لما قريت عنوانك تذكرت نقاش حاد صار بينا قبل فترة انا وصحباتي
اكتشفت فيه اقبال البنات ورغبتهم من الزواج على رجل اربيعيني
والسر ............................,,
صح البنات يرغبن ب الزواج من اربعيني وربما من اهم الأسباب هو نضجه وإستقراره المادي
وركزي على المادي كثير لان رغبة اكثر البنات هو الماده
أهلين أريج ,,
موضوعك ميه ميه
طيب عندي سؤال للأربعيني الذي جدد عاطفته العشرينيه بعروس جديده .. مع العلم ان ام العيال هي حبه الاول والأخير
بعد كم سنه لما تكون خمسيني او ستيني وزوجتك الجديده تملا البيت بزارين
وتعرف ضجتهم ..
وعيالك من الأولى كبروا وهدأ ذاك البيت الذي تركته لتفتح بيت غيره
في هذه اللحظات
أكيد بهالعمر تتمنى الهدوء
ولكن لديك مسئولية أطفال صغار
سؤالي هو
والله اعتقد ان هذه المراهقه المتــــأخره
التي اصيب بها البعض اسبابها كثيـــــره
قد تنتج من البعد عن مشاكل البيت وكثرة
الأولاد ,او البحث عن نواقص من الزوجه لم
يجدها الزوج في بيته ,واحيانا يكون العبث
وملىء الفراغ ومن ثم التعلق بعادة الغزل
التي قد تلازم هذا المراهق المتـــــأخـــر
وكل هذه الاسباب خاطئه وليست عذرا لفاعلها.
والله يبعدنا عن تلك المراهقه ,وافعالها المشينه.
.
اسباب مقنعه وواقعيه
ولكن يدخل فيها الأنانيه والخيانه من قبل الزوج
هناك منهم تشبع من المراهقة في شبابه واتوقع انه عندما يصل السن المعلوم
يكون من الرجال الذين يشعرون اكثر بالمسئوليه اتجاه حياتهم وهو النوع الذي
ذكرته سابقا .
اما من راهق قليلا جدا في شبابه فبنظري هو اخطر من السابق فعند السن
المعلوم يريد ان يعوض و ينهل من المراهقة في كبره لأنه في اعتقادة انه حرم
لأي سبب من متعتها في شبابه ..
( وجهة نظر خاصة )
تحيااتي الأسترليني،،
التوقيع
يقول:
حين يتملكك الغرور، وترى نفسك قديساً صغيرا، ستتعامل مع كل رأي مختلف عن رأيك على أنه غواية، ومع كل وجهة نظر مختلفة عنك على أنها زلة، وحين تحاور الناس بأسلوب لين، فأنت تفعل ذلك بقصد "هدايتهم" من الضلال – في نظرك - " الذي هو الرأي الآخر" ، أو تشتمهم وتغلظ عليهم تحت ستار: " واغلظ عليهم " ومن أجل هذا.. لن تستطيع أن تفترض سلامة قصد من يخالفك، ولا يمكنك أن تتخيل أنك قد تكون مخطئا ..
انا اتكلم بالعموم و مش شرط ان كل اربعيني متصابي يمثل الجميع
كلام صحيح
اقتباس:
بقي استعمال خلاصه التجارب للاستقرار نفسيا و عطفيا و جسديا
اتمنى لكم الحصول على عصارة تجارب نافعه
اقتباس:
مش على فتره نشاطها بل رزانتها و تحديدها اذا ان فوران العواطف كان في العشرينات يعني في المراهقه تكون المشاعر كمفترق طرق تتبلور و تتحدد في اقتراب الاربيعنات
طبعا هذه قراءتي و توقعي مش ضروري تكون 100% او تكون على الجميع
ايوه اريج هذي المواضيع ولابلاش...
لكن مع ذلك مااتفق معك في بعض ماقلت..
لأن قول الحق هو هدفي وليس الاتنصار للجنس..
نرجع لموضوعنا..
الاربعيني في هذا السن يبحث عن كل مايقنع به الآخرين بأنه مازال مرغوب..
فيذهب الى الزواج من فتاة عشرينية حتى لوكان يعلم علم اليقين انه ليس اهلا لها..
اماان يلهو ويعبث فهذا لم اجده في رجال قومي..
ربما في بعض المناطق..
امافي منطقتي فأجد ان اللهو والعبث مقترنان بصغر السن..
طبعا انااتكلم عمن حولي..
مع انني اعرف اربعينيين وخمسينيين لم تظهر عليهم هذه العلامات..
وماتزوجوا على زوجاتهم..اماالعبث فهذا غير وارد..
وعليكم السلام يااهلين وسهلين ومرحبتين باريج نجد على قولة خالد
اقتباس:
اغلب الرجال بعد عمر طويل سوف يمرون بهذه السن الحرجه
يازينهم اذا مرو بهالعمر تطلع عندهم المواهب من حب وعشق وحنان واخلاق يعني جاهز من مجاميعه ,, وابشرك ثلاثة ارباع اللي بالمنتدى يمرون بهالمرحله ,, الا الشايب المايع هو اللي يمكن تعدى هالمرحله وصار خمسيني يرثى لحاله ,, يقولون انه بدار المسنين ,,
اقتباس:
...ف كثيراً نجد دخولهم في سن مراهقه حيث يكونوا قد حققوا استقراراً مادياً ومعنوياً ,
اكيد بيراهقون اذا عندهم عوامل تساعدهم على المراهقه من الاستقرار المادي والمعنوي ,, حوش له كم ئرش لهاليوم ,, عشان تسنح له الفرصه وبكل سهولة انه يطق زوجه ثانيه وينبسط قبل لايدخل الخمسين وتتسكر كل الابواب بوجهه ,, تخبرين اللي بالخمسين عساه يعرف عياله ,,
اقتباس:
وتغيرت طبيعة أفكارهم وحتى شخصياتهم التي كانوا عليها في سن العشرين
أو الثلاثين
وهي سن..
تعلن لنا عن مراهقته المتأخره
ياسلام عليهم هم وافكارهم ,, بيغيرونها لزوم الوناسه ,, يعني بيتزوج وحده ثانيه لازم يغير افكاره وتصرفاته ويصير مراهق في الاربعين عشان يونس نفسه ويونس الزوجه الجديده ,, طبعا القديمه خلاص صارت مثل الجواز المنتهي ,, فيه جميع اختام الرحلات والفيز لدول العالم ,, وفيه ذكريات حلووه ,, لكن بمجرد انتهاء تاريخه يرمى وينسى ويبدا بجواز ثاني يبدا فيه رحلاته تبع النصف الثاني من عمره ,,
اقتباس:
ف نجد البعض منهم يبحث هنا وهناك عن علاقه عاطفيه...ربما يفوق
حيوية العشريني في التعبير عنها... وممارستها
يبحثون ولا مايبحثون ,, ماحد معطيهم وجه ,, الا بالزواج بس ,, حتى المغازل مايمديهم يغازلون ,,
اقتباس:
ورغم ان الأغلبيه يكون متزوجين ومرتبطين الا اننا لانجد لديهم
إكتفاء عاطفي ... ويبحثون عن تشبع تلك العاطفه بأي وسيله
اذاً سنهم كبير ... وهم ناضجين
بالتأكيد راح يبحثون عن التشبع العاطفي ,, لأنه يوم يتزوج وهو بزر ,, مايقدر شي اسمه حب وعاطفه ,, تزوج بشكل روتيني ,, لكن بعد ماكبر وفهم وعرف الدنيا زين لقى نفسه متورط مع تسع بزارين وزوجه ماتعرف الا تاكل وتطبخ وتغسل وتربي بزارين ,, يبي رومانسيه وحب وحنان وعاطفه قويه مايلقى ,, هو يستحي يطلب منها اشياء تونسه وتغير له جوه ,, وهي كذلك مستحيل بعد هالعمر تبي تطاوعه وتسوي اللي ر وفهم وعرف الدنيا زين لقى نفسه متورط مع تسع بزارين وزوجه ماتعرف الا تاكل وتطبخ وتغسل وتربي بزارين ,, يبي رومانسيه وحب وحنان وعاطفه قويه مايلقى ,, هو يستحي يطلب منها اشياء تونسه وتغير له جوه ,, وهي كذلك مستحيل بعد هالعمر تبي تطاوعه وتسوي اللي تبيه ,, او حتى تدور اشياء تغير روتين حياتها معاه ,, يعني حياتهم حطني لقيتني ,,,
بعكس اللي بيتزوجها سن الاربعين ,, تكون اكيد داخله عليك وفاهمه هو وش يبي وتغير له حياته من الى ,, وتخليه ينسى زوجته وعياله من الدلال والحشيمه ,, وهو يبدا حياة جديده كلها عاطفه مع الزوجه الجديده ,, ويااااااااااااااااااااااااااااااااااااقلبي عليك يالزوجه القديمه ,,
اقتباس:
لما برأيكم تلك المراهقه من قبلهم
ياحبيبتي لأنهم توهم يطلعون على الدنيا ,, وشافو شي ماشافوه بوقت زواجهم الأول ,, وكثرة المغريات بهالوقت تخليهم يراهقون
اقتباس:
وهل كل زوجه عندما يمر زوجها بهذه السن يجب ان تعد العده
لمراقبته وإرصاد نزواته؟
لالا ياأريج ,, مايلزم انها تعد العده لمراقبته ,, كذا تبي تتعب وتتعبه معاها ,,
خلاص بمجرد ماتنتبه لنفسها وتكشخ الليل والنهار عنده ,, وتحاول تقلل من التشكي من بزارينها ومشاكلهم ,, وتقابله بوجه ضحوك وتمسي عليه بدعوه حلوه وتودعه بدعوه احلى والله ان مايفكر يتزوج ,, وهي ترتاح ولا تتعب نفسها بمراقبته ,, لانها راح تكون واثقه انه ماراح يدور غيرها ,,
اقتباس:
وماذا تنصحون الزوجه للتعامل معه في هذه السن الحرجه؟
انا اجزم انها حقيقية حقيقية حقيقية ,,, اكبر من هالكبر .. !!!!!
الرجال بهالسن تصرفاتهم تكون تلقائية مافيها تصنع ,, اعتقد انهم عدو مرحلة الككذب والحب الزائف والخربطه ,, الآن هم يبحثون عن تشبع عاطفي اذا ماعاشوه بهالكم سنه ماراح يعيشونه الا بالجنة ان شاء الله ,,
الصراحه انهم وناسه ,, دلال جلال ,, واللي تتزوج اربعيني تنسى الدنيا ,, بس متى تلقين ربعيني ولد بقراطيسه ,, دايما الاربعيني معا درزن بزارين ,,
انا فاضية وراااايقه وحطيت حرتي بموضوعك يااروجه اتحمليني ,,
والف مبروك لكل اربعيني مقبل على الزواج من عشرينيه << هجووووم على المنزل
على فكره ,, الرجل اللي بالصوره اللي انتي حاطتها لون شعره خيااال الشعر الأبيض مندمج مع الاسود ,, ماتخبرين لي كوفيرة زينه تسوي لي نفس اللون ,, الموضه ابيض بأسود ,,
يالله فووووتك بعافية خيتووووو ,,
العرض العادي
