لييييييش ما تلبسين بنطال ؟؟

[قـتـالـه]

اقتباس:  المشاركة الأصلية كتبت بواسطة عاشق الخير     اللي تلبس جنز وهي تدخل وتطلع عند حمولتة مغسول وجهه بمرقة حاااره وهي ما تحس .. واللي تلبسه عند حريم بس لكنه ضيق فهي اردى واردى ولا تعرف من الحياء الا اسمه .. يتحججون بأن الجنز استر من التنانير والقمصان و هو كاشف جسمه .. الله لا يبلانا

من كود .. كود الله عليه
ياخي افصل بين حموضة العادات والمعتاد والحلال والحرام ,,
لكل ناس طبايعهم وطريقتهم .. والعادي عند حموله تراه حموله اخرى حرام وجرام وفيها قطع روس ,,
حمايل القمصان والهداريس يجودون انفسهم وماعليهم من غيرهم !!

[عاشق الخير]

8 8

شكلك توك صاحيه ومغمصه ومتصيعبه تقومين تغسلين ..
انت تشوفين بكلامي كلمة حرام ..
والا ودك تصبحين بهواش وبس ..
هذ رأيي وما للحلال والحرام وجود فيه ..

مع اني متأكد ان الحلال والحرام ما يتغير على حسب الحمايل والعوايل
وما اظنك بتحصلي ولا فتوى خمينية تجيز للمرأة تغطي راسه بجلال عند حمولته و تخلي كرعانة فرجة للرايح و الجاي

[To Be]

اقتباس:  المشاركة الأصلية كتبت بواسطة قـتـالـه     الله يذكرها بالخير د.ليلى الـ.. نعزمها من وقت للثاني بجمعاتنا سالبه عقلي سلب ,, من مواليد عنيزه وعمرها تقريباً 58 اذا دخلت علينا عباة هالكتف الهفهافه اللي توقف القلب والشنطه ياقوتشي يادكني بخورها وعطرها يشلق الراس نصين ,, واللبس طقم بدله من اللي تجي ب1800 أكثر او اقل ,, هذا غير ساعة الايبل او الرولكس ,, وكل هذا منعكس على ثقتها بروحها وسواليفها ماودكم تسكت يالبا ذيك الروح ونظيراتها بالعمر منقصعات وسواليفهن تحوم التسبد ودي اكوفنهن بعرجد اذا بدن يسولفن تقل يكبن سم مب سواليف

لا اعلم ماهو السر الذي عرفته د ليلى ولم يعرفه الكثير من بنات جنسها

[سمر العبدالله]

اقتباس:  المشاركة الأصلية كتبت بواسطة ابو ريما الخالدي     أنا أؤيد أن ترتدي المرأه الجنز أذا خرجت خارج المنزل فهو أستر لها من القميص وغيره خصوصاً في السفر

كذبت ورب الكعبة . وليس غريب عليك الكذب والتدليس.

[قـتـالـه]

اقتباس:  المشاركة الأصلية كتبت بواسطة عاشق الخير     8 8 شكلك توك صاحيه ومغمصه ومتصيعبه تقومين تغسلين .. انت تشوفين بكلامي كلمة حرام .. والا ودك تصبحين بهواش وبس .. هذ رأيي وما للحلال والحرام وجود فيه ..

صاحيه من الفجر قبل الخبابيز ومسفهله
اجل دامك مو مستند على حكم شرعي وشوله تنفي صفة الحيا عنها او بس لانها مو عاداتكم !
لعلمك فيه حمايل عادي عندهم التلهلم بجلال ومن تحت بنطلون ..
وكلن وطبايعوه .. وه راسي يوجعن ابي قهوه

[عاشق الخير]

8 8

باقي سطر ما عقبتي عليه ..
وباختصار عادات العوايل مو هي الاساس في الحكم على الشيء هو حلال او حرام ..
وكون المرأة على قولتك ما عندها مشكله الجلال على راسه والبنطلون من تحت متجخجختنبوه يعطين الحق في نزع الحياء من وجه بنت فهره ..

[قـتـالـه]

اقتباس:  المشاركة الأصلية كتبت بواسطة to be     لا اعلم ماهو السر الذي عرفته د ليلى ولم يعرفه الكثير من بنات جنسها

سر الدكتوره ليلى انها فقط احبت نفسها

[قـتـالـه]

اقتباس:  المشاركة الأصلية كتبت بواسطة عاشق الخير     يعطين الحق في نزع الحياء من وجه بنت فهره ..

عاد ضاع مستقبلها يوم عاشق خلاها بنت فهره !
ماادري وش هالحساسيه عندكم من البنطلون .. عادي يلبسن تنانير تقل مصير
بس بنطلون لا !
ياخي خلهن يلبسن باغات بس يزينن نواياهن وانت بعد زين نيتك

[عاشق الخير]

88
كملي معروفك واكتبي وهن يزينن نيتهن مع مظهرهن ..
والضيق سواء تنورة او بنلطون ام حتى خيمة شعر هو البلاء

[قـتـالـه]

اقتباس:  المشاركة الأصلية كتبت بواسطة عاشق الخير     88 كملي معروفك واكتبي وهن يزينن نيتهن مع مظهرهن ..

ياحيي من وين تبيهن يزينن مظهرهن وانت تبيهن يتسحبلن بأجلتهن وتحتها قمصان!
تدري وشلون .. من زمان وانا ودي مجلس الشورى يطلعون فرمان مايدخلن القمصان للسعوديه ويصادرن من البيوت ..
واللي تنصاد وعليها قميص تعلق بمقصله بحوشهم

[المنطق]

اقتباس:  المشاركة الأصلية كتبت بواسطة قـتـالـه     ياحيي من وين تبيهن يزينن مظهرهن وانت تبيهن يتسحبلن بأجلتهن وتحتها قمصان! تدري وشلون .. من زمان وانا ودي مجلس الشورى يطلعون فرمان مايدخلن القمصان للسعوديه ويصادرن من البيوت .. واللي تنصاد وعليها قميص تعلق بمقصله بحوشهم

فرماااان ياقتاااله


والله وصارت ثقافتنا تركيه بعد !

هذا الي كسبناه من المسلسلات التركيه فرماااان يخرب بيت العدو ....

[القلم الصريح]

يؤؤؤؤؤؤؤؤؤؤ عقول الناس اجناس واكثرهم محتاس

[قـتـالـه]

اقتباس:  المشاركة الأصلية كتبت بواسطة المنطق     هذا الي كسبناه من المسلسلات التركيه فرماااان يخرب بيت العدو ....

وش مسلسلاتوه ..!
ماجينا لبوريده الا من تالي والا كم عمرنا بتوركيا

[خشرم]

اقتباس:  المشاركة الأصلية كتبت بواسطة قـتـالـه     ياحيي من وين تبيهن يزينن مظهرهن وانت تبيهن يتسحبلن بأجلتهن وتحتها قمصان! تدري وشلون .. من زمان وانا ودي مجلس الشورى يطلعون فرمان مايدخلن القمصان للسعوديه ويصادرن من البيوت .. واللي تنصاد وعليها قميص تعلق بمقصله بحوشهم

والله أنــــا ودي مجلس الشورى يعلقون-بمقصله على قولتك- كــل من تســـــــول له نفسه أن يقــــول مثل هذا الكـــلام -ليس في حوشهم فقط- بل أمــــام المـــلأ ليعرف كــيـــف يتـــمنـــى مــــــــــرة أخــرى..؟!!!!

هدانا الله واياك....
تعرفين وشو الجنز أنتي؟!!!!!

[قـتـالـه]

اقتباس:  المشاركة الأصلية كتبت بواسطة خشرم     والله أنــــا ودي مجلس الشورى يعلقون-بمقصله على قولتك- كــل من تســـــــول له نفسه أن يقــــول مثل هذا الكـــلام -ليس في حوشهم فقط- بل أمــــام المـــلأ ليعرف كــيـــف يتـــمنـــى مــــــــــرة أخــرى..؟!!!! هدانا الله واياك.... تعرفين وشو الجنز أنتي؟!!!!!

لا اله الا الله ,,
توي راجعه من تمرين رياضي عنيف ولا ابي الريلاكس يروح !
الى متى وحنا عندنا ان القميص مثال للستر والورع ,,
لو الامر كذا كان نلبس الشغالات قمصان ونغمض عنوننا
وشو الجينز ؟ مصنوع من جلد الخنازير ؟
او المكاين اللي تخيطوه يشحمونها بشحم خنازير !!