| أخيراً ..|

[دِيم]

اقتباس:  المشاركة الأصلية كتبت بواسطة قـتـالـه     لبا العوده يالديم المكان اشتاقلتس ياحيي وش هالقطاعه من عقب رمضان مالتس حس ياعين امي كلشن تغير ماتشوفين قتاله بدت تحط بردودها قلوب :| منول نروح لمجالس الحريم نرتاح بين محانيهن والحين انا ياوحده اتعب وربي بعد كل مجلس حريم ارجعمنوه اخذلي غطه كني رايحه للسوق الداخلي من بيتنا مشي :/ يبنلهن عزم ووحده تنطح سطحيتهن ! سطحيه اسطح من سطحة ابو علي لا الكبار ولا الصغار كلوه محصل بعضوه . . ! مو تو نشدتتس وش طلعتيبوه من جمعتكم من سواليف وعلوم وقلتيلي مامعي الا الفلس من خلال موضوعتس يالعزوه ابي لروحي حل استوحدت وابغضت مجالس النسوه ابي علوم غانمه وقل نغر ابي احد يحاور عقلي القتالي قبل يجول ببصره على شنطتي وساعتي وجوالي ولوين واصله تنورتي سالفتنا الرجل والحموله وعمليات التجميل وشفط الكرشه اي والله قاعده مع حريم المعول الوحده راتبها اربعتلاف وعليها كل المصاريف وتهايط علي بالتجميل وشناط كريستيان ديور هه هآآآآبوتس حاله

ياعين أهلي أنتِ ..
داريه إن المنتدى فاقدني .. حد الثمالة هه ..
،

يكفّيك النقل الحي المباشر اليوم من راس الضلع ..
قسم بالله إنّي نسيت الدنيآ ومافيها ..
،

لاحد يجيب لي طاري الماركات ماعرف لهن أبد البتة ..
خصوصاً لا عفطن أرواحهن وجلسن يتكلمن عن الميك آب .. أنواع الضيقة ..
وأتحسس وجهي .. ما ألقى الا كحلة والحمرة الخضرآ اللي تحطينها وبعد ربع ساعة تطلع .. عرفتيها ..؟
هذا حد علمي ب الميك آب ..

،
والله ودي أقتبس ردك مع وردة وأقول إنّه هو الموضوع ..
مير عجزت .. لازم أعلّق .. *_*

[مستقل]

عجيب من قتاله

لاتريد سواليف النساء

وتريد سواليف الاشناب

حنا نقول لانجرح شعوره احيانا

بالفواريع والفؤوس وابو جلمبو بتاع مستقل

يبدو ان قلبه حديده

عيني عليها بارده

انا قلت اول سواق سطحه حاطن اشماغه على كتفه وزعليتي

[قـتـالـه]

اقتباس:  المشاركة الأصلية كتبت بواسطة مستقل     عجيب من قتاله انا قلت اول سواق سطحه حاطن اشماغه على كتفه وزعليتي

لا ياحيي ماني زعليته ابد هه
اقلها لصرت سواق سطحه ناسف شماغي على كتفي
ضربلي المجتمع سلام لاني رجل ملو هدومي
ولي كافة الحقوق اصلاً المجتمع مفصل بمقاساتي الذكوريه
ولاتعيبيني السطحه ولا سطحيتي اني اتقدم لبنت حسب معها
الدكتوراه والعن سلسفيلها واخليها تمشي تكلم نفسها
وكلن بصفي
لبا قتاله سواقة السطحات لافه شماغها على راسها
وسواد الشعر يفضح نور الجبين لو تقول اشيل
سياراتكم بألفين ماقالوا لا

[دِيم]

اقتباس:  المشاركة الأصلية كتبت بواسطة مستقل     عجيب من قتاله لاتريد سواليف النساء وتريد سواليف الاشناب حنا نقول لانجرح شعوره احيانا بالفواريع والفؤوس وابو جلمبو بتاع مستقل يبدو ان قلبه حديده عيني عليها بارده انا قلت اول سواق سطحه حاطن اشماغه على كتفه وزعليتي

تدري وش المشكل يا المستقل ..؟
مشكلة البنات اللي يتربون أول حياتهم مع رجال ..
ثم فجأة يصيرون حريم .. وفجأة لازم تتغطى .. وفجأة لازم تجلس معهن ..
هنا يجي الإشكال ..
،
عموماً مو لازم البنت تتغنج بالمنتديات مشان ينقال عنّها إنها يآي وكيوت ومش عارفة ايش ..
،

هاتوا ورقة أبصم لكم إن قتو أنثى بقوة وبشدة ..

[مستقل]

اقتباس:  المشاركة الأصلية كتبت بواسطة دِيم     تدري وش المشكل يا المستقل ..؟ مشكلة البنات اللي يتربون أول حياتهم مع رجال .. ثم فجأة يصيرون حريم .. وفجأة لازم تتغطى .. وفجأة لازم تجلس معهن .. هنا يجي الإشكال .. ، عموماً مو لازم البنت تتغنج بالمنتديات مشان ينقال عنّها إنها يآي وكيوت ومش عارفة ايش .. ، هاتوا ورقة أبصم لكم إن قتو أنثى بقوة وبشدة ..

هل افهم انها تطبعت بصفات الذكور ؟؟ ام انني فهمت خطأ

[إيثــــار]

اقتباس:  المشاركة الأصلية كتبت بواسطة قـتـالـه     من خلال موضوعتس يالعزوه ابي لروحي حل استوحدت وابغضت مجالس النسوه ابي علوم غانمه وقل نغر ابي احد يحاور عقلي القتالي قبل يجول ببصره على شنطتي وساعتي وجوالي ولوين واصله تنورتي سالفتنا الرجل والحموله وعمليات التجميل وشفط الكرشه اي والله قاعده مع حريم المعول الوحده راتبها اربعتلاف وعليها كل المصاريف وتهايط علي بالتجميل وشناط كريستيان ديور هه هآآآآبوتس حاله

ولك اخ اخ اخ
ياقتاله
العالم صارت اهم ماعليها المظاهر
واللي يقهرك اذا طقيتي زينك نغرو منك وحسدوك وطنشوك مايبونك تمشين معهم يقارنون الناس بينك وبينهم
وان رحتي بكل بساطه طنشوك ولايبون يمشون معك او يجلسون جنبك لانك تفشلين
اه اه بس ياقلبي
وان قلتي خل اجلس مع العجز ارحم لي
قالوا ايه تلصق تبي هالعجز يخطبونها لعيالهم
وان مارحتي خير شر قالوا ايه اكيد طايحه لها في بلا ملهيها عنا

وين ايام زمان وينها؟

وش السوات ودي نرجع زي اول فيه امل ؟

نفسي وحده تقولي وش اخبارك من قلبها
بدل وين مصلحه مكياجك

شكرا لك ياديم

[دِيم]

اقتباس:  المشاركة الأصلية كتبت بواسطة إيثــــار     ولك اخ اخ اخ ياقتاله العالم صارت اهم ماعليها المظاهر واللي يقهرك اذا طقيتي زينك نغرو منك وحسدوك وطنشوك مايبونك تمشين معهم يقارنون الناس بينك وبينهم وان رحتي بكل بساطه طنشوك ولايبون يمشون معك او يجلسون جنبك لانك تفشلين اه اه بس ياقلبي وان قلتي خل اجلس مع العجز ارحم لي قالوا ايه تلصق تبي هالعجز يخطبونها لعيالهم وان مارحتي خير شر قالوا ايه اكيد طايحه لها في بلا ملهيها عنا وين ايام زمان وينها؟ وش السوات ودي نرجع زي اول فيه امل ؟ نفسي وحده تقولي وش اخبارك من قلبها بدل وين مصلحه مكياجك شكرا لك ياديم

العفو ستنا ايثار .. : )

[مستقل]

ما رايكم ببيت المنبي

ما عجب ان النساء ترجلت ولكن تأنيث الرجال عجيب

وقوله

ولوكان النساء كمن فقدنا لفضلت النساء على الرجال

فما التأنيث لاسم الشمس عيب ولا التذكير فخر للهلال


واذا كانت المرأه لبوه وتزوجت بأسد

تتوقعون البيت حلبه مصارعه ام عش حمام !!

[دِيم]

اقتباس:  المشاركة الأصلية كتبت بواسطة مستقل     ما رايكم ببيت المنبي ما عجب ان النساء ترجلت ولكن تأنيث الرجال عجيب وقوله ولوكان النساء كمن فقدنا لفضلت النساء على الرجال فما التأنيث لاسم الشمس عيب ولا التذكير فخر للهلال واذا كانت المرأه لبوه وتزوجت بأسد تتوقعون البيت حلبه مصارعه ام عش حمام !!

أؤيد ..

المرأة المفروض تكون .. رجل بمواقفهـآ .. ووعودها .. وحتى ( بعدها )
لكن أمام رجلها .. تصير أنثى كاملة يالمستقل .. : )

^^ هذا إن رضينَ بعض المناصرات للمرأة أن هناك صفات تختص ب الرجال دون النساء .. *_*

[يوسف ناصر]

وأخير سنطوي صفحه ..
ونفتح صفحه جديده
برامج جديده
تنظيم جديد
ربما يكون القادم اسوء
ولكن التغيّر مطلب ..

[دِيم]

اقتباس:  المشاركة الأصلية كتبت بواسطة يوسف ناصر     وأخير سنطوي صفحه .. ونفتح صفحه جديده برامج جديده تنظيم جديد ربما يكون القادم اسوء ولكن التغيّر مطلب ..

صحيح .. : )

والمحظوظ من استغل وقته بما يفيد ..


حياك

[عزف الحقيقة]

الله يهديك ياقتاله

ديم اختنا ونمون عليه وحبيت بس اعرف

المطلوب بالظبط رغم انه الحساسية الدائمة بين الأخت

وزوجة الأخ

[رايق دايم]

احمدي ربك ياديم على نعمه التي لا تحصى .
أمن وأمان وشبعانه وتعانين من الراحه والإستجمام وتعانين من كل شيء حلو يتمناه أي إنسان .
تصدقين ودي أروح فيك أنتي وقتاله للصومال واجدعكن هناك شهر بعشة وسط الصحراء مع آلاف الصوماليين والصوماليات علشان تعرفن مقدار النعمه اللي بين إيديكن .

تخيلي إنك أنتي اللي بالصوره ومو طبعا قصدي شكلها بل معاناتها :

[دِيم]

اقتباس:  المشاركة الأصلية كتبت بواسطة رايق دايم     احمدي ربك ياديم على نعمه التي لا تحصى . أمن وأمان وشبعانه وتعانين من الراحه والإستجمام وتعانين من كل شيء حلو يتمناه أي إنسان . تصدقين ودي أروح فيك أنتي وقتاله للصومال واجدعكن هناك شهر بعشة وسط الصحراء مع آلاف الصوماليين والصوماليات علشان تعرفن مقدار النعمه اللي بين إيديكن . تخيلي إنك أنتي اللي بالصوره ومو طبعا قصدي شكلها بل معاناتها :

طيّب وأنت لا تاكل ولا تشرب .. مشان تحس بأخواننا في الصومال ..


مشكلتنا نخلط الأمور ببعض ..
يعني عادي المصلّي يصلّي ويبكي من خشية الله ..
ثم يطلع يضحك مـع أطفاله ..
يعني نقوله لا تضحك معهم حرام أنت توك تبكي من خشية الله ...؟

+ زواجات النسوان ومجالسهن فيهن من الخسران والبلاء مالله به عليم ..
وأنا أتبعد لله ببغض تلك المجالس ..
عآدي ..؟

[دِيم]

اقتباس:  المشاركة الأصلية كتبت بواسطة عزف الحقيقة     الله يهديك ياقتاله ديم اختنا ونمون عليه وحبيت بس اعرف المطلوب بالظبط رغم انه الحساسية الدائمة بين الأخت وزوجة الأخ

عادي خوذوا راحتكم ..
دام الأفكار خرجت من مخ الكاتب ..
ف من حق الكل يناقش ..
ومن حق الكاتب أن ينظم المسار ..