فضيحتـــــــي...!!

[ابو ريما الخالدي]

مرحباً سيدتي بنت منيرة

في نظري أنا الأمر أعتبره عادياً جداً

وليس فضيحه أو شي من هذا القبيل

الا أن الأمر يعود الى عادات وتقاليد مازلنا

أومازالت تعشش في ذاكرة البعض

هنالك الكثير من الأعضاء يعرف أسمي كاملاً

بل بعضهم معه رقم جوالي

ودائم التواصل معي بدون أنقطاع

حتى أن هنالك عضوات

تربطها ببناتي أخوتي صداقة يعرفن من أنا

وبنات أخواتي دائم مايحدثني عن مااقول وماأكتب

عبر ماينقل لهن من قبل العضوات

أنالاأجد حرجاً من ذكر أسمي هنا

وفي موضوع وداع سمنسي

سجلت أسمي كاملاً

طبعاً بدون العائلة

ولو طلب مني لذكرت الأسم وكلي فخر

وبنسبه لسؤالك هذه أجاباته


هل الاسم الحقيقي للعضو عار وفضيحة..؟؟
لابل هو فخر وأعتزاز
هل أنت كـ عضو تخفي اسمك الحقيقي لـ سبب ...؟؟
لا
وأسمي هو تركي بن سليمان بن عبدالعزيز ..... الخالدي

هل هو نقطه ضعف فعلا بمقدور ضعفاء النفوس استخدامها..؟؟
لاأخفيكي من الممكن ليش لا فاأصحاب أبليس لهم جلسه معه

إلى هذا الدرجة أصبحت صغيره عقولنا..؟؟
لا ليست صغيره ولكن كما قلتي ربما يستخدم من قبل ضعفاء النفوس
وتأكدي ياسيدتي الغالية أن الواثق من نفسه يمشي ملكاً
مهما حاول المحرضون النيل منه
فسوف يضل شامخاً كالجبل لاتهزه الريح


دمتي بود وتقدير ياسيدتي

[أســماء]

الشخص هو من يُحدد اعار عليه اسمه ام لا .. !

شكــراً لكـِ ..

[بنت منيره]

اقتباس:  المشاركة الأصلية كتبت بواسطة احمد النجم     أذا النظره حول اسم البنت (تحديدا) فمن الصعوبه (طمس ارث مجتمع) بين يوم وليله انا ضد الكتابه بالاسم الصريح في المنتديات فأحياناً الاختلاف في رأي .. يسوغ لشخص بلا مرؤه . أن يمارس أسقاطات شخصيه ,,غير صحيحه! لذا فليس هناك مايستلزم الكتابه بالاسم الصريح أما ان يتسرب الاسم .من غير صاحبه فربما هذه ثمن الثقه في غير محلها! متصفح مهم وموجه الى الكــل . لكٍ الاحترام

اختلاف الراي ولا كلمة ماعجبت العضو المقابل على طول يتكلم بالعرض
سواء كانو شباب او بنات يعني تكلمو في اعرض البنات وتكلمو في اعرض الشباب
والسبب العدوه والكره الله يخلف علينا

شاكره لك

[بنت منيره]

اقتباس:  المشاركة الأصلية كتبت بواسطة تذكار العمر     بكل صراحه عادي وياجبل لا يهزك رييييييييح بكل فخر احط اسمي بس ضعاف النفوس تفكيرهم منحط والناس وصلو للقمر....

انت صازز تسلمين والله
اجل حنا يالبنات القمر اللي يحاولن يوصلنه لكن للاسف
ما قدرو خخخخخخخخخخ
الحمدالله الذي عفانا
شاكره لك

[قلب الأسد]

بنت منيره موضوع يتكلم عن واقع نشاهده يومياً والبروفايلات والمدونات خير شاهد,,

نعلم ويعلم الجميع ان الأسم عمره ما اصبح عاراً والكل يتشرف بأسمه واسم عائلته

ولكن يبقى طبع تطبع في الكثير من القصمان وهو معرفة اسم عائلة العضـــــــــــــو

وكأنه حقق حلماً صعباً ويريد ان يظهره للعضو المعني ,, مثال على ذلك ( في اقل من

شهر فقط وصلني ثمانية عوائل ويسألون انت من عائلة الفلان وهكذا ,,,)

عموماً يبقى طبع فقط لا اكثر ولا اقل ,,,,

[الضمير مجاز]

اقتباس: الموضوع بصراحه ابي من صقيقتي تتحرك وتسوي شئ تكلم ابوها عمها خالها المهم تتحرك

أبلغ رد ان تنسحب من ذلك المكان وبهدوء وبالنسبة للجوال فعليها ان تسكره او تلغي الرقم اذا كان سهل عليها وانا متاكد بانها سترتاح من اول وهلة

اما ان تجلس وتقول ان تعودت فسترضخ بالاخير لاي مطالب

الله يستر عليها

[بنت منيره]

اقتباس:  المشاركة الأصلية كتبت بواسطة الاخطبوط المرقط     بنت منيرة دائما المعنى في بطن الشاعر .. ويوم أشطح السبب فيه ..رسالة عنوانها طنش تعش وقضيتك ماتحتاج أي شيل هم ..واثق الخطوة يمشي ملكا .. انتهى كلام الأخطبوط رعاه الله .

امين الله يحفظك ويرعاك لـ اهلك
فيه بنات ذروقات مايعرفن تسذا>>اولاه فهمهن

[روح لايسعهآ جسـد]

بنت منيرة فكرة رائعه وموضوع فريد من نوعه
ذكرتني بعضو يدخل هنا بمعرفين
معرفه اللي بأسمه الحقيقي عقل وثقل واحترام
ومعرفه اللي بأسمه المستعار
هباآل وصرعقه وخفة دم
سبب انتشار الاسم هو عندما تفصح الصديقه لصديقتها اسم معرفها بالمنتدى
لذا انا ضد التصريح بهذا امام صديقاتي
اما بالنسبه للعار
فهو على حسب أخــلاقك بالمنتدى
على حسب الحروف اللتي تطرح هنا فــآ من تحمل هذا الاسم المكشوف
والله اذا فيها ميانه وسوالف مع الرجاجيل اللي هنا فأكيد عار عليها
واذا هي ترد مثل نورة الجمعه بس فهو فخر لها ...مع احترامي للجميع
بنت منيرة حياك الله في منتدى المجلس كوني دومآ هنا

[بآلـخــآرج للغــدآء]

يحس آنوه قوي يوم جآب آلآسم وآلرقم
مآلت عليه وآلآهين ذكرتين مره
جتن رسآله بآلخآص
مضمونه فلآنه بنت فلآن..!
قلت طيب جآين تعلمن بآسمي
قآلت لآبس آبعلمتس آني آعرف آسمتس
طيب وبعدين وش آسوي لك آنآ
بلشة وبعده مآردت علي
تخلف عقلي قسسم
علم آن آلمعرف كآن بآسم بنت ..

[باسم الثغر]

وخير ياطير
وحتى لو عرف اسمها وش المشكلة
يعني يبي يروح لأهلها ويقول بنتكم تكتب بمنتدى ؟
مادام الدعوى خلف الشاشة فالأمور هينة

قولي لها
لايكربك الأمر والوضع طبيعي

[منتهي علاجه]

V v vvv

v v

[منتهي علاجه]

مايخفي الحقيقه الا وراه حاجه 0

واما بالنسبه للاسم وخفيته من رائيي انه ليس عيب 0
بس اكثر الاعضاء يخفي اسمه لكي يبدي رائيه بدون محد يعرفه في مواضيع وزي كذا 0 والبعض لغرض مــا >>>> هو الماء فيه مشكله في النقطه


0 لو اقول اسمي الحقيقي تبي تقولون ونعم ولا تبي تقولون فرح انكم خوال الملك فهد الله يرحمه

[توتي]

ههههههههههه

<~ نفس السالفه صايره معه

الحين بعض الاعضآء مشتغل محقق بالمنتدى

محلووف عليه يعرف اسم عايلة فلان وكل ابو التفاصيل عنه

قمة التفاهه بالعقول


مير ما اقول الا الله يعينك

[زخات المطر]

[align=center]بنت مناير

و انتِ كل من هب و دبَّ قلتِ له اسمك !

ماتدرين ان نص العضوات هون ، شباب في الحقييقة ..



و موضوعك هذا أكّد للمرسله لك ، ان المعلومات صحيحة ..


يا اُمـــــي ..

لا تثقين في احد ، و تعطينها معلومات خاصة بك ، مع اني ماشوف بالأسم عيب لو عرفوه ، بس بعضهم نفوسهم دنيئة ، يمكن يسبب لك اذى نفسي مستقبلاً، و يلفقون عليك التُهم ..



بالمرة الجاية يابعد حيي ، لاتوسعين دائرة تعارفك ، و تصادقين كل من قالت لك : ودي بك صديقة ..


ادري انتس فاهمة ، بس الكلام موجهة للبنات عامةً ..


الله يحفظك .[/align]

[ولد السويلم]

اقولكـ شي بنت منيره....


لايهمونكـــ وش فيه اسمكـ ليش تتنكرين عاادي مافيها شي اسم مثل اسما خلق الله..ولو تدورين تلقين نص اللي بالمنتدى خواتهم منيره وإلا امهاتهم...
ولا يهمونكـ ....

لكـ الشرف....
تحياتي