السلام عليكم ورحمة الله وبركاته
هذه ألفية
بأسطورة
الكرة
السعودية
(((سامي عبدالله الجابر)))
ألف أولف من قصيدي بسامي
واكتب له ابياتي سفير السلامي
يستاهل الجابر عزيزالمقامي
يستاهل الحب الكبير وغلانا
@@@
والباء بدا سامي وسمى بربه
وصمم يكون الفن والمجد دربه
بدا صغير مار ماخاف قلبه
ثم انفجر صبح ينور سمانا
@@@
والتاء تسلح بالهلال الذخيره
اللي غذاه أخلاق قبل المسيره
واستفرس الجابر بسته خطيره
وأعلن وصول الذيب قبل الأوانا
@@@
والثاءثبت حبه بقلوب الجماهير
أبدع وصال وجال يرقى المزاهير
ولايجحده كودالخبول المغارير
اللي سواد قلوبهم ما عنانا
@@@
والجا جبر عثرات وقت تحداه
ولا همه التجريح واللي تعداه
رده بوسط الملعب يسكت عداه
وياما أسكت أفواه تنابح زمانا
@@@
والحا حمدنا الله وقلنا هلا به
ذيب نعاج القوم قامت تهابه
حطم كثيرين وتذوق عذابه
ناس تحرو فيه يفقد هوانا
@@@
والخا خبت نار ونار أشعلوها
ناس ذممهم ياخساره نسوها
ولا همه الجابر دامه أبوها
سمى البنيه بالبطوله وجانا
@@@
والدال دانت له الكوره بفنه
يشهد له الإبداع واللي يسنه
ويشهدله التاريخ ومن حسن حظه
إنه على القمة تعلى الأقرانا
@@@
والذا ذبح بالفن سامي خصومه
وسطر ملاحم في دفاع وهجومه
والله يلوم اللي بحقد يلومه
وسعى لمجده شامخ ما استهانا
@@@
والرارعى عهده وراعى الأمانه
وأعلن مع الأبطال مقدم زمانه
وللعالم بأسره تأهل أقرانه
قالوا سعودي قال الأول مكانا
@@@
والزا زمان دار وهو ما تغير
يرقى وغيره بالطمان يتخير
أثبت بروزه والجميع يتطير
غابت نجوم ونجمنا ما خفانا
@@@
والسا سمى سامي بكل المجالات
ماقال انامحارب ويكفي بطولات
عياعلى هلاله وخاض المهمات
وأبدع وجاب من الذهب ما كفانا
@@@
والشين شفنا كل شي وعرفنا
سامي ولا غيره حبيب صدفنا
ولا يخاب بسامي اللي أملنا
أكمل بيوت العز بيت بنانا
@@@
والصا صدق ظن في سامي الطيب
ما خاب ظنه يوم جت المواجيب
حقق بطولاته وخلى العذاريب
للحاقدين وفوق وفوق خذانا
@@@
والضاضوى نجمه ولاهي غريبه
أفضل مهاجم في بلدنا الحبيبه
لله دره مهتوي للصعيبه
وحتى الصعاب استسلمت له هوانا
@@@
والطا طبيعي كل شي تحقق
من منبع الأزرق رجال تخلق
قبله ابطال بالهلال اتعملق
وبعده يجينا خير هذا مدانا
@@@
والعين عيا سامي إلا يتجدد
لاقالوا إنه فل عيا و مدد
يرجع عليهم عاني ما تردد
ويثبت خطاهم مستزيد بدعانا
@@@
والغين غاروا منك قالوا نهايه
قال تخسون وتونا بالبدايه
انا الصعاب حلها لي هوايه
انا الزعيم وكل صعب منانا
@@@
والفا فتح للمجدصفحه وصفحه
وقال السعودي رابعه قال فرحه
ابكتب التاريخ ولا انتظر اي مدحه
هذا الوطن نفداه باللي ورانا
@@@
والقاف قال امشوا على ماتحبون
خمس بطولاتي وكل ماتمنون
في عام واحد جبتها لاتخافون
سامي مثل ماكان غالي اثمانا
@@@
والكاف كفيت المهمة ووفيت
من معدنك ما يوم عنا تخليت
ياسامي الجابر نحبك ولك بيت
بقلوبنا تدخل وتلقى الحنانا
@@@
واللام لاموني بحبك ولاموا
ولاهمني يوم قعدوا لك وقاموا
أعزك وتخسى عيون تعاموا
ومن لامني جعله يهيم بطمانا
@@@
والميم ماتوا ما نشدنا عليهم
اللي على الجابر قصار يديهم
يعزنا والهم دايم يجيهم
يا حظنا من مثلنا يا هنانا
@@@
والنون نورالعين سامي الغالي
اللي بعز الليل نجمه يلالي
الكل يشهد له ومنا الجلالي
يستاهل التبجيل وأصدق رضانا
@@@
والها هتفنا باسمه سنين وسنين
من غيره الجابر حبيب الملايين
أبدع وسطر بالملاعب دواوين
ملاحم تكتب غلاه ووفانا
@@@
والواو واحة عزنا دوم خضراء
لاغاب نجم قام نجم يتعزوا
وهذا سبب حقد علينا تشروا
ولاهمنا دام الزعيم احتوانا
@@@
واليا يسيرالركب سامي يقوده
يم القمم يرقى ويافي بعهوده
سامي تليد المجد، ومجد يعوده
نحبه وحب الهلالي غذانا
@@@@@@@@
@@@@@@
@@@@
@@
منقووووووول
ألفية بأسطورة الكره الآسيويه
العرض الشجري