نظام البصمة للموظفين الحكوميين .. بالطريق ..

[أسيل محمد]

اتمنى تطبيق نظام النظام وبقوه على الإقل
يخفف من حدة التسيب اللي نشوفه ..
اما اللي يطلع على قولة عاشق ديرتي بريده
مافيه حل لهالشيء إلا ان تتم البصمة كل ساعتين
عشان مايمدي الواحد يروح وينبسط إلا جاي وقت التوقيع
‘ذا كان التسيب عند القطاعات النسائية على سن ورمح
وهن مامعهن سيارات فما بالكم لو بدن يسوقن

[لسعه الخير]

تسذا والا تسذا الي راعيء لف ودوران بيضل على ماهو
ابو طبيع مايجوز عن طبعه
بس ليتة يطبق الصدز عندي اخو موذي امي مايروح لدوامة الى
مخلي لسانها منبح من الهواش

[Qassimy]

رغم إني ما أتوقع أنها تبي تفعل الخدمة ابدا لأن شعبنا الكريم ضد الانضباط جملة وتفصيلا ولا يحبون الحجرة
حزام أمان السيارة رغم الحملة التي تبعته إلا انه أصبح نسيا منسيا
لكن
إن أقول إن فعلوها تبي تضبط القضاة والمشايخ في الانضباط اللي يجي لاصارت الشمس مثل ظل كل شيء مثله

[تركـي]

عاشق ديرتي بريده ...

بالفعل مثل ماذكرت هناك من حضوره مثل عدمه
وهناك من يحرك معاملات ومناقصات بالجوال ..
وبالأخير كل هذا يعتمد على الآدارة الموجوده ..

مشكلة البعض اذا طبقت عليه النظام .. قلب عليك وانك ظالم ومن هالكلام
واذا خليته برضه ماتسلم بيقول شفت وشلون لعبنا عليه ..
ويمكن انا آآقول خير الأمور الوسط
لاضرر ولا ضرار
اذا كان الشغل ماشي وفيه عدل بين الجميع مو مشكله ..
والتسيب حاصل مثل ماذكرت
وأغلب الآستراحات تجدها مليانه الصبح
وايضا صارت المدارس علثة من لا علثة له ..


شويب المنتدى ..

ماقلت لك الحلول جاهزه
ويمكن هالدكتور مليعته البصمه قال خل اسوي بحث عنها ..
مع أنه صحيح نقل الأمراض بين الموظفين
وآرد والحماية تلغي البصمه ..

جندوانا .....

عودا حميدا ..
وبالفعل النظام زين وعادل للكل سواء للموظفين أو الموظفات
حتى يكون هناك أنتاجية القضاء على التأجيل والتعطيل ..
والمرأة ماعليها خوف
النسبة بالتسيب ضئيلة مقارنة بالرجال ..
وياليتهن يسوقن حتى تخف زحمة الرياض من السواقينعلى الأقل ...


حياااكم.....

[نـدى الـورد]

ياليت يتم تطبيقه

لانني اشعر ب القهر والضيم من مديرتي

الي تحضر بنات جلدتها الي عايشين بنفس الهجره

وحنا ياقلبي علينا نقطع 600 كيلو علشان نوقع

ولما نطلب منها الرأفه والرحمه

تقول مقدر اتجاوز القانون...!!

قطع...

[قـتـالـه]

الا الحريم!
ماينفعلهن ابد
مغلوبات على امرهن بسالفة الحضور والانصراف
بعضهن مانشوف طلايعها الاتسعو ونوص لان سي سيد عسكري :|
احب زوجات المعلمين يعسكرن من ست الا ربع ودوامنا ثمان
بس شينتهن عقب صلاة الظهر يبدا التنسبل :/

[جلوي العتيبي]

الله يعين المدرسين

يعني وش الهدف إنك ترجع الظهر وتبصم !!!

على فكره يقولون إن to be معلقه بصمته من رمضان جعلنا مانعدم تواجده

[ابو ضــــرس]

الله يبشرك بالخير ياتركي

خل هالموظفين يبتسرون للشغل ،، واكثر واحد مستفيد من هالبصمه المراجعين والمعقبين اللي يجي من الساعه 8 الصبح وينتظر له ساعه والموظف مابعد جاء خل هالبصمه تسيخهم وياليته يبدأ من بكرا بعد لان اللي يراجع الدوائر الحكوميه يشوف التسيب الوظيفي عندنا وانا احد ضحايا هذا التسيب من كثر ما اعقب واراجع الدوائر الحكوميه ..

الحين شف ياتركي الشركات عشان به نظام البصمه شف الموظف متى يجي وشف وشلون ماشي شغل الشركات

مشكور تركي على هالموضوع اللي يوسع الصدر >> والله ياهو حمتس على بعض موظفين الدوله المدللين ههع

[النبراسكية]

هههههههههههههه

زاد الناس ماتمشي الا بالعين الحمرا

وانتم جبتو هشي لنفسكم


النظام حلو وعجبني كثير>> بس ماافيه سلامه تبي تخربونها

زي سااهر وتغليف الواحد

تركي تبي اروح اوقع عنك قصدي ابصم عنك << فااطسه

[طقاقة بدون مايك]

ههههههههه...>>... ّّ



مستروو توركآي ...حطو هذ1 الجهآز في جآمعتنآ لجميع الكليآت عند البوآبات الدآخلية ع طول سيب الجسر الدآخي الي مؤدي ل الحرم الجآمعي عشان وقت الـحضور والانصراف وضبط الطالبات و عشان يرتآح جهآزز الامن الي عندنآ....وبدأو فعليآ ب إستخرآج البطآقات الجآمعية الذكية وإستبد1لهآ ب القديمة,,...>>... ّّ



ولكــــــــــــــــن المفآجآة...>>... ّّ




إنه اجهزة البصمة الذكية تم تخريب أغلبهآ وكسرهآ من قبل بعض الطآلبآت(أبره الله م أحط ب ذمتي ..مدري من الي كسرهن بس اتوقع وحده من الطلبة) ....ومن زود النجاسة طلعو الاسلاك الدآخلية للجهآز ....وقسمبلاه كل م اشوف الاجهزة وهي مطلعة اسلاكه أموت من الضحك...>>... ّّ

ولا ز1ل الفآعل مجههههول...>>... ّّ



عآد حنآ نآس م بنآ حيلة ....حطيت م حطيت ...التسيب موجود موجود...>>... ّّ






يعني لحد يخآف...>>... ّّ

[هجير أمنيه]

نظام البصمة مو جديد وفعلآ مطبق من كم سنة بجامعة طيبه 000
الاهم الرقابه الذاتيه فياليت يخترعون جهاز لتعزيز الرقابة الذاتيه والامانه للموظف في عمله !!!
لو حرص الموظف على الحضور تمامآ كحرصه على راتب نهاية الشهر رح يترجم مفهوم الامانه هههه

[مستقل]

العمل الاداري ينقسم الى قسمين

الاداره بالوقت وهو انحباس الموظف في ساعات معينه في العمل ولو لم يعمل

الاداره بالعمل وهو انجاز العمل من الموظف بدون قيد الوقت

عندي ان الاهم هو الانجاز وليس المكث في المكاتب

هناك قاعده تقول ( لابد ان تجعل الموظف يحب عمله ويشعر انه له ويحقق ذاته )

حب العمل يدفع للاخلاص والشعور بانه له يدفع للاتقان والرفعه بالعمل يحقق ما يسميه ماسلو ( تحقيق الذات ) وهو في اعلى الهرم في هرم الحاجات الانسانيه لماسلو

ويقال ان التفويض والمرونه والاكرام هي بوابات تحقيق الهدف السابق (حب العمل وكونه منه وكونه يحقق رفعته )


هذا اخر ما توصل اليه علم الاداره


نحن نفكر ونعمل بطريقه ( ماكس فيبر ) قبل مائتي سنه في النظام الاداري

اي ( النظام البيروقراطي ) الهرمي المستند للوئح والانظمه الذي يدير بالوقت


سارت مشرقه وسرت مغربا شتان بين مشرق ومغرب


يجب الانعتاق من ورطه ( تسجين الدوام وزنزنته ) اي جعله زنزانه فانها سبب لمزيد من الاختناقات الاداريه

ويجب الانطلاق الى فضاء ( تحبيب الدوام ) حتى يحصل الابداع والانجاز

الانسان كائن عقلاني غائي

وليس كائن الي مادي ( النظريه الاليه في علم اداره تركز على العمل ولا تركز على العامل )


النظره الاليه للانسان في علم الاداره اندثرت وهي من مخلفات القرن الثامن عشر


الى الان نحن نروح فيها

[ع ـروووبة]

-


وعليكم السلام والرحمه

نظآم البصمه زي أي نظآم مستجد
راح يكون له سلبياته وإيجابياته !‏
بس كبدآيه أكيد شي حلو
تطورنا شوي وياليت أساتذتنا الموظفين يتقيدون لو شوي
وإن شاء الله تتحسن الخدمات
بتحسن الدوائر الحكوميه
وما نشوف التلاعب !‏