*.
ابقول لكم قصه ,,,
صآرت لي قبل فتره ,,, إكتشفت أن الناس بهم خير و عطف ...
هذا سلمكم الله ,,, أخوي اللي أكبر مني أسمه محمد ...
قدر الله عليه و أنكسرت رجله كسر مضاعف مع الساق ...
من لعب الكورة ,, هذا اللي يجيك منها ...
المهم سوى عمليه تثبيت بـ أسياخ تيــتـآنيوم ,,,,
و بعد العمليه بفتره كان عنده مرآجعه ...
أنا رحت أوصله لـ المستشفى التخصصي بـ بريده ...
المهم أنا كنت أدفه بـ عربيه ...
و دخلته عند الدكتور ,,, و جلست أنتظره برآ ...
من زود لقافتي ,, رحت أهارج دكتور أخصائي العيون ,, عن حبه له كم يوم
طالعه بجفن عيني و تكبر و تصغر ...
وتوجع في بعض المرآت ,, قال الدكتور أبو الشباب : بسيطه تعال ...
و الله ويجرن و يدخلن لـ المكتب *_*
ويجلسن على كرسي تقل كرسي حلاق هههههههه
و يفصخ شماغي ,, قلت أكيد هذا يبي ينعم لي شاف دقني حوسه و رحمن هههه
و الله ويجيب عده :/
حسيت أنه سبــآك و الله العالم على عدته اللي معه ...
المهم وتجي الممرضه و تجيب قطره و تقطر بعيني =/
أعوذ بـ الله تقل فلفل تسوي :/
المهم قال : مافيه حرك رآس أنتا <<<< ايه الدكتور أبو هنود
و الله و تجي المصآرعه أقصد الممرضه ...
و تمسك رآسي بـ حركه حقت مصآرعين :/
زي حركة ستيف أوستن =/
و الله ويجي الدكتور و معه أبره ,,, يبي يبط عيني مع الجفن :/
أعوذ ب الله ,, تعذيب مــآبعده تعذيب ...
يقول أن الغده الدمعيه متسكره ولازم نسوي له تنظيف ...
قلت هونت مابي شي أشويت قسم بـ الله
بس فكن أبورح لأمي هههههههههه =/
,,,,
و الله ويقعد ينخجر الله يخسه و يضغط بـ الملقاط و يطلع منها اشي اصفر و أخضر يعععع
أنا يوم شفت اللي يطلع منها ويجي أسكت ...
المهم عقب مآخلص من النخجره و التفغيص و الترعيص ,,,,
حط لي مرهم و غطى عيني بـ شآشه :/
غديت تقل قرصـــآن :/ <<<<< قرصـآن او مرقوق هههههه
ويقضبن الباب :/
المهم و أجي أطلع من غرفه التعذيب ...
و أروح أدور أخوي و أثـآريه طالع و ينتظرن ...
المهم أخوي يوم شـــآفن طــآرت عيونه O_o
قال وش بك ,,, قلت أمش بس لا يجي ويلعب بعيني الثانيه ههههههه
,,,
المهم أنا أدف أخوي بـ عربيه و أنا عيني مغطيه :/
غدينا تقل نشحد ههههههه
عور يدف كسيح اللهم لا شماته ...
و الناس كلهم ينــآظروننا بعين شفقه و رحمه هههههههه
شكله يقولون يحول ذولا صايرن عليهم حــآدث :/
و اللي يوقول ذولا مســآكين كلهم عــآهات هههههه
أستغفر الله ياربي ...
بس بـ خمسة أمتار ,, سلم علينا يمكن عشرة أشخاص =/
منهم شايب رحمته يحول تعبان قوه يـ الله يحتسي ...
قعد ينادين ,, رحت لمه قال سلامات وش بكم ..؟؟
قلت أبد مابنا الا العافيه بس أخوي منكسره رجله ...
و أنا مسوي عمليه بسيطه بعيني ,,, وليتي ماقلت مسوي عمليه ...
قعد يسألن وش بك وش جايك جته الصيحه الشويب الله يجزآه الجنه ....
هذا من غير اللي وقف يسولف معنا عند باب العيادات ,,,
ويتحمد على سلامتنا ...
عاد أنا و أخوي بنا الضحكه ,, قلت أخاف أضحك ,, يبي يقولون الناس ....
مهآبيل ذولا مصابين و عاهات و يضحكون :/
وهم ما ديرون وش القصه ....
المهم يـ الله بالحسر طلعنا و يوم وصلنا عند السيارة ونقعد نضحك ضحك ...
أخوي محمد جلس له شوي الين وصلنا للبيت و هو يضحك هههههههه
,,,
بس الصرآحه الناس اقتنعت انه للحين بهم خير ...
الله لا يخلينا من بعض ...
*,