مـآرأيكم بمآ يحدث في ستـي مآكس

[سانتا كلوز]

الاخت الكريمة ..
موضوع جميل وعميق ويحتاج فلسفة ..
ولكن قبل كل شي المحل له الحق في ان يشترط شروط البيع على مايريد .... وان لم تعجبنا ..
اولا طال عمرك انتي كمواطنة عليك ان تدخلي السوق وانت تعلمين علم اليقين انك في حرب
بمعنى ان الباعه يحاولون سرقتك ونهب مالك .. لذلك فلاتشترين الا شي معلوم القيمه وبعدين المشتريات الكبيرة (ليست اليوميات ) لاتشترين الا اخذه لفه على المحلات ومقيمه الاسعار .. بالذات الغالي ثمنها .. ففي اثناء الجولة على المحلات والتقييم ستجد خيارات اكثر وربما عروض اكثر وربما لقيت نوع احدث واجمل من حاجتك ونفس سعرها
وودي اقول شي .. البعض مع احترامي يساعد العمل يسرقونه .. يساعد على سرقة نفسه ... يعني يبغا له غرفة نوم او شاشه ب4 الاف او 5 الاف ريال .. يروح العصر ويطقها ويمشي .. بعد 3 ايام يلقا نفس حاجته بمحل ثاني مثلا بناقص 1000ريال.. يجي يشتم وحسبي الله عليهم وغشوني .. و..و..
نقوله طال عمرك تستاهل اللي يجيك واكثر ..ليه يوم انك بالبرحه وقبل توهق مارحت لكذا محل وقارنت وعرفت ودرست الموضوع ثم قررت ودفعت ...
لكن البعض اسميه انا (ربيع العمال ... ) هذا اللي من يوم يدخل المحل والعامل ضامنه ولا بكل غباء يسأل .. صديق الحاجه هذي زينة ..
ياغبي اكيد العامل بيمدح سلعته تبيه يقول ماهي زينة

ثانيا يجب ان تتحلي بالمعرفة والاحترافية .. بمعنى سوي سياسة لمشترياتك واعرفي منين تشترين
ثالثا خليك خواجه .. يعني الخواجات لا شاف لوحه في المحل لازم يقراها ويعرف معناها ومن ثم لاتجدين احد يجادل في الغرب .. ليش .. لان كل شي معلن .. (سياسات معلنة ) على قولتهم ..

رابعا : وهو الاهم لو كل اخت فاضلة من الحريم الموقرات عنت نفسها واخذت متر بسيط لايتعدى حجمه 4 سم في حقيبتها وصارت تاخذ مقاس اطفالها ونفسها الطول كذا والعرض كذا .. لانحلت المشكلة .. وليس هناك حاجه للترجيع وخصوصا في ملابس النساء

واخيرا وليس اخرا اشكر لك هذا الموضوع وامل من الاخوة ان نتناقش لان النقاط التي ذكرتها مهمة بالنسبة للمواطنين الغلاباء .. وتساعد في القضاء على اطماع العمالة

[تربوي28]

هناك من يحمي هذا التلاعب !
بحجة قانونية البيع !
وهذا نوع من أخذ المال من غير ضا
الحل عند وزارة التجارة النائمة

[سيميــآء \=]

اغلب المحلات يسوون كذا موب بس ستي ماكس ..!
بعدين احمدي ربك يعطيك فرصة الاستفادة من المبلغ ..
اهون من (الاسترجاع خلال 24 ساعة والتبديل بثلاثة ايام فقط وان طقت بوزة صارت سبعة ) ..!
ان لحقتي كان بها ..
وان مالحقتي ابلشي بالقطعة هه..!

[•»آَمَبرِآطوَر آِلَقِصُيمِ «•]

مشكووور ايو الله انهم لعابين

[مدرعمهـ]

ماكثر الله الا المحلات اشري من غيرهم طيب

[afm303]

لا احد ياخذ شي الا متاكد منه
وشوله الترجيع؟؟؟

[الوردي]

فيه طريقة أستخدمتها مع كثير من المحلات الي زي هالمحل
وهي أقول للبائع ما عندي مشكلة عطني كرت بالقيمة
وأنتظر فترة بسيطة قريب من الكشير وأسئل الزبائن الي يبي يحاسبون بأن أعطيه الكرت ويعطيني قيمته قبل ما يحاسب
يكون أحياناً بعض المشترين لكع ويطلب أخذ الكرت بأقل من قيمته
وبعضهم يرفضا أصلا وكأنة سيخسر بهالحركة
بس بالأخير يتم مطلبي
على الرغم من زعل بعض أصحاب المحلات
فأقولهم ردو فلوسي وينتهي الأمر أو أتصلوا على الشرطة لتخرجني من المحل
فيخافون لسمعو طاري الشرطة لآن الشرطة ستكون بصفي لو جت لآني لم اخطئ
أثنان فقط من اصحاب المحلات ردو فلوسي أما البقية يرفضون وبالنهاية يحقدون بسبب نجاح فكرتي بس ما همون

بعض الأحيان اضطر لمغادرة المحل بسبب عدم وجود زبائن وأرجع في وقت أخر

أنا متأكد لو كل شخص عمل نفس الحركة راح نخدم بعض كزبائن ونفشل هالحركة من أصحاب المحلات
ونحمي فلوسنا من الضياع

[بحبوحـــه]

[align=center]لا تروحون تشترون منهم
ما كثر الله الا المحلات[/align]

[Al O3jObA]

الله يستر ان ما اخذو اللي في جيوبنا موبس على هذي اتوقع كل اكثر المحلات ما اقصد محل بالتحديد

[شذى الروح]

وش فيكم على البنت هي مسكينه تقول لكم وانتم اكلتوها بقشورها

عزيزتي هذي السياسه في اغلب المحلات

انا توقعت الموضوع اكثر من كذا انا يامه خسرت الالاف والله ولا رجعت لي يعطيني فاتوره او كرت بالمبلغ عشان ارجع بعدين واخذ اللي ابيه وقتها اضيع الفاتور
وبكذا خسرت المبلغ

اذا مبلغك يستحق انك تشتكين بمكانك ترفعين شكوي عند الغرفه التجاريه وراح يحلون لك الموضوع

هذي نصيحتي لك بس لا تستعجلين ستي ماكس دايم يتنزل بضاعه بس اللي استغرب منه دايم عنده تخفيضات ليه مادري

[يوسف الخالدي]

مب بس ستي ماكس اللي يطبق النظام هذا

محلات كثير جدا ومن حقهم هالشي وما أتوقع فيه أي مخالفة

أنا لو صاحب محل كنت بشرط التبديل بس !!

وعلى ما أذكر كاتبين بلوحة فوق الكاشير إنه ما في ترجيع للنقد .
يعني أقاموا الحجة على المشتري !

بالتوفيق للجميع ،،

[| ~ ســمــو ~ |]

طبيعي مايطلعون الدراهم .. يبونك تآخذين اي شي

[فلسفة جيـل]

والله يآوخيتي هذا نظآم سيتي مآكس من يوم يطلع على آلدنياا ..
يعني مو شي جديد و لآ غريب عليهم
و لا شي تستعجبين منه و تقولين أنهم سرقوك
لآ هذا نظآم المحل من يوم آلدنياا دنيا ..

و لا آلماركآت الكبيره أمثال زآرآ و مانغو
و بيرشكآ و نآين وست و عموماً أغلب المآركآت
آلكبيره يرجعون لك فلوسك بشرط تكون آلفاتوره معك
و آلقطعه سليمه مآجاهاا شي ..

و إجابت سؤآلك عآد هذا نظامهم

يآحبكم لتهوويل الأمور اللهم يآكافي ..
و كذا سياستهم ..

[• طٻڠۑ ګڋٱٲ‏‏ ||~]

هههههههههههه

من زمان وهذي الحركهـ يسونها ~~}

>> <<

[عيون الجواااااااا]

بصراحه التبديل والترجيع احسن مركز يهتم بهذا الموضوع مركز مبارك يرجع لك لو بعد فتره طويله دام البضاعه نظيفه أنا رجعت لهم بعد ماشريت بشهرين ويوم اسأل الموظف هناك قال الترجيع مفتوح لو تقعد سنه أهنيهم على اهتمامهم بزباينهم