الفرق بين نجـــلاء و أم صالح..!!

[ناصر 1418]

أعوذ بالله اللي يقول كمخ عيب عليكم ياخي ترى أم صالح هذي أمي وأمك وخالتك وعمك كل هالجيل تغير طلع جيل عندنا أحلى من ألف نجلاء بس شكلك ياخوي صامد عايش للحين بجيل أم صالح وتسديح البيدجان ياخي ماعمر أحد عزمك وشفت شغل بعض البيوت ورب الكعبة أحلى من الخيام تدري عاد حلفت عليك إن تعشى عندي باتسر وأوريك طبخ أم محمد وش هالكلام ياخزياة وين تسديح البيدجان من سنة جدي لي زمن ماشفته عاد تدري شهيتن له .. أعقل وأثقل ونا أخوك إلا إن تسانك من خليان الرس وتوك جاين فيذا وماتعرف الا تسديح البيدجان فهذا شي ثاني أحتريك باتسر لاتخلين ويالله شباب خل ناخذه داريه ونوريه تسديح البيدجان عند أمهات صوالحنا هههاي ترى حتى العزاب لهم دور خل خواتك يطبخن .. ياخزياه بس ياصامد أنت وهاللي يقول كمخ والله كبيره عيب عيب عيب أمهاتكم ومحارمكم تقولون عنهن كذا

[الماسة محتاسة]

الاخ بدر الوابلي..
كفيت ووفيت وعسى مانعدم هالايادي اللي تدافع عن بنت بلدها..
الاخ الصامد..
لامجال لتلميع السوريات..
الحمد لله انكشفن على حقيقتهن..ولايتزوج سورية الا اللي ماهمه الا...........
السورية ياعزيزي تعتبر السعودي صرافة..وجثتها بس هي اللي عند هالشايب..
اما قلبها وروحها بسوريا عند ذاك الحمر العطر..
وتنتظر العطله على احر من الجمر عشان تلتقي به..
وهالشويب الغر يمولها هي وحبيبها!!!!
طبعا هذا مو كلامي عشان ماتقول متحاملة او غايرة او..او..من الاتهامات المعلبة..
هالكلام قيل بالجرايد ومن مصادر رسمية..
فبعضهن نقلن لازواجهن مرض الايدز..
وبعضهم لقوا حريمهم مع رجال..
وبعضهن يوم حصلن على الجنسية طلبن الطلاق وتزوجن من سوريين....
وهذا من اسباب تشديد وزارة الداخلية على الزواج من الخارج...

[! صامد]

[align=center]سما نجد

اقتباس: فيه بالمقابل ذكور أشكال نجلاء يعني لو نبي نفكر زي تفكيركم كان ما ناظرنا لوجيهكم الشيفة..

تعميمك يدل على مجتمعك الخاص الذي تتعايش إنت بين جنباته..فعلاً مشكلة كبيرة, فالوجه الحسن يسرالخاطر أعانك ربي على معاناتك..! أقترح عليك تغير قروبك فوضعك الحالي جدا مقرف..!ً

صقيع المشــــــاعر...هلا فيك اكثر وأكثر...لنا لقاء انشالله في اللي أنت خابر..!!

سوسي...من جاب طاري ( الملح ) أوالجمال ؟ شكل عندك خلل فني في التجميع ..الم تسمعي أن هناك ماييسمى باالأتكيت...[/align]

[الجبل الاسود]

صامد

ليش ماتتزوج سورية وتفكنا من مدحك وتطبيلك لهن في الساحة
ومنتدى بريدة

[غريب الدار]

السوريه او الاجنبيه تتفوق بالمظهر
والدليل تنوع الطبخات والكلام الساحر من هذه الاجنبيات

اما بنت البلد تتفوق بالمخبر
صحيح صنعها على نمط واحد كالذي شبهه ابوصالح
لكنها هي من تثبت وقت الازمات


ليت ابوصالح يختبر الثنتين باختبار مادي
بالتأكيد ستتفوق صاحبة الكنادر المقلوبه...

[دقات قلبي]

تخلف .... تخلف ... تخلف....هالمقارنة

وش جاب لجاب...؟؟

شكلك لك 15سنة منتب على الدنيا>>>>عسى ماشر

إذا بغيت تقارن وفيك شي جواتك يغلي على أمك ،،أو أختك ،،أو عمتك ،،أو خالتك

قارن بين نجلا ـــــــ و ندى،،منال،، سوسن،،ريم

هذولي اللي بعمرهالسورية

أما ام صالح اللي مالحقت ع القنوات الفضائية والإنترنت خلها ..لـ نعيمه أم نجلا وإلاوصال إختها الكبيرة..

وبعدين بنات السعودية يسونك ،،، ويسون 100نجلا

وأنصحك لاتاخذ إلا سورية...عشان تحسين النسل >>>يطلعون عيالك شهبان و،،وصخين

ملاحظة:
ليش ماتتكلمون إلا عن السوريات ؟؟هل لأنهن .......؟! ـ م ث ل ك م

[الماسة محتاسة]

اقتباس: قال لي أحدهم أنه لا مانع لديه من أن تكون زوجته السورية تخدمه كما ذكرت/ي طمعاً بما ينفق عليها,فقد تركت أهلها وتغربت لإأجل من ؟ ( لن تحس في طعم أرصدتك الا حينما تتمتع فيها مع فتاة قل أن تجدها )..!

اولا..تغربت وتركت اهلها من اجل المال وليس من اجل سواد عينيه...
ثانيا..انت متفق مع ماقلت في ردي السابق..
ثالثا..اذا كان هناك رجل يرضى بالسورية مع مواصفاتها التي ذكرت في ردي السابق..
فهذا من الذين لايهمهم سوى......
وانا ذكرت ذلك في اول ردي ..
وصدقني هذا ومن هم على شاكلته يسمون رجال مجازا ...
لأن الذي يضحي بكرامته من اجل شهوته هذا ليس برجل...
قال ابن القيم رحمه الله تعالى...
" قال قتادة : خلق الله سبحانه الملائكة عقولا بلا شهوات ، وخلق البهائم شهوات بلا عقول ، وخلق الانسان وجعل له عقلا وشهوة ، فمن غلب عقله شهوته فهو مع الملائكة ، ومن غلبت شهوته عقله فهو كالبهائم"

[! صامد]

[align=center]كاردي مون ....شوكرن لك...
بالنسبة لي ومجتمعي أبشرك يسر الناظر ويشرح الخاطر,وياليت ياليت مجتمعك وباقي مجتمعات السعودية قريبة ولو حتى بنسبة بسيطة من عالمي المحيط بي..!...صدقني كان الوضع تغير ويستحيل أن نجد امثال أم صالح وشاكلتها..!

ســلــيــمــانــ
لم يقف الطمع على جنسيه معينة..فبعض السعوديات( بانت على حقيقتها ) في وجود أرتفاع المعيشة مؤخراً كما سمعت من بعض الاصدقاء..![/align]

[الجبل الاسود]

طيب ياصامد هل انت متزوج من سورية

[تالا miss,,,]

ابو صالح الحين مبسوط عالاخر خلوه على راحته الى حد ماتمل هي منه...وتخلص على الاخضر واليابس زي مايقولون ..
(يكفي ان السعوديه تتحمل كل اللي يجيهااا ولا عمرهاا فكرت برصيد المحروس حتى لو ماتبيه).....

بس على فكره ماعرفنا ايش اسم ام صالح؟؟؟(لايكون منيره بس ...اعتقد هذا الفرق)
عمومااا حلو من شبابناا انهم عرفوا البنت السعوديه....مع انه الى الان فيه امهاات تشكي من عيالها يبون شاميااات.........وش الحل؟؟

[الجبل الاسود]

صامد
ماعندك سالفة تتهجم وتسخر في خلق الله ومع كذا تتمسخر في اللى يردون
عليك وعلى موضوعك

[مدرعمهـ]

انت يالرجال هذا تفكيركم من البيدجان وتحت . . .!!

طيب نجلاء هاذي مافكرت بفرق العادات والتقليد والابناء الي ممكن تربيهم لك

معليش خلونا صريحين .. .؟! ونجد فرق واضح بالتربية بين امه منا وبيننا وبين من امه اجنبية تربت على عادات وتقليد بعيدو كل البعد عنا . . .

يعني ياليت تفكيركم يالجنس الاخر يتعدى محيط البيدجانه وغرفة النوم

[فتاااة النهر]

الله يصلحك بس انت وابو صالح ,,

آخر اعمارنا صرنا بيدجان ؟؟!!

يسلمووو

[رزوني]

يؤسفني اني اجد بعض الردود مع ابو صالح
ولكن اسرني كثير ممن لم يؤيد ما فعله ابو صالح
وكم من واحد اخذ سوريه او غيره ونسته اعياله لكن مو بالمعامله لا بالسحر والعياذ بالله
واعرفه كم قصه
فيه عائله لا تعرفه عن والدهم شي هل هو فوق الارض ام تحته
والثاني يقولون اعياله انه كل ما جاء يروح لعياله تعيي عليه وبدا يتغير
والمشكله انه اول ماجت ادبشه بمعنى الكلمه وأول مولود له من الي نفسه زوجته الاولى
والثالث يقول كأنه غمامه على اعيوني
الحين بالعكس النساء هن الي يبحثن عن الرجال من حيث الكلام والرومنسيه والاخلاق موشرط الجمال
فياليت يعرف الرجل زي ما يبحث عن الزين والمعامله تكون فيه هو اول علشان ما يكون هناك مشاكل
والله يعين من ابتلاه الله ويوفق كل من قدر زوجته واحترمه
تحياتي للجميع

[صاحي و رايـق]

[align=center]تشبيهك لنسائنا بهذا الوصف .. أعتبره بر وإحترام منك
الباذنجان يستفاد منه في المصقع
لكن حريمنا هذه للآسف أعتبرها مقلب أكل منه الرجل السعودي وشرب !

ما فيه وجهه مقارنه بين سعوديه وجنسيه آخرى حتى لو كانت أثيوبيه
لا أعلم لماذا السعوديه معاملتها مع الرجل بخشونه متناهيه !

دائمآ إذا ذكرت الحقيقه هنا في الجنسيات الأخرى
أتت إليك السعوديات وقالن لك :
ما أخذنك عشان سواد عيونك
قبلن فيك عشان أفلوسك .
الشاب السعوديه بالذات من وين له الفلوس بالأصل
لو تنظرن لحالكن يالسعوديات بنظره حقيقه وصادقه
راح تتأكدن أن هذا الشيء منكن وإليكن بشفطكن للفلوس يا شفاطات النمل
والله ما يسد أثاميكن إلا لحد ما تسيطرن على ثروه هذا الرجل المكلوب والمغلوب على أمره بين أيديكن
الزوج السعودي إذا تزوج سعوديه أصبح سائق ومكينة صرف لها
والله يستر إذا ما طالبت زوجها أنه يحط صرافه الراجحي والاهلي بحوش البيت ![/align]