تــكفـــــــوون ساعدوا صديقتي ** انا في ورطه **

[نجدي اصلي]

حسبناالله ونعم الوكيل 0اعجبني بعض الردود اذا هي واثقه لابد انت تخبر اهلهامهما كان اهم شي ثقة الاهل ولااعتقد ان ابوها او اخوانها يبي يتفرجون اكيد مليون بالميه يبي يشوفون حل للمتسبب مهماكان والدوله رعاهم الله ابوابهم مفتوحه0

[المستشار2]

أختي ... أنتظار تحت المطر إذا كان زميلتك وصل رقمها للجنوب وعندها إزعاج يأختي بطاقات سواء بكل
( عاير ) تغيره ونتهينا .
وأنت يأختي قصيمية نت دام الموضوع لم يصل لأهلك ( لاتخبريهم ) ممكن مجرد تهديد لكي حتى يسوقونكي إلى مبتغاهم . والحمد لله أنت تقولين أنكي بنت ناس وأهلك يثقون بك إيش المشكلة عادي جداً .
وأنت الآن بحالة رعب وخوف أعتقد أنه لم تقعي بأية مشكلة من قبل وهذا هو سبب خوفك , ودائماً بعض النساء تجني على نفسها المشاكل , وخوفكي هو سبب لمشكلتكي .
فستعيني بالله وتعوذي من الشيطان ولا تكوني فرصة لمثل هؤلاء الأنذال .
ودمتي بحفظة ورعايته

[رحيل]

أختي العزيزه
أنا ما أنصح صديقتك تبلغ أهلها لأنهم يمكن ما يتفهمون للموضوع
بتخذهم الغيرة والخوف على بنتهم وما يتثبتون من هالكلام
بس أوصيها بالدعاء وتحرص أن تكون في أوقات الأستجابه
قصيميه موت هنا يجي دورك أنتِ
حاولي ترفعين من معنوياتها وتفهمينها أن الموضوع ما أنتشر مثل ماتتصور
وأن هذي وساوس علشان هي خايفه على سمعتها
قولي لها تصبر وبيعوضه الله خير
الله يكون في عونها ويفرج همه ويكفي بنات المسلمين شر من به شر
اللهم أجعل كيدهم في نحورهم
وعسى الله يبلي من بلاه عاجل غير آجل
بصراحه كان الود ودي أساعده بس لقيت إني ما بيدي شئ
غير إني أدعي له وما راح أتخر عليه

[♚سر الملكة♚]

أختي قصيميه موت صديقتك ليش خايفه قولي لها تمشي وهي رافعه راسه
خليها تثق بنفسه مو هي تعرف أخلاقه مو هي متأكده أنها ماسوت شي
خلاص ماله داعي الخوف
وبعدين أهلها ان شا ءالله واثقين فيها صدقيني ورب الكعبه اذا الاهل واثقين مراح يقولوا لها شي تدرين ليش؟
الشباب اللي تكلموا عنها معاهم صور لها او تسجيل صوت يعني الموضوع كله كلام مافيه أدله وإثباتات وأهلها اول ما يدورون عليه هو الصور وتسجيل الصوت بقولك سالفه بس بختصرها هي اللي خلتني اقول هالكلام (مره وحده من البنات تقول فيه شاب يتصل على بيتنا ويعدد اللي ببيتنا كلهم من شباب وبنات وكل أرقامهم يعرفه تقول مافيه جوال بأسم أبوي او أخو ي يعرفه وكل وقت يتصل من كبائن او شرائح سواء وموبايلي
المهم كل شي قاله كلام قذر قال سب شتم قال ماخلى شي ماقاله حتى هالكلام يقوله لأبوي
يتطنز على ابوي أهم شي أبوي طلع أسمه وجاب من وين يكلم ووين يشتغل أبوه وين يشتغل ووين يسكنون راح لشرطه وجابوا الشاب طبعا الشاب منتهي اول ماشافوا اسمه قالوا هذا كل يوم عندنا طبعا هو يشتغل سكيورتي يسهر بالليل في مقهى شيشه دائما يسرق جوالات ويكلم منه أبوه طارده من البيت ويقول اللي يبي يذبحه يذبحه ماابيه
القصه انتهت بس اهم شي ان الأهل ماسألوا ولا بنت ولا أحد شك او أخذ جوالات البنات لأنهم واثقين في بناتهم طبعا أنا اعرف هالبنات مظلوومات ) قولي لصديقتك هالأشكال هذي ماتناظرهم تخليهم مايسون عندها شي ناس فاضيه تبي تخرب
في الزمن هذا مايصدقون الا الكذب أما الصدق محد يصدقه

على فكره وزارة التربية والتعليم دائما تنشر أسماء الطالبات بالجرائد يعني اسمائنا معرووفه ...
لا يهمونك لايهمونك

[ابو ريما الخالدي]

الله يستر عليها ويكون بعونها
عليها بسهام الليل فهي السلاح لها ولغيرها من المظلومين

[فتاة المستقبل]

دايما أسأل أنفسي هذا السؤال :
ليش البنت تخاف من أهلها ؟؟؟ وش المبرر ؟؟
ما خرب على الفتاة في مجتمعنا الاهذا الخوف الغبي ..
أنظروا إلى الفتاة اللتي أنجرفت خلف عواطفها وتركت الحبل على الغارب لاأحاسيسها المرهفه وأطلقت العنان للشيطان ليكون قائدا لها عندما سمحت لنفسها للحديث مع الشاب لمجرد التسليه وسماع الكلام المعسول وأن كان قصدها شريف على حسب ظنها ..
فلا تدري عن نفسها الا وقد وقعت في المحظور قد تصحو من غفلتها وتندم ولكن هذا الذئب كبلها وأصبح يهددها بأخبار أهلها ..
بالحاله هاذي تكون البنت في قمة الغباء عندما تنجرف وراء تهديدات هذا الذئب لم يكن دافعها الا خوفها من أهلها << قلعته ثم قلعته أحد قاله تخاف من أهلها
لو أن خوفها كان من الله ما أنجرفت ورى تهديدات هذا الذئب حتى لو كلمته
خليه يفضحك يخرب سمعتك ,’ خليه يعلم أهلك , خليهم يسون فيك اللي يبون دام أنك عرفت خطأئك وأردت تصحيحه .
بالمختصر المفيد:
المفروض الواحده تخاف من الله مو من أهلها ..

[الذاهـبـة]

تطمني ..

الشباب ما ينشرون اسم بنت .. إلا إذا تأكدوا انها خربانة ..

يعني بعد الاستعمال .. يبدأ يسوق لها ..

اما بينشر معلوماتها وهي طاهرة مطهرة .. هذا مستحيل ..

و إذا تعرف البنات .. تقدر تقدم شكوى على الإمارة .. باسمائهن ..

يعني الحمد لله ماحنا في غابة .. !!!!

التصرف اللي لازم تسويه الآن : تخبر ولي امرها .. و أهلها بالسالفة كلها ..

ولا تخاف من شي .. لأنه : لا دخان من غير نار !!!

[لمبـة شارع]

من الواضح في كلام الأخت حالة ضيق شديد تقع تحت تأثيره..وهذا الضيق يمنعها من التفكير الجيد...

وعليه أقول..
سيزول الشعور بالأزمة بمرور الوقت ولا داعي للتصرفات المتشنجة نتيجة الوقوع تحت تأثير نفسي ضاغط يعوق التفكير السليم الهاديء المتوازن...


أقول ذلك استكمالا لقول اختنا الذاهبة بارك الله فيها ونفع بها أخواتها آمين...

[غلا قلبي]

[align=center]قصيميه موت..
مجتمع الكليه صار يخوف..وكل شي متوقع..

من لا يخاف الله توقع منه اي شي..
مع ان بعض الشباب في ردودهم احس فيه استهتار بالموضوع..

بس ماعليك منهم يا قصيميه احنا بنات وندرس بالكليه ونشوف ونسمع..

بس صدقيني انتي لجأتي للشخص الخطأ لجأتي للنت والمنتدى واراء الناس اللي ماراح تغير شي بالموضوع يمكن تزيدك سوء..

صدقيني لو لجأتي الى من عينه لاتنام الى الخالق الرحمن..

(ينزل الله إلى السماء الدنيا في كل ليلة في الثلث الأخير منه فينادي ألا هل من مستغفر فأغفر له ألا هل من سائل فأعطيه ألا هل من داعٍ فأجيبه)

اين انتي من دعاء الله بان يستر عليك بالدنيا والاخره..
عليك بالدعاء اخيتي..
اللهم يا ودود ياذا العرش المجيد يافعال لما تريد اللهم اني اسالك بعزك الذي لا يرام وبملكك الذي لايضام وبنورك الذي ملأ اركان عرشك ان تكفيني شر.........حددي حاجتك......يامغيث اغثني يامغيث اغثني يا مغيث اغثني..

واكثري من قول
حسبي الله ونعم الوكيل..
واوكلي امرك لله فمن يتوكل على الله فهو حسبه

فلن يكون هناك احن عليك وارحم من الله..
والله يستر عليك وعلى بنات المسلمين..
لك مني كل التقدبر والاحترام..[/align]

[&نجدية كووول&]

ياشايب مو كل البنات يغازلون اذا ساد عندك الشي مو تعممه

بعدين يامستشار زميلتي رقمها عادي مو سواااااااااااااااااااااااااااء

[عجوز سمنسي]

[align=center]

اقتباس:  المشاركة الأصلية كتبت بواسطة أنتظار تحت المطر     ياشايب مو كل البنات يغازلون اذا ساد عندك الشي مو تعممه بعدين يامستشار زميلتي رقمها عادي مو سواااااااااااااااااااااااااااء

عندي قناعة ياستي ان 90 % من البنات تغازل ولو من باب الاستهبال او التسحيب او سحب بطاقات شحن من الكمخ

عاد ترى مهب لازم تدرين عنهم لان مافيه بنت تقول لبنت انها تغازل

تبين تعلميننا فيهم ياستي ؟ كل واحد اشوفه يقول له علاقة

اجل من اللي ماله علاقة

وكل بنت تسالينها تقول لي ما اكلم احد اجل من اللي تكلم ؟

نلعب على ارواحنا؟[/align]

[قصيميه مووت]

انا نشرته للفائده ابي اصحي كل شاب وكل بنت

وكل اخ واب

حسبي الله ونعم الووووووووكيل

[عاشق ديرتي بريده]

اقتباس:  المشاركة الأصلية كتبت بواسطة قصيميه مووت     انا نشرته للفائده ابي اصحي كل شاب وكل بنت وكل اخ واب حسبي الله ونعم الووووووووكيل

يعني كل الدعوى قصه من الخياااااااااااااال !!!!!!!!

[الحصان الأسود]

[align=center]

اقتباس:  المشاركة الأصلية كتبت بواسطة قصيميه مووت     انا نشرته للفائده ابي اصحي كل شاب وكل بنت وكل اخ واب حسبي الله ونعم الووووووووكيل

أهلآ ياقصيميه ###

أنتي اول ماحطيتي الموضوع قلت لترد يالحصان اصبر وشوف النقاشات ..

وبعده طلع لي اللي في الأقتباس ..

طيب ممكن سؤال ؟

انتي نشرتي القصة وحطيتيها لأنك متأثره منها صح ؟

ولها وقع بقلبك ؟[/align]

[ابو عبادي 595]

لاحول ولاقوه الا بالله
الظلم ظلمات يوم القيامه
ماعظم ذنب التعرض بالشرف ماذنب هذه الفتاه العفيفه
خالص دعوتنا ك ياعزيزتي بالتوفيق