قصة بلاتوثيه

[العبرى]

لا أستغرب تلك النوعيه

والإسم بالكامل وغيره..هذا مع إستأجار إسم..!

فذاك جهازه..وملأه بما يمثله..

لكن أيجد الجاذبيه بذلك..؟

صوت خالد عبدالرحمن..وشعر..؟؟؟؟!!!

كنت أظن أن ذلك الهوس إختفى..!



تحيتي,,,

[زهرة البراري]

اقتباس:  المشاركة الأصلية كتبت بواسطة جوااااااااد     العزيزه ... الزين نجدي هل يجب عليك استقبال أي رسالة بلوتوث يجب الحذر ... وإغلاق البلوتوث في الاماكن العامة لتسلم من ضعاف النفوس صح .... يالزين نجدي

كوني قدوة فأنت مشرفةوياما تبي تشوفين إذا فتحتي البلوتوث

[إشراق]

كحال أي تقنيه حديثه يساء استخدامها وتسخر للأعمال الغير مشروعه شرعا وأدبا

أختي الزين نجدي أشكرك على الطرح

[إشراقة حرف]

اقتباس:  المشاركة الأصلية كتبت بواسطة راشد الصليحان     الأخت الزين نجدي البلوتوث ..فيه الجانب السيء والجانب المفيد ...!وعلينا ان نقاوم الخبث بإستخدامه للخير ..! وادعياء المثالية والفضيلة (النتية ) هؤلا يمارسون التمثيل على شكل مسلسل كل حلقاته مبنية على الشك والظن بالآخرين ...! واتصور انهم اكثر الناس حاجة للعلاج في مجتمعنا ..! عندما يطرح عضو اوعضوة ..قضية مــا تجدهم يخرجون عن صلب الطرح إلى صاحب الطرح ..! والسبب طبعاَ عجزهم عن ترك التقوقع الذي يلازمهم ..من جراء المسلسل المليء بمساحيق تجميل الفضيلة المصطنعة ...! دواتي لنا ولهم بالهداية ..

راشد

انا طرحت الموضوع لهدف معين .. وبدأت اوصل اليه الان

نحن كلنا نعلم ما هو البلاتوث ..
وكل شخص جرب وتعامل مع هذه التقنيه او لم يجربها ابدا
لبد انه سمع ورأى وادرك مايحتويه هذا البرنامج من سلبيات واجابيات
ولكن هو كما التلفاز والستلايات والفديو والمسجل وغيره من الاجهزه الجماديه
التي نملئها بما نريد مثل الكأس اذا كان خيرا فخير واذا كان شرا فشر ...



دمت بخير اخي راشد

[تلومني الدنيا]

[align=center]

اقتباس: * الى هذا الحد وصلنا بابنائنا وشبابنا ضعف الوازع الديني فراغ عطفي الضياع تشتت المواهب الامباله اسم العائله والقبيله ............................ الى اخره

إيه والله يا اختي يالزين نجدي
----- > لايصير حاطتن اسمك بالبلوتوث الزين نجدي بعذره لو ارسل
يحسبه اسم على مسمى

ايه اقول الله يخلف على شبابنا ضعف الوازع الديني
وفراغ عطفي
وضياع
وتشتت المواهب
واللامبالاة في اسم العائلة والقبيلة

يعني انتي وش تبين بالضبط من هذا الموضوع
موضوعك والمحاور اللي موضوعك مكرر 1000 مرة بالمنتديات
ماجبتي شيء جديد
فيه شباب فاسد وشباب صالح والبنات نفس الشيء
وفيه نوع من البنات اللي مهب فاسدات بس باغات يعني غبيات
واللي مسويات انفسهن عاقلات مايهزهن ريح
هن من الاسباب في افساد شباب الامه للتجرؤ على البنات الفاسدات
فاذا استقبلت اللي مسويه فيها عاقلة ومايهزها ريح رسالة من هذا الشاب
تجرأ وارسل رسالة لبنت فاسدة فتكون العاقلة اللي مايهزها ريح هي السبب
بطريقة غير مباشرة في افساد هذا الشاب

الله يصلحك ويستر عليك لاتحطين اسم البلوتوث اسم مؤنث بالسوق
مهب كل مرة تسلم الجرة وانا اخوك
لاتسوين عاقلة وثقل ومايهزك ريح لافات الفوت ماينفع الصوت

وانتي طرحتي موضوع مكرر والاعضاء ماقصروا حوروا الموضوع
وناقشوا الاسباب الحقيقية في افساد الشباب ونصحوا البنات إنهن مايصيرن سبب
في افسادهن بسبب غبائهن

أما مسالة الاسباب اللي جعلت شباب الامه ضايع
مهب انتي اللي تناقشينه ولا واحد مثلك يبي يناقش اسبابه وعلاجه
يبي رجال ويبي ناس مثقفه ومفكرة

واي شيء يصير لك بالبيت او لخوياتك لاتبخلين علينا
فضفضي هنا خلينا نستانس ونشوف وش صار عليكم بس [/align]

[لمبة شارع]

هماي اقول ياشينك ياتلومني!!!!

[إشراقة حرف]

الفاتح وانا اشهد

يا الفاتح : الحمدالله والا والله بيرتفع ضغطك مليون من اللي تشوفه تقول حشا والله منب ببريدة

والله بتجيك بلاتوثات حتى لو كنت تشبه عبدالناصر درويش وهو مسوي عمره حرمة

بالله عليك ليه ما استقبل

هل لاني مرأة ؟؟

عند ادراك الخطر لا يكون هناك ضرر ,, وانا وان شالله مدركة اين هو الخطر ,,

وايضا عند طرحي لهذا الموضوع هنا في منتدى بريده كنت ادرك ماسأناله من هجوم

ومتحمله اي شي قيل وبتحمل اي شي يبي يقال

انا محطيت اللوم على الشباب فقط
انا كنت آمل بشخص يناقشني بالنقاط اللي طرحتها لاني بخبرتي وتجربتي بالحياة
شفت اشكال والوان من البنات ,,

اعترف الان ان طريقة طرحي لموضوع كانت خاطئه
لبد من التزييف والتحريف حتى اصل لما اريد من عقولكم ومستوى تفكيركم


فاتحين البلاتوث !! على حسب النوعيه والعقلية الادراكية للفتاة
اذا كانت فاتحه البلاتوث والعيون مكحلة والخصر مشدود والصدر ممدود
اذا تتحمل مايجيها مو بلاتوث بس بل للي اكثر من كذا الحمدالله اللهم لا شمته..

لا حول ولا قوة الا بالله

الحين تتكلم وكأنه شايف شكلي يوم يرسل البلاتوث ..

انا بالقسم العائلي وبيني وبين الناس حواجز يعني اذا سويت بحث يطلعلك مليون اسم بلاتوثي

وانا من ضمن اللي طلع له ولا حطيت معرف ولا شي أسم الجهاز ما غيرته ..
يعني هو مرسل على البركه وهنا صلب الموضوع

سبق وذكرت الله يطول بعمرك ولا يهون الاخوان انه هو ماشاف شكلي ولا يدري انا لابس عباة ولا خيشه انا رجل ولا مرأة

فعلا اخوي تحريف المسمى الاسلامي حتى الطق والطقاقات صار فيه اسلامي وغير اسلامي
الحمدالله


شكرا لك وعادي لا يهمك والله متحمله وما الومكم من اللي تشفونه وتسمعونه


دمت بخير

[إشراقة حرف]

هلا اخوي رااااااااااااايق

ليه وش وشـ وجه الاستغراب ؟؟


واذا لم تسمي نفسها باي اسم . او باسم مبهم ؟؟

يبي يقلون الشباب ماشالت جوال فيه بلاتوث الا عشان نراسله ,, صح ؟

المراسله بالبلاتوث اعتقد كما هو النت وشريط الاهداءات بالقنوات الفضائية فيه الخير والشر

وهو وجه من اوجه التقنية للترفيه ..او لاكتساب ثقافه معينه .

فعلا هو ما مسك يدي ..وما قلت انه جبرني باستقبال بلاتوثه اخي رايق خلك رايق .

ادري انه يرسلي ويرسل لغيري نفس الشي .. انا قلت انه ميت علي ؟

وهنا مربط الفرس اخوي ..!! ياليت توقف هنا وتناقشني فيه .

ذكرت قبلا واكرر
انا منيب من اللي حرصين على البلاتوث رغم اني حرصه جدا على الاحتفاظ بالمقاطع والصور الجميله و المرحه
جبت لللمفيد الله لا يحرمك الجنه و والديك وانا والديني والمسلمين


احترامي وتقديري لك


شكرا

[إشراقة حرف]

اقتباس:  المشاركة الأصلية كتبت بواسطة العصامي     ضعي إسمك البلوتوثي من النوع الخشن 00 ربما يقيكِ شر الأشرار

هلا ومرحبا اخوي العصامي

الحقيقه .. متوقعه منك رد اقسى و اشد من كذا بس خاب ظني

يسلم راسك .. اخوي بس انا ماحطيت اسم من الاصل

اللهم احفظني من بيني يدي ومن خلفي وعن يميني وعن شمالي واعوذبك ان اغتال من تحتي اللهم امين

[إشراقة حرف]

اقتباس:  المشاركة الأصلية كتبت بواسطة نهااار     اختي الزين ان ماقلته في في ردودي السابقه هو من دافع الغيره عليك.. والدليل.. اني اقول نفس هذا الكلام لاختى في البيت لو سمعت انها استقبلت بلوتوث.. الا تريدين ان اعاملك كما اعامل اختي!!بل قولي لي اخي نهاار.. ربما فهمتي من ردي على راشد بالخطا.. فهناك فرق من يقول لك اختي منافقا..ولا يحذرك من الذئاب البشريه!! وهناك فرق بين من يدعوك اختي.. وهو صادق يقول لك مايقوله لاخته في البيت.. فلاتغرك حلاوة الردود.. فهويقصد اشياء اخرى بيني وبينه.. ارجوا ان تكوني قد فهمتي.. والله من وراء القصد.. نهاار

دمت بخير اخي نهار واشكر لك اهتمامك وحرصك

واما مابينك وبين اخي راشد الصليحان ,, فهذا بينك وبينه لا يعنيني بشي

وبنسبه لي فانا لم اراى من العضو والمشرف راشد منذ سجلت عضوه في المنتدى من سنتان وحتى اليوم الا كل الاحترام والتقدير .

واعلم اخي العزيز انا احترامك لذاتك يفرض احترام الغير لك

ولك مني كل مشاعر الاخوه والاحترام


تحيتي وتقديري

[إشراقة حرف]

اقتباس:  المشاركة الأصلية كتبت بواسطة Oo ManaL oO     نعم هي التربية !! و الله يهدي الجميع . كما أعجبني حقيقة أختي الزين حسن تصرفك و تعاملك الجيد مع مخالفيك و أسأل الله لك ِ الثبات و يجزاك ِ الخير على هذا التخاطب اللطيف .

نعم اختي منال هي التربيه الحسنه لابنائنا و ايضا التقرب الى مستوى عقولهم وتفكيرهم والخوض بما هم به الان , حتى نستطيع معرفة ماهم عليه الان والتصدي الفكري لما يغزو عقولهم ومن هذا نستطيع ايضا تحاشي ما يصب من اعلام غربي عليهم من خلال اقنوات الاعلام المختلفه , وايضا اختي زرع التعاليم الاسلاميه وتنبيه الدائم والمستمر بما يغزوا بلادنا وشرح لهم اننا بلد مستهدفه لانها تعتبر البلد الاسلامي الاولى ,, والتي لازالت تحافظ على قيمها رغم ما وصلت اليه من ثقافة ورقي في جميع النواحي
..


والله الهادي الى سواء السبيل

شكرا لك على تقديرك


دمتي بخير ان شالله

,,

[راشد الصليحان]

الأخت الزين نجــدي حفظها الله

احيي فيك سعة صدرك وحسن تعاملك مع بعض المداخلات المسيئة

اقتباس: دمت بخير اخي نهار واشكر لك اهتمامك وحرصك واما مابينك وبين اخي راشد الصليحان ,, فهذا بينك وبينه لا يعنيني بشي وبنسبه لي فانا لم اراى من العضو والمشرف راشد منذ سجلت عضوه في المنتدى من سنتان وحتى اليوم الا كل الاحترام والتقدير .

بالمناسبة اختي الزين ...الأخ نهارعضو بالمنتدى مثله مثل غيره ولايوجد بيني وبينه اي مشكلة
واستغرب ان يقول هذا الإدعاء ...! ربما يسمي الإختلاف بوجهة النظر مشكلة ..!! وهذه مشكلته
احببت ان اوضح هذا الأمـر لأنك اشرتي إلا اسمي في ردك على العضو نهاار ..

وكان الله في عونك اختي الزين

[عيون الذيب]

الزين نجدي
أنتي أستقبلتي الرساله وقريتيها وحتفضتي فيها
وهالحين تبدين إستغرابك من كلمات الرساله ,
والرساله يوم قريتها أنا طبعاً عن طريق بلوتوثك اللي إستقبلها
بمنتهى الرضا وعلي فكره الرضا سيد الاحكام , أرجع واقول لوتجيني
رساله بشكل هاذا كان يا ما كان ,,,,,, لما فيها من كلمات جذابه تتل القلب
والدليل إنتي وهاذا التئثر الشديد اللي أناإلي هالحين ما أدري وش الحكمه من طرحه
كان سكتي ولاظني أحد بيرسل غصب .

[الفاتح]

[align=center] الحين تتكلم وكأنه شايف شكلي يوم يرسل البلاتوث ..

ايتها الزين النجدي : ياهلا فيك مرة ثانية ويمكن تبي تصير ثالثة ورابعة

انا لما قلت الخصر مشدود والصدر ممدود ماكنت اقصدك بذاتك

كنت اقصد البنات بالعموم

على فكرة ترى بعد الشباب تجيهم بلوتوثات من بنات وكلها مقاطع جنسية يعني الامر متبادل بين الطرفين

شخصيا افهم انك مو من شلة الهشك بشك وهذا واضح من حتسيك لكن كل ردي على موضوعك كان بالعموم وانتي طرحتي قضية ولابد اننا نتناولها من كل جوانبها

فماله داعي تهاوشيننا وتقولين المروض اكتب الموضوع على قد تفكيرنا وفهمنا

حنا نفهم ونعرف نرد لكن تناولنا الموضوع بشكل عام ياالزين النجدي

اتمنى انك دائما تتحملين كلامي بروح عالية وسعة صدر وانتي تتقهوين فنجال من العصير المبهر ( والا ماتجي ؟)

تجي ومشيها يابنت الحلال[/align]

[إشراقة حرف]

اقتباس:  المشاركة الأصلية كتبت بواسطة ابو جمال المنيس     اختي الزين نجدي الاخوان المعارضين للمشاركة اخواني المؤيدين للمشاركة انا من خلال متابعتي لكتابات الزين نجدي عرفتها كاتبة محترفه وصحفيه مرموقه وانا اجزم انها كتبت هذا الموقف من الخيال الابداعي وليس حقيقي معها شخصيا ولكن الكاتب المميز هو ما يجعلك تتوقع ان الشخصية التي هو يكتب عنها هو شخصيا او انت او سين من الناس فارجو من الاخوان الاعزاء الكتابة وابداء اراءكم عن الموضوع نفسه لا عن صاحبة الموضوع وانا اؤيد ما تطرق له اخوي راشد الصليحان ولو ان به بعض القسوة قليلا . واكرر اجزم ان الموضوع من نسج خيال الكاتبة المميزة الزين نجدي وشكرا لها لانها جعلتنا نتخيل ان الموضوع حقيقة واقعه اعزائي يجب التركيز على لب الموضوع لا على صاحبة وشكرا للجميع ابو جمال

شكرا لك يا ابو جمال .

اخجلتني ثقتك بي والله يستر علي والمسلمين


دمت بخير باذن الله