طيارات f15 في شوارع بريدة (( والخلف مدير المرور بلش بالجوالات ))

[km0311]

ليس المقصود من الموظوع بسيارات هلوكس ولا جيب ولا كامري ولا جمس ولا اي سيارة ولاكن المقصود بتهور في الشوارع

[Moodi]

اي والله انك صادز ....


بس مهما كان الموضوع مثل ما قال اخوي مايقتصر على الهايلوكسات ...

بس ...لو تفتحون لنا التعديل ...كان يصير الموضوع صح كان يتركون الهايلوكسات ..

ويبدون كوامري وكرولات ..يطيح الموتر وجنوط نيكل ونيون تحت الموتر .. وفلتر ...

ونظام 3d للسماعات ...اعوووووذ بالله ياشيخ <<تحمس ...

تحياتي ...

[قصيمي وافتخر ...]

الله يعافي شباببناويهديهم ويصلحهم

[الوساااام]

اقتباس:  المشاركة الأصلية كتبت بواسطة km0311     1- فكنا من الهيلوكسات الي كنه طيارات f15 بشوارع بريدة والله كثر خطره يمشون فوق 140 الي 160 بوسط المدينة تقل امه ولا ابوه يدور دم واخرته يوقف عند المطعم يطلب شورما ولا كودو وجه بن فهرة كنة ماسوى شي والمصيبة لمنه سوى حادث جا ابوه يحلف ويقوم الدنيى ويقعدة وسطات وطلايب ويحلف ان ولده هادي من البيت الي المدرسة ولا يتعدى 60 ولا يدري انة صاير جواد لا يشق لهو غبار بشوارع تقل معلق بنصة ولا وقف عند خويه يتفيخر (( والله فجرت الموتر فجر )) يحسبة اكتشف الذره فهموهم حطو دورات في المدارس الثانوية ((يوم مفتوح بكل ثنوية كل شهر )) وين النشاط الطلابي بالمدارس وروهم صور ناس متقطعة ناس بلا رجلين ناس بلمستشفيات تمنى لو تقعد على حيلة طلعو احصئيات الاطفال اليتاما يا اخوان (( تذكر عيالك لمنك دخلت عليهم بابا جبتلي لعبة بابا وينك بابا درسني شف اطفالك فرحتهم فيك وشف لمنك لا قدر الله رحة ضحية هذا المراهق الغبي من يقولون له اعيلانا جبلي لعبة من يقولون له بابا وينك و الله بابا راح مات تخيله تقال لطفل بعمر الزهور تخيل لو لحضة والله تنفطر كبدك )) معاقبة هذا المتهور باشد العقاب وربط السرعة بعقاب قطع الاشارة المتعمدة وحجز اسبوع لاول مره وشهر لثاني مرة هذا الي يفرح اهل ابريدة ويدعولك فية مهب تمسكهم على مكلامات الجوال بالسيارة ان لا انكر ابد خطر المكالمة بلجوال نعم خطر وايدك بس فيه اعضم من ذلك المتهورين الي بشوارع اعضم خطر ولا فيه وجه مقارنة وشدد على السرعة داخل المدينة شدد على الهيلوكسات مثل ماشدد ابوعلي المدرسة ((يحيى الهباش )) الله يقومة بسلامة على الجيوب الربع لمين خلهم يبيعونه قبل 8 سنوات 2- عاقب عساكرك اغلبهم يستخدمون الجوال في سيارات الدورية( المرور ) او بقرة الشيوخ ما يقاله شي 3- وبعدين ترا مهب كل ماجا مدير مرور اومدير شعبة سير قلبتو الدنيا فوق حدر تفاتيش وبهذلة لكم شهرين بلعالم ثم بعده تخلون الدرعا ترعا (( يعني يا اهل بريدة تري موجود )) وفاتل عضلاتي خل عضلاتك على المتهورين اصحاب الهيلوكسات الغمارة خاصة الشكل الجديد تكفا لا تغير طريقة ابوسامي الله يذكره بلخير في التعامل المميز مع اهل بريدة

وهذا الحادث سببه احدى المراهقين اصحاب ( الهلوكس اف 15 ) حسبنا الله ونعم الوكيل ..

تسبب شاب بعد قطع الإشارة بإصابة 8 سيارات قي مدينة بريدة طريق الملك عبدالله مساء اليوم الإربعاء ... وتعود التفاصيل إلى أن الشباب كان يسير بسرعه جنونية محاولاً اللحاق بالإشارة الخضراء لكنه تفاجأ باللون الأحمر ليجد أمامة المسار الآخر والمقابل ليصطدم بمجموعة من السياراة وإنقلاب السيارة من نوع هايلوكس

وتم نقل المصابين منهم ثمانية أطفال تم نقلهم إلى مستشفى الولادة والأطفال وأربعة أشخاص إلى مستشفى الملك فهد التخصصي

وقد باشر الحادث فرقة من مرور منطقة القصيم شعبة الحوادث
ومدير السير بالمنطقة النقيب عمر عبداللطيف

[km0311]

مشكور اخوي الوسام
على نقل الحادث يله خذ نقد

الي متى ننتضر ان يتكرر هذا الحادث

[البرتقالي]

من جد الله يعيننا علي ها المراهقين انا البارح حضرت الحادث بس ماعرفت وشلون صاير ...... ( عور قلبي )


معقولة تسبب علي ثمان سيارات وكل سيارة كم فيها من شخص الي توه متزوج والي طالع هو وعيالة والي معه أمة تسبب عليهم هذا المراهق......

الله يصلح شبابنا الله يصلح شبابنا

[mg.020]

[color="blue"]والله صادق الله يعطيك الف عافية ....[/color]

[Mr MAFIA]

اقتباس:  المشاركة الأصلية كتبت بواسطة البرتقالي     من جد الله يعيننا علي ها المراهقين انا البارح حضرت الحادث بس ماعرفت وشلون صاير ...... ( عور قلبي ) معقولة تسبب علي ثمان سيارات وكل سيارة كم فيها من شخص الي توه متزوج والي طالع هو وعيالة والي معه أمة تسبب عليهم هذا المراهق...... الله يصلح شبابنا الله يصلح شبابنا

[align=center]
أنا من ضمن من تضرر في هذا الحادث والحمدلله على قضائه وقدره


صاحب الهايلوكس قادم من طريق الملك عبدالله جنوبا متجه شمالاَ

وكان يسير بسرعه جنونه وكأني اشاهده الان وهو يحاول تلافي الفورد الابيض القادم من الفايزيه بأتجاه حي الامن


اصدم بالفورد واختل توازن الهايلوكس لسرعته الجنونه وانحرفة باتجاه الاشاره المقابله للقادم من شمال باتجاه الجنوب طريق الملك عبدالله


انقلبت السياره والحمدلله انها لم تصقط على المتواجدين

بالاشاره
فأصدمت بفورد وجمس ولكزس وكذلك جمس اخر


والحمدلله اسعفنا العوائل ولم يصابو بأذى بليغ .. فقط كدمات واختناقات بسيطه لبعض الاطفال وصاحب الهايلوكس تضرر في بعض الجروح


الحمدلله اولا واخرا

.
[/align]

[عاشق بريــF16 ـدة]

يجيك بزر توه داخل الثانويه ويطقله ابوه هلي ويزعج الدنيا والخلق تزعيقات وسرعة واذا صدم
جات الواسطة طلعته من المشكلة وكان ما صار شئ بس الشرهة مهو على البزر الشرهة على اهله
بس ((((((((((( لا حـــــــــــــيــــــــــــــاة لـــــــمــــــــــــن تــــنـــــــــــــادي)))))))))

[km0311]

المرور المتهم الاول لهذه المشكله
حطولانا حل جذري

[امير نجد]

والله انك صادق كنت افكر افتح موضوع بلخصوص ..خاصةً الاطفال اصحاب الهلوكس الجديده الغمارة
والله بهذلونا بكل مكان .. تفحيط وسرعه جنونيه وعدم احترام الاشارات وحد خلق الله والأخلاق دمااااااااااار ..

ياليت المررو يحط عينه على هذه الفئه الي اتعبتنا من جد ..

الف شكر لك يخوي على غيرتك وعلى طرحك الجميل ..

[مساكن برزه]

نسأل الله العافية والسلامة
موضوع مهم للغاية نتمنى الوقوف عنده....

[عدول القصيم]

وراء كل حادث عظيم هايلوكس
وراء كل حادث عظيم هايلوكس
وراء كل حادث عظيم هايلوكس
وراء كل حادث عظيم هايلوكس

ولا ننسى جيب الربع ..

[عسكــريم]

مشكووور وماقصرت الله يصلح شبابنا وشباب المسلمين

[الغنام ؟؟؟]

الله يعطيك الف عافية

على الموضوع الجيد وشكر لك