جاء الصيف و راح الصيف و أنتي ما أعرستي ؟! ياشيخة هنا رب كريم

[الذاهبة]

مرحبا

آنساتي أخواتي حبيباتي العازبات

راحت الصيفية و جت الدراسة .. و ما فرحوا بك ؟!

لا تقلقي ولا تاكلي هم .. عندي لك علاج مطمئن و مجرب ..

( فضلاً المتزوجات يطلعن خارج الموضوع عشان خطر ترى تتزوج مرة ثانية من قوة تحقيق العرس )

بداية يا حبوبتي العازبة .. لابد و ان تعترفي أنك في نعمة كبيرة ..

نعم في نعمة و دلال و هناء و راحة ..

يكفي إنك تجين من مدرستك - جامعتك و على طول تنحرين فراشك ..

لا تركبين غداك ولا تنتظرين c سيد .. و لا c قشطة ..

و هذا بحد ذاته نعيم مقيم ..

حتى و إن لم تتزوجي بعد .. لا تخافي بتعرسن كلكن الله يغثكن و لكن بالصبر والروية و الحكمة و التخطيط

ترى الزواج مو سهل .. و الرجال ماعادش رجال مثل أول .. أكلتهم السيارات ..

الله يخلي لنا ما تبقى منهم ..

يعني .. اتعبي شوي عشان تنالي مرادك إن شاء الله ..



طبعاً .. لن أتطرق إلى الوسائل القديمة .. من ترزز و حضور مناسبات و التصيد للعجايز و التلطف إليهن ..

و إلى ما هنالك من خطط تعرفنها جيداً ..

ولكن ..

عندي لكن اليوم آيات كريمات من الذكر الحكيم و أدعية ..

تــُقرأ في اليوم و الليلة و بإذن الله تيسر لكن الزواج ..

و تحري ساعات الإستجابة .. و أخلصي في الدعاء ..

بإذن واحد أحد ما يجي عيد الاضحى إلا أنتي أحلى عروس

هذه الطريقة .. مجربة من صديقتي الله يذكرها بالخير ..

كنت اقنعها تقرأها و هي الظاهر مستحية بس تجحد ..

و الله يابنات إنها أخذت واحد طول الباب .. لأ و سكسوكة بعد

الله يهنيهم

و الفال لكن



* منعاً للإحراج .. مو لازم احد يرد .. بس المهم حملي الملف المرفق و اطبعيه

و ألصقيه على جنب السرير .. و كل ما تذكرتي اقرييهن .. و بالتوفيق *