هل التدخين يقلل من قيمة الرجال..................؟؟؟؟

[@اسمـــراني]

أقبل المدخن وارفض المتستر بلحيته !

[عبدالله بريدة]

اقتباس:  المشاركة الأصلية كتبت بواسطة رايق     مشكلة مجتمعنا أنه إذا تقدم الشاب لخطبة البنت أول مايسأل عنه هو هل يدخن ؟ هل يعسل ؟ أما السؤال عن الصلاة والأخلاق فهو آخر إهتماماتهم ! كم من شاب ابتلي بالتدخين ولكنه أفضل من مائة رجل لايدخن بحرصه على صلاته وحسن أخلاقه وتعامله مع الناس ! صحيح أن التدخين عاده سيئه ومحرمه إلا أنها ليست عذرا في رفض الخاطب ! شكرا لك

تســلم الأصابـع الـي كتــبت هالكلام !!!!! والله انه كلام العقل والواقع


وفيـه ناس مع الأسف لايدخـن ولاكن لايعرف طريق المسجد هذا من الناحيه الدينيه وهي الأهم ومن ناحية الأمور الدنيويه تجده يلبس احلى لبس ويركب احلى مركب لاكن مع الاسف تجده بالتعامل مع الاخرين تعامل سئ وتعامل جبان !!! وكثير من شيبان هالوقت الي عنده درزن بنات صــاكن عليهـن يبــي لهـن رجال منزل من السماء واذا جيت تخطب وشاف براطمك زرق قالك اقضب الباب ماعندنا بنات والمشكله ماتقدر تسذب تقول لا يخال مانب اتتن !!!!

همـن تطلع حمقان وتحـط الحـره بسيـارتهم الي واقفه عن باببهم وتنسـم كفـراته 000 همن اذا رحت للبيت ويسألونك اخوانك هــاه بشــر وش قالـوا همـن تنحـرج تقول ســـحتـــن !!!

<<<< قصه واقعيه من احد اصدقائي المقربين يفـضفض لي من الهم الي هو فيه وحتى الأن المسكين يعني مهب انا 00

<<<< هههههههههه يبعد الشكه عن نفسه 00


تقــبلوا مرور وشكـر للجميــع !!!

[متغرب بموطني]

على فكره اغلب المدخنيين مايدرون برائحة افوائهم عندما يتحدثون للأخرين


والله وقسم بالله انا رائحه مزعجه

اما بالنسبه لموضوعك

من وجهة نظري على طول يطيح الواحد من عيني ولا القي له احترام

واللي مايدخن اقدره واحترمه لانه مانضحك عليه من قبل كم جمعه او شله وأثرو فيه ودخن

تحس اللي مايدخن شخصيه لابمكن تتغير وتنهز

لان اي مدخن شخصية مهزوزه هزها اشخاص اثرو فيه


الله لايبلانا

[عبدالله30]

[align=center]

اقتباس: واللي مايدخن اقدره واحترمه لانه مانضحك عليه من قبل كم جمعه او شله وأثرو فيه ودخن تحس اللي مايدخن شخصيه لابمكن تتغير وتنهز لان اي مدخن شخصية مهزوزه هزها اشخاص اثرو فيه الله لايبلانا

كل التصرفات الانسانية والصفات المكتسبة تتم بتأثير من الأخرين والاختلاط بهم فهل يعني أن

كل من اكتسب صفة سلبية أو ايجابية يعتبر شخص مهزوز وتابع لأنه تأثر بالاخرين ؟

تحياتي0[/align]

[متغرب بموطني]

ان اكتسب صفه ايجابيه بمن حولي لاتعتبر شخصيتي منهزه

وهاذا وارد في كل انسان اجتماعي يتلقى صفات ايجابيه


على سبيل المثال...

ممكن ان اتأثر بشيخ عالم او مفكر لكي اوصل تأثيره للأخرين بفايده يصلح بها المجتمع

لاكن ان أتاثر بصفه سلبيه اوصل تأثيرها للأخرين هاذا يفسد فساد قابل للموت المؤقت

[عبدالله بريدة]

اقتباس:  المشاركة الأصلية كتبت بواسطة متغرب بموطني     على فكره اغلب المدخنيين مايدرون برائحة افوائهم عندما يتحدثون للأخرين والله وقسم بالله انا رائحه مزعجه اما بالنسبه لموضوعك من وجهة نظري على طول يطيح الواحد من عيني ولا القي له احترام واللي مايدخن اقدره واحترمه لانه مانضحك عليه من قبل كم جمعه او شله وأثرو فيه ودخن تحس اللي مايدخن شخصيه لابمكن تتغير وتنهز لان اي مدخن شخصية مهزوزه هزها اشخاص اثرو فيه الله لايبلانا

[align=center]
مهــب صحيــح كلامك !!! والله يعيــن نفســك عليـــك والله يعيــن الناس عليــك اذا صــرت شايــب 00 من اسلوبك واضح انك قليل مخالطة الرجـال وجميع اصدقائك مقتصر على اعيال عمك واعيال خالك فقط أو من المحتمل انك سبق وأن اخذت موقف من رجال مدخن ومؤثره على نفسيتك حتى الان وعميــت جميع المدخنين بموقف ذاك الرجل 00 والله العالم أني لو اسألك وين موقع فندق السلمان مادليتــه لأنك بتلـه بالبيت ومقابل التلفزيون وحيلك بالدراسه للجامعه ولا تعرف الرجال من الي مهب رجال 00 خلك بدروسك اصرف لك بس عن هالمواضيع 00 شكرا لك !!!
[/align]

[متغرب بموطني]

عبدالله بريده


مشكور على ردك الجميل

[ـ تميم الأشراف ـ]

سؤال لمن طرح الموضوع...هل تقبل بفتاة تدخن زوجة لك؟

[دانتيل]

ارى فيه اعضاء كثير يدافعون عن المدخن وبشده !!!!!!!!!!

وش السالفه ؟؟؟؟؟؟؟؟؟؟

العريف هذي دعايه لشيشه والمعسل والا ايش ؟؟؟؟؟؟؟؟؟؟

[عبدالله30]

[align=center]
أخي الكريم00متغرب بموطني00تحية طيبة0

اقتباس: ان اكتسب صفه ايجابيه بمن حولي لاتعتبر شخصيتي منهزه وهاذا وارد في كل انسان اجتماعي يتلقى صفات ايجابيه على سبيل المثال... ممكن ان اتأثر بشيخ عالم او مفكر لكي اوصل تأثيره للأخرين بفايده يصلح بها المجتمع لاكن ان أتاثر بصفه سلبيه اوصل تأثيرها للأخرين هاذا يفسد فساد قابل للموت المؤقت

كلام جميل00

كل انسان مهما كان في هذا الزمن يكتسب صفات أو صفة سلبية والكمال لله0

أنت بالتأكيد اكتسبت صفة سلبية ما هل تعتبر نفسك انسان مهزوز وتتأثر بالاخرين لضعفك ؟

تحياتي لك0[/align]

[متغرب بموطني]

ياكثر ماكتسبت !!!!! خصوصا بمرحله تنهز اللي ماينهز ....... لكن مهب بالتدخين بتصرفات قد تكون ارقى

لكن الاهتزاز قابل للتعديل ... وهاذا اللي قلتلك عليه قبل

لكن استمر في اهتزازي مشكله لاني راح اسقط من معي في مواجهة المستقبل ..

عزيزي ....... بعد النظر دائما بين عيوني صرت احسب للمستقبل بكثير

مظهري و شكلي وتقبل اهلي والمجتمع لي والدين مطلبي الاسااسي

ماحب ان اكون شاذ غير سوي في مجتمع يغلبه الاسوياء

[انجل]

نـــــــــــــعم يــــــــقـلل من قــــــــيمة الـرجـل
؟؟؟؟؟؟؟؟؟؟؟؟؟؟؟؟؟؟؟؟؟
ما الذي يدفع الشباب الا التدخين؟؟
هل هي ضغوطات نفسيه ام شيطانيه..
ام احساس بنقصااااان الرجوله!!
تقبلو مروري

[(*§ حـــــور §*)]

اقتباس:  المشاركة الأصلية كتبت بواسطة عبدالله بريدة     تســلم الأصابـع الـي كتــبت هالكلام !!!!! والله انه كلام العقل والواقع وفيـه ناس مع الأسف لايدخـن ولاكن لايعرف طريق المسجد هذا من الناحيه الدينيه وهي الأهم ومن ناحية الأمور الدنيويه تجده يلبس احلى لبس ويركب احلى مركب لاكن مع الاسف تجده بالتعامل مع الاخرين تعامل سئ وتعامل جبان !!! وكثير من شيبان هالوقت الي عنده درزن بنات صــاكن عليهـن يبــي لهـن رجال منزل من السماء واذا جيت تخطب وشاف براطمك زرق قالك اقضب الباب ماعندنا بنات والمشكله ماتقدر تسذب تقول لا يخال مانب اتتن !!!! همـن تطلع حمقان وتحـط الحـره بسيـارتهم الي واقفه عن باببهم وتنسـم كفـراته 000 همن اذا رحت للبيت ويسألونك اخوانك هــاه بشــر وش قالـوا همـن تنحـرج تقول ســـحتـــن !!! <<<< قصه واقعيه من احد اصدقائي المقربين يفـضفض لي من الهم الي هو فيه وحتى الأن المسكين يعني مهب انا 00 <<<< هههههههههه يبعد الشكه عن نفسه 00 تقــبلوا مرور وشكـر للجميــع !!!

ياعبدالله قل لرفيتسق اللي يدخن تسلم على عاشقة القصيم وتقول لك ان تسان انك صادق تبي الزواج اقلع عن التدخين وتشوف اذا ماعطوك بدل الوحدة ثنتين -----------اسال الله العظيم ان يعينكم على تركه

[(*§ حـــــور §*)]

اقتباس:  المشاركة الأصلية كتبت بواسطة متغرب بموطني     ياكثر ماكتسبت !!!!! خصوصا بمرحله تنهز اللي ماينهز ....... لكن مهب بالتدخين بتصرفات قد تكون ارقى لكن الاهتزاز قابل للتعديل ... وهاذا اللي قلتلك عليه قبل لكن استمر في اهتزازي مشكله لاني راح اسقط من معي في مواجهة المستقبل .. عزيزي ....... بعد النظر دائما بين عيوني صرت احسب للمستقبل بكثير مظهري و شكلي وتقبل اهلي والمجتمع لي والدين مطلبي الاسااسي ماحب ان اكون شاذ غير سوي في مجتمع يغلبه الاسوياء

كلام ررررررائع من انسان ارووووع تنم عن عقلية سوية -وفعلا الانسان كل يوم يطلع له عقل فلابد ان يكون يومه افضل من امسه وغده افضل من يومه ---تحياتي لك استاذي مغترب بموطني

[مــــودي]

اقتباس:  المشاركة الأصلية كتبت بواسطة ـ تميم الأشراف ـ     سؤال لمن طرح الموضوع...هل تقبل بفتاة تدخن زوجة لك؟

السلام عليكم ورحمة الله وبركاته

أولأ أشكر جميع من تابع الموضوع واخذه بجديته

الكامله لئنه فعلن محتاج لنقاش تام وصادق بنفس الوقت

سؤال أمامه ألف علامة استفهام!!! فإذا كانت تُدخن في البيت وفي غرفتها فهذه مصيبة تدل على أن ولي أمرها قد يكون بعيداً عنها وغير متابع لما يدور في بيته أو غياب الأم عن القيام بدورها في إرشاد بنتها ونصحها ومتابعتها، ودور الأم هنا كبير لأن الأب في كثير من الأحيان يترك مسألة تربية البنت للأم وهي تكون مسئولة عن كل ما يتعلق بها، وملاحظتها والعناية بها وإذا كانت الفتاة تدخن داخل المؤسسات التعليمية فالمصيبة أعظم، لأن المدرسة أساس التربية مع الأسرة والعمود الفقري لتوجيه الفتاة وبناء شخصيتها ورسم مُستقبلها، ولا شك أن دور البيت والمدرسة كبير في محاربة هذا السلوك السيئ واجتثاثه من مجتمعنا.
بعض علماء النفس يقولون أن حب الاستطلاع والتجربة، هما من أكثر الدوافع التي تؤدي إلى التدخين حيث يبدأ بحب الاستطلاع ثم التجربة وبتكرار السلوك تصبح الفتاة مُدخنة!!
وهناك من يرجح تدخين الفتاة إلى تأثرها بالمشاهير من أفراد المجتمع كالفنانين أو الممثلين أو المذيعين، وتقلدهم في كل شيء حتى السلوكيات الضارة فتُدخن ...

التدخين عند النساء خطر اجتماعي إنساني

التدخين..... يشوّه نضارة وجمال المرأة
وانوثيتها الجميله

والا استطيع ان أقبل بأمرأة مدخنه

لسباب كثيره والمرأه ناعمه والتدخين هو نقص من انوثة المراة

وجمال المراة بأنوتها

تحياتي لكم