رجال ---- ولكنهم أشباه ذكور !

[أنـفأإأس أإأللـيل]

اقتباس: من الجانب الآخر تلقينه قاعد يكلم بنت على الماسنجر أو يتحدث عن حقوق الزوجيه بمثاليه طااااااااااااااغيه في أحد مواضيع المنتدى

أضحك الله سنك على ذي النقطه
ياكثرهم يالينا اللي مثل هالنوع ..ويمكن تحصلينهم في هذا المنتدى..
والمشكله دائما يحطون اللوم على الزوجه .. هي المقصرة دائما ..
وهي السبب في هروب الزوج من البيت سواء من هياته بالاستراحات
أو سفر للخارج ..وهذه كلها اعذار واهيه..خليها على ربك
لي عودة بإذن الله ..

[عبدالله30]

مرحبا أخت لينا00

أولا موضوعك جميل ويناسب الاجتماعي فهو عبارة عن قضية مهمة تخص الاسرة بشكل عام

وهاهو يلاقي ردود كثيرة هنا والكل يعبر وفق رؤيته00

ماتحدثتي عنها حقيقة ومشكلة موجودة في مجتمعنا والسبب قد يكون عدم التفاهم واتعدام

الحوار بين الطرفين 00الامر يحتاج الى أخذ وعطاء والتفات وتلمس لاحتياجات الاخر 0

العيب موجودة في الجميع ومن الافضل فتح باب حوار وتفاهم والبحث عن الاجمل فالاسرة عندما

تستقر وتتفاهم فالزوج والزوجة هم أول من يقطفون ثمار السعادة0

تحياتي لك0

[مــسفـ..ـهل]

تبينه يقابل المره اربع وعشرين ساعه؟؟

تدرين وش ينقال له الرجال الي يرتز عند حريمه؟؟؟؟ رخمه..

شخصيا وعني وعن كل الرجال الي ذكرتيهم مانبي نصير رخمات الا اذا انتي تبين زوجك يكون رخمه شي راجع لرخامتك ورخامت زوجك..

تقبلي مروري..

[المراقب]

اقول بالفعل هناك من لايقدر الحياة الزوجيه ... من الطرفين ... ولكن بما ان الموضوع لهذة الحاله ... هناك مع الاسف من ينتهج هذا الاسلوب ... ويتشاغل اذ دخل المنزل ... اما بجريده .. او الجوال .. واخيرا النت... ولكن كلما تحاول المراه الحديث معه ... والسؤال عن عمل ... ومحاولة اشغاله ....والتنبيه على مثل هذه الممارسات ...والصبر للزوجه افضل ... فغالبا مايقوم نتلك التصرفات الزوج دون الثلاثين ... ولم يركد بعد ...ويشغله الابناء ,,, ولايستحق ان يصعد الموضوع ... فالمراهقه قد تاتي متأخره لدى البعض من الجنسين .. والامثله كثيره ... ولكن كلما تلتزم الزوجه وتحافظ على الزوج .. وتكون على خلق ودين .. وتراعي الله .. فأنه سينصرها عليه .. وسيجد يوما ما انه مقصر بحق زوجته ومن أوتمن عليها ... فالصبر والاحتساب .. وسترين النتيجه ...

[صاحي ووو رايـق]

[align=center]

اقتباس:  المشاركة الأصلية كتبت بواسطة لينااا     شكراً لك وطالما ماقريت الموضوع لاداعي لمناقشة كلامك لأن أي حوار بين اثنين مبني على الإطلاع على المشكله من كل الأطراف دونت سي يووووووو

قرأت موضوعك بكامله وشامله
لكن الشيء هنا نسبة وتناسب الله يعافيك ومافيش حد أحسن من حد
أنتي هنا ضربتي ثلاث أمثله .. ممكن تكون واقعيه وممكن لا
وهذا لا يحتاج إلى أخفى أو تذمر لإن هذه القصص تحصل في كثير من البيوت
وتأكدي إيتها اللينا فأن ما ذكرتيهم من أصناف الرجال هنا نفس الحال متواجد لدا النساء
عندنا وعندكم خير الكفه هنا متساويه ومتعادله
ومثل ما ذكرت لك إيتها الاستاذه بردي الأول بأن مجتمعنا بايخ جدآ من كلا الجنسيين
من زوير المرأة إلى عوير الرجل
الحال سيدوم على ما هو عليه ولن يتغير إلا إلى الاسوء !



سي يووو[/align]

[صاحي ووو رايـق]

[align=center]

اقتباس:  المشاركة الأصلية كتبت بواسطة نـدى الـورد     على فكره من يطلق اشباه نساء اطرح عليكم سؤال اريد الإجابه عليه من المهم في المجتمع المرآه ام الرجل وعلى اي اساس يكون صلاح المرآه؟ .

كلن له مجال في حياته وكلن له دوره في هذا المشهد
الرجل والمرأة عنصران مهمان في هذا المجتمع ومكملان لبعض
وإذا كانت المرأة غير صالحه وخاصة إذا كانت أم لبيت
تأكدي بأن هذا البيت ساقط ساقط لا محاله
المرأة إذا كانت متزوجه لديها أدوار أهم من الرجل بمراحل كثيره ![/align]

[نـدى الـورد]

صاحي ورايق

اعني كيف يكون صلاح المرآه؟

اذا كان لدينا أشباه رجال هل سوف نحضى ب إمرآه مثاليه مثلاً

هي معادله

اذا وجد رجلاً بمعنى الكلمه

سوف تتواجد إمرآه بمعنى الكلمه

والا الدنيا بتصير خاربه

وبمعنى اخر للي مافهم

لايمكن ..لايمكن

تجد إمرآه مثاليه وسويه ومربيها رجل [mark=99FF00]رخمه[/mark]

,

[HENNO]

[align=right]أضم صوتي لصوت المشرف القدير(الفنانة المبدعة)
وليتقبل صاحب الموضوع مروري وخروجي من الموضوع[/align]

[أنـفأإأس أإأللـيل]

اقتباس:  المشاركة الأصلية كتبت بواسطة مــسفـ..ـهل     تبينه يقابل المره اربع وعشرين ساعه؟؟ تدرين وش ينقال له الرجال الي يرتز عند حريمه؟؟؟؟ رخمه..

والله عاد الزوجه ماتطالبه بالجلوس بالبيت عشان تطالع جماله الفتان ..
تبيه يجلس بالبيت ينتبه لأولاده ولدراستهم لأنهم اذا شافو ابوهم
ماحط حساب لأمهم .. من الطبيعي هم كذلك ماراح يحطون لها حساب ..
وبعدين مانبيه يقابلهم 24 ساعه .. وبنفس الوقت مو نصف يومه يكون برى ..
لعياله حق ولنفسه حق ..

[كيفي عتيبي]

[align=right]


اما قبل :

يقول الشاعر الشعبي

ان كان ماني قانصٍ رحت طراش
ماني مقابلها كم ( نسر ) جيفــه !!

ولـ التوضيح ..
يشبه الرجل ( المنطوي ) في بيت زوجته ..
كـ النسر الذي وقع له على جيفــه !!



اما بعد :

ياهوانم قاردن سيتي ..

افتوني بارك الله فيكم ..


ما رأيكن بـ رجل ..
ماتت الغيره في قلبه ..

وفر لـ

بنته

زوجته

اخته

كمبيوتر .. وانترنت !!

وتركها ( تختلط ) مع كل من هب ودب !!

اختلاط ( صريح )
لا احد يستطيع ان يقول امامه ( تلت التلاته كم ) !!


الا يطلق على هؤلاء

اشبــاه رجـــال ..

و

رخـــوم


هل اعود لـ اجد اجابه ..

او

اخلي سيرها عدل ..!!!!



.[/align]

[عاشق تراب بريده]

اقتباس:  المشاركة الأصلية كتبت بواسطة لينااا     مرحبا بك أخوي عاشق تراب بريدة أشكرك على مداخلتك لكن إحنا ذالحين مانستعرض عيوب النساء ايش جاب هذا لموضوعنا ؟ أنا أتناقش بقضيه موجووووووووووووده وبكثرررررررررررررره ليه نحاول نغطي مشاكلنا بمشاكل ثانيه ؟؟؟؟ أو سياسة " دام سوّا فلان فأنا بسوي " أو شوفي سويتي كذا اجل انا راح اسوي كذا مثلي لما أقول لك سيارتك كفراتها مهتريه بتودّيك فستين داهيه إنتبه لها تقول لي ليه أبو جيراننا بيبان سيارته مصديه أجل أنا بـ اترك كفرات سيارتي كذا على هالحال ماراح نستفيد شي ! أوكي علشان نستفيد من مداخلتك راح أدخلها ضمن الموضوع وأناقشها تصدق يا أخويا إن كلامك صادق فيه حريم ناكرااااااااااااات معروف مايفيد فيهن حاجه أنا أضرب مثال زوجة أخويا كذا دايم متملله أخوكم مايسوي مايفعل مايجيب مايعطي ما ما ما .. إلخ ولما نروح لبيتها نلقاه ماشاء الله مكمّل وأخوي معاملته لها رااااااااائعه تبارك الرحمن وحتى صديقتي كذا زوجها مكرمها ومايرفض لها طلب ويدللها طووول السنه ولو يوم واحد بس أجل لها طلب كان قالت هذا فيه ومافيه ....! ماأنكر وجود هذا الشي .. لكنه مثل ماتقول فطره من زمان الرسول اللهم صلي وسلم عليه موجود يعني لو كان بشخصية المرأة فهي مالها دخل فيه الله يكون بعون زوجها يحتسب ويحاول مايدللها كثير أو يكون لين معها ولا يعصّب من تصرفاتها علشان تكون الحياة سليمه مافيها مشاكل أيضا مثل ماتفضلت ياخوي مو كل الحريم ناكرات معروف فيه من الحريم حشمتهن لأزواجهن لاتوصف ماشاء الله دايماً يحمدن الله على أزواجهن وأفعالهم مهما كانت يالله ناقشت ردّك يا خوي هل عندك أي رد تعقّب فيه على كلامي الخاص بوجهة نظرك ؟ وبرضو ناقشني في مضمون الموضوع ! هل صحيح فيه كذا ؟ طيب إيش الحل بنظرك ؟ ومشكووووور على رايك

انا يااختي مااغطي على المشكله بمشكله اخرى انا اقول شي واقع وانتي يمكن مافهمتي وجهة نظري انتم يابعض الحريم تحبون تكبرون المواضيع وتسوون من الحبه قبة والمثل الشعبي يقول (هونها وتهون ) ...

يعني لو هذا الحرمه حاولت تفاهم مع زوجها والا دلعته دلع واجد ماراح يفهي قدام شاشه الكمبيوتر ولاراح يشوف فلانه ولاعلانه بس (بعض) حريمنا جيدات بالحتسي الفاضي من دون فعل روحي سوي زيني لزوجك مافيه حرج من زوجك دلعيه واهتمي فيه حاولي تدخلين معه بحوار هادف بخصوص المشكله موب جايه تقول سالفتها لفلانه وعلانه وماسوت شي اذا زوجك يطالع غيرك اعرفي ان فيه خلل بالزوجه من وجهة نظري ... هذا رايي

اما بالنسبه للي دايم مكتم ونفسه براس خشمه هذا دايم اعذريه لان الحياة صارت صعبه ومليانه هموم والزواج يبي مخ رايق مره الرجل يعاني من هذه المشكله وبعض حريمنا مايدرن الرجل قد تكون له مشاكل وهموم كثيره في حياته في الدوام في الاصدقاء في الحياة عامه فكيف تريدينه يجي للبيت رايق دائما مافيه احد يقدر يصير دايم رايق وبخصوص الرجل العصبي اعتقد ان زوجته يجب تتعامل معه في العطل يكون مخه فاضي يعني تجيه يوم الخميس اللي ماعنده شغل فيه وتطرح عليه المشكله وتحاول تحلها مع زوجها ...


ولكي لانجهض حق الحريم فيه (بعض) الرجال مايفيد معهم شي يعني مهما حاولت المراءه تحل المشكله معه ماراح تجيب نتيجه معه مافيه حل من وجهة نظري الا بالطلاق ..

و من رايي لو تحطين كلمه (بعض) الرجال اشباه نساء على عنوان الموضوع يكون احلى ...


تحياتي اخوك/ عاشق تراب بريدة ...

[كيفي عتيبي]

[align=right]

شكل سؤالي كان محرج ^_^

.[/align]

[أماسي]

تعقدت من الزواج

[جوهرة بريدة]

8

88

لاتتعقدين ولاشي مافي أحلى منه

[طلاع الثنايا]

هذا الوصف الصارخ لبعض الرجال موجود ، لكنه بحمد الله لايشكل ظاهرة ، عدم اهتمام الرجل ببيته وأهله علامة ضياع وفوضوية لانهاية لها ، فألصق الناس بالرجل أهل بيته ، حتى أن الرسول صلى الله عليه وسلم اعتبر النفقة عليهم صدقة يثاب عليها ، والسعي في حقهم جهاد ، ومداعبة الزوجة مثاب عليه .
لكن للأسف وجد من الشباب من يهمل أهل بيته ، ويقدم أصحابه وزملاءه على زوجه وولده ، بل ربما على أمه وأبيه .
من واجب الولي عند تزويج ابنته أو اخته أن يسأل عن علاقة الشاب بوالديه ورحمه ، فإن كانت مقطوعة أو ضعيفة ، فهو لما سواها أقطع .