودنااااااااااااااااااااااا....

[بدرالوابلي]

عندهن وعندنا خير ؟

بعض الذكور اردى من الأناث والعن من ابليس!

لكن دايم سبحان الله راعي النية الشينه يطيح به ؟

[نـدى الـورد]

اقتباس: حسب ما ورد لنا من اخبار عن لعانة الجنس الناعم !!! ما ادري كيف تجتمع لعانة مع نعومة !!! يقال أن بعضهن عندما تزور الحمولة أو تخرج معهن في استراحة تأتي بالخادمة وتجلعلها الحارس الشخصي لطفلها طوال الوقت حتى ما تشتغل !!! وبعضهن تتعذر بالمرض والتعب من أجل عدم الحضور لمناسبة معينة بسبب وجود فلانة أو علانة !!!! هذا ما وصلنا من بعض المصادر والتعب على الراوي

اقتباس:

هذي بسيطه ضمير بريده

من لعانة الحريم ان وحده اشترت فستان كانت

اخت رجلها شاريته علشان تلبسه في عرس

ولبست نفس الفستان خدامتها

علشان تكون حماتها اضحوكة المجلس

.

[طموحة بلا حدود]

هههههه وش دعوى خليتننا كأننا شياطين الانس مو لهذي الدرجه والبعض مو الكل وكلن يرى الناس بعين طبعه ههههههه

[طقاقة بدون مايك]

من النجاسة ببعضهن ....يعني وش تبينا انقول...والله ي بعضهن بهن لعانة لو توزعوه ع ديره تسسآن كفتهـ....>>... ّّ





الناس صآرو رآعين مصآلح وب قوووووه ...وكلن يقول أنآ ومن بعدي الطـوفآن....>>... ّّ

[Qassimy]

وش اللي اقراه ؟!!!

[أورگـيـد ..❤]

_



لآآ لآآ لآآ مو معقوول ابد اللي اقرآآه
صدق فيه حقد وحسد وغيرره وتبلي ونقل هرج بقصد الفتنه والتفرقه
بس ورربي قليل جدآآ اللي تسوي كذآآ
كان تقصدون بالعمل وإجتمآآع الموظفات يصير كل هالشي
بالحاله ذي أنا مدري ماحصلي أجتمع معهن

رفقاً بنا مصآآئب غيرنا لاتعمموها بكل النسآآء
أذكروونا بالخير

[نهاية الحتسي]

على قدر أهل العزم تأتي العزائم = وتأتي على قدر الكرام المكارم

ولا لا ياحريم

[التنين الصيني]

يقولون اذا تهاوشن حرمتين .... !

جلس يتعلم الشيطان منهن ....

....

تدري عاد يا ضمير .... " افكر بالأمريكان المثليين "

يعني حرمة تتزوج حرمة ثانية .... خخخ

تتوقع كم يدوم الزواج .... !؟

[قـتـالـه]

اقتباس:  المشاركة الأصلية كتبت بواسطة التنين الصيني     يقولون اذا تهاوشن حرمتين .... ! جلس يتعلم الشيطان منهن .... ....

دقر النساء يختلف باختلاف مشاربهن
بس يجمعهن دواء السفه :|
الحين سحاة مشغلتن بالخاص تبي حلقي
وسافهتها ادري انها بتقطع شوشتها من القهر

[كيبورد]

اقتباس:  المشاركة الأصلية كتبت بواسطة التنين الصيني     يقولون اذا تهاوشن حرمتين .... ! جلس يتعلم الشيطان منهن .... ....

هذا مصداق قوله تعالى .(ان كيد الشيطان كان ضعيفا)
وقوله تعالى.(أن كيدكن عظيم)















من تبين اهاوشه وامعط شوشته