سمكرة خشوم وترقيع براطم ...!!

[" TWIX "]

أبو الريش .. البركة ع الأشراف وعقبال ما نشوفك مكان جلوي

اقتباس: أنت ياتويكس شفت الممثله الكويتيه ((منى عبدالمجيد)) أنا مأدري هي تستهبل ولا صادزه من جد بحثت له عن صور قديمه يعني خشته مقبوله أحسن من هالخشه اللي تقل طوارف قدور الحجم الكبير

يخرب بيتك أيش الكلام هذا ..
لا المشكلة أنها مشخصة براطمها سبحان الله القناعة مو كنز إلا بنك
وإلا هالبراطم أطلع بها قدام العالم أنا لو براطمي مثل كذا كان صاقع اللطمة
في كل مكان حتى وأنا نايم ...

اقتباس: مازلنا نحرص على الأشياء السطحيه بحياتنا ومهمشين المهم منها !!!!!

شف ياعزيزي ما دام أننا نهتم بالسطحيات ما كد طلعنا على السطح وتطورنا
مثل غيرنا ما غير شباب ترقيع بسياراتهم وحريمنا ترقيع بوجيههن واشكالهن
منين تبين نسطح زي الناس ...
خلها لى ربك ..

[" TWIX "]

اقتباس:  المشاركة الأصلية كتبت بواسطة بطلة العالم     ناس فاضين مالهم حاجه مشكوووووووووور

شكرا يابطلة العالم ..
مرورك ذكرني يوم أكتب على الجدار (تويكس بطل العالم)
وصديقي أسعد كنداسة يشطب عليه ويكتب " مهور العالم "
وكانت تقوم حرب داحس والغبراء أنا وياه مصدقين أنفسنا
والله ياهي أيام ..
قبل ما نعرف أن الوجيه لها ورش ومراكز للتعديل ..
سبحان الله لو قايل لي أحد قبل هذا الكلام ..
كان أقول له أبلع العافية خف ربك ..
المهم ..
ترى (بطل العالم) حقوقه محفوظة لي أنا بس
إلا كان تبين نحط شراكة مستعد بس أنا المدير ..

[" TWIX "]

لعيون صلوحتي

اقتباس: مرررررررررررره منتشره بلبنان وعمليات التجميل الخشم منتشر بأيران لأنهن أكبار خشومهم

لبنان عمليات نفخ الشفاة .. أما إيران عمليات وتجميل الخشوم
أما عندنا في السعودية سمكرة عامة وحدادة ومكانيكا
يعني كل الدعوى خربانة ..

اقتباس: أمــــــــــــــــــــــــا الأتراك فلا منحينهم يهبلون وه بس>>

راعي شعورنا طيب ..
ترانا أوادم وفينا شعور وغيرة ..

مين صلوحي ذا.. لا يصير "تركي" والله ما أظن تركي اسمه صويلح
والله ياهي متجي أبدا ..
على العموم مشكور مرورك اللي نرفزني حبتين ..

[" TWIX "]

فتاة نادرة ..

اقتباس: أستآذنآ الفآضل

عن الغلط الدكتور / twix

اقتباس: وللهـ الحمد في مجتمعنآ السعودي لآ يوجد كمآ يوجد بدول الخليج والدول الأخرى العربيهـ والأوروبيهـ وإن وجد فشفط للدهون وكل هذآ لصحتهآ وليس للتجميل فقط

آه ..
طيب ومراكز عمليات التجميل اللي عندنا مفتوحات للهواء والشمس ...؟؟!!
لا بناتنا ضربهن صباغ اللون وصارن لبنانيات لكن مشكلتهن بالشهابة
اللي سووا الدكاترة معها النون وما يعلمون لكن النيتجة صفرررررر
جابوا أسيد ما نفع .. جابوا دريل وبدوا يكرون بجسم هالمسكينة
وما غير دمامين تصبصب والشهابة تلمع ..!!
بعدها أصحاب الماكز شالوا تقشير البشرة ودققي فيها ماعاد تلاقينها
لأن الأجهزة حساسات ولا ينفع مع ذا الأشكال ..
أدري أن جرحت كثير لكن ذي الحقيقة .. آسف

اقتباس: يقولك ألحين تروح لبنآن تحسبهم كلهم هيفآء وهبي وهيفآء وهبي طبعآً نفس مآيكل جوكسن لآفرق بينهم لأن عملية تجميل الخشم هي وحدهـ عشآن كذآ صآر الكل يتشآبهـ

اقتباس:

هيفاء وهبي ..
يا ويلي وكأن ما فيه إلا هيفووووه هي اللي مصلحة عملية تجميل
خشم .. ناس كثير ومشاهير أكثر سووها ..!!
لكن ما نسمع إلا هيفاء .. وفعلا قالوها السرابيت مالك إلا هيفاء ..

اقتباس: شكرآًُ لك يآ شوكليت

هذا الله يسلمك اسم الجد الرابع ..

[" TWIX "]

همسة عتاب..

اقتباس: عمليات التجميل لم يظهر الا لعيون الشباب السعودي ..لانهم يركضون على الجذب بغض النظر عن هو اصلي او لا ..يشوفون المشخلعات ويلاحقونهم قالوا نزيد الكميه لهم

لكن للأسف رسبتن ..
ولا نفع فيكن مراكز التجميل والدليل إن الداخلية منعوا الزواج من الخارج والسبب عزوف الشباب عن الزواج الداخلي ..
والسبب واضح ..
اللي ما قبل فيكم علاجات التجميل كيف تبغين ذا المسكين يكب بقروشة
بصفقة خاسرة 100%
ويشوف قدامه التجارب يوميا ..
لكن كما قلت سابقا مأجورين إن شاء الله .. فأنتن من مصائب الدنيا
والبلايا التي تتحذف على المؤمن ..!!

اقتباس: بسم الله ربي يحفظنا من هذي العمليات لاننا فوق المستوى

ثقة وإلا غرور ...؟؟!!

[جبل السكر]

اقتباس: أما عندنا في السعودية سمكرة عامة وحدادة ومكانيكا يعني كل الدعوى خربانة ..

كل الدعوه خربانه الله يخرب بيت عدوينكم
طيب تويكس كيف حكمت بهادا الحكم!!؟





تحيتي

[وضوح]

اقتباس:  المشاركة الأصلية كتبت بواسطة ..twix..     همسة عتاب.. لكن للأسف رسبتن .. ولا نفع فيكن مراكز التجميل والدليل إن الداخلية منعوا الزواج من الخارج والسبب عزوف الشباب عن الزواج الداخلي .. والسبب واضح .. اللي ما قبل فيكم علاجات التجميل كيف تبغين ذا المسكين يكب بقروشة بصفقة خاسرة 100% ويشوف قدامه التجارب يوميا .. لكن كما قلت سابقا مأجورين إن شاء الله .. فأنتن من مصائب الدنيا والبلايا التي تتحذف على المؤمن ..!! ثقة وإلا غرور ...؟؟!!

صباح الخيرات تويكس ...

للمعلومية وزارة الداخلية منعت زواجكم من الخارج لأنكم فشلتونا

(بالله وخلقه ) وصرنا على كل لسان ...!

شوهتو ا سمعة السعوديه ....لايخفى عليكـ انكم لم ولن تستغنوا

عن السعودية... فهنا لم تنحل المشكلة بزواجكم من الخارج ..!

لأنكم تنتقدون في البداية من يذهب للخارج ولاتعتزون ولايعتبر متزوج

بحق وحقيقي الا لما يآخذ بنوته سعودية ...

لترفع رأسه ويجد الثقة في نفسه ......!!!

/

بعدها يبدأ الفسق والبحث عنه والتميلح

ويذهب ليتلاعب ببنات الخلق هناكـ ويستغل حاجتهن الماااسة للمال

وليس للشهابة والجفاف ..وعندها الربيع واللباقة والروعه ....!!!!

/

بعد ماتنجب لها طفل او اكثر ترمى في بلدها للتجديد او لإنتهاء الغرض

بعدها يظهر ابن فلان الفلاني الأبن السعودي يبحث عن أبيه .....!!!!!

فـ يطالب بإيقاف المهزلة التي تقاد في بلادهم من قبل السعوديين

وهنا تم المنع وإلجام السعودي بلجام من حديد ..

ليحمد الله أن خلق له من تحتمل جفافه وشهابته وووو .....!!!

الحمدلله على حسن الخلق ...

تحيتي،،

[مدرعمهـ]

اذا صارت الوحدة شينه تكرم نعمة ربي ماله الا هالحل
عموما افضل الجمال الطبيعي مهما كان درجته على العمليات والتصنيع
وعلى قولة هذيك الجمال بالاخلاق
شكرااا

[" TWIX "]

‏мίşş ώσσώ ...
شكرا على كلامك الجميل في أول ردك

اقتباس: وفي مسار الجنون ! .. خضعت عارضة أزياء مكسيكية لتسع عمليات جراحية تجميلية، تم خلالها زرع حشوات سيليكونية في نهديها بهدف تكبيرهما إلى أقصى حد ممكن ? وذلك بهدف تسجيل اسمها في موسوعة جينيس للأرقام القياسية العالمية.

حشا ماهي آدمية هذي عمارة عظم ...

[" TWIX "]

لعابة بس جذابة ...
هلا بالجاذبية ونيوتن واهله ..

اقتباس: وعوووووووووووووووووووووووووووووهـ وش القرف اما اللساتك < الشفايف < البراطم شف للساتك الممثله ( شيماء علي ) الله لآيوريك وعع الله يقرفها اول شكلها عادي اما اللحين شفايفها قرف وجسمها بعد منفخه وركها وماخلت عملية تجميل ماسوتها

شيماء علي
أما أول شكلها عادي هذي تبي جلسة مع براد شاهي عاقد ..
بصراحة هذي لو ينفقع في وجهها دافور تبتل موووت الله يخليها
لمن يغليها .. اللي هو أنا ..

اقتباس: ايه اما انا عن نفسي اكرهه عمليات التجميل

أكيد الشين ما لقى لك طريق ..

[" TWIX "]

عطر الشوق

اقتباس: الله يــشــفيهم قبل العـــيد > هههه بس أنــا اييد عملية التجميل (أزالة الشعر) باليزر _ بصراحه توفر وقت

أنا سمعت واحد من المقربين أن أزالة شعر الجسم كامل يعني
بمجاميعه بمعنى أوضح من الرأس للقدم بما يقارب 16 ألف ريال
شامل لمناطق الخطر ..
16 ألف ريال تشبع بطون جائعة وأجسام عارية
المفروض يشترن علبة كبريت ويحسحسن الشعر الزائد ويوفر هالفلوس
لهن لليوم الأسود ..
طيب لا شالن الشعر الزائد وش يشقع بقع الركب ..

[" TWIX "]

سكر الأرض ..

اقتباس: احمد ربك عالعافيه والله يافيه عالم فعلا محتاجه لعمليات خلق الله حسن والفروق الشكليه والجسميه والعقليه هبه من الله سبحانه وتعالي مايز فيها عباده وسخر للمحتاجين عمليات التجميل..

الحمد لله من احسن خلقي ..
يا سكر زيادة .. أنا ما استهترت بأحد .. أنا كل الشتيمة اللي قريتيها سابقا
للي يعكن بوجيههن فسق ومضيعة وقت وودهن كل يوم تطلعن قدام
صديقاتهن بلوك جديد ..
هذا اللي باط تسبدي والله ..

شكرا لمرورك ..

[" TWIX "]

اقتباس:  المشاركة الأصلية كتبت بواسطة لعابه بس جذابه     ^ صادقه انتي كفيتي ووفيتي

المتصفح لي .. أنا اللي أقول صح او خطأ مو أنتِ ..
اليوم سماح لكن المرة الثانية لا تلومين إلا نفسك ..

[" TWIX "]

حور سعود ..

اقتباس: عمليات التجميل .. تغيير لخلق الله ..!!!!! وهذا حرام .. يقول ربي جل في علاه { ولقد خلقنا الإنسان في أحسن تقويم } ربي مجملنا .. فلماذا نلجأ إلى تلك العمليات ( المشوِهه ) والمسمى الحقيقي لها ليست عمليات تجميل وإنما عمليات تخريب وتشويه .. ماقد شفت ممثله إلا متشوهه من عمليات التجميل ..

ياليت تفكير الحريم مثل تفكيرك ..
كان يوفرون قروشهم ويريحون رجالهم من قم ودعنا تعال جبنا ..
والوجه هو الوجه إلا إنه منفوخ حبتين تقل كورة أديداس ..

اقتباس: والجمال الحقيقي جمال الروح والأخلاق والتعامل الحسن .. أليس كذالك ؟؟

كلام يقوطر عسل بالحليب ..

اقتباس: شاكره لك من الأعماق أخوي حلاو العليان << بتله توكس خل نغير خخخخخخ

لا تستهرين يا بت .. عيب

[" TWIX "]

سِيْدَآنِهْ;...

اقتباس: وأذكر قد قريت عن عدد عمليات التجميل اللي تسوّى بالعالم العربي واللي تسوى بأوربا وأمريكا الرقم غير معقول !!

المرأة لو هي على فراش الموت وعندها دكتورين واحد مختص بمرضها
والآخر لتجميل الوجهيه لآختارت دكتور التجميل ..
وهذا دليل إن عقولهن سم X سم ...!!!