مالمس اثمي غير امي وهو .....)

[غـصـون]

اقتباس:  المشاركة الأصلية كتبت بواسطة العيطموس     ولا ملامة إن ذهب التفكير بهم بعيدا , هل إنتهت العناوين إلا هذا ! * ربي أسألك العفو والعافية .

اولاً مارح احد تفكيره بعيد الا انت هذا وش يعطينا دليل ... انك تفكيرك بعيد ..
يقول علماء النفس : اذا اردت ان تعلم باشخص اكتب بغلف الرساله شياء مثير وبدخل الرساله وضح الامر بانه شي جميل ... ان رد عليك صاحب الرساله بان تفكيره ذهب بعيد فهذا يعني .. تفكيره دائم يبدائه بالغير صالح ... وان لم يرد عليك فهذا يعني تفكيره يبدائه بالصلح ...
تحياتي لك

[غـصـون]

اقتباس:  المشاركة الأصلية كتبت بواسطة شوكولاته بنات     هلاا فييك غصون والله شووفي اناا احب العلك بس مو مدمنه عااد بس استعيبه في بعض الاماكن زي مره بعزاء جدي جت وحده تعزي وبفمه علك وتعلك ومستاانسه قسم استحقررت حركته هذي انتي جاايه بعزااء مو زيااره لخواتك

اشوى انتس مني مدمنه ... الله يكفينا شر الادمان
ولبغيتي تعرفين المدمنه الي تطلع اصوات اكثر من اصوات الكناري فهذي محترفه باكل العلوك
واويل تسبدي جايه لعزء وتططق بعلتس عساه يسد مصارينه
هذي تفرج على تلفزيون ولا تعزي الله لايبلانا ..... استغفر الله تسيف قهرتن وانا مالي دخل
انرتي المكان شوكلاته ....

[غـصـون]

اقتباس:  المشاركة الأصلية كتبت بواسطة روح لايسعهآ جسـد     امممممممم على حسب منهو عقبه انا ما اكل العلك الا اذا هو عقب 7 7 7 7 >>>> ( بنــــــــــــــــــــــــتي)

ههههههههه
يازينه عقب البزران بس بعض الاحيان ماودتس تخذينه منهم لانه يصير تقل حصاة يصير اكل فشار ولا يغسل ثم ياكل علك
الله يخله لتس روح """ انرتي المكان

[غـصـون]

اقتباس:  المشاركة الأصلية كتبت بواسطة شمووخ اثنى     حسب وفي اوقات في الصباح مثلا عاد مو ادمان صباح علك مساء علك فجر علك كل ما تشوفيها وهي تعلك تحسيين انهن من المجترات طول الوقت تمضغ هل تعتبر التعلك عيب ... او لا ....! لا مو عيب لكن عند الدكتورات عيب وعند الكبار عيب وقتها ابلعيها ,

لا مهب كل وقت نمغض العلك تسن يجين شد عضلي
لكل مقام مقال واكيد الكبار وصاحب النفوذ لهم مكانه وتعامل خاص
انرتي المكان شموخ

[Qassimy]

علك !

لا أبدا مو عيب أنا أعلك حتى تنقبض عضلة الفك السفلي ولا تستطيع الحراك

[غـصـون]

اقتباس:  المشاركة الأصلية كتبت بواسطة هاوية الشعر     امممم العلك والله انه يونس يعني حطي حرتس بالعلك بسسس اعتبره يلهي عن الذكر

قيل بدراسه انه افضل شي لتفكر تحرك الفم .. باي شي ومن ضمنهن العلك ..
دائم تجدين المفكرين يستعملون العلوك .. والي يرجعون بالاختبارات يكلون علوك
وكلمتس صحيح يلهي عن ذكر باللسان سواء ذكر الله او غيره
انرتي المكان هاويه

[غـصـون]

اقتباس:  المشاركة الأصلية كتبت بواسطة شيختهم العتيبيه     ههههههههههه كأنه حصة تعبير عن فوائد العلك ويخفف الغثيان لا صرت حامل ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,و سبحان الله وبحمده .. سبحان الله العظيم

ههههههه ايه نرغب الناس حتى يدمنون معي ولصرت ذلك الحزه مامعي اخذت من اقرب مدمنه
مير الحوامل كل شي يجيب لهن الغثيان وقفه على العلك الله يكون بعونهن
انرتي المكان سيختهم

[العيطموس]

نعم ولكن الأكيد أن علماء النفس لم يطلبوا منكِ كتابة هذه العبارة أعلى الصفحة / " لايروح تفكيركم بعيد " ولا الترميز بوجه غامز !
وكأني بكِ تقولي ( أنا على علم بأن العنوان - مش ولابد - وقد يُفهم بطريقة سيئة بل سيفهم - بس ودي أكتبه - من باب المالغة الأنثوية الشائعة في المنتديات إن صح التعبير لا علم نفس ولا علم روح )




* إنتهى ياعزيزتي .




..

[غـصـون]

اقتباس:  المشاركة الأصلية كتبت بواسطة عندي أمل     - من فوائد العلك انه يطرد النعاس .. وللنحيفات يعزز الجوع .. يخفف نوعا ما من التوتر .. مع الفوائد اللي قلتيها :/ اعتبره حال اي نعمه فـ مااستعيبه بشرط طريقة الاكل تكون لبقه مو صوت العلك اخر من يسكن الكره الارضيه يسمعه !! أحب العلك بس مااعتبر نفسي مدمنه .. وبعدين المفروض يسوون ساهر لمخالفات العلوك مادمتي مشتغله تلزيق بهالطرق ومادمتي مدمنه اكيد قد صار لك موقف مضحك بسبب العلك اذا في مجال تقولينه شكرا لك اختي

يازينه من مشاركه ... مدعومه بفوائد ....)
المشاركه ذي صوره مع التحيه للي مايكلون علوك
يالغاليه حاولت اتذكر ماطلع لي شي .. مشكلتي ماحفظ واجد بمستدات مخي
الي اتذكره منول العلك ابو رسمه تنحط بالايد وتطلع الرسمه هذا الي اتذكره ... ولا نشب بشعر بنت عندنا يوم حنا بالمرسه تجمع شعره صار العلك احسن من الشباصه وغرابيل لين قصينا شعره وبعده كرهت العلك واقلعت عنه
انرتي المكان عندي امل

[عازفة ألحان الليل]

لا انا من الذين لا يفضلون العلك لكن مايمعن اني اشتهي احيانا علك
ليس عيبا لكنه عدم رغبه به ..

[غـصـون]

اقتباس:  المشاركة الأصلية كتبت بواسطة العيطموس     نعم ولكن الأكيد أن علماء النفس لم يطلبوا منكِ كتابة هذه العبارة أعلى الصفحة / " لايروح تفكيركم بعيد " ولا الترميز بوجه غامز ! وكأني بكِ تقولي ( أنا على علم بأن العنوان - مش ولابد - وقد يُفهم بطريقة سيئة بل سيفهم - بس ودي أكتبه - من باب المالغة الأنثوية الشائعة في المنتديات إن صح التعبير لا علم نفس ولا علم روح ) * إنتهى ياعزيزتي .

اولاً العنوان لا لغوين ولامعنوين فيه خطاً .. بلا صحيح مالمس اثمي اغير امي وهالعلك بحجة اني غير متزوجه ... والعنوان يختصر الشي الكثير من واقعي
مهب ذنبي ان كان تفكيرك دائم يذهب بك بعيد ... ودليل ان تفكيريك بعيد .. من زمن لم تشارك وماشاركت الا بموضوعي بحكم ان تكفيرك قاده اليه
حطيت نفسك بموقف لايحسد عليه ...
تحياتي

[غـصـون]

اقتباس:  المشاركة الأصلية كتبت بواسطة ะ ᴇяτʏα7 冫     هل انت من الذين ياكلون العلوك ...! أحبه لكن ما اكله , لانه من الحضورات هو والمشروب الغازي ببيتنا , . هل تعتبر التعلك عيب ... او لا ....! مو عيب لكن منظر الي ياكل علك مقزز , . ~

ماشاء الله تبارك الله اختي مشاركت تعطي دليل ان بيتكم
لا يدخل بيتكم الا الذي به فائده لكم .... ماشاء الله اسجل اعجابي بيتكم الجميل ياليت كل البيوت مايدخل به الي مهب مفيد خاصه الغازيات
انرتي المكان ارتياح ...

[غـصـون]

اقتباس:  المشاركة الأصلية كتبت بواسطة Qassimy     علك ! لا أبدا مو عيب أنا أعلك حتى تنقبض عضلة الفك السفلي ولا تستطيع الحراك

هههههه هذا اكبر مدمن علك اسجنوه اخيرا لقينا منافس بالادمان
انرتي المكان اخي

[غـصـون]

اقتباس:  المشاركة الأصلية كتبت بواسطة عازفة ألحان الليل     لا انا من الذين لا يفضلون العلك لكن مايمعن اني اشتهي احيانا علك ليس عيبا لكنه عدم رغبه به ..

افهم يعني ان حصل علك ولا مهب ضروري ولا
احسن لك ...
صحيح مهب عيب ابداً لايضر بل يفيد قليلاً ...
انرتي المكان عازفه

[كروومه]

شوفي حبيبتي غصون انا هاوية علك وانتقي العلك انتقاء يعني مو اي علك

اكله لي انواع معينه واتفنن فيه بعد بس ماكله في كل مكان في بيتنا وبس

لاطلعت حتى الي في شنطتي اطلعه منه حتى ماضطر اكله !!

شكرا الك غصون على هيك موضوع وتقبلي شخطتي فيه !!