|
الله يعينك عزيزي to be
لكن بما أني سبقتك بقليل ومازلت أعارك , خذ مني التالي :
أهم نقطة في البيت هي أن تكون شرحة , يعني مهيب ضيقة وخصوصاً بالدور الأرضي
أما الدور العلوي فاحرص على كثرة الغرف حتى وإن صغرت مساحاتها .. فثلاث غرف نوم صغيرة نسبياً أفضل من غرفتين كبار <<< طبعاً أقصد بهالغرف نوم غرف الأطفال
أما غرفة نومك , فالعكس  احرص انها تكون شرحة
ولا تحرص على الدور المسروق , لأن سلبياته أكثر من إيجابياته . هو صح انه يجيب لك دعم مادي من خلال الايجار لكن سلبيته أنك تبي تضطر انك تحط درجتين وزيادة جدران وغرف وسباكة وكهرباء وهذي يبي له زود دراهم عند البناء ( وانت الحين داج يا قلبي )
لذلك انت احسبه وشف كم يبي يكلفك زود بناء دور مسروق , وشف كم يبي لك سنة علشان تغطي هالتكاليف وتصل إلى الربحية
وفيه نقطتين مهمات عند عمل المخطط يغفل عنها كثيرين وهي :
1- احرص قدر الإمكان على الابتعاد من ( الهوردي ) لأن كثرة الهوردي في المخطط يعني زيادة التسليح وبالتالي زيادة التكاليف المادية .
2- احرص على اختيار المكتب الهندسي اللي ما يدبغك بالتسليح لأن فيه مكاتب هندسية تضرب بالحديد عند عمل المخطط , وانت خابر كم وصل سعر طن الحديد الحين .
وعندي لك مخططي حلالك , ومنب صاير استغلالي مثل وضوح
هذا بالنسبة للمخطط
أما بالنسبة لبداية الشغل بالعظم من مقاول وكهربائي وسباك , فاحرص على اختيار الأفضل حتى وإن زاد عليك كم ألف ريال . يعني بالعربي لا تقثرد بحجة ان ما معك قروش
أما التشطيب من مليص ومبلط وحجر ودهانات وجبس ومنجرة وورشة حدادة , فهذولي يبن لهن قعدة ومشكلتهن انهن يبن كمحة دراهم بس ميزتهن انك تقدر تأجلهن مهيب مثل العظم اللي بمجرد ما تبدأ فيه ما تقدر تؤجله .
وأي سؤال أو خدمة يالغالي , ترانا مستعدين .
والله يعينن هالحين , ويعينك بعدين .
ولك تحياتي ,,
|
[/align]
العرض المتطور
