عهد الهوى محفوظ يا مهجة الروح
باقصى العروق وتحتميه الشرايين
الشوق والإحساس والصدق بالبوح
مكتوب في دمي على القلب من حين
واللي تشوفينه ترى حب مفضوح
عجزت اخفي حب عايش من سنين
مجروح واللي مثلي اليوم مجروح
وجرحي تجدد يوم غبتي عن العين
كلك غموض ودنيتي كلها وضوح
وابحرت وسطك والبحر فيه شخصين
شخصن ملكني وامتلك بالهوى صروح
و شخصن لقيته واقفن لي بسكين
مدري أطيع اللي من اسبابه انوح
والا أوافق من يحذر عن البين
لاكن يكون بخاطرك وين ما اروح
انك معي وان الهوى لك علي دين
وان كان شفتي مالك اليوم مصلوح
ارجوك لا تقسين يومك تروحين
لا تتركيني طايح الحيل مطروح
روفي عسى دنياك تبعد عن الشين
العرض الشجري