ثمن العشرة والــزمـــالــة فقط ( عشرين ريال)

[iiigil]

احسن الظن ياخوي يمكن يبيهم يتشجعون يكررونها ..


مشكور .. ذوقا كان المفروض لو كان قصده الي قلت يقول هالمره على حسابي والجايه عليكم ,,

[امرؤ القيس]

اقتباس:  المشاركة الأصلية كتبت بواسطة الطاحونة     [align=center] صاحبك.. فقير ماديا غني أخلاقيا ـ تجميع شمل افترق ـ[/align]

اهلين بالطاحونة

ربما يتبيّن هكذا لكن بما أنه معلم وهذا لم اذكره في بداية الموضوع يزول الشك بأنه ضعيف

[امرؤ القيس]

اقتباس:  المشاركة الأصلية كتبت بواسطة فيصل...........     [align=center]اعوذ بالله من البخل وصداقه وبعد غيبة طويله حمام!! ليته حاشي ممكن نقول ماخذه دين لمدة ساعه وحشره صاحبة حينها نقول الصديق وقت الضيق طيب افرض اني أنا الضيف ومطفر ما معي ولا قرش وقالي ادفع يعني هذا ما ضيفني ولا اعتبر الصداقه بل فضحني وضيق علي!!! للهم لا تجعل الدنيا اكبر همنا اعوذبالله من البخل[/align]

وشفيه الحمام موب عشاء

ويمكن ماحصلّ لحمة زينة

المهم انه اخذ منهم حق الطلعة وبس

[امرؤ القيس]

اقتباس:  المشاركة الأصلية كتبت بواسطة رحيل     والله يا ذا ماعنده وقت ووجهه مغسول بمرق أجل واحد ماشافه من سنين وهو اللي ملزم على توجيبه يدفعه ...... مابقى إلا ياخذ عليهم حق مشواره وجيبة الأغراض شكل ذا مدرس ................ لأن غالبية المدرسيين قعيطيين يحاسبون على النص

اهلين

الصراحة انه مدرس ولا قلت لكم انه مدرس حتى ماتشنون حملة عليهم وهم بغنى عن التحطيم

[امرؤ القيس]

اقتباس:  المشاركة الأصلية كتبت بواسطة متغرب بموطني     انا اؤيد بس مادام ماصار التشواف لهم سنين فهاذا يعتبر عيب ولا هب رجوله اما اذا صار اصدقاء يشوفون بعض بشكل متكرر عادي جدا وش جاهم هالعالم تغيرو وتجردو من طبعهم من جد والله استغرب من هالشي جيل فسل

لاهم من زمان عن بعض ورفيقنا يقول والله يوم يلزم قلت الحين يذبح وانا مسوي ريجيم !!
وآخرتها عشرين ريال يقطقطنا الله يخلف

[امرؤ القيس]

اقتباس:  المشاركة الأصلية كتبت بواسطة جلوي الشقير     ابو عدي هذا التصرف عيب في قواميس الكرم وحسن الضيافه التي يتميز بها الرجل العربي . ربما يقبل لو كان الأمر يخص شله او مجموعه يمونون على بعض لكن يعزم رجال بعد غيبه طويله ويقول قطوا !!!!!!!!!!!!!!!!!! لاتصير معهم يابو عدي وسكت ؟ تراي أذكرك صريح

اهلين جلوي

هذا ماخلاني اكتب القصة لانها عيب

ولو كنت معهم كان حسته هو وحمامه لكن يحمد ربه ما ني معهم ورفيقنا يقول مسحت اسمه من قاموس الاتصالات

[امرؤ القيس]

اقتباس:  المشاركة الأصلية كتبت بواسطة جبل عمر     إذا أردت أن تقيّم الرجل وتمحّصه فعامله بالمال إذا أدرت أن ترى تدين الرجل فعلياً ونزاهته فعامله بالمال إذاً التعامل بالمال هو الذي يبيّن الحقائق ويكشف المستوررر!!

فعلا التقييم دائما من خلال المال لانه يبيّن مدى قوة العلاقة

والناس الماديين دائما يخسرون اصدقائهم بسبب البخل

[امرؤ القيس]

اقتباس:  المشاركة الأصلية كتبت بواسطة إشراق     هي تعتمد على حسب المدة اللي منقطعين فيها عن بعض اذا كانت فتره طويله فاللي سواه عييييييييب اذا كانت فترة لقائهم متقاربه وليست بذاك البعد فأراه عادي جدا لاتقولون إشراق جِلده!! لا هذي وجهة نظري

لا مو جلدة لان الكل معك


وهذا ماقاله الا بعد ان صارت بنفسه وشاف رفيقة اي كلام

[امرؤ القيس]

اقتباس:  المشاركة الأصلية كتبت بواسطة راشد الصليحان     يااباعدي ... قسم بالله إنه يحوم الكبد ...يذكرني تصرفه هذا بقثردة بعض عقليات الديرة وحواقينهم ..!

اهلين راشد

لين الحين عندك حساسية من اهل بريدة

يقولون مالك الا خشمك لوهو عوج عاد فما بالك عوج وقثردة وحواقين هه يعني بك بك

[امرؤ القيس]

اقتباس:  المشاركة الأصلية كتبت بواسطة مياسة     الأخــــــــلاق تميز الرجال ... وإلا كيف تبينا نميز القمة من الرجال ؟؟ وشوكرن

اهلين مياسة

الحين بتوقيعك ثنتين كالتوأم تردان على المواضيع فلا اعرف اي من الثنتين انت , يقاله يعرف من انت اصلا خخ

المهم

الاخلاق

[امرؤ القيس]

اقتباس:  المشاركة الأصلية كتبت بواسطة عاشق ديرتي بريده     اخوي راشد وراك تتكلم عن اهل الديره وتترك اهل الخبوب !!

عاشق


شكلك ناوي على شرّ

اهل الخبوب جاهم ماجاء غيرهم من تغريب حتى صاروا في المهجر !!

[امرؤ القيس]

اقتباس:  المشاركة الأصلية كتبت بواسطة انسه مطنشه     احسن الظن ياخوي يمكن يبيهم يتشجعون يكررونها .. مشكور .. ذوقا كان المفروض لو كان قصده الي قلت يقول هالمره على حسابي والجايه عليكم ,,

انا وش دخلني احسن الظن

انا رفيقي قصّ علي القصة وهو حمق وزعل وماصدقت اهدّيه

[امرؤ القيس]

اقتباس:  المشاركة الأصلية كتبت بواسطة راشد الصليحان     اهلا عاشق بريدة من الخبوب والخبوب من بريدة ...وكلهم بالهوى سواء اتحداك تلاقي واحد إلا وله عرق بالخبوب ..اللي ماسكن هناك تلاقي خواله هناك ...! بريدة بالأساس خب ..واكبر دليل شارع ( الخبيب ) ..! لذلك القثردة مشتركة والحقونة متطابقة ..! وكان الله في عون ابوعدي ..! وصاحب العزيمة يقسم القطية على المجموعة ..! وعيباااااااااه ..!

وين كلامك ياراشد ايام زمان ههه

او تغيرت الافكار بعد الحملات المتتالية من العلقم وعبدالله 30

[عبدالله30]

مرحبا أبا عدي00

قد يصل التعجب منك بلا حد خاصة وأنت كريم ابن كريم00

القطة مقبوله اذا كانت بشكل مكرر بين اصدقاء دائمين ومتفقين على ذلك كبعض الاستراحات

مثلا كم يوم تجد فيه عشاء ومتفق على القطة 0

لكن بهذا الشكل الخاطف غير مقبولة أبدا 0

والمفروض أن يقول أحد الموجودين اذا كان على كل واحد عشرين فخذ مني على كل واحد اربعين

والوجه من الوجه أبيض 0

في مثل هذه الحالات اذا كان العازم أو من أراد الجمعة فقير فالمفترض أن يبادروا الاخوة بالتكفل

من أحدهم بالتكاليف لكي لاينحرج 0

اذكر لك قصة واحد أنت تعرفه جيدا00

يأتي الينا بين فترة وأخرى وكثيرا ما يشاركنا الموجود 00مرة اتصل بي وقال هل أنت في

الاستراحة قلت نعم قال ابجي فقلت له أجل جب لنا عشاء على دربك حق تسعة أشخاص

يوم خلصنا من العشاء طالبنا بالدفع بعد أن قام بعملية القسمه !!!

المشكلة هو معلم وزوجته معلمة !!

والمصيبة أنه يأتي من طرفي أي محسوبا علي !!

فالبخيل لايحرج نفسه فقط بل يحرج حتى صاحبه 0

تحياتي لك0

[ابوسند 911]

اقتباس:  المشاركة الأصلية كتبت بواسطة امرؤ القيس     تحية للجميع الصداقة والاخوة والزمالة لاتقدر بثمن وهناك من يقول : دقق بالحساب تزين العشرة لكنــ هناك من لهم طبائع خاصة في طريقة التعامل مع الآخرين ذكر لي أحد الأصدقاء بأنه قابل صديقا عزيزا له لم يره منذ سنوات ويقول صراحة لزّم علي بالدعوة فوافقت شريطة أن يكون متواجدا بالدعوة بعض أصدقائنا القدماء فوافق , وفعلا رتبنا لتلك المناسبة موعدا ويكون مكانها نائيا عن المدينة حتى تكون الجلسة ( غير رسمية ) وفعلا تواجدنا بالموعد وكان صاحبنا ( العازم ) قد أعدّ كل شيء حتى أنه أحضر كبسة ( حمام ) شهية وبعد انتهاء المناسبة وهممنا بالمغادرة أخرج ( العازم ) جواله (ليحسب) وقال ياشباب على كل واحد منا عشرين ريالا فقط !! فصراحة ذهلنا من طريقته التي لم تكن بالحسبان !! لأن صداقتنا أكبر من أن يدفع كل منا عشرين ريالا وغير هذا فالرجل هو الذي أصر على الدعوة !! فماهي طريقة تعاملكم مع هذه النوعية ؟ وهل ماقام يعد ادبا ؟ امرؤ القيس

غزه تمطر بوابل من القنابل وانت تتكلم عن عشرين ريال!!!!
عطني رقم احسابك احولك خمسين مو عشرين وفكنى