قبل الزواج.. مرةً أخــرى.!

[جراحة قلب]

لن نكـــــــــون أصدق من قول النبي صلى الـــــــله عليه وسلم

((من أتــــاكم من ترضون دينــــه وخلقه فزوجــــــوه ))

يعنــــــــي أهم شيء الدين والأخلاق في آآآآن واحد ثم الوظيفه وليس مهمـــــا

قدر الراتب ولكن يكون نوعا ماااا يساعد في حمـــل تكاليف الحياة الباهضه في

وقتـــــــــــنا الحالي...

[سحايب نجد]

لو الكل فكر مثل تفكيرك محد تزوج
البنات الان يبون يتزوجون لو براتب 3000
وفيه فعلا اللي عقلها صغير وماديه وهذي حتى لو راتب زوجها 10000 ارهقته بالسفرات والديون
واهم شي التفاهم لكن للاسف الان طغت الفلوس على عقول البشر ومات الضمير وصارت الطموحات بهيميه أنانيه هدفها عقد الماس والا سفرهـ لدول خلابه أما رضى زوجها والسعي لتربية اولادها على الصلاح فهو أخر من تفكر به و تلاقيها تشكي وتجحد حتى لو زوجها مو مقصر والا ليش اكثر اهل النار النساء الا لانهن كفارات للعشير والله يعينه العشير
انا اعرف شخص الان عمره ولده 8 سنوات ومازال يسدد مخلفات ليلة العمر على ماقالو تجمعت عليه الديون واللي بلغت الان فوق 200000الف وكم مره يدخل السجن والان وقف الخلفه عشان مايقدر يصرف على اولاده مع ان راتبه 7000 مسكين لان زوجته المصون تبيها ليله عن الف ليله وهذا مانتج عن قوة الهياط

[عاشق ديرتي بريده]

اقتباس:  المشاركة الأصلية كتبت بواسطة ابن المجمعه     ا عتقد ان المرأة الفاهمه الناضجه هي من تقدر حالة زوجها الماديه فهي تقول اتزوج فقير خير من زوج لائم او عاطل ،وكم فقير اغناه الله بعد زواجه . وجهة نظري ان 4000 او 3000 كافيه وزيادة عند حسن التدبير . متشكرلك زين نجد

اتحداك تلقى امرأه فاهمه وناضجه !!

[شعاع الكون]

عاشق ترا اللي اخذو رجال عشان دينهم كثاااااااااااااااااااار
وانا اقولك ترا الوظيفه ماتهم اذا جاء رجال كفؤ
وراتبه قليل
اهم شي الدين والاخلاق الطيبه

[أبوطــارق]

اشكر الاخ زين نجد ، على طرحه للموضوع ، وفتح باب النقاش ..

بالنسبة لي ، وهي قناعه تخصني وحدي ..

لو جا لاختي ، شاب ، راتبه ٢٠٠٠ ، لكن يأمل شي مثل ينتظر التخرج أو التعيين ، ما عندي مانع وراح اقنع اختي بالموافقة ، طبعاً بشرط يكون رجال ينشرى .

لكن ، لو كان عمله حكومي ، وراتبه فوق ٣٥٠٠ ، ورجال ينشرى بصراحة ، ابصير محايد .

لكن ، لو جا شاب ، عمله بالقطاع الخاص ، ويستلم ٣٥٠٠ ، ولو كان رجال ينشرى ، ابشور على اختي بالرفض .

بالنسبة لي ، انا علي باب زواج ، ولسا ما خلصت البكالاريوس ، بس بنهايته ، والسكن متوفر ، وما ترددت لحظة بسبب الماده .

وكل عام وانتم بخير ...

[زين نجد]

اقتباس:  المشاركة الأصلية كتبت بواسطة gondwana     قبل كم شهر .. جت وحده من زميلاتي تبي رايي .. تقدم له واحد راتبه 3 آلاف .. لكن الآجار طايح عنه .. وكانت متردده مرررررره . قلت عندي لك راي اسمه راشد .. وافقي .. لكن هي كانت متردده لانه كانت تحلم بواحد مخلص بكالوريوس وموظف براتب طيب وعائله تدخل براسه .. وكل من تقدم له ردته منشان هالشروط اللي قضى عمره وهي تنتظر .. قلت وافقي مادام الآجار طايح .............< ياخي الاجار هم وغرابيط وانواع الشفط للفلوس وانتي الحين المفروض تغاضين لان العمر يمشي .. يعني معك ضمان لو رديتيه بيجيك ولد الفلان والعلنتان .. واللي راتب وبيت ملك .. وش يدريك يمكن يجيك شايب كبر جدك وإلا مسيار .. انا قلتله رايي واول مره اكون واثقه من رايي .. خصوصا هي عمره 27 واللي تقدم اكبر منه بسنه .. قلت له اهم شيء اشرطي انك توظفين ومايوقف بوجه وظيفتك ابد واشرطي دراستك ماتوقفين عنه لز بغيتي .. تكميل الدراسة والوظيفة هذا مهم جداً.. وبعدين حاولي فيه انه يكمل بكالوريوس .. والراتب اللي يطلع له .. واربيه يعني لو تصرفتوا بالفلوس صح راح تلبسين احلا واكشخ لبس .. بس بعض الناس مايدبر للفلوس .. وكلمة حق تنقال ( صراحه بعض الحريم ظالمات الرجال بضرب الفلوس .. ) يعني انا اعتبر اللي تشتري كل شهر عطر بـ 100 وساعه 300 وزي كذا حرمة ظالمه زوجه خصوصا إذا كان دخل الزوج محدود .. كذا كأنك تقول ان البنت طلعت من بيت ابوها منشان هالساعه والعطر .. البنت طلعت من بيت ابوها تبي تعف نفسه .. هذ1 شيء أكيد أنها طلعت تبي تعف نفسها.أنا أضرب مثل والا فالساعة كل سنة أما المكياج والعطر فهذا كل شهرين أو ثلاثة تريدهما. عندي قناعه انه الرجل مايرد منشان هالقرشين .. إذا كان مايعيبه إلا الدخل ..

هذا كلام فقط؟!
والواقع يخالف ما تقولين..
وأنا أتحث عن شيء أسمعه كثيراً..

دمت بود،،،

[زين نجد]

اقتباس:  المشاركة الأصلية كتبت بواسطة الامل الظامي     مرحبا,, صدقني اخوي متى ما لقت البنت الشاب المحترم صاحب الخلق و الدين اللي يتحمل المسؤليه و يعرف الحقوق والواجبات راح تتنازل عن كثيييير من الامور الكماليه,,وانا معك في هذا الكلام. ولكن المرأة لابد لها من مناسبات وتريد السفريات ولا تريد أن تكون أقل من غيرها. اللي يخلي البنت تتشرط هو انها ما تلاقي الرجل بـ المعنى الحقيقي فـ تلاقيها تتشرط تطبيقا للمقوله اللي يجي منو احسن منو ,, يعطيك العافيه وكل عام و الجميع بـ خير ,,

أقدر لك مرورك،،،

[زين نجد]

اقتباس:  المشاركة الأصلية كتبت بواسطة السوبربان     اذا كان المرتب شامل الاجار فلا اقل من اربعة الاف .. هكذا بدا لي .. طيب .. غير كذا .. بنت الناس المتربية همها انها تعيش بسلام مع زوجها وعمر المادة ماكانت حجر عثرة امام سعادتها خصوصا وان المسألة مسألة وقت وتحصل الوظيفة المنقوشة على قولتهم .. طبعا هنا اتكلم عن الجامعي .. تتكلم عن الجامعي..! وأنا أتكلم عن الشاب الذي راتبه أقل من 4000ريال سواء جامعي أو غيرة اذا حصل توافق بين الزوجين فلا بد ان يكون هناك تقتير في بعض الجوانب .. فلا ارى داعيا للكماليات .. فشراء ساعة شهريا او كل شهرين او حتى ثلاثة يعتبر ترفا مقرفا .. فالاولويات ثم الاولويات .. هنا ربما سنصل لمرحلة استقرار يعود نفعها بالايجاب على هذه العائلة الكريمة .. وكله بعد توفيق الله من حسن التدبير .

هذا ليس ترفاً..
أنا لست مستعداً أن أرى زوجتي أقل من أخواتها أو صديقاتها أو غيرها من الناس.
أنا أريدها مثلهم أو أحسن..

أقدر لك تواجدك،،،

[زين نجد]

اقتباس:  المشاركة الأصلية كتبت بواسطة عاشق الخير     نعم ارضى ان نكون اقل من اختي وزوجها ... مع خلخلة في العلاقة ازوجية ونحمد الله اننا احسن وافضل من غيرنا بكثير .. أكيد.. مقارنتك ان تكون هي كغيرها هي المسايره و البحث عن المظاهر .. وهل السفر واشراء ملابس العيد أو فستان للزواج قريب مسايرة ..!! انا راتبي اول سنتين من زواجي لا يصل لــ 2000 ريال والحمد لله ما شية اموري بلامنغصات .. حبيبي معليش 2000ريال الآن هذه مصروف العزوبي فقط عن تجربتي.. لكن لو رفعت راسي لاختي وزوجها القاضي .. واختى الاخرى وزوجها التاجر .. لجلست حتى الان اعزب ... أجلس أعزب إذا راتبي 3000 ولا أظيم بنت الناس حتى لو جاملت وقالت لك أنت ما خليت قاصر ( هذا إذا صارت ما تناظر للي حوله ). لا لشيء سوى انني ابحث عن مظاهر خادعه .. سبحان الله.. سفرك بزوجتك وأولادك وادخال الفرحة عليهم أصبحت مظاهر خادعة.. شراء أفضل الملابس لزوجتك وأولادك أصبحت مظاهر خادعة.. السكن في بيت جميل حتى لو كان مستأجراً وتأثيثه بأحسن الأثاث أصبحت مظاهر خادعة.. والله غريبه... جربت سنتين وراتبي 2000 وجربت سنتين وراتبي فوق الــ 7000 ولم اجد انني اختلف عن السابق .... سوى انني اكثرت من البحث عن الكماليات .. مابين2000و7000 ليس هناك فرق..!!! معليش أخي ترا الفارق 5000 احترامي لكلامك بس فرق شاسع بينهما.. هذه قناعتك أنتي .. ولا استطيع تغيرها قناعاتي أنا..يبدو أنك منشحين أخي ولم تقرأ الموضوع وتتمعن به. لكن من تبحث عن العفاف والاستقرار قد تختلف قناعتها .. فلم تعد الحياة مظاهر ومجارات للأخرين فذلك الغناء والمال فضل الله اختص به البعض وحرم منه البعض ..

تقدري لمشاركتك واصافتك..
وهذه قناعاتك ولكل ٍ وجهة نظر..

تدمت بود،،،،

[هلاوين]

امور الحياة صعبه لاكن ربي يوفق كل ضعيف ويعينه

[زين نجد]

اقتباس:  المشاركة الأصلية كتبت بواسطة modern     والله لو استوعب كل زوج هالحكمة وعمل فيها كان البيوت بخير من وين يستوعبونها وهم استراحات وسفريات وغياب كامل عن البيت.. اشكرك على موضوعك الواقعي والعقلاني اخ فهد،، واقعي وعقلاني.. ومع هذا فهناك الكثير غير راضي بما طرحته..

اٌقدر لك تواجدك،،،

[ضحكة فهد]

انا عكس كلامك تماما....اذا تقدم لي واحد اخلاقه حلوة وحبيته والله ماراح افكر كم راتبه والا وين راح اسكن ومن هذا الكلام.... كله راح ارميه ورى ظهري .... اهم شي الحـــــب

[زين نجد]

اقتباس:  المشاركة الأصلية كتبت بواسطة بودرة نونو     صراحة لا أتفق معك .. هناك رجال رواتبهم 10 الالاف و12 الف وبالحسر والغرابيل يحط بيد زوجته 500 ريال بالشهر لها ولعيالها ! بااعتقاده انه عندما يوفر الاكل والشرب والمسكن انتهت صلاحيته كممول !! هذا شيء ثاني.. هذا البخيل الذي أنصح المرأة بالجلوس عند والدها وعدم الزواج من بخيل وحتى لو راتبه 50 الف وهو بخيل ما راح تشوفين شيء. واغلب مصروفها من أهلها بالنسبة للبس والاجتياجات الثانوية . أعوذبالله.. ما توصل كذا.. هذا لئيم .! واعرف اخر راتبه 3000 ريال وزوجته تعيش ملكة ماشالله ........ هذا مقارنةً بذلك البخيل هو أفضل عندي. فكرتك اوصلتها بشكل خاطئ ..الزوجة اذا احبت زوجها فلن تسقط هيبته لمجرد انه يمر بضائقة مادية .. لم تصل بشكل خاطيء.. ولكن أنتي دخلتي في موضوع الكريم والبخيل وهذا قد طرحت فيه موضوع بعنوان ( السخاء ) في هذا المنتدى. أنا أتحدث عن الراتب بغض النظر عن اللكرم والبخل. يعني انسان راتبه ثلاثة آلاف وهو سخي هل سيوفر لك كل احتياجاتك.!! وليست كل الزوجات متطلبة ... واذا اصبحت الزوجة موظفة فااعتقد ان امورهم ستكون بإذن الله على أفضل حال

أكيد عندما تكون موظفه سوف يختلف الوضع..

أقدر لك مداخلتك،،،

[عاشق الخير]

اقتباس: حبيبي معليش 2000ريال الآن هذه مصروف العزوبي فقط عن تجربتي..

الــ 2000 هذي للعزوبي حقت يومين او ثلاثه بالكثير ..
لأنه لم يدرك حجم المسؤولية ..
لكن المتزوج يعرف ما يريد وما يحتاج ..

اقتباس: أجلس أعزب إذا راتبي 3000 ولا أظيم بنت الناس حتى لو جاملت وقالت لك أنت ما خليت قاصر ( هذا إذا صارت ما تناظر للي حوله ). لا لشيء سوى انني ابحث عن مظاهر خادعه .. سبحان الله.. سفرك بزوجتك وأولادك وادخال الفرحة عليهم أصبحت مظاهر خادعة.. شراء أفضل الملابس لزوجتك وأولادك أصبحت مظاهر خادعة.. السكن في بيت جميل حتى لو كان مستأجراً وتأثيثه بأحسن الأثاث أصبحت مظاهر خادعة.. والله غريبه...

اذا تفكيري ان ما اتزوج الا وتصير زوجتي احسن من غيرها
بالملابس والسفرات و الحلويات والاثاث
كذا ما في أحد بيتزوج الا اللي مقطوع من شجره
ماله اقارب ولا أحد يزورهم ..
اسمحلي تفكيرك فيه خطأ فالحياة ليس مجال للمقارنات والمباهات
مثل ما تقول

اقتباس: ولكن هل ترضى لزوجتك أن تكون أقل من أخواتها أو بنات عمها أو... أو...

انا ارضى لي ولزوجتي العيش بما يسره الله لي وما يسد حاجتنا
ولكن ان ارفض الزواج لأن قد تكون اختي او اختها افضل منها
فكلامك هذا ما في احد يقدر يتزوج أبد ابد
فكل غني فوقه من هو اغنى منه
وكل زوجه بتتشكيك فيه غيرها اشيك منها ..
صحيح اتمنى انها تكون أفضل النساء في كل شيء ...
لكن تأخير الزواج لهذا السبب فقط ... ظلم لي وللكثير من العوانس ..

اقتباس: مابين2000و7000 ليس هناك فرق..!!! معليش أخي ترا الفارق 5000 احترامي لكلامك بس فرق شاسع بينهما..

عارف ان الفرق 5000
وانا قلت ما في فرق سوى بزياد شراء الكماليات
لان الحاجات الضرورية و الاساسية
يستطيع من راتبة 2000 توفيرها

اقتباس: قناعاتي أنا..يبدو أنك منشحين أخي ولم تقرأ الموضوع وتتمعن به.

انت تتحدث عن شيء تعتقد أنه قناعه
وانا اتحدث من تجربة و وواقع يومي لأكثر من سنتين ..
بالنهاية
الزوج والزوجه هم من يحددون حياتهم وكيفيه العيش بها ..
والعيش السعيد بمعرفة القدره المالية لهم والتكيف عليها والبعد عن البحث عن المقارنات..

[زين نجد]

اقتباس:  المشاركة الأصلية كتبت بواسطة miss tala     الشكر موصول لكي وكل عام وانتي والامه الاسلاميه بخير ..واعاده الله علينا .. قصدك لك فأنا رجل ولست بإمرأة.. انا سارفض بلا تفكير ..انا لااختار الرفض فقط لاجلي ..لان والحمدلله يعني البنت جايه من بيت اهلها اكله وشاربه وشايف خير ولامانع ان تفكر بالكماليات حتى بعد الزواج لكن احيانا يكون الاطفال هم الضحيه بعدين ممكن تقولين لي بدري بس هذي سنة الحياة .. وهذا ما أعنية.. يريدون المرأة تأتي من بيت والدها بعد مرور 22 سنة وقد تزيد وهي مترفة ولا يرفض لها طلب ثم يقولون هذه كماليات.. وبالنسبة للصبايا اقدر اقولك انهم يختلفون وممكن بعيديكون الكثير منهم مايفكر بالجانب المادي اطلاقا ..ومن ترضى وتقبل الواجب عليها ان تتحمل .. نعم.. إذا عرفت أن راتبه كذا فعليها أن تتحمل.. وانا رديت وقلت السؤال يوجه للشباب لان الواحد الحين المفروض مايتقدم لبنت الا وهو مالي ايده ومقتدر الحيياة ماهي يوم او يومين ويمشيها له ابوه بمصروف .. هذا الكلام اللي كنت أشير إليه.. يعني حتى الشاب من حقه ان يفكر بنفسه اولا قبل ان ياتي بزوجه تقاسمه راتبه وربما ينحرم من الكماليات التي في السابق اعتاد عليهاا .. والله إذا الشاب العزوبي اللي يبي يطرب نفسه أقل شيء 1500 ريال. الا اللي ناوي نيه يبي ياخذ موظفه وتشاركه بالمصاريف ..بس حتى الموظفه مثلها مثل غيرهااا . بس يعني نقول ان الموظفه تعينه أقل شيء في بعض مصاريفها هي.. وهذا طبعاً برضاً منها.. الف شكر لك ...

أقدر لك تواجدك،،،