تناقض غريب يا بريدة !

[آح ــسآآآس]

استغرب من الي يقول كبيرات بالسن <<طيب واذا يعني انه تنسى الحياء والدين والايدين طالعه وتكلم الرجال عيني عينك؟؟؟؟
لو جلست ببيته وتحملت الفقر ابرك له من كسب الذنووب وهي تضحك استغفر الله العظيم بس وعشانهم كبيرات بالسن شرهنا عليهم لاااكثرر

[الأيدعشري]

أناس عقولها مريضة تفكيرهم محدود فيما بين السرة والركبة

هذولي نساء وبنات الوطن وكلهن عزة وشرف وشموخ وبنات أبوهن والضيوف هم رجال هذا الوطن وكلهم حب وغيرة على وطنهم وأهل وطنهم وأخواتهم من بنات الوطن..


وكل أناء بما فية ينضح

تحياتي

[البعد الرابع]

صحيح بني علمان ما يعرفون التطور الا باخراج المراءة وابرازها للعيون الجائعة لكنها سحابة صيف عن قليل تقشع

[فرٍآشهہَ خجوٍلهہَ]

حلال عليهم وحرآم على غيرهم =)


عوآفي ..

./~

[سلطان السويد]

لاحول ولاقوه الا بالله

[عاشق المملكه]

الله يعين عليكم يا اهل بريده لكن برضوا ان معك هذا خطا كبير.!!








تحياتي

[احاول]

أخي الكريم
بداية أهل بريده أهل دين وخير ولكن لا يعني ذلك ان جميع آرائهم صحيحه ويتبعون الخيار المتشدد دائما عندما يكون هناك خيار
ثانيا : المهرجان جميل جدا ولا يخلو عمل من سلبيات ولكن إيجابياته اكثر ولله الحمد وجزى الله القائمين عليه كل خير
بالنسبة لما يراه البعض اختلاطاً هو شي طبيعي في بريده قبل أن يدخلها التشدد غير الصحيح
فالنساء كن يبعن في الاسواق ويتداولن الحديث مع جيرانهن في البيوت من الرجال وتسلم عليه وتسأل عن احواله وكان الرجل من اجدادنا يعرف البنات واسماؤهن وقد يمازحهن
الان ماهو الوضع ؟ هل يستطيع احد ان يسلم على زوجة جاره أو ابنته ؟؟؟؟؟؟
التشكيك في الناس وفي افكارهم وتصرفاتهم والظن السيء هو من أوصلنا الى ان من يرى صوره تجمع بين رجل وامرأه الا وضع تحتها عشرين خط أحمر ـ
قليل من التفكير اخوتي في معنى الاختلاط الحقيقي والرسول صلى الله عليه وسلم قال ماخلا رجل بإمرأه
لذا امل معرفة معنى الخلوه قبل الحكم على الاخوات العفيفات الذي أسال الله سبحانه أن يرزقهن ويبارك لهن

[تربوي28]

إذا على البائعات
فهن لا زلن يبعن في الصندقة !
أما إن كان على الحاضرات
فهذا اختلاط كما هو في السوق
والمشكلة فيه هو حضور المخصراتيه والبراقيع والأطياب
وهذا مما ابتلي به كل مهرجان يقام ويسمح فيه بدخول العائلة
لو اقتصر الحضور على النساء لوحدهن والرجال لوحدهم
لانقشعت غمائم كثيرة
ويكون وضع البيع بالنسبة للنساء عن طريق نافذة
بحيث تكون المرأة داخل غرفة كما هي طريقة محلات الجوالات المشتركة
هذه حلول من وجهة نظري للقضاء على ما نسمع من تجاوزات ومزاحمات
أما عن الاختلاط الذي تحرث عنه
فمن وجهة نظري فيه اختلاف
فموظفة تطق حنك مع زميلها وتدق عليه إذا راح يشف سيجارة
ليست كامرأة منتصبة أمام حلالها تهش الذباب وتقول : الكليجا عندنا غير

[لمعة سيف]

[align=center]انا ودي ادري وشلون ذولا يجوز لهم انهم يخالطون وحتى بدون عوائل معهم ...وحنا لاااااااااااااااا ممنوع الدخول يالعزابيه

مادري وشلون أفسر الوضع ؟؟؟؟؟؟؟؟؟؟؟؟؟؟؟؟؟؟

الله من علامة تعجب فوق رأأأأأأأأأأأأأسي

ورب الكعبه وقسم بالله

رحت أنا وأهلي للمهرجان نزلت أهلي وقلت بروح ادور موقف واجيكم دخلو هم المهرجان يوم جيت بدخل قالي حارس الامن ممنوع الدخول قلت اهلي داخل قال دق عليهم قلت له (( سم أبشر)) مادريت الا واثنين مطاوعه لهم ((لحى)) قالو له نبي ندخل ودخلهم قلت وانا معصب ليش تدخلهم ووالله مأكذب عليكم قالي هذولا مطاوعه أنا بصراحه رحمته حسيته مايفهم قلت لا حبيبي مايصلح لاتحكم على الشكل والنظام يطبق على الجميع ,يعني انا بدون لحيه مجرم انا المهم هو انحرج قال ادخلو كلكم ودخلت انا و3 معي مع ان اهلي من داخل !!!!!!!!!!!!!!!!!!!!!!!!!!!!!!!!!!!!!!!!!!![/align]

[بريداويه دلع]

كل مكان برا البيت يسمى اختلاط لاتقعدون تفلسفون بس

[المنطلق1]

اخوي لمعة سيف
لازم تربي دقن على شان تطلع من الوصايه

******

طيب وش الفرق بين مهرجان الكليجا ومعرض الكتاب

اش معنى هنا عادي ومعرض الكتاب لا

مع ان من وجهة نظري الثقافه اهم من الكليجا

[بريده عشقي]

اقتباس:  المشاركة الأصلية كتبت بواسطة المنطلق1     اخوي لمعة سيف لازم تربي دقن على شان تطلع من الوصايه ****** طيب وش الفرق بين مهرجان الكليجا ومعرض الكتاب اش معنى هنا عادي ومعرض الكتاب لا مع ان من وجهة نظري الثقافه اهم من الكليجا

واضح من إسمك ... إنك فعلاً منطلق !!!!!
ياأخي الظاهر إنك تسمع بمعرض الكتاب ولا قد شفته .
حبيبي معرض الكتاب لعلمك إن مرتاديه وزواره من النساء أكثر تقريباً من الرجال . بس أنت لم تشاهد إلا معرض الكليجا .
ياأخي رح شف جميع الأسواق ترى فيها رجال ونساء يروحون ويجيئون يعني مو بس بالمهرجانات وشيء طبيعي أن توجد النساء والرجال بنفس المكان لاتكونون متشددين أكثر من التشدد نفسه . يعني لازم نشكك في الناس أو لازم نقوا إن (( كل إناء بما فيه ينضح )) . خلو الناس ترزق الله وتبيع وتشتري ولاتضعون عوائق أمام الناس .

[المنطلق1]

اقتباس:  المشاركة الأصلية كتبت بواسطة بريده عشقي     واضح من إسمك ... إنك فعلاً منطلق !!!!! ياأخي الظاهر إنك تسمع بمعرض الكتاب ولا قد شفته . حبيبي معرض الكتاب لعلمك إن مرتاديه وزواره من النساء أكثر تقريباً من الرجال . بس أنت لم تشاهد إلا معرض الكليجا . ياأخي رح شف جميع الأسواق ترى فيها رجال ونساء يروحون ويجيئون يعني مو بس بالمهرجانات وشيء طبيعي أن توجد النساء والرجال بنفس المكان لاتكونون متشددين أكثر من التشدد نفسه . يعني لازم نشكك في الناس أو لازم نقوا إن (( كل إناء بما فيه ينضح )) . خلو الناس ترزق الله وتبيع وتشتري ولاتضعون عوائق أمام الناس .

حبيب قلبي انا كنت بمعرض الكتاب وعارف ان فيه رجال ونساء

وبالنسبه لمعرض الكليجا انا ما جيته ولا راح اجيه

بس انا اقصد ان فيه ناس يطالبون ان ما يكون فيه اختلاط

على الله تكون فهمت

يذكرون الركاده زينه

[الدكتوره]

اقتباس:  المشاركة الأصلية كتبت بواسطة بريده عشقي     حبيبي معرض الكتاب لعلمك إن مرتاديه وزواره من النساء أكثر تقريباً من الرجال . بس أنت لم تشاهد إلا معرض الكليجا . ياأخي رح شف جميع الأسواق ترى فيها رجال ونساء يروحون ويجيئون يعني مو بس بالمهرجانات وشيء طبيعي أن توجد النساء والرجال بنفس المكان لاتكونون متشددين أكثر من التشدد نفسه . يعني لازم نشكك في الناس أو لازم نقوا إن (( كل إناء بما فيه ينضح )) . خلو الناس ترزق الله وتبيع وتشتري ولاتضعون عوائق أمام الناس .

والله كلمك صحــيــح اتفق معكـ ( بريده عشقي )

[وسط بريدة]

طيب ممكن واحد يسال .. ليش الهيئة يدخلون المهرجان والاسواق وحنا ما ندخل يا الشباب والعزابية ههههههههههههه

والله من زين المخ في بعض الناس

اقسم بالله قرف