أكثر سؤال يضايقني ........!

[محارهـ]

* عودة

من الأسئلة التي أتضايق منها وبعنف
هو سؤال حريمي لابد منه أول مايشوفون كرشت الحامل قد تكورت

انت بي شهر ... ؟

ليش طيب ..! هذا السؤال

ولو جاوبت تقعد تحسب كم باقي وطبعاً أمة لا إله إلا الله تدري بموعد الولادة
ولو تأخر الوقت
عادوا إلى السؤال ..؟

من جد مالي خلق كذى


* مخرج من السؤال
عزيزتي الحامل إن تعرضت يوماً إلى تطفل من إحداهن
فــ قولي لها ...
أنا في شهر ( رجب )
وأذكري أسم الشهر الهجري الذي يجري عليكم

شكراً *

[زين نجد]

أخي انتظرتك..
هناك أُناس فضوليون.. هكذا هم بالوراثة أو الطبع..
ألا ترى أن هناك أناس يقفون عند كل حادث لا لينقذ ولكن ليأخذوا الأخبار,!< يعني يحب هذا الشيء.
ألا ترى أُناس يطّلعون على شاشة كمبيوترك وبكل وقاحة < هم هكذا بالطبع غالباً.
إذاً: هناك أناس وهم كثر يتمنون أن يطّلعوا على أمور الناس وهذا ليس من شيم الكرام وليس من الأدب.
أنا من النوع الذي لا يسأل حتى لو كان إلا إذا كان عزيزاً عليّ ومع ذلك فأنا أستحي.
الآن أعرف من الأشخاص من أحبهم وأتمنى لهم كل خير ولم يرزق بذرية مع أنني أتمنى أن يُبشرني بالجديد إلا أنني أستحي أسأله وأقول في نفسي إن لم يخبرني هو فليس لسؤالي إلا الفضول في نظره.
أيضاً هناك من تخطى عمره الثلاثين ولم يتزوج فأستحي أن أفتح معه الموضوع مع أني أتمنى له كل خير.
أما من يسألك عما يضايقك فهذا يريد أن تكون مبسوطاً لأن هذا الشيء قد ظهر على محياك فأي شخص سوف يسألك مثل لو كنت مريضاً بعيد الشر فالكل يسأل لأن هذا أمر ظاهر للجميع.
عن نفسي فمن يسألني فصدقني أنني أجيب عندما يكون الأمر عادياً كالراتب مثلاً لا أظن أحداً يخفى عليه فمجرد أنني أسألك على أي مرتبه أعرف كم هو راتبك.
وما يضيرني عندما يعرف كم راتبي..!
تقديري لشخصك الكريم،،،

[انتظرتك]

اقتباس:  المشاركة الأصلية كتبت بواسطة فديكا التميمي     قضوا ياانتظرتك الا مير للحين الناس يسمعون أغاني ....؟؟؟

لا أبشرك ماعاد فيه فنانين

طلال مداح ميت من زمان
ومحمد عبده مريض
وعبادي الجوهر ماتت زوجته وإلتزم
وراشد الماجد لاهي بالتجاره وجمع الدراهم
وعزازي وخالد عبدالرحمن تزوجوا وركدوا ...

ماتشوفين الناس متوجهين صوب سلوم السلوم ..

اقتباس: تصدق عاد هالسؤال اكره انا اقوله لاحد موب عاد اللي يقاله لاني مااحب اللي يتشكى علي موب لشي لكن بيضيق صدري وانا مابيدي حيله ....

مشاركة الآخرين افراحهم واحزانهم
أمر واجب بين الأصدقاء والأقرباء ...

اقتباس: اما الشيب ماهنا ملحه وخاصه على الرجل ,,,,

عيرتني بالشيب وهو وقار
ودارت الدنيا بها والايام دارو
جاها حب بعدي مررها وقتلها
خصلتين بشعرها بيضات صارو ..

[انتظرتك]

اقتباس:  المشاركة الأصلية كتبت بواسطة راشد وبس     . بالنسبه للسؤال كم راتبك اعتقد انه على حسب الشخص وماظن يوصل لدرجة المضايقه الا ذا كان السائل الح بالاجابه وهذا شي نادر اما للسؤال ليه متضايق بصراحه توي اعرف ان الرجال يتضايقون من السؤال اجل اللي سائلك مسوي يخفف عنك مادرى انك تضايقتك اكثر فمثل حالتك الافضليه انك تكون دايم مبسوط معاهم ومستانس حتى تتجنب مثل هذه الاسئله الله يكون بعونك وعوافي على قلبك .

يعافيك ربي ويخليك


مشكلة الرجال عامة هي فرض الآراء
فعندما يأتي سؤال كم راتبك وإلا وش مضايقك ..
فأعلم أن هذا السؤال سيتبعه فرض رأي
ونقاش أنت في غنا عنه ..

[انتظرتك]

اقتباس:  المشاركة الأصلية كتبت بواسطة هوارة     ليته على الشيب لا والله أأبشر بمرض القلب ومعروف للي يكتم مايبي شي على طول يجيه ومهب عيب تفضفض لشخص غالي ولوآآني ماافضل لكن بعضهم ياثر فيه الكتمان ويضره أكثرمن ينفعه وخاصة للشخص الحساس سوا أمرأة والا رجل وياكثرالاسئلة اللي تضايقنا ليته على اللي ذكرت كان تهون .. ..

الله يكفينا شر الامراض ياهواره


لدينا قناعة بإن شكوى الرجل ضعف
لذلك نتحاشاها ولو كان ذلك ضرر لنا ...

[كرآميش]

ياليت يسألون وش مضايقني لاجت أسأله مالها داعي ليش ماحملتي ولدك كبير تاخذين حبوب أمك سعوديه بحكم اني مو موظفه بس بعد ماتوفى الوالد الله يغفرله الناس عارفين إن عنده خير فا يجونك بطريقه بايخه مثل عاد لا تلعبين بفلوسك لا يدري زوجك كم جاك يعني ماأدري وش تستفيد هالعالم من هاللقافه

[zα7мт мαšнα3я]

أمي من يوم عرفتها وهي عمرها 37 ...!!!!
واذا قلت لها انا وصلت الثلاثين
قالت ترى مابه طماط وخيار ولاتنسى تجيب طبق بيض !
يعني انثبر ولايكثر ...

نتضايق منها لأنها تدخل بالخصوصيات ...

ما تكبر هي!!

ههههههههه

وبالنسبه لسؤال ليش متظايق ؟؟

هو أكره سؤال يمر علي إسألوني أي سؤال الا هذا

وأصلا ما يمدي أحد يسألن هالسؤال إلا الدموع و الفيضانات


والعمر أحسه عاااادي

[فديكا التميمي]

اقتباس:  المشاركة الأصلية كتبت بواسطة انتظرتك     لا أبشرك ماعاد فيه فنانين طلال مداح ميت من زمان ومحمد عبده مريض وعبادي الجوهر ماتت زوجته وإلتزم وراشد الماجد لاهي بالتجاره وجمع الدراهم وعزازي وخالد عبدالرحمن تزوجوا وركدوا ... ماتشوفين الناس متوجهين صوب سلوم السلوم .. الله يبشرك بالخير وسلوم السلوم مهنا زينه ليت كلن مثله وسع صدرك بدون موسيقى وخربطه ماغير وجع راس ,,,, مشاركة الآخرين افراحهم واحزانهم أمر واجب بين الأصدقاء والأقرباء ... ودي بس لاصار مابيدي حيله بتشكييهم يضيق صدري وبالنسبه لي مااحب اتشكى على أحد ,,, عيرتني بالشيب وهو وقار ودارت الدنيا بها والايام دارو جاها حب بعدي مررها وقتلها خصلتين بشعرها بيضات صارو ..

عاد الشيب اللحين بالصغير والكبير ,,

[انتظرتك]

اقتباس:  المشاركة الأصلية كتبت بواسطة ماجد الشمري     جميل جداً وعلى فكره استاذي كنا في السابق اكتسبنا عاده من الطفوله عدم قبول بكاء الرجال ونشاهد تلك الاوضاع بعين التعجب والنقص .. وانا اقولك في السابق لإن الوضع اصبح مختلف الآن <--- طبعاً بالنسبه لي أنا .. ياعزيزي لاضير من مشاركة احزانك الغير ولا يعيب شخصك ولا ينقص ذلك من رجولتك ..! صدقني انت محروم من شعور جميل ورائع عندما ترتمي إلى حضن من يهمه امرك وتنعم بإزاحة تلك الشحنات السالبه ولاتنسى ان سنة الحياة هي متغيرات لكن دائماً ماتكون دون الرغبات فـ تترسب المواقف حتى تخلق جبال من الضغوط النفسيه وإذا لم تجد تلك الشحنات متنفس لها ..! عندها ستصاب بالعلل النفسيه وامراض وهلم جرا من مزاجيات الكدر والضيق ..! لذلك لاتفوت على نفسك فرصة البكاء والفضفضه وإزاحة تلك الشحنات من داخلك وانظر بعين الواقع .. الرجل معرّض للضعف والهوان وفقر الحِيَل ولا يملك المعجزات ولا سبيل للمتغيرات ! والله الهادي .. حبيت اعلق على هذه الجزئيه فقط وكان الله بعون الجميع .. تقبل مروري

مرحبا أخي ماجد

كما ذكرت سنة الحياة هي متغيرات وغالباً ماتكون دون الرغبات ..
فلو فتح الرجال لأنفسهم باباً للشكوى والتنفيس بين أحضان المقربين منهم
لأصبحوا كالأطفال عفواً كالنساء لكثرة الهموم التي تحيط بهم من كل جانب ..


نعم نحن بحاجة إلي من يواسينا ويخفف عنا
لكن بطريقة غير مباشرة ...

[انتظرتك]

اقتباس:  المشاركة الأصلية كتبت بواسطة عزف الحقيقة     الرجل اذا ضاق صدره يحتاج الى الانزواء وحيدا بكهف لا انيس به لك ودي وما تشوف شر

لأنه بطبيعته لايريد أن يظهر بمظهر ضعف أمام الآخرين ...


شكراً عزف ,,

[كسرني غيابك]

تدري وش المشكله بعد ..

انه اذا احد سألك :
وش بك عسى ماشر ؟

وعلمته السالفه ...
يقول :
ايه بسيطه هونه وتهون ... <~ ايقاله واساك ..
همن يقوم ويخليك ...

يعني ليتك تستفيد الا منك علمته .. وهو ليته يستفيد اذا منه درا ..


مشكله هالعالم ...

[آلشــــــــــوش]

اقتباس: أما الرجل فيميل إلي الصمت وإخفاء ما يعانيه ومحاولة تناسي هذا الهم والضيق من خلال ممارساته اليومية ...

طيب واللي من النسساء
من هذا النوع ..
وش تسسوي ..!

تتنآسى وتضحك
ولا كأن شي صآر ولآحد يدري بَ اللي يصير ...




من نآحيتي السؤال اللي يضآيقني قوه ..
لآ قآلي آحد ..
آنآ حآس ان فيك شي
وش فيك ..!

<~ مآحبه آبد ..

بسس الحمدلله تقل خفوآ اللي يسألون اللحين ههههه
وإشتهرت عند الكل بمجتمعنآ بِ لقب الغامضه

شششكرآ آنتظرتك ...

[انتظرتك]

اقتباس:  المشاركة الأصلية كتبت بواسطة طقاقة بدون مايك     تكفى انتظرتك وش ه المود اللي عليك..!!! آرحمن الله يرحمك عبدوو و أبو سآرة آكئب نآس ب الوسط الفني عبدو ابو المصالة ‘‘حبيبتي أميرة في النساء ‘‘>>>> قل قسمبلاه > عسآك ماتعبت بس ي الله ي عبدووو آهني جماهيروه على طولة بالهم يقعد يون لك ونة ..آروح القريآت و آصفط ع عرعر وآصل حآيل وهو بعدو م خلص الونة ...مآر المشكلة والبلآ إني جدتي تقول م هنآ ملح صوته ,هذآ الفن العريق وش عرفتس ب الفن...مآر هذآ الي مسكتن عليه آمآ ابو سآرآ..ع الاقل اهون شوئ....آحس لو آدمن عليه ....م أخذ شهر إلا انا ب وسط شهآر من الكآبة و الإكتآب..بس ي علييه مووآيل تهوس خصوصن لقآأل { إن التي...>مآر آخ بس لو يسلفن ه العود شوئ ...$|> عذرن يعني ...فلكل منا ذائقته الخاصة + ومع كامل آحترآمي ل جماهيرهم آجل إحسآس>> بو صقر وابو رآيش م هنآ زينوه ...يقوطر يقوطر إحساس$|> / ب هالزمن آحد يحصلووه آحد يقول وش مضيقن صدرك ويزعل وإلا يتضآيق$|> حتى لو آبيتشفى بي اي ثنك مآتو النآس اللي يسآلون وش اللي غآثك و فآقععن مريرك؟ آيه بس اي ي زمن ... قلته ب حدآ ه الموآضيع مآلك حل عزيزي اللي ضآيقن صديرك .. إلآ أنك تروح ل آقرب برية و تطلق العنان ل حسك وتصرخ بكل م اوتيت من قوة وبعدهـ خل دميعآتك تنزل....ترآه م هو عيب والله بس المشكلة أنه بعض النآس عندهم شئ اسمه ‘‘عصي الدمع‘‘ يعني الدمعة عندهم ثقيلة شوئ .... م تنزل ب سرعة وآنآ اصراحة مدري اقول عنهم حظيظين والا من قل حظهم لانن أنآ موقنة أنه آهل الدموع في رآأإحـــــــــــــــــــــــــــــــــــــــــــــ ـــــة الكلام والله يطول بس اكتفي مشان م اطلسم ازود$|>

ترى ابو نوره يقول :

عذبة أنت كالطفولة كالأحلام
كاللحن كالصباح الجديد

كالسماء الضحوك .. كالليلة القمراء
كالورد .. كابتسام الوليد ..



أجل ابو صقر !
مادري تخيلتك راعية كرولا مضلله ومركبه جنوط وكاتبه رقم البيبي على القزازه
لا وكدش ولابسه برمودا ... << أكره الأشكال من قلب


ابو نوره وابو ساره
لهم ألوانهم الخاصة وجماهيرهم اللي ماتستغني عنهم
وبما أنك تحبين الطقطقه
اهديك اغنيه سمي ولكافة محبين ابو صقر ,,



ياكثرهم ياطقاقه اللي يسألون عن الحال
عاد يختلفون بعضهم نيته مواساة والثاني نيته مساعده
والباقين وهم الأكثرية يحب يدور سالفه علشان
إذا جلس مع خوياه يلقى شي يهرجبه ...


بس مو الدموع مخصصة للحريم
شلون تقولين مو عيب لو الواحد نثر دمعه ...!!

[انتظرتك]

مكرر ,,,,,,,,,

[سَـاكنة القـلب]

تنهيدة من أقصى الوريد ، وكفى .. !
.
.
.
اطلعت على نماذج من الأسئلة التي يقول عنها الأعضاء محرجة ،
وشخصيًا لا أراها إلا عابرة ولها ظلالها الخفيفة جدًا .. !
ربما لأني جربتُ الإحراج معنى وكلمة .